Закрыть

Выберите свой город

Закрыть

Жывы скарб Гурнофельскага возера

Жывы скарб Гурнофельскага возера


Леанід Эдвардавіч Габіс пра рыбу, здаецца, ведае ўсё. Будучы заатэхнікам-рыбаводам па прафесіі і заўзятым рыбаком па прызванні, ён ужо на працягу трох гадоў “апякае” Гурнофельскае возера.
– Працую тут з тае пары, як ААТ “Васілішкі” узяло ў арэнду гэты вадаём і занялося рыбаводствам на вытворчай аснове, – распавядае Л.Э.Габіс. – Апошні раз возера зарыблялі паўтара года таму. Больш за 5 тон пасадачнага матэрыялу запусцілі: двухгадовых карпаў ды карпаў-гадавічкоў, малькоў таўсталобіка і амура. А зараз вось “ураджай пажынаем”.

 

Спушчанае возера проста кішыць рыбай. Гэта пры тым, што тут яе здабываюць для гандлю ўжо цэлы месяц. Рабочыя-рыбаводы ставяць на мелкаводдзі жалезныя садкі і сачкамі літаральна зачэрпваюць таўсталобікаў ды карпаў, нібыта з акварыума. І хоць работа такая не з лёгкіх, атрымліваецца гэта ў мужчын спрытна ды адмыслова. Не пакладаючы рук працуюць С.М.Зонь, І.С. Ташхаджаеў, А.Ю.Кічко, Ю.Ю.Сідарэнкаў, Ю.Ю.Утаўка.

Жывы скарб Гурнофельскага возера


Рыба ў Гурнофельскім возеры, скажу я вам, вырасла на славу – вага кожнай у сярэднім па кілаграмы два. Кажуць, трапляюцца і сапраўдныя веліканы, да прыкладу, 10-кілаграмовыя шчупакі альбо … 20-кілаграмовыя карпы.
– Гэтая ўжо з кагорты рыб-абарыгенаў, якія нарадзіліся на гэтым возеры, – смяецца Леанід Габіс. – Але і вырашчаныя радуюць сваёй вагой і хутка разыходзяцца з гандлёвай вітрыны. Рыба ў нас вельмі смачная, бо вада тутэйшая на дзіва чыстая, што, дарэчы, пацвярджаюць і лабараторныя аналізы, якія бяруцца рэгулярна.
Тут жа, на беразе, стаіць і спецыялізаваная машына, ў якую рабочыя грузяць “жывое серабро возера”. Вадзіцель Генадзій Герасімовіч і прадавец Кацярына Федасевіч ужо праз некалькі гадзін даставяць свежую рыбу да пакупніка.
– З поспехам прадавалі яе на восеньскіх кірмашах у Шчучыне і Гродне, а цяпер возім у свой аграгарадок. Васілішкаўцы з задавальненнем купляюць.

Жывы скарб Гурнофельскага возера


Смачна і карысна! Паглядзіце на тавар, па-мойму ў рэкламе ён нават не мае патрэбы – настолькі спакушальны!
З Кацярынай нельга не пагадзіцца, тым больш, што пакупнік тут як тут. Пенсіянер з суседняга Касцянева Іосіф Юсцінавіч Панасевіч за тры таўсталобікі-веліканы адлічвае 95 тысяч рублёў. Кошт рыбы з ААТ “Васілішкі” складае 14 850 рублёў за кілаграм. Іншыя гаспадаркі рыбу-драбязу па такой цане імкнуцца рэалізаваць, а тут, як кажуць, возьмеш у руку – маеш харч!
– Рыбу мы кормім збожжаадходамі, камбікормам, сіласам уласнага гатунку, – дзеліцца заатэхнік-рыбавод. – Расце яна ў нас хутка, сабекошт атрымліваецца невысокі. Што і казаць, выгадны напрамак узяло наша аграпрадпрыемства.

Жывы скарб Гурнофельскага возера


Як нам расказала эканаміст гаспадаркі Людміла Мікалаеўна Вярцінская, мяркуецца да канца сезона здабыць у Гурнофельскім возеры 10 тон рыбы. Дарэчы, шэсць тон ужо вылаўлена і рэалізавана. Выручка склала каля 89 мільёнаў рублёў.
– А прыплюсуйце яшчэ 68 мільёнаў з хвосцікам, якія мы выручылі за продаж білетаў рыбакам. Прыязджаюць у Гурнофель на рыбалку не толькі з усяго раёна, але і ўвогуле з Гродзеншчыны, з Міншчыны. Летам у выхадны на беразе возера збіраецца пад сотню рыбакоў-аматараў, – з гонарам за тутэйшыя мясціны гаворыць Л.Э.Габіс. – І для сваіх, мясцовых рыбакоў, мы выдзелілі плошчы для рыбалкі. Ніхто не ў крыўдзе...
Між іншым, на васілішкаўскіх “Дажынках” падчас святочнай латарэі разыгрываліся 20 білетаў на рыбалку. Мужчыны засталіся вельмі задаволенымі выйгрышам.
Даведаліся мы, што зімовая рыбалка на гэтым возеры – бясплатная, што пасля заканчэння сезона возера зноў напоўняць вадой і запусцяць малькоў.
Зразумела, што і без праблем не бывае ў рыбаводстве. І найпершая з іх – браканьерства. Рыбаводы нясуць сваю нялёгкую службу і днём, і ўначы. Возера любіць парадак. А тыя, хто ігнаруе яго, могуць і на лаве падсудных апынуцца. І стане тады рыбка залатою: прыйдзецца выкласці на штраф столькі, што лепш не парушаць закон. Але гэта ўжо зусім іншая гісторыя…

 

 

Жывы скарб Гурнофельскага возера

 

Жывы скарб Гурнофельскага возера

 

 

Сяргей НАВАДВОРСКІ.
Фота Аляксандра КАСПЕРЧУКА.

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация
Чтобы написать комментарий вам нужно авторизоваться или зарегистрироваться

Обращались ли вы за помощью в милицию?

Новости Щучина

В Щучинском районе непристегнутый ребенок получил тяжелые травмы при столкновении Peugeot и VW

Хотите узнать больше? Мальчик находился на заднем сиденье авто без детского удерживающего устройства и не был пристегнут ремнем безопасности.

В Щучинском районе Audi врезалась в дерево, погибла беременная женщина

Хотите узнать больше? Авария произошла 2 ноября около 9 часов утра. На 3-м километре дороги Желудок - Кукини автомобиль Audi съехал на правую по ходу движения обочину и

Под Щучином несколько раз перевернулся Renault: водитель погиб

Хотите узнать больше? Водитель не справился с управлением автомобиля на закруглении дороги.

Рабочий, отравившийся газами в колодце в Щучине, умер. На его начальника завели дело

Хотите узнать больше? Один из рабочих, которые откачивали воду в колодце и отравились канализационными газами, умер в реанимации.

В Щучине рабочие отравились газом в канализационном колодце. Доставали их оттуда спасатели

Хотите узнать больше? В Щучине двое мужчин откачивали воду в канализационном люке. Один из них потерял сознание, а второй, почувствовав слабость, стал звать на помощь.

Самолеты, помидоры и фокусы. Куда сходить в Гродно (и не только) в выходные

Хотите узнать больше? В выходные в Гродно можно будет посмотреть на юных претендентов на звание мини-мисс и мини-мистер, сходить на выставку фокусов, а если хочется

Новости Беларуси