Закрыть

Выберите свой город

Закрыть

На Полаччыне прэзентавалі непадцэнзурную «Ладдзю Роспачы» Караткевіча (+ фота)

На Полаччыне прэзентавалі непадцэнзурную «Ладдзю Роспачы» Караткевіча (+ фота)

12–13 мая на Полаччыне адбыўся шэраг творчых сустрэч з журналістам і паэтам Глебам Лабадзенкам, бардам Таццянай Беланогай, журналістам і літаратуразнаўцам Сяргеем Шапранам. На адной з сустрэч прысутнічала сястра Васіля Быкава Валянціна Уладзіміраўна.

У чацвер на працягу дня сустрэчы адбыліся ў гімназіі №2 Полацка і школе №2 Наваполацка, а ўвечары выступоўцы завіталі у наваполацкую бібліятэку імя Якуба Коласа.
На ўсіх сустрэчах слухачы былі эмацыйна ўзрушаныя, зацікаўленыя, актыўна ўдзельнічалі ў невялічкіх конкурсах, якія для іх ладзілі выступоўцы, за што атрымоўвалі падарункі ад кампаніі «Будзьма беларусамі» і Наваполацкай арганізацыі ТБМ.

На Полаччыне прэзентавалі непадцэнзурную «Ладдзю Роспачы» Караткевіча (+ фота)


З задавальненнем і цікаўнасцю слухалі Глеба Лабадзенку, які не толькі прэзентаваў ўнікальнае выданне аповесці Уладзіміра Караткевіча «Ладдзя Роспачы» ў непадцэнзурным выглядзе, але і расказаў шмат цікавых баек і выпадкаў з яго жыцця і вандровак. Слухачы смяяліся ўпокат.

На Полаччыне прэзентавалі непадцэнзурную «Ладдзю Роспачы» Караткевіча (+ фота)


Задуменна слухалі прысутныя песні Таццяны Беланогай на вершы Максіма Багдановіча і Яўгенні Янішчыц. Таццяна прэзентавала публіцы Полаччыны свой новы альбом «Ніткі», які яна запісала і выдала напрыканцы мінулага году.

На Полаччыне прэзентавалі непадцэнзурную «Ладдзю Роспачы» Караткевіча (+ фота)


Нечаканым для ўсіх стаўся прыезд на Полаччыну журналіста, літаратуразнаўцы і навукоўца Сяргея Шапрана, які сціпла, аднак вельмі паспяхова выступіў з прэзентацыяй двухтомніка, прысвечанага жыццёваму шляху і творчасці Васіля Быкава.
А ў пятніцу пасля вяртання з Ушаччыны творчы тандэм правёў сустрэчу са студэнтамі і выкладчыкамі Полацкага дзяржаўнага універсітэту. Яе асаблівасцю стала ўнікальная магчымасць паслухаць кранальныя і мілыя аповеды і ўспаміны пра Васіля Быкава яго роднай сястры, якія выклікалі вялікую зацікаўленасць і замілаванне аўдыторыі.

На Полаччыне прэзентавалі непадцэнзурную «Ладдзю Роспачы» Караткевіча (+ фота)


Прысутныя, тым часам, разглядалі кнігі пра Быкава, і «Ладдзю роспачы», якая некаму так спадабалася, што не вярнулася нават у рукі таго, каму належала. Глеб Лабадзенка па-філасофску паставіўся да гэтага і ўдумліва прамовіў: «Ну-у, у мяне ёсць яшчэ адна – апошняя».
Тым не менш, гасцям не хацелася з’язджаць са старажытнай Полацкай зямлі, а гаспадарам не хацелася іх адпускаць. Разышліся на тым, што яны жартаўліва-пагрозліва паабяцалі: «Мы яшчэ вернемся!»
Вядома, што вернуцца – кніжку ж забраць трэба!..
Творчыя сустрэчы былі арганізаваныя суполкай «Рубон» Наваполацкай гарадской арганізацыі Таварыства беларускай мовы імя Францыска Скарыны.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: 24 часа это - ?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?