Закрыть

Выберите свой город

Закрыть

Чаму паміраюць вёскі?

Чаму паміраюць вёскі?

Вёска мае ёмкую назву – Баравікі. Краязнаўцы сведчаць, што яна пайшла ад асновы “бор” – гонкага сасновага лесу на пясчаным месцы. Мне ж падаецца, што ў назве ролю сыгралі крамяныя баравікі. Некалькі гадоў таму ўпэўнілася, першы раз наведаўшы тутэйшыя мясціны. Грыбоў было – касой касі! Парадавалі яшчэ і брусніцы, якія ружавелі на палянках сярод меднастволых сосен. Паветра чыстае-чыстае, настоенае на сасновым водары – дыхай на поўныя грудзі.

За вёсачкай – адваяваныя ў ляснога гушчару ладныя лапікі зямлі – “соткі”, шчодра засеяныя ячменем, жытам, пшаніцай. Кусціўся рослы бульбоўнік, скрыпеў недзе побач на студні жалезны ланцуг. Потым нас пачаставала ветлівая немаладая гаспадыня сцюдзёнай вадой і духмянымі яблыкамі.

Праз колькі часу пасля той грыбной вандроўкі дарога зноў прывяла ў гэтую лясную старану. Блакітна-белы ўказальнік з назвай звёў на зман: вёсачка ў дзесяць хат памерла. У 2003-м тут было тры жыхары (на пачатку мінулага стагоддзя налічвалася аж 80). Сёння – ні смеху дзіцячага, ні кашлю старэчага. А вянкі зрубаў яшчэ моцныя, са звонкага пушчанскага лесу пакладзеныя. Недарэмна хтосьці пранумараваў сцены адной з будынін з чатырох бакоў: да перавозу на новае месца рыхтаваў.

Па ўсяму бачна было: гаспадары тут жылі. Хаты з клецямі-каморамі, верандамі, вымураванымі скляпамі, хлявамі, дрывотнямі, студнямі… Здавалася, толькі ўчора чалавек выйшаў да весніц, адчыніў іх насцеж добрым людзям, а зачыніць забыўся. Як і вокны, па чыёсьці волі расхлістаныя ўсім вятрам насустрач. У чужыя вокны, як і ў душу чужую, глядзець нядобра. Але яны клічуць з нямым папрокам…

Вось на пафарбаванай, яшчэ не вынашанай падлозе гара кніг, на якія нельга глядзець абыякава. Школьныя падручнікі, класіка і нават хрэстаматыя педагагічнага рэпертуару для фартэпіяна 1–2 класаў музычных школ. На сценах – каляровыя календары. У асірацелых пакоях – жалезныя і драўляныя ложкі, крэслы, сталы, кросны, калаўроты, прасніцы, даматканыя дываны і ходнікі… Пад стрэхамі – сярпы, ля хлявоў – граблі, вілы, косы – этнаграфічны музей пад адкрытым небам. Усё, што нажывалася дзясяцігоддзямі, у адзін момант аказалася непатрэбшчынай.

Цікаўлюся ў Поразаўскім пасялковым Савеце, на тэрыторыі якога Баравікі, пра сённяшні стан гэтага населенага пункта. Аказваецца, Баравікі жывуць! Бо тут прапісаны дзве жанчыны, якія аніяк не жадаюць прапісвацца ў Гродне і Бераставіцкім раёне, куды іх забралі дзеці. Можа, туга па родных мясцінах спакою не дае, можа, жывуць надзеяй, што калісьці вернуцца сюды, а можа… Цяжка сказаць – разважаць можна…

–Такой вёскі, як Баравікі, на тэрыторыі пасялковага Савета няма, – гаворыць кіраўнік спраў Поразаўскага пасялковага выканкама Валянціна Саўко. – А маем звыш сарака населеных пунктаў. Насельніцтва старэе. Сёння ў нас каля 720 чалавек ад 70 да 100 і болей гадоў (усяго амаль 2800 чалавек, з якіх 1054 – пенсіянеры). Нямоглых бацькоў дзеці забіраюць, а хаты ж застаюцца. Хто з дзяцей спадчыннасць афармляе і карыстаецца хатай як летнікам, хто з гараджан купляе дабротнае жытло зноў-такі для адпачынку (асабліва гэта назіраецца ў вёсках побач з Ваўкавыскім раёнам).

Падчас камандзіроўкі ў адзін з раёнаў пазнаёмілася з цікавым, паважаным чалавекам – старшынёй сельсавета. І так ладна пайшла наша размова пра жыццё-быццё, што не ўстрымаўся старшыня і прачытаў уласны верш пра родныя мясціны, дзе вырас-гадаваўся, адкуль у свет пайшоў:

А колькі тых дамоў стаіць
У вёсках роднай Беларусі,
Дзіцячы смех там не звініць,
Ды і звінець не будзе, мусіць.
Бо маладых там ўжо няма,
Яны ў горад падаліся,
Старыя ў вечнасць адышлі,
Дамы вось толькі засталіся…


... I дзе шпаркай хадою па зямлі вясна. І па закінутых Баравіках таксама. Вось-вось ля асірацелых прызбаў лопнуць пупышкі здзічэлага бэзу, выкіне сіняе вочка барвінак, з гладкай зялёнай трубкі пакажа сябе свету ганарлівы ландыш... На жаль, не адзінкавыя Баравікі. Паміж небам і зямлёй.
Галіна Раманчук

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: 24 часа это - ?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Гродно

Агрогородок Обухово: молодой и перспективный

Хотите узнать больше? Проезжая по трассе М6, так и хочется свернуть по указателю «Обухово» в липовую аллею, ведущую к красивым двух- и трехэтажным домикам под красными 46

В Ошмянах прошла VII региональная выставка-ярмарка «Северный вектор Гродненщины»

Хотите узнать больше? В рамках выставки состоялся международный экономический форум «Новые возможности и перспективы сотрудничества». К участникам выставки обратилась 60

Марафон событий, приуроченный ко Дню независимости Беларуси, стартует на Гродненщине 26 июня

Хотите узнать больше? Многие мероприятия пройдут впервые. В ближайший понедельник, 26 июня, в области стартует марафон концертов «Талентаў росып – да Свята краіны», 51

20 июня дан старт работ по реконструкции второго участка автодороги М6

Хотите узнать больше? В торжественной церемонии по поводу начала работ по реконструкции участка международной автомобильной дороги М6 Минск–Гродно – граница Республики 96

В облисполкоме чествовали спортсменов-победителей и призеров первенств мира и Европы

Хотите узнать больше? С начала года только в олимпийских видах этих важнейших состязаниях гродненцы завоевали более 20 медалей. Поздравляли атлетов с победами председатель 58

В Государственный список историко-культурных ценностей Республики Беларусь в 2016 году внесено 35 памятников архитектуры Гродненщины

Хотите узнать больше? Храмы постройки XVIII века – костел Святых Космы и Дамиана в Островце, церковь Святых апостолов Петра и Павла  в деревне Трабы Ивьевского района, 126

В Гродно встретили 20-тысячного безвизового туриста

Хотите узнать больше? Юбилейной гостьей стала Анета-Тереза Соболевская из Варшавы. По Гродненщине вместе с мужем и сыном она путешествует впервые. Компанию во время 63

Марафон талантов Гродненщины представят ко Дню Независимости

Хотите узнать больше? В преддверии одного из важнейших государственных праздников – Дня Независимости Республики Беларусь – в Гродно и во всех райцентрах области пройдут 68