Закрыть

Выберите свой город

Закрыть

На лінейку станавіся!

На лінейку станавіся!

Хутка ў школах краіны празвініць першы званок, які абвесціць аб пачатку новага навучальнага года. Для хлопчыкаў і дзяўчынак пачнецца доўгае, амаль 300-дзённае падарожжа ў краіну ведаў. Наколькі яны гатовы да яго? Ці маюць усё неабходнае для вучобы? Гэта карэспандэнт “ПК” высвятляла ў пастаўскіх магазінах, якія гандлююць таварамі для школы, а таксама на базарах.

Прызнацца, зазірнуўшы на мінулым тыдні ва ўнівермаг, была здзіўлена адсутнасцю бацькоў з дзецьмі, якія цікавіліся б школьнай формай.

— Пакуль пакупнікоў у нас вельмі мала, не параўнаць з тым, што было гэтай жа парой у мінулыя гады, — гаварыла прадавец аддзела гатовага адзення Ж. Н. Пяткевіч. — Прыходзяць у асноўным паглядзець, што ёсць у наяўнасці і колькі каштуе. Лепш ідзе гандаль у выхадныя дні, калі ў магазіне скідкі. Тады і людзей больш, і купляюць часцей. Усё ж каштуе школьная форма нятанна, і не ў кожнага з бацькоў ёсць дастаткова грошай, асабліва калі ў сям’і двое-трое школьнікаў.

Аналагічным чынам абстаяць справы ў “Культтаварах”. Па словах прадаўцоў, калі летась каля прылаўка нярэдка ўтвараліся чэргі, дык сёлета такога няма. Пакупнікоў нямнога, пры тым што асартымент канцтавараў вельмі шырокі і ў параўнанні з мінулым годам яны падаражэлі зусім нязначна. На рукзакі наогул засталіся леташнія цэны. Дарэчы, іх актыўней куплялі ў ліпені.

Не так шмат школьнікаў убачыла ў мінулыя сераду і нядзелю на рынку райспажыўтаварыства. У некаторых палатках мамы з дзецьмі выбіралі абутак. А найбольш ажыўлена было каля прылаўкаў з канцылярскімі таварамі і школьна-пісьмовымі прыладамі. Там разгаварылася з Наталляй Васільеўнай Цыбулёнак. Яна завітала на рынак з дочкамі Святланай, якая пойдзе ў 11 клас, і першакласні­цай Палінай.

— Збірацца ў школу мы пачалі загадзя і ўжо практычна гатовы да вучобы. Засталося купіць вокладкі для кніг і сшыткаў, спартыўны абутак для старэйшай дачкі, малодшай — рознай драбязы, — падзялілася жанчына.

Не пуставаў таксама школьны базар, які з сярэдзіны ліпеня разгарнуўся перад універмагам. Хоць наплыву пакупнікоў у ім, як і ў іншых гандлёвых кропках, не было. Як расказала адказная за арга­нізацыю базару Н. Л. Вялічка, людзі прыглядваюцца, прыцэньваюцца, цікавяцца, ці ёсць скідкі. Дарэчы, яны тут дзейнічаюць з самага пачатку адкрыцця, прычым абсалютна на ўсё: школьную і спартыўную форму, абутак, нацельную бялізну, рукзакі, школьна-пісьмовыя прылады і канцтавары. Асартымент пералічанага неблагі, ёсць з чаго выбраць. Да таго ж прадаўцы большасць тавару дазваляюць узяць дамоў, каб спакойна прымераць, ацаніць будучую пакупку. Што не падышло, можна вярнуць або абмяняць.

Сярод наведвальнікаў сустрэла не толькі пастаўчан, але і жыхароў іншых раёнаў і нават гасцей з замежжа. Так, Жанна Станіславаўна і Дзмітрый Пятровіч Амельяновіч з дочкамі Палінай і Аляксандрай прыехалі з Мядзела.

— Гатоўнасць да школы ў нас працэнтаў на пяцьдзясят, — сказала Жанна Станіславаўна. — Трэба яшчэ купіць дзяўчынкам сарафаны, блузкі, таго-сяго іншага. Чаму шукаем усё гэта ў Паставах? Тут большы выбар, нядрэнны асартымент. Увогуле, у вашым горадзе бываем часта, бо падабаецца тут апранацца, і цэны нас задавальняюць.

Таццяна Анатольеўна і Андрэй Напалеонавіч Небрыжыдоўскія жывуць у Смаленску. У Паставах адпачываюць у родных. На базары яны прымяралі туфлі ўнучцы Алісе, якая пойдзе ў першы клас.

— Бацькі Алісу ў школу ўжо сабралі, — расказвалі яны. — Але мы са свайго боку таксама хочам прыняць удзел і зрабіць дзіцяці падарункі да 1 верасня. Толькі што купілі блузку, цяпер выбіраем туфлі. Хоць адзенне і абутак ў Расіі зараз каштуюць танней, чым у вас, спадзяёмся на беларускую якасць.

Алена ШАПАВАЛАВА. Фота аўтара.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Сколько лет в веке? (ответ числом)

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

Чтобы подать бесплатное объявление на Край.бай, просто наберите с мобильного телефона номер 133

Хотите узнать больше? Изображение использовано в качестве иллюстрации. Фото с сайта www.ivetta.ua Разместить бесплатное объявление на нашем портале стало проще. Для этого 31

Как заработать покупая?

Хотите узнать больше? Кэшбэк – современный способ заработка Еще совсем недавно любители интернет-шопинга впервые услышали о «новомодной» бонусной системе под названием 38

Дождались тепла! До +27 ожидается по западу Беларуси 20 мая

Хотите узнать больше? Изображение использовано в качестве иллюстрации. Фото с сайта pixabay.com Кратковременные дожди и грозы ожидаются в Беларуси в выходные. В субботу по 28

Сергей Чепик назначен председателем Поставского райисполкома (фото)

Хотите узнать больше? Александр Лукашенко 12 мая согласовал назначение новых руководителей местных исполнительных и распорядительных органов. Фото с сайта president.gov.by 129

Ищем супергероев в Молодечно и Сморгони!

Хотите узнать больше? Английский летний лагерь «Академия супергероев» в Молодечно Английский летний лагерь «Академия супергероев» для ребят от 8 до 12 лет начнет свою 56

Выгодные покупки. Шоп-тур в Белосток из Молодечно состоится 12 мая

Хотите узнать больше? Изображение использовано в качестве иллюстрации. Фото с сайта pixabay.com Шоп-тур выходного дня в Белосток (Польша) организует автобусный парк №4 46

Родители учеников СШ №4 в Поставах: «Помогите нам сохранить школу в том же статусе!»

Хотите узнать больше? Военно-патриотический класс СШ №4 в Поставах. Фото с сайта belchas.by В этом году поставская школа №4 отметит 50-летие. Ее «изюминка» – 64

Как теперь будет выглядеть справка для бесплатного проезда школьников в Беларуси (фото)

Хотите узнать больше? Изображение использовано в качестве иллюстрации. Фото с сайта lentaregion.ru На справках, по которым дети бесплатно ездят в общественном транспорте, 76