Закрыть

Выберите свой город

Закрыть

Ашмянскія паэты наведалі Залессе

У свеце шмат мясцін, якія валодаюць прыцягальнай, магічнай сілай. Яны вабяць да сябе, на падсвядомым узроўні прымушаюць душу хінуцца да іх зноў і зноў. Для людзей з тонкім унутраным станам яны – крыніца творчага натхнення і азарэння. Успомніце хаця б, якім узрушэннем стала для Пушкіна Болдзіна і наколькі пладавітым быў для яго гэты перыяд.

Ашмянскія паэты наведалі Залессе

У Беларусі такім незвычайным магнітызмам надзелена Залессе – чароўны куток Смаргоншчыны, з якім звязаны жыццё і дзейнасць кампазітара, музыканта і дыпламата Міхала Клеафаса Агінскага. І хаця сам кампазітар ніколі не лічыў сябе прафесіяналам у музыцы, разам з нізкай мазурак і ўрачыстых маршаў ён пакінуў нам неўміручы “Паланэз соль мінор”, шэдэўр на вякі, які і сёння гучыць у шатах залескага парку і суправаджае шматлікіх наведвальнікаў адноўленай сядзібы земляка. У Залессі Агінскі мацаваў славу беларускага музычнага мастацтва, спалучаючы ў музыцы творчы ды патрыятычны пачаткі.

Сёлета, у гонар 250-годдзя з дня нараджэння кампазітара, у год, абвешчаны Сусветнай арганізацыяй ЮНЕСКА Годам Міхала Клеафаса Агінскага, у музеі ўрачыста адчынілася экспазіцыя. “Паўночныя Афіны” ізноў, як і пры Агінскім, становяцца своеасаблівым цэнтрам мастацтва і аказваюць істотны ўплыў на станаўленне маральных ідэалаў Смаргонскага краю, Гродзеншчыны, усёй Беларусі. Намаганнямі супрацоўнікаў музея тут ладзяцца выставы мастакоў, арганізуюцца сустрэчы з творчымі людзьмі і краязнаўчыя канферэнцыі. Вялікую цікавасць выклікаюць у наведвальнікаў музея тэатралізаваныя экскурсіі, праз якія вяртаецца да нас эпоха Агінскага. Часты госць у Залессі Міхаіл Фінберг са сваім калектывам. У тэатральна-музычнай зале гаспадарыць Мельпамена: з пастаноўкамі прыязджае сюды Мінскі абласны драматычны тэатр. А яшчэ тут ладзяцца сапраўдныя балі: пад музыку кампазітара кружацца ў танцы ў шыкоўных сукенках паненкі са сваімі кавалерамі.

Ашмянскія паэты наведалі Залессе

У творчы вір трапілі і мы, удзельнікі літаратурнага аб’яднання пры рэдакцыі ашмянскай раённай газеты. На літаратурную імпрэзу запрасілі нас навуковы супрацоўнік музея, наша зямлячка Таццяна Кляшчонак і сябра Саюза пісьменнікаў Беларусі, смаргонская паэтка Ала Клемянок. Разам з астравецкімі і смаргонскімі творцамі мы пачулі падрабязны аповед аб жыцці і дзейнасці Міхала Клеафаса і яго радні, “сустрэліся” з яго дзецьмі Эмай, Амеліяй і Ірэніушам, у вобразе якіх паўсталі супрацоўнікі музея Аксана Скробат, Наталля Чудакоўская і Васіль Грыбанаў, “завіталі” ў госці да Габрыэлі Пузыны, пісьменніцы, а па сумяшчальніцтву супрацоўніцы, перакладчыцы, даследчыцы творчасці Агінскага Таццяны Кляшчонак. Таццяна Іванаўна зрабіла пераклад паэмы Аляксандра Ходзькі “Залессе”, у якой аўтар прапануе склікаць у палацы творчых людзей: мастакоў, паэтаў, музыкантаў. Што ж, яго жаданне спраўдзілася!

Пад чароўныя гукі паланэзу паэты перайшлі ў аранжарэю, дзе як даніна павагі да выбітнай асобы гучалі прысвячэнні геніяльнаму кампазітару, шчымлівыя прызнанні ў любові да роднай старонкі і ўзнёслыя захапленні восеньскім ліставеем.

Вершы і песні на беларускай, рускай і польскай мовах запаўнялі памяшканне. Звінелі струны гітары Алы Клемянок. Глыбінёй пачуццяў краналі радкі паэта з Мядзела, пераможцы шэрагу рэспубліканскіх літаратурных конкурсаў і ўладальнік “Залатога купідона” Аляксандр Быкаў, Гелены Андрыцы з в. Сялец Смаргонскага раёна і Валянціны Вайцюль са Смаргоні.

Астравецкі паэт, ураджэнец Данецкай вобласці Аляксандр Марозаў прэзентаваў нядаўна напісаную кнігу прозы “Дэбальцава. На лініі агню” і падарыў яе раённай бібліятэцы, а таксама парадаваў вершамі восеньскай тэматыкі. Патрыятычна-ўзнёсла гучала лірыка Святланы Бацюлевай і Людмілы Кухарэвіч.

Рознакаляровую палітру музыкі душы прапанавалі ашмянскія творцы Галіна Даўгашэй, Алена Місюк, Ядзвіга Чаплінская, Тэрэза Адашкевіч, Яніна Гардзей, Валянціна Васюкевіч, Ігар Спірыдовіч, Эдвард Сяргей, Яўген Куст.

І хаця кароткі восеньскі дзень хіліўся да спачыну, развітвацца зусім не хацелася. Цёплая хатняя атмасфера не адпускала, у душы гучаў “Паланэз соль мінор”, які разліваўся па пакоях палаца і губляўся дзесьці ў маляўнічым парку, сярод ціхага люстэрка сажалак, а новыя вершаваныя радкі прасіліся на паперу…

Удзельнікі літаратурнага аб’яднання пры рэдакцыі раённай газеты шчыра ўдзячны начальніку аддзела адукацыі, спорту і турызму Святлане Баркоўскай, механіку Анатолю Гарлуковічу і вадзіцелю Станіславу Рымовічу за аказаную дапамогу ў арганізацыі паездкі.

Аліна САНЮК.

Фота Людмілы КОЗЕЛ.

Галіна Даўгашэй

Куточак Радзімы маёй дарагой

Агінскі, Залессе…там парк, нібы лес,

Там месяц дрэў кроны цалуе,

І жаліцца небу яго паланэз,

А восень лістотай танцуе.

Тут дыхаюць сцены, гавораць муры

Пра род той далёкі, славуты,

І новыя дбайныя гаспадары,

Іх словы душою пачуты.

Навокал такая стаіць цішыня,

Чуваць нават, сэрца як б’ецца,

Дабром і навукай спавіта зямля,

І толькі лунае бяссмерце.

Турысту тут вечнасць у вочы глядзіць

З глыбокай пяшчотай і сумам,

І вучыць, як краем сваім даражыць,

Быць вартым зямлі сваёй сынам.

Куточку Радзімы маёй дарагой

Радок свой удзячны складаю,

Гляджу на мінулае з лёгкай душой,

Больш постацей слаўных жадаю.


Поделиться в соц. сетях
Ашмянскія паэты наведалі Залессе

Ашмянскія паэты наведалі Залессе

Ашмянскія паэты наведалі Залессе

Ашмянскія паэты наведалі Залессе

Ашмянскія паэты наведалі Залессе

Ашмянскія паэты наведалі Залессе

Ашмянскія паэты наведалі Залессе

Ашмянскія паэты наведалі Залессе

Нравится
Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: 24 часа это - ?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ошмян

Ошмянской ДЮСШ присвоено имя олимпийского чемпиона Андрея Барбашинского

Хотите узнать больше? Решением Ошмянского районного исполнительного комитета Ошмянской детско-юношеской спортивной школе присвоено имя олимпийского чемпиона Андрея 20

В Молодечно нашли пропавшего школьника, в Вилейке изменилось расписание автобусов, водителям Беларуси сделали поблажку

Хотите узнать больше? Изображение использовано в качестве иллюстрации. Фото из архива kraj.by Сегодня пятница, а значит, время подводить итоги. В объективе kraj.by – 28

Команда из Ошмян стала призером Кубка Республики Беларусь по волейболу

Хотите узнать больше? Команда из Ошмян стала призером Кубка Республики Беларусь среди мужских команд — ветеранов  (40+) по волейболу сезона 2017 года. По инициативе ОО 39

Цэнтр карэкцыйна-развіваючага навучання ў Ашмянах — лепшы ў Гродзенскай вобласці

Хотите узнать больше? Добрая навіна прыйшла ў цэнтр карэкцыйна-развіваючага навучання і рэабілітацыі — па выніках трохгадовай напружанай і важкай працы цэнтр стаў лепшым у 37

Черная пятница в сети автомастерских TEXX Service

Хотите узнать больше? Черная пятница в сети автомастерских TEXX Service Грандиозная распродажа TEXX Service состоится с 24 ноября по 26 ноября 2017 года. В эти дни во всей 48

Дзень работнікаў сельскай гаспадаркі і перапрацоўчай прамысловасці адзначылі ў Ашмянскім раёне

Хотите узнать больше? Ашмяншчына славіцца гасціннымі, шчырымі і адкрытымі людзьмі, сярод якіх нямала перадавых работнікаў сельскай гаспадаркі, працоўнай вытворчасці, 52

"Меломан" из Ошмян украл аудиосистему из "БМВ", оставленного после ДТП на дороге. Его нашли по горячим следам

Хотите узнать больше? 18-летний студент из Ошмян приметил, что на обочине автодороги Ошмяны-Островец уже некоторое время стоит автомобиль марки "БМВ-520". Не так давно 57

Белорусские рюкзаки для комфортной жизни от «Студии 58»

Хотите узнать больше? Белорусские рюкзаки для комфортной жизни от «Студии 58» Стильный эргономичный дизайн, высокопрочные материалы, доступные цены – это причины, по 45