Закрыть

Выберите свой город

Закрыть

“Галоўнае — каб у людзей была матывацыя да аздараўлення”

“Галоўнае — каб у людзей была матывацыя да аздараўлення”

2 студзеня ў Пастаўскай цэнтральнай раённай бальніцы адкрылася наркалагічнае аддзяленне.

Зрэшты, тут і дагэтуль лячылі пацыентаў з алкагольнай залежнасцю. Урач-нарколаг на прыёме вызначаў яе ступень і назначаў лячэнне, якое праводзілася ў адным з аддзяленняў ЦРБ. Напачатку паслугай ананімнага лячэння за год скарыстоўвалася да 90 чалавек. Але паступова лічба змяншалася, і хутчэй за ўсё, з-за адсутнасці той самай ананімнасці, калі побач у палаце ляжаў ці сусед па доме, ці калега, ці іншы знаёмы.

Са з’яўленнем новага аддзялення, якое, дарэчы, знаходзіцца ў адасобленым ад самой бальніцы будынку і ў зручным месцы ў плане транспартнай даступнасці (побач з аўтавакзалам), сітуацыя павінна змяніцца.

— Арганізацыя такога аддзялення важная ў плане ўдасканалення падыходаў у аказанні медыцынскай дапамогі, — заўважае галоўны ўрач УАЗ “Пастаўская ЦРБ” Уладзімір Мікалаевіч Чакавы. — Ініцыятыва належыць райвыканкаму, і мы ўдзячны за дапамогу і падтрымку. Пасля таго, як памяшканне былога медвыцвярэзніка было перададзена на баланс ЦРБ, мы ўзяліся за яго бягучы рамонт. Генпадрадчыкам на аб’екце выступала АБП “Рассвет Пастаўскі”, да выканання работ прыцягваліся і іншыя прадпрыемствы. Удзячны Варапаеўскаму дрэваапрацоўчаму камбі­нату за пастаўленую мэблю. Аказвалася і спонсарская дапамога. Многія віды работ выконвалі сваімі сіламі, і гэта патанніла рамонт. Аб’ект каштаваў бы намнога даражэй, калі б гэта было новае будаўніцтва або рэканструкцыя ці мадэрнізацыя.

Умоўна памяшканне можна раздзяліць на два блокі — медыка-сацыяльны (сюды змогуць паступаць пацыенты, якія патрабуюць сацыяльнай абароны, і ў перспектыве ён можа быць разлічаны на 10 месцаў) і наркалагічны. У штатным раскла­дзе — стаўка ўрача-псіхіятра-нарколага, 4 паставыя медсястры, старшая медсястра (яна ж і псіхолаг), 5 санітарак, сястра-гаспадыня. Канчаткова неабходнасць колькасці штатных адзінак будзе вызначана аб’ёмам аказаных паслуг па выніках за першы квартал. Акцэнт у аддзяленні ўжо зараз скіраваны на тое, каб яго работнікі мелі другасную спецыялізацыю, таму што аддзяленне не заўсёды можа быць запоўнена наркалагічна хворымі. У такіх выпадках аб’ёмы работы закрываюцца за кошт экспертызы перадрэйсавых аглядаў вадзіцеляў, і гэта ўжо мае месца.

— Такіх аддзяленняў пры цэнтральных раённых бальніцах у вобласці няма, — працягваў У. М. Чакавы. — Мы працуем у рамках пілотнага праекта. За кароткі тэрмін практычна ўсё адладжана, праблем пакуль  няма. Будзем працягваць закупліваць абсталяванне і рацыянальна фарміраваць штатны расклад, і ўсё гэта ў тым ліку і за кошт прыцягнення пазабюджэтных сродкаў. Цяпер галоўная задача — забяспечваць міжведамаснае ўзаемадзеянне, пераемнасць у аказанні дапамогі, маніторынг залежных паводзін і сучасныя падыходы ў лячэнні і рэабілітацыі алкагольнай залежнасці.

У аддзяленні 15 ложкаў. Пяць з іх — кругласутачнага знаходжання, яшчэ пяць — дзённага стацыянара і апошнія пяць — рэабілітацыйныя і медыка-сацыяльныя. На кругласутачных пацыенты атрымліваюць дапамогу па вывядзенні з запою. Дзённы стацыянар разлічаны на пацыентаў з наркалагічнымі праблемамі, але яны могуць хадзіць на работу і прыходзіць у аддзяленне ў любы час, атрымліваць таблеціраваныя формы лячэння. Лячэнне платнае, у тым ліку і для тых, на каго распаўсюджваецца прыгавор суда Пастаўскага раёна аб прымусовым лячэнні ад алкагалізму. На рэабілітацыйных ложках будуць праходзіць рэабілітацыю асобы без пэўнага месца жыхарства з наркалагічнай залежнасцю.

— Вельмі важны момант — дыспансерызацыя, — уключаецца ў размову загадчыца аддзялення Жанна Пятроўна Папова. — У адным з кабінетаў устаноўлены апарат для кадзіравання. Будзем прымяняць новыя тэхналогіі, усе намаганні скіроў­ваць на тое, каб чалавека вырваць з алкагольнай залежнасці. Разлічваем, што тыя 50 працэнтаў, якія раней адмаўляліся ад лячэння з-за адсутнасці ананімнасці, вернуцца. Прымусіць чалавека не магу, назначэнне і лячэнне праводзяцца з яго згоды. Але я абавязкова папярэджваю аб тым, як ацэньваю сітуацыю з яго наркалагічнай праблемай і які можа быць фінал, калі не прыняць кардынальных мер. Пацыент дае згоду — ставім кропельніцу. Затым прапаную амбулаторна-ананімнае лячэнне: выпісваю рэцэпты, даю кантактны тэлефон і папярэджваю: “Пажадаеце — прыходзьце”. Галоўнае, каб у саміх людзей была матывацыя да аздараўлення.

Дапамога ў наркалагічным аддзяленні шматгранная, магчыма, для многіх яна пакуль незразумелая. З часам, як запэўніў У. М. Чакавы, аддзяленне можа стаць функцыянальным цэнтрам псіхічнага здароўя.

Галіна ПІШЧ.

Падказка першая

Каб атрымаць неабходную медыцынскую дапамогу ў наркалагічным аддзяленні, неабходна прыйсці ў Пастаўскую райпаліклініку на прыём да ўрача-псіхіятра-нарколага і расказаць пра свае праблемы. Далейшы шлях такі: у прыёмным пакоі праводзіцца агляд, заводзіцца гісторыя хваробы пацыента, назначаецца абследаванне, эканамісты налічаць неабходную для платы суму (у сярэднім 183 тысячы рублёў за дзень). Пасля гэтага пацыента накіроўваюць у аддзяленне.

Падказка другая

Наркалагічнае аддзяленне Пастаўскай ЦРБ знаходзіцца ў Паставах, па вуліцы Вакзальнай, 31 “В”. Больш поўную інфармацыю можна атрымаць па тэлефоне аддзялення 4-11-80 або пазваніўшы ў кабінет нарколага па нумары 4-11-49.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Сколько лет в веке? (ответ числом)

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

Я на рыбалку, дорогая!

Хотите узнать больше? Изображение использовано в качестве иллюстрации. Фото с сайта pixabay.com Если рядом Вилия и Вилейское водохранилище, кто же не будет целыми 20

Поставские косари победили на Чемпионате мира по сенокошению

Хотите узнать больше? Изображение использовано в качестве иллюстрации. Фото из архива kraj.by На Чемпионате мира по сенокошению, который проходил в Польше, косари из 46

Ветер, температура до +26°С и дожди – погода в Беларуси на этой неделе

Хотите узнать больше? Изображение использовано в качестве иллюстрации. Фото с сайта pixabay.com На предстоящей неделе ожидается неустойчивый характер погоды. Об этом 51

После трагедии в Молодечно убирать картошку на Поставщине помогают учителя. Школьников больше не задействуют

Хотите узнать больше? Изображение использовано в качестве иллюстрации. Фото с сайта pxhere.com В Поставском районе на уборку картофеля вместе с сельчанами выходят учителя 52

Пересесть на велосипед и больше ходить пешком. Мядель и Вилейка поучаствуют в Европейской неделе мобильности

Хотите узнать больше? Изображение использовано в качестве иллюстрации. Фото с сайта pixabay.com Молодечно и Поставы присоединились к проведению этой кампании год назад. 60

«Андрей дал мне все, что нужно женщине». История инвалида из Постав, который нашел свою любовь

Хотите узнать больше? Андрей Чепулис, его жена Алеся и мама Татьяна Васильевна. Фото с сайта vitvesti.by Жизнь Андрея Чепулиса из Постав перевернул случай: неудачно нырнув 83

Готовимся к школе вместе с магазином «Багет»

Хотите узнать больше? Готовимся к школе вместе с магазином «Багет» Меньше двух недель остается до начала учебного года – самое время купить все необходимое. Собрать 78

Как в 77 лет носить юбку с разрезом и много путешествовать. История Ванды Тюльковой из Постав

Хотите узнать больше? Ванда Тюлькова не бывает в плохом настроении. Фото портала tut.by Ванда Тюлькова не бывает в плохом настроении. На интервью пришла в кожаной юбке с 92