Закрыть

Выберите свой город

Закрыть

“У “Ветразі” яшчэ больш палюбіла сваю прафесію”

“У “Ветразі” яшчэ больш палюбіла сваю прафесію”

Надзея Палхоўская

Загадчыца аддзялення медыцынскай рэабілітацыі АДРАЦ “Ветразь” Надзея Палхоўская на першым этапе конкурсу прафесійнага майстэрства “Шлях да поспеху” адсутнічала. Прычына была важкая — здавала іспыты на атрыманне другой кваліфікацыйнай урачэбнай катэгорыі. Тым не менш ад удзелу ў наступных двух этапах раённага спаборніцтва не адмовілася. Сёння яна прыкладвае максімум намаганняў, каб праявіць сябе годна на заключным, самым складаным, этапе.

—            Надзея, ты карэнная пастаўчанка?

—            Не, я нарадзілася ў горадзе Астравец Гродзенскай вобласці, там жа скончыла сярэднюю школу. Куды ісці далей вучыцца, пытанняў не ўзнікала — з дзяцінства марыла стаць медыкам. Гэта прафесія для нашай сям’і знакавая. Мой тата —  хірург, цёця з дзя­дзем, родная сястра і яе муж — таксама ўрачы. Пасля інтэнсіўнай падрыхтоўкі да ўступных экзаменаў паступіла на бюджэтнае аддзяленне Гродзенскага медыцынскага ўніверсітэта, на педыятрычны факультэт. Вучоба падабалася, хаця, прызнаюся, пасля працяглага жыцця ў спакойным райцэнтры было няпроста “ўліцца” ў мітуслівы рытм вялікага горада.

—            Куды была размеркавана пасля атрымання дыплома?

—            З мужам, таксама ўрачом, першыя рабочыя месцы атрымалі ў Смаргоні. Пасля заканчэння інтэрнатуры, якую прахо­дзіла таксама ў гэтым горадзе, на працягу пяці гадоў працавала ўчастковым педыятрам. Калі муж як ваенны ўрач атрымаў накіраванне ў пастаўскі шпіталь, вымушаны былі пераехаць. Шчыра скажу: для мяне гэта стала вялікім стрэсам. У Смаргоні засталіся лепшыя сябры, работа, да якой прывыкла, уласная кватэра. Цяпер, праз год, настрой іншы — больш бадзёры і апты­містычны.

—            Як сустрэлі на новым месцы работы — у АДРАЦ “Ветразь”?

—            Нават і не чакала такога цёплага прыёму. У многім дзякуючы добразычлівым адносінам калег і кіраўніцтва “Ветразя” адносна хутка асвоілася, псіхалагічна прыйшла ў сябе. Скажу больш: менавіта ў Паставах я адчула, што такое — шчасце хадзіць на работу. Яна была па душы мне і ў Смаргоні, але тут асаблівая атмасфера. Па-першае, у рэабілітацыйна-аздараўленчым цэнтры работа наладжана на вельмі высокім узроўні. Па-другое, тут дружны прафесійны калектыў. Прычым адчуваю сябе  камфортна не толькі ў кампаніі маладых, але і ўрачоў старэйшага ўзросту. Яны ўсе такія сучасныя, актыўныя, у пастаянным руху і развіцці — не перастаю захапляцца! Ну і па-трэцяе, прыемна працаваць ва ўстанове, якая ўвесь час развіваецца, дзе закупліваецца новае медыцынскае абсталяванне, укараняюцца сучасныя методыкі лячэння.

—            Якія ўражанні ад удзелу ў конкурсе “Шлях да поспеху”?

—            Для мяне адказна і ганарова абараняць гонар установы, у якой працую. Праўда, пакуль яшчэ не адчула духу спаборніцтва, таму што ўдзельнічала толькі ў другім, інтэлектуальным, этапе. Але ўжо ў пачатку снежня чакае заключны, дзе кожны з канкурсантаў прадставіць журы праграму развіцця сваёй установы. У падрыхтоўку ўкладваю нямала часу, якога, як заўсёды, не хапае. Але я люблю такі напружаны, імклівы рытм жыцця. Пра тое, што паспяваць можна многае, зразумела ў выпускным класе. Тады адначасова заканчвала музычную школу, займалася з рэпетытарамі, выконвала школьную праграму… Прыйшла да высновы, што важна граматна распланаваць свой час, і тады пад сілу вельмі многа спраў.

—            Чым займаешся ў вольны час?

—            Не так даўно з мужам купілі дачу ў вёсцы Волахі, што ля Хаціл. Шмат вольнага часу праводзім менавіта там — у нас многа задумак па яе знешнім і ўнутраным добраўпарадкаванні. Прычым настолькі захапіліся дачай, што самі ад сябе такога не чакалі. На першым часе кожную раніцу прачыналіся з адной думкай: хутчэй бы вечар, хутчэй бы ў вёску! Яна і нам, і нашаму шасцігадоваму сыну вельмі даспадобы.

Таксама люблю плаваць, таму часта наведваю басейн. З мужам і сяброўкамі хаджу ў трэнажорную залу. Не перадаць словамі, як моцна люблю лазню: кожны паход у яе — за шчасце. Паставы ў гэтым плане сталі для мяне адкрыццём — не чакала, што тут ёсць настолькі сучасныя спартыўныя аб’екты. Наогул, горад не падобны на тыя, дзе мне давялося бываць. Напрыклад, ад той жа сучаснай “шматпавярховай” Смаргоні Паставы адрозніваюцца куды больш старажытным выглядам, тут пераважае прыватны сектар. Але гэта стварае ў горадзе сваю асаблівую атмасферу.

—            Ці вабяць падарожжы?

—            Яшчэ як! Гэта “наркотык”, які зацягвае ўсё больш і больш. Люблю як замежны адпачынак (нядаўна сям’ёй адпачывалі ў Егіпце), так і паездкі па Беларусі. Муж родам з Гомельшчыны, на аўтамабілі ехаць туды гадзін шэсць, перасякаючы ўсю краіну. І кожны раз, адпраўляючыся ў дарогу, не перастаю захапляцца яе краявідамі.

—            Можаш назваць сябе шчаслівым чалавекам?

—            Так. У першую чаргу таму, што жывыя і здаровыя самыя дарагія і блізкія мне людзі. Штодня радасць прыносіць і работа. Пераканана, што калі чалавек займаецца тым, што яму сапраўды падабаецца, то будзе жаданне, натхненне рабіць іншыя справы.

—            Якія будуеш планы? Ці думаеш з часам вярнуцца ў Смаргонь?

—            Не хачу нічога планаваць, бо пераканалася на ўласным вопыце, што гэта абсалютна бессэнсоўна. Зразумела адно: трэба радавацца кожнаму дню і выкарыстоўваць любую сітуацыю, якая дорыць магчымасць раскрыць у поўнай меры свой прафесійны і творчы патэнцыял.

Іна СНЯЖКОВА. Фота аўтара.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц лета?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

Погода на неделю в Беларуси: до +36 °С, грозы, шквалистый ветер, возможен град

Хотите узнать больше? Изображение использовано в качестве иллюстрации. Фото из архива Край.бай На этой неделе в Беларуси ожидается всплеск жары, но при этом пройдут грозы, 0

Марина Коляда из Молодечно идет в цирк «SIRIUS» в Ошмянах: «Сначала муж выиграл у вас, а теперь я!»

Хотите узнать больше? Цирк-шапито «SIRIUS» с программой «Другой цирк!» выступит в Ошмянах 23 и 24 июня Цирк-шапито «SIRIUS» с программой «Другой цирк!» выступит в Ошмянах 37

И снова розыгрыш! Вы можете выиграть билет на ночной концерт Сергея Любавина «Глаза родные» в Молодечно

Хотите узнать больше? Сергей Любавин. Фото с сайта afisha.yuga.ru Ночной концерт Сергея Любавина состоится 25 июня в 00.30 в Летнем амфитеатре Молодечно. Аккомпанировать 40

Старыя лекавыя ўпакоўкі, каробачкі ад лекавых сродкаў, старадаўнія бутэлечкі. Музей аптэкі з’явіцца у Паставах

Хотите узнать больше? Музей аптэкі з’явіцца у Паставах. Фота з сайта news.vitebsk.cc Віцебскае гандлёва-вытворчае рэспубліканскае унітарнае прадпрыемства «Фармацыя» 41

В цирк-шапито «SIRIUS» в Островце идет Марина Кажура из Вилейки

Хотите узнать больше? Цирк-шапито «SIRIUS» выступит в Островце 16 и 17 июня с программой «Другой цирк!» Цирк-шапито «SIRIUS» выступит в Островце 16 и 17 июня с программой 60

Канцэрты, конкурсы і горад майстроў. Пастаўскі фестываль “Звіняць цымбалы і гармонік” пройдзе 9-11 чэрвеня (праграма)

Хотите узнать больше? Выява выкарыстана ў якасці ілюстрацыі. Фото з архіва Край.бай Асноўнымі пляцоўкамі для правядзення ХХ Міжнароднага фестывалю народнай музыкі “Звіняць 88

Чтобы подать бесплатное объявление на Край.бай, просто наберите с мобильного телефона номер 133

Хотите узнать больше? Изображение использовано в качестве иллюстрации. Фото с сайта www.ivetta.ua Разместить бесплатное объявление на нашем портале стало проще. Для этого 81

Как заработать покупая?

Хотите узнать больше? Кэшбэк – современный способ заработка Еще совсем недавно любители интернет-шопинга впервые услышали о «новомодной» бонусной системе под названием 65