Закрыть

Выберите свой город

Закрыть

У Ашмянах – конкурс маладых настаўнікаў

Яны зрабілі свой выбар сэрцам. Нягледзячы на перасцярогі блізкіх, на смешкі знаёмых, на мізэрную зарплату і яшчэ меншы за яе прэстыж прафесіі настаўніка, пасля заканчэння школы падалі дакументы ў педагагічны.

У Ашмянах – конкурс маладых настаўнікаў

Каб стаць рабамі падручнікаў і канспектаў, каб і пасля ўрокаў несці дадому цяжар школьных турбот – стосы сшыткаў і распрацоўкі планаў, думкі пра сваіх вучняў; растрачваць свой час не на ўласных дзяцей, а на чужых і не заўсёды ўдзячных. Каб у заслужаны выхадны прападаць у школе, арганізуючы пазакласныя мерапрыемствы, ці сядзець дома за камп’ютарам, рыхтуючы чарговы адкрыты ўрок, выступленне на педсавет ці бацькоўскі сход. І каб нават адпачынак падчас лета – адзінае, у чым зайздросцяць педагогам, – прысвяціць рамонту кабінета, паходам і экскурсіям са сваімі выхаванцамі па родным краі, самаадукацыі і іншым настаўніцкім клопатам.

Яны сталі настаўнікамі і нічуць аб гэтым не шкадуюць, нават лічаць сябе шчаслівымі, калі бачаць дапытлівыя і прасветленыя твары дзяцей. Дзесяць дзяўчат –маладых спецыялістаў, удзельніц раённага конкурсу “Адкрыццё” цягам чатырох конкурсаў шчыра прызнаваліся ў любові да абранай прафесіі, разважалі аб ролі педагога ў сучаснай сістэме адукацыі, дзяліліся ўражаннямі аб сваіх першых кроках на педагагічнай ніве.

Яны не баяліся прызнацца ў сваіх памылках і не хавалі эмоцый, ад  чаго конкурс толькі выйграў. Ён стаў сапраўдным шчырым святам і ў поўнай меры апраўдаў сваю назву.

На гасцінную сцэну СШ №1 выйшлі Наталля Макарэвіч – настаўніца беларускай мовы і літаратуры Навасёлкаўскага ВПК, Марта Мацкевіч – настаўніца беларускай мовы і літаратуры Барунскага ВПК, Алена Стома – выхавацель цэнтра развіцця дзіцяці г. Ашмяны, Святлана Брэйва – выхавацель дзіцячага садка №3, Вольга Ярошка – настаўніца англійскай мовы СШ №3, Ілона Пану – настаўніца хіміі і біялогіі Кальчунскай СШ, Марыя Піваварава – настаўніца англійскай мовы гімназіі №1, Кацярына Гружэўская – настаўніца англійскай мовы СШ №2, Анастасія Сівакова – настаўніца англійскай мовы СШ №1 і Ганна Ляўковіч – настаўніца нямецкай мовы Гальшанскай СШ.

У Ашмянах – конкурс маладых настаўнікаў

Канкурсанткамі ўжо пройдзены два этапы: яны рыхтавалі прэзентацыю, у якой расказвалі аб сабе і сваім педагагічным крэда, і праводзілі адкрытыя ўрокі і заняткі. На заключным этапе маладым спецыялістам неабходна было выказаць свае меркаванні па тэме “Сучасны настаўнік – хто ён? які ён?” і прадэманстраваць уласныя захапленні.

Вольга  Ярошка ў пацвярджэнне заяўленай тэмы прывяла словы Льва Талстога аб тым, што сапраўдны настаўнік павінен мець вялікія веды і вялікае сэрца. Здаецца, да сказанага класікам нічога і дадаваць не трэба, бо ў ім змешчана ўся сутнасць педагагічнай працы – нялёгкай, часам няўдзячнай, пры гэтым самай высакароднай у свеце, самай патрэбнай. Ніхто не стане аспрэчваць, што ўсе астатнія прафесіі бяруць свой пачатак з прафесіі настаўніка, і ад таго, які педагог трапіцца на нашым шляху, будзе залежаць, якімі спецыялістамі мы станем у будучым.

Сённяшні настаўнік – не толькі “сейбіт” ведаў. Акрамя дасканалага валодання прадметам і асновамі дзіцячай псіхалогіі, яму трэба ўмець вырашаць гаспадарчыя пытанні, быць і артыстам, і мастаком, пісьменнікам. Дзецям з настаўнікам павінна быць цікава. Толькі любоўю іх сэрца не палоніш. З удзельніцамі конкурсу, што выходзілі на сцэну, думаецца, вучні не сумуюць. Усе яны – асобы творчыя: спяваюць, танцуюць, пішуць вершы, выступаюць у ролі драматургаў і рэжысёраў, захапляюцца фатаграфіяй і вязаннем, любяць спорт і кіно.

Журы было вельмі складана вызначыць пераможцу, бо гэтага ганаровага звання заслугоўвалі ўсе без выключэння ўдзельніцы. Падкупала шчырасцю і эмацыянальнасцю Святлана Брэйва, якая выйшла на сцэну разам са сваімі выхаванцамі. Песню Ганны Ляўковіч на нямецкай мове адзначылі не толькі члены журы, але і гледачы ў зале. Наталля Макарэвіч свой удзел у конкурсе прысвяціла маці, таксама настаўніцы, і прадэманстравала не толькі вакальнае майстэрства, але і арыгінальныя вырабы з саломкі. Марта Мацкевіч склала байку, якую інсцэніравала са сваімі вучнямі. Глыбінёй кранулі вершы Вольгі Ярошка. Сваю любоў да тэатра Марыя Піваварава выразіла праз “Маналог жаночай душы” Яўгена Грышкаўца. У палітры захапленняў Анастасіі Сіваковай знайшлося месца ўсім колерам вясёлкі, якія настаўніца сабрала ў відэафільме, а затым яшчэ і ўвасобіла ў танцы.

У Ашмянах – конкурс маладых настаўнікаў

Пераможцам конкурсу маладых спецыялістаў “Адкрыццё” прызнана настаўніца СШ №1 Анастасія Сівакова. Акрамя падарунка ад арганізатараў мерапрыемства – аддзела адукацыі, спорту і турызму і райкама прафсаюза работнікаў адукацыі і навукі, канкурсантку чакаў яшчэ адзін прыемны сюрпрыз – падарунак ад дэпутата Палаты прадстаўнікоў Нацыянальнага сходу Рэспублікі Беларусь Наталлі Кучынскай. У намінацыі “Талент і прывабнасць” пераможцай прызнана Ганна Ляўковіч, “Па закліку сэрца” – Наталля Макарэвіч, “Урок – паэзія душы” – Марта Мацкевіч, “Сэрца аддаю дзецям” – Алена Стома, “Выхавацель дзіцячай душы” – Святлана Брэйва, “Эрудыцыя і прафесіяналізм” – Вольга Ярошка, “Крок у навуку” – Ілона Пану, “Натхненне і педагагічны артыстызм” – Марыя Піваварава, “Урок – вяршыня майстэрства” – Кацярына Гружэўская.

Хочацца спадзявацца, што творчыя і таленавітыя настаўніцы, якія праявілі сябе ў конкурсе педагагічнага майстэрства, ніколі не расчаруюцца ў сваім выбары і не збочаць з абранай сцяжыны, стануць гонарам ашмянскага краю і прадаўжальнікамі слаўных традыцый педагогаў Ашмяншчыны.

Аліна САНЮК.

Фота Святланы МУЦЯНСКАЙ.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Сколько лет в веке? (ответ числом)

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ошмян

Черная пятница в сети автомастерских TEXX Service

Хотите узнать больше? Черная пятница в сети автомастерских TEXX Service Грандиозная распродажа TEXX Service состоится с 24 ноября по 26 ноября 2017 года. В эти дни во всей 16

Дзень работнікаў сельскай гаспадаркі і перапрацоўчай прамысловасці адзначылі ў Ашмянскім раёне

Хотите узнать больше? Ашмяншчына славіцца гасціннымі, шчырымі і адкрытымі людзьмі, сярод якіх нямала перадавых работнікаў сельскай гаспадаркі, працоўнай вытворчасці, 25

"Меломан" из Ошмян украл аудиосистему из "БМВ", оставленного после ДТП на дороге. Его нашли по горячим следам

Хотите узнать больше? 18-летний студент из Ошмян приметил, что на обочине автодороги Ошмяны-Островец уже некоторое время стоит автомобиль марки "БМВ-520". Не так давно 32

Белорусские рюкзаки для комфортной жизни от «Студии 58»

Хотите узнать больше? Белорусские рюкзаки для комфортной жизни от «Студии 58» Стильный эргономичный дизайн, высокопрочные материалы, доступные цены – это причины, по 33

В Беларуси будут по-новому определять малообеспеченных для получения кредита на жилье

Хотите узнать больше? Изображение использовано в качестве иллюстрации. Фото из архива kraj.by В Беларуси внесли изменения в условия и порядок отнесения граждан к категории 39

Вы этого ждали! 15 900 рублей за новый Renault

Хотите узнать больше? Вы этого ждали! 15 900 рублей за новый Renault Сезон скидок в салонах Renault продолжается. Только сейчас новый автомобиль Renault можно купить всего 34

Между Минском и Полоцком с декабря будет ходить новый поезд с остановками в Молодечно, Вилейке и Крулевщизне

Хотите узнать больше? Поезд Pesa ДПЗ ходил из Минска в Национальный аэропорт. Фото: Ольга Шукайло, tut.by С декабря из Минска в Полоцк можно будет доехать быстрее. БелЖД 49

Врач из Молодечно во второй раз победил в розыгрыше kraj.by. Он идет на концерт «J:МОРС» (фото)

Хотите узнать больше? Группа «J:МОРС». Фото с сайта jmors.by Евгений Каркоцкий из Молодечно седьмым по счету прислал верные ответы и выполнил все условия нашего розыгрыша. 29