Закрыть

Выберите свой город

Закрыть

Як зрабіць Браслаў больш прывабным для турыстаў?

Як зрабіць Браслаў больш прывабным для турыстаў?

Браслаўшчына – унікальны край, як і яе жыхары. Толькі тут можна чакаць аўтобус, назіраючы за велічнымі хвалямі Дрывят, жыць у вёсцы Яя і ехаць па вуліцы Рыбгаснай. Прыгажосць нашых ландшафтаў, колькасць і чысціня азёр даўно асацыіруюцца з добрым адпачынкам.

Піша Вячаслаў Каладынскі.

Мы жывём, не пабаюся гэтага слова, у турыстычнай сталіцы краіны. Мяркуйце самі: базы адпачынку і больш за 170 аграэкасядзіб амаль круглы год гатовыя прымаць гасцей. Па некаторых крыніцах, свае канікулы і водпускі на Браслаўшчыне праводзяць каля 30 тысяч чалавек у год, што параўнальна з агульнай колькасцю насельніцтва раёна.

Нас ведаюць далёка за межамі Беларусі. Аднак на такі стан спраў варта паглядзець і з другога боку. Уявіце на хвіліну, што Браслаўскі раён пазбаўлены сваёй галоўнай асаблівасці – азёр. Сказаць,што без іх наш край страціць сваю прывабнасць – значыць, нічога не сказаць.

Вось і атрымліваецца, што імідж зоны адпачынку наш раён атрымаў выключна за кошт эксплуатацыі прыродных бонусаў. А што зрабілі мы, каб прыцягнуць турыста?

Праблема ёсць, і пра яе гавораць даўно і на розных узроўнях. Прычым ідэі наконт стварэння турыстычна-забаўляльнай інфраструктуры досыць трывіяльныя. Так, інвестарам у розныя часы прапанавалася будаваць боулінг-клуб, парк атракцыёнаў, санаторыі і базы адпачынку. Ішлі размовы пра стварэнне музея прыроды і шмат чаго яшчэ.

Хочацца спадзявацца, што ў будучыні ўсё гэта з’явіцца на Браслаўшчыне і значна павысіць яе турыстычны рэйтынг. Аднак скарыстацца паслугамі аналагічных устаноў большасць нашых гасцей могуць і ў сябе дома.

Між тым Браслаў – горад амаль з тысячагадовай гісторыяй, паселішча, якое мае ці па меншай меры мела свае аўтэнтычныя рысы, што выгадна адрознівае яго ад многіх аналагічных райцэнтраў.

У сувязі з гэтым актуальным становіцца пытанне: ці не варта нам падкрэсліць свой заходнебеларускі менталітэт і лад жыцця, які сфарміраваўся пад уздзеяннем многіх культур і мясцовых прыродных умоў; зрабіць Браслаўшчыну сапраўды непаўторнай і цікавай не толькі ў прыродным плане, а каб людзі імкнуліся трапіць да нас і пабачыць нешта ўнікальнае, чаго нідзе больш няма.

Музей прыроды? Добра і цікава, але такія можна стварыць амаль паўсюдна, што мы і назіраем. А чаму б не арганізаваць, скажам, музей рыбалавецкай справы, якая заўсёды была прыярытэтным заняткам мясцовых жыхароў? Тым больш, што многія “экспанаты” з былога рыбнага завода ўсё адно незапатрабаваныя.

Скульптура дзяўчыны ля аўтастанцыі – прыгожа, але не адлюстроўвае сутнасці нашага азёрнага краю. Няхай бы гасцей горада сустракала русалка ці рыбак з вудай, прычым “бронзавы”. Можна не сумнявацца: такі сімвал вельмі хутка заваяваў бы сімпатыі як турыстаў, так і мясцовых жыхароў. Першыя будуць лічыць вандроўку на Браслаўшчыну няпоўнай без фота з ім, а другія хутка натруць яму нос да ззяння ў пагоні за добрай прыкметай.

Многія старыя вуліцы Браслава выбрукаваны сапраўдным каменем. Жыхары Прагі ці Вены ганарыліся б такім пакрыццём, а мы хаваем яго пад самі ведаеце які асфальт. Кавалак такой дарогі застаўся ўздоўж пагоркаў ад аўтадрома ў бок Леснічоўкі, але ён завалены смеццем. Між тым з яго можна зрабіць ціхую і ўтульную пешаходную вуліцу з усімі атрыбутамі накшталт лавачак, ліхтарыкаў, сувенірных крамаў і гэтак далей.

Вядома, гэта запатрабуе пэўных фінансавых укладанняў, але, здаецца, будзе куды танней, чым будаўніцтва, скажам, аквапарка. Ды і інвестараў чакаць не трэба – мэтанакіраваны суботнік для неабыякавых браслаўчан зрушыць справу з месца.

Недарагіх у ажыццяўленні ідэй для аздаблення Браслава на самай справе досыць многа, трэба толькі пашукаць. Незвычайныя малыя архітэктурныя формы (не бетонныя яблыкі і грушы), паўсюднае азеляненне, таблічкі з назвамі вуліц на беларускай мове і ў сярэднявечным стылі, пешаходныя пераходы, стылізаваныя пад клавішы раяля і іншыя прыгожыя дробязі зробяць наш край яшчэ больш прыгожым і сапраўды непаўторным.

Тады і турыст пяройдзе з маршрута “гатэль – пляж – гара Маяк – магазін – гатэль” на прыемныя прагулкі па вячэрнім Браславе, набудзе яшчэ адзін сувенір, яшчэ адно марожанае ці яшчэ што. Адным словам, і сам лепей адпачне, і мясцовым жыхарам прынясе карысць.

Заметили ошибку? Выделите текст, нажмите Ctrl+Enter и оставьте замечание!

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Информация
Чтобы оставить комментарий - авторизуйтесь на сайте или зарегистрируйтесь

Хотите сэкономить 30% на изготовлении кухни или шкафа-купе?

Новости Браслава

В Браславе к «Дажынкам» хотят сделать крутой пляж за почти 2,4 млн

Хотите узнать больше? Обещают оригинальные находки - зону «зыбучих песков», плавающий фонтан и плавающий… пляж. 37

Набережную озера Дривяты в Браславе благоустроят к областным «Дажынкам»

Хотите узнать больше? Всего на подготовку Браслава к проведению областного фестиваля-ярмарки тружеников села «Дажынкі-2019» направят 18 млн рублей. «2019 год – уникальный 27

В Браславе планируют построить новый санаторий

Хотите узнать больше? В Браславе для развития туристического потенциала города необходимо построить новый санаторий. Задачу по поиску инвестора для реализации 27

Появилась программа праздника традиционной культуры «Браславские зарницы – 2019»

Хотите узнать больше? Международный праздник традиционной культуры «Браславские зарницы – 2019» пройдет 1-2 июня. На протяжении двух дней на многочисленных площадках будут 34

В Браславском районе браконьеры наловили угрей и другой рыбы почти на 21 тысячу рублей

Хотите узнать больше? В браконьерском рюкзаке оказалось 15 кг рыбы, в том числе 10 особей угря, любительский лов которого запрещен. 48

Шесть новых и обновленных спортивных площадок появятся в Браславе и районе

Хотите узнать больше? Недавно на стадионе перезалужили газон, убрали ступеньки, ведущие от ул. Садовой к спортивной площадке. Это лишь часть изменений, которые планируются 31

В Браславском районе Toyota при обгоне врезалась в МАЗ

Хотите узнать больше? В результате ДТП водитель легковушки получил травмы различной степени тяжести и был госпитализирован. 146

В Браславском районе 17-летняя бесправница на Audi едва не вылетела в реку. Спасли деревья

Хотите узнать больше? В агрогородке Друя Браславского района 27 марта несовершеннолетняя бесправница на Audi-100 врезалась в дорожный знак и едва не свалилась в реку. 116