Закрыть

Выберите свой город

Закрыть

Лячыць у комплексе і цела, і душу

Лячыць у комплексе і цела, і душу

Старшыня райвыканкама В. С. Гутараў, начальнік упраўлення аховы здароўя Віцебскага аблвыканкама Ю. М. Дзеркач і галоўны ўрач Пастаўскай ЦРБ У. М. Чакавы.

9 кастрычніка, напярэдадні Сусветнага дня псіхічнага здароўя, у Паставах адкрылася новае структурнае падраздзяленне цэнтральнай раённай бальніцы — цэнтр псіхічнага здароўя. Ён размясціўся ў будынку наркалагічнага аддзялення па вуліцы Вакзальнай.

Гэты будынак быў узведзены яшчэ ў 70-ыя гады мінулага стагоддзя, і раней у ім знаходзіўся медвыцвярэзнік. Калі яго закрылі, памяшканне перадалі на баланс ЦРБ. Дзякуючы раённай уладзе і ўпраўленню аховы здароўя аблвыканкама, якія ініцыіравалі стварэнне цэнтра і выдзелілі грошы на яго, а таксама ДКУАБП “Рассвет Пастаўскі”, прадпрыемству меліярацыйных сістэм, Варапаеўскаму ДАКу і заводу “Паставымэбля”, самім медыкам, будынак непазнавальна змяніўся як звонку, так і ўнутры. Павялічылася яго плошча, з’явіліся неабходныя камунікацыі, утульныя палаты і пакой адпачынку, санвузлы з новай мэбляй і сантэхнікай, медыцынскія кабінеты і іншыя спецыяльныя памяшканні.

У пачатку года тут пачало работу наркалагічнае аддзяленне на 15 ложкаў, дзе пралячыліся ўжо каля 160 жыхароў раёна. Пазней адкрыліся медыка-сацыяльны блок для хворых з псіханеўралагічнымі захворваннямі, кабінеты псіхолага і псіхатэрапеўта (ён працуе як з дарослымі, так і з падлеткамі), медыка-сацыяльнай рэадаптацыі, перадрэйсавых аглядаў і іншыя.

На адкрыццё цэнтра псіхічнага здароўя сабраліся ўсе, хто меў і мае да яго дачыненне. Прыехаў таксама начальнік упраўлення аховы зда­роўя Віцебскага аблвыканкама Ю. М. Дзеркач. Вітаючы гасцей, галоўны ўрач Пастаўскай ЦРБ У. М. Чакавы адзначыў:

— Сёння мы адкрываем не проста будынак, а функцыянальны цэнтр, які аб’яднаў многія кабінеты, што працуюць у паліклініцы і стацыянары. Яго задача — палепшыць дэмаграфію на Пастаўшчыне, бо 50 працэнтаў насельніцтва раёна, якое памірае ў працаздольным узросце, мае алкагольную залежнасць. Алкагалізм — таксама частая прычына суіцыдаў.

Выказаўшы ўпэўненасць у тым, што праект будзе садзейнічаць павышэнню паказчыка здароўя ў раёне, Уладзімір Мі­калаевіч падзякаваў усім, хто прыняў у ім ­удзел, і ўручыў Ганаровую грамату ЦРБ пазаштатнай загадчыцы псіханаркалагічнага аддзялення Ж. П. Паповай, Па­дзякі — свайму намесніку па медыцынскай частцы Л. В. Сямёнавай, райпедыятру З. Р. Шчалкун, псіхолагу А. Л. Кузьміновай, а таксама дырэктару ТЦСАН Д. І. Пякарскай, начальнікам РАУС А. М. Гарусу і ад­дзела адукацыі, спорту і турызму райвыканкама А. Я. Кашырыну, з якімі медыкі цесна супрацоўнічаюць.

— Здароўе чалавека мае розныя аспекты. Камусьці трэба лячыць сэрца, камусьці — іншыя органы. А ў многіх людзей па розных прычынах з’яўляецца неабходнасць звярнуцца да нарколагаў. Мы ведаем нямала прыкладаў, калі ім удаецца вывесці пацыентаў са стану, у якім тыя апынуліся, і разумеем, наколькі важна менавіта стацыянарнае лячэнне. У некаторай ступені гэта пілотны праект, паколькі зараз медвыцвярэзнікі ў маленькіх гарадах закрываюцца, — сказаў старшыня райвыканкама В. С. Гутараў.

— Тое, што сёння робіцца на Віцебшчыне, — вельмі важна, — адзначыў начальнік упраўлення аховы здароўя Віцебскага аблвыканкама Ю. М. Дзеркач. — Мы забяспечваем даступнасць насельніцтву любога віду дапамогі. Цэнтр псіхічнага здароўя — своеасаблівы сімбіёз супрацоўніцтва праваахоўных органаў і медработнікаў для сумеснага аказання дапамогі тым, хто мае схільнасць да ўжывання алкаголю. Пры гэтым чалавек застаецца ў прывычным для яго асяроддзі, захоўвае сям’ю і дзяцей, якіх мае магчымасць у далейшым выхоў­ваць. Думаю, гэты праект будзе запатрабаваны і вывучаны ў рэспубліцы.

Сярод запрошаных на адкрыццё цэнтра былі настаяцель храма Свяціцеля Мікалая Цудатворца ў г. Паставы айцец Валерый і ксёндз-пробашч пастаўскага касцёла Анджэй, якім таксама далі слова. Яны акцэнтавалі ўвагу на неабходнасці лячыць не толькі цела чалавека, але і яго душу, паабяцалі ў гэтым сваю дапамогу (плануецца, што святары будуць частымі гасцямі тут) і выказалі спа­дзяванне, што цэнтр стане пачаткам духоўнага жыцця для тых, хто пакутуе ад алкагольнай і наркатычнай залежнасцей. Айцец Валерый падарыў новаму структурнаму падраздзяленню ЦРБ абраз Маці Божай і асвяціў памяшканні наркалагічнага аддзялення. А затым прысутныя пазнаё­міліся з умовамі лячэння ў ім.

Лячыць у комплексе і цела, і душу

Настаяцель храма Свяціцеля Мікалая Цудатворца г. Паставы айцец Валерый перадае абраз Маці Божай пазаштатнай загадчыцы псіханаркалагічнага аддзялення Ж. П. Паповай.

Лячыць у комплексе і цела, і душу

Так выглядаюць палаты цэнтра.

Алена ШАПАВАЛАВА. Фота аўтара.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Спутник планеты Земля?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

Я на рыбалку, дорогая!

Хотите узнать больше? Изображение использовано в качестве иллюстрации. Фото с сайта pixabay.com Если рядом Вилия и Вилейское водохранилище, кто же не будет целыми 21

Поставские косари победили на Чемпионате мира по сенокошению

Хотите узнать больше? Изображение использовано в качестве иллюстрации. Фото из архива kraj.by На Чемпионате мира по сенокошению, который проходил в Польше, косари из 47

Ветер, температура до +26°С и дожди – погода в Беларуси на этой неделе

Хотите узнать больше? Изображение использовано в качестве иллюстрации. Фото с сайта pixabay.com На предстоящей неделе ожидается неустойчивый характер погоды. Об этом 51

После трагедии в Молодечно убирать картошку на Поставщине помогают учителя. Школьников больше не задействуют

Хотите узнать больше? Изображение использовано в качестве иллюстрации. Фото с сайта pxhere.com В Поставском районе на уборку картофеля вместе с сельчанами выходят учителя 53

Пересесть на велосипед и больше ходить пешком. Мядель и Вилейка поучаствуют в Европейской неделе мобильности

Хотите узнать больше? Изображение использовано в качестве иллюстрации. Фото с сайта pixabay.com Молодечно и Поставы присоединились к проведению этой кампании год назад. 60

«Андрей дал мне все, что нужно женщине». История инвалида из Постав, который нашел свою любовь

Хотите узнать больше? Андрей Чепулис, его жена Алеся и мама Татьяна Васильевна. Фото с сайта vitvesti.by Жизнь Андрея Чепулиса из Постав перевернул случай: неудачно нырнув 83

Готовимся к школе вместе с магазином «Багет»

Хотите узнать больше? Готовимся к школе вместе с магазином «Багет» Меньше двух недель остается до начала учебного года – самое время купить все необходимое. Собрать 78

Как в 77 лет носить юбку с разрезом и много путешествовать. История Ванды Тюльковой из Постав

Хотите узнать больше? Ванда Тюлькова не бывает в плохом настроении. Фото портала tut.by Ванда Тюлькова не бывает в плохом настроении. На интервью пришла в кожаной юбке с 92