Закрыть

Выберите свой город

Закрыть

Прыйшла бяда, адкуль не чакалі

3 жніўня, Жодзіна, ст-н “Тарпеда”, 1350 гледачоў, суддзя – В. Панчанка (Магілёў), “Тарпеда-БелАЗ” (Жодзіна) – “Славія” (Мазыр) – 0:1. Гол 25 хв, Лапцеў – 0:1.

“Тарпеда-БелАЗ”: Хамутоўскі, Чалядзінскі, Чараднічэнка, Сучкоў (58 хв, Міняна), Селява, Глеб (46 хв, Яцкевіч), Лявіцкі (72 хв, Гезалян), Шчагрыковіч, Казлоў, Ерхан, Казанцаў.

Здавалася, перад гэтым матчам для тарпедаўцаў усё складавалася добра. Яны адчулі прыемны смак перамог, ды не адной, а трох запар, да таго ж чарговы сапернік, мазырская “Славія”, яшчэ не атрымала ў гэтым сезоне ні адной “вікторыі” ў гасцях. Ведалі гэта футбалісты, ведалі і прыхільнікі аўтазаводцаў.

Толькі вось працягу пераможнай серыі не атрымалася, і вінаватыя ў гэтым самі футбалісты і трэнерскі штаб. Бо, забягаючы наперад, гульцы гасцей нічым асаблівым не здзівілі. Не, яны дзейнічалі надзейна, самааддана, выконвалі трэнерскую ўстаноўку, але не больш. Індывідуальнае майстэрства жодзінцаў было вышэй, але ператварыць яго ў нешта матэрыяльнае нашы землякі не здолелі.

Стартавы склад аўтазаводцаў здзівіў многіх гледачоў на трыбунах жодзінскага стадыёна, бо аматары футбола прадказальна чакалі выхада на поле з першых хвілін не толькі іспанскіх легіянераў, якія спадабаліся ўсім па кубкавай гульні, але і яшчэ аднаго навічка “чорна-белых” – нападаючага Норайра Гезаляна. Гэты гулец маладзёжнай сборнай Арменіі ў мінулым сезоне з 22 мячамі стаў лепшым бамбардзірам чэмпіяната сваёй краіны. А вось дазаяўлены літаральна на днях шматвопытны галкіпер Васіль Хамутоўскі адразу быў кінуты ў бой.

За першыя сорак пяць хвілін сапернікамі было створана два галявых моманты, па аднаму на каманду. Матч пачаўся з невялікіх хуткасцей, футбалісты яўна чакалі памылак апанентаў. Першымі свае аргументы прадэманстравалі аўтазаводцы. На магутны стрэл здалёк рашыўся Аляксей Сучкоў, але яго ўдар прыняла папярэчына варот. А вось мазыране свой адзіны рэальны шанец выкарысталі. Ірха зрабіў дакладную перадачу з правага фланга на супрацьлеглы, дзе аказаўся забыты тарпедаўцамі Яўсеенка. Васіль Хамутоўскі здолеў ліквідаваць пагрозу, а вось супраць дабівання Лапцева наш галкіпер аказаўся бяссільны. Тут не можа не ўзнікнуць пытанне: чаму абаронцы жодзінцаў не здолелі перашкодзіць нападаючаму гасцей. Адкрыўшы лік, “Славія” пачала дзейнічаць у абароне яшчэ большымі сіламі, а, як мы ўжо ведаем, для нашых футбалістаў “узламаць такія рэдуты” з’яўляецца часта невырашальнай задачай.

Другі тайм гледачы і заўзятары “Тарпеда-БелАЗ” з надзеяй чакалі пералома гульні, але асабіста мне цяжка ўзгадаць хоць адзін рэальны шанец нашых землякоў, каб яны змаглі адыграцца. Толькі адзначу, што промень света бліснуў, калі на поле выйшаў Хасэ Луіс Міняна. Дзеянні нашага іспанскага паўабаронцы не раз выклікалі апладысменты на трыбунах, але адзін ў полі не воін. Вось так у гульні, дзе ўсе рэзонна разлічвалі на перамогу, атрымалася крыўдная “абаранка”.

А табліца пасля 19 тура выглядае наступным чынам:

Дублёры ж “Тарпеда-БелАЗ” паквіталіся за старэйшых партнёраў і свой матч выйгралі 1:0. Вызначыўся ударам праз сябе Яўген Пракопчык.

Цяпер аўтазаводцаў чакае выезд у Бабруйск, дзе яны 10 жніўня сустрэнуцца з мясцовай “Белшынай”. На сваім поле аўтазаводцы згуляюць у нядзелю, 18 жніўня, з гродзенскім “Нёманам”.

Сяргей Пузанкевіч

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация
Чтобы написать комментарий вам нужно авторизоваться или зарегистрироваться

Обращались ли вы за помощью в милицию?

Новости Жодино

В Жодино продолжается вакцинация против COVID-19

Хотите узнать больше? Вакцинация медиков, учителей и социальных работников в стране началась еще в середине января. Мы побывали в городской больнице, где в это время пяти

Бронзовые медали завоевали жодинские дзюдоисты на республиканском турнире

Хотите узнать больше? Республиканский турнир по дзюдо среди девушек 2010-2011 и 2006-2007 годов рождения провели в Минске. Бронзовые медали завоевали воспитанники СДЮШОР

Председатель горисполкома встретился с коллективом политехнического колледжа

Хотите узнать больше? COVID-19, строительство жилья и соцобъектов, благоустройство – эти вопросы поднимались на встрече председателя Жодинского горисполкома с коллективом

Торпедовцы сыграли первый матч в новом году

Хотите узнать больше? В понедельник в Жодино стартовал традиционный зимний турнир по футболу «Белазовец». На этот раз участие в нем принимают сразу восемь команд: в первой

С 1 февраля вырастет размер детских пособий

Хотите узнать больше? В Беларуси с 1 февраля вырастет размер детских пособий и некоторых других социальных выплат в связи с увеличением бюджета прожиточного минимума

В Жодино ежедневно ведется пожарно-профилактическая работа

Хотите узнать больше? В зимний период увеличивается количество пожаров, большая часть которых приходится на частный жилой сектор. Причины остаются неизменными –

В Жодино в рамках диалоговой площадки встречались представительницы ОО «Белорусский союз женщин»

Хотите узнать больше? В городской библиотеке в рамках диалоговой площадки встречались представительницы городской организации ОО «Белорусский союз женщин».

В Жодино началась вакцинация «Спутником-V»

Хотите узнать больше? Как сообщила главный врач ЦГБ Татьяна Никифорова, в Жодино доставлено 50 доз российской вакцины от коронавируса «Гам-Ковид-Вак» («Спутник-V»). В