Закрыть

Выберите свой город

Закрыть

У Гальшанах адзначылі дзень нараджэння замка

У Гальшанах адзначылі дзень нараджэння замка

Ягайла, Соф’я Гальшанская і рыцары. У Гальшанах на Ашмяншчыне святкавалі юбілеі і ўдзельнічалі ў сярэдневяковых забавах.

Кажуць, і вельмі добрая рэч прыядаецца, калі карыстацца ёю часта. Гальшаны ў гэтым сэнсе умеюць здзіўляць. Фестываль “Гальшанскі замак” праходзіў сёлета ўжо шосты раз, і штогод на яго з задавальненнем едуць пастаянныя наведвальнікі, бо ведаюць: фэст будзе мець сваю, так бы мовіць, разынку. Вось і сёлета на аўтапаркоўцы ля сцен гальшанскага замка я заўважыла аўтамабілі з усіх абласцей Беларусі, а таксама з Расіі і Літвы.

Як і штогод, сёлета для правядзення “Гальшанскага замку” яго арганізатар – аддзел ідэалагічнай работы, культуры і па справах моладзі Ашмянскага райвыканкама – знайшоў новы падыход, тым больш, што і нагода для гэтага была, і не адна.

Сёлета у Гальшанах юбілей – 735 гадоў з дня першага ўпамінання мястэчка ў пісьмовых крыніцах. Адначасова святкавалі і яшчэ адзін слынны юбілей - 610 гадоў з дня нараджэння Соф’і Гальшанскай, роданачальніцы еўрапейскай каралеўскай дынастыі Ягелонаў. Камень з памятнай дошкай у гонар гэтай слыннай зямлячкі ўстаноўлены на цэнтральнай плошчы сучаснага аграгарадка Гальшаны, дзе і пачаліся юбілейныя ўрачыстасці. Па праву гаспадара свята на плошчы адкрывае старшыня Гальшанскага сельвыканкама Войцех Коўзан. Нагадаўшы слаўныя даты старэйшага на ашмянскай зямлі мястэчка, ён тлумачыць, чаму турысты з усяго свету цягнуцца ў Гальшаны: гэтае месца мае рэпутацыю аднаго з самых загадкавых свету. Акрамя былога замка Сапегаў, які зараз уяўляе толькі руіны, турыстаў прыцягвае будынак кляштара ў цэнтры аграгарадка, у якім, кажуць людзі, жыве прывід Белай Панны. А ў праваслаўным гальшанскім храме захоўваецца часцінка мошчаў святой праведнай Іўліаніі Альшанскай, апякункі моладзі.

Старшыня Ашмянскага раённага Савета дэпутатаў Мікалай Квяткевіч за асабісты ўклад у папулярызацыю і захаванне гістарычнай спадчыны Гальшаншчыны ўручае граматы Яніне Корзун, загадчыцы школьнага музея імя Эдуарда Корзуна, а таксама пенсіянерцы, аматарцы-краязнаўцы, фотамастаку Валянціне Лабунінай. Калі юбілей у мястэчка, то свята і ў яго жыхароў. Таму ў гэты дзень не застаўся па-за ўвагай ні адзін з іх. Пад дружныя апладысменты віталі ўдзельнікаў Вялікай Айчыннай вайны, былога вязня фашысцкага канцлагера, воінаў-інтэрнацыяналістаў, самую старэйшую гальшанку Марыю Вікенцьеўну Бакуновіч і бацькоў Карыны Загорскай Андрэя і Наталлю – на сённяшні дзень яна самая малодшая жыхарка аграгарадка.

Дабрабыт і славу заўсёды ствараюць людзі – шчырыя працаўнікі. Таму дзень нараджэння Гальшан плаўна перацёк у святкаванне “Дажынак” у мясцовым сельгаскааператыве “Гальшанскі”, які ўжо шмат гадоў запар лічыцца лепшым на Ашмяншчыне. Старшыня “Гальшанскага” Мікалай Праўко, які выйшаў на імправізаваную сцэну, меў падставы для гонару: самае паўночнае на Ашмяншчыне сельгаспрадпрыемтва закончыла жніво і дабілася такіх вынікаў, якіх не дабівалася ніколі. Ураджайнасць збожжавых – 58,4 цэнтнера з гектара – нашмат перавысіла мінулагодні паказчык. На святочнай плошчы, пры гасцях і земляках ушаноўвалі герояў жніва. А пасля гасцінныя гальшанцы частавалі ўсіх духмяным караваем з мукі сёлетняга намалоту.

- Частуйцеся, не саромцеся, усім хопіць, - запрашалі прыветныя дзяўчаты ў прыгожых нацыянальных строях.

Потым, услед за рыцарамі на конях, удзельнікі свята рушылі да замка, які ў гэты фестывальны дзень таксама адзначаў свой юбілей. Павел Сцяфан Сапега пабудаваў яго 405 гадоў таму.

На фестывальнай пляцоўцы ля сцен замка ўвагай гасцей адразу завалодалі рыцары, якія развярнулі цэлае прадстаўленне – тут і рыцарскія забавы, і бугурты, і конна-спартыўнае шоў ”Гісторыя рыцара”, пры паказе якога конна-спартыўны клуб “Залатая шпора” перанес нас у часы ВКЛ. Цікавым было і выступленне народнага клуба славянскіх адзінаборстваў “Арыдан” з Гродна.

Упершыню на фестывалі выступіў вулічны тэатр “Вір”, які ў спектаклі “Карабель дурняў” ажывіў на фестывальнай пляцоўцы карціну нідэрландскага мастака Іераніма Босха. Таксама артысты “Віра” ўсіх жадаючых вучылі хадзіць на хадулях.

Эпоха сярэднявечча быццам вярнулася на адзін дзень да руінаў таямнічага замка – танцавальны калектыў «Soleil» запрасіў усіх у танцы і правёў майстар-клас па сярэднявечных і шатландскіх танцах, Беларускі дзяржаўны акадэмічны музычны тэатр прадставіў фрагменты са сваіх найбольш вядомых спектакляў.

Сярэднявечная музыка гучала ў выкананні груп «Літы талер», “PAWA” і дуэта «Дзівабор». Вабіў да сябе эксклюзіўнымі вырабамі ручной работы Горад майстроў, дзе можна было не толькі падзівіцца на прыгожыя рэчы, набыць іх, але і паспрабаваць штосьці зрабіць самому.

У Гальшанах адзначылі дзень нараджэння замка

У Гальшанах адзначылі дзень нараджэння замка

Фота аўтараНаталія ВАЛЫНЕЦ
http://grodnonews.by/ru/3/0/nodes?search=Автор:

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц лета?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Гродно

Минспорт рассчитывает на увеличение срока безвиза к Евроиграм (+Видео)

Хотите узнать больше? Беларусь рассматривает возможность увеличения срока безвизового режима до 10 суток, заявил сегодня в пресс-центре заместитель министра спорта и 0

В Гродно празднуют 889-й День рождения города! (+Видео)

Хотите узнать больше? Первым ознаменовал начало праздника колокольный звон церквей и костелов города, где с самого раннего утра прошли праздничные богослужения. *** 83

В Гродно встретили делегации участников выставки-ярмарки и форума «Еврорегион «Неман-2017» (+Видео)

Хотите узнать больше? Деловые мероприятия «Еврорегиона «Неман» - это один из брендов Гродненщины. Универсальная выставка-ярмарка и международный инвестиционный форум под 51

Деловой перекресток. XIX Республиканская универсальная выставка – ярмарка «Еврорегион «Неман-2017» открылась в Гродно (+Видео)

Хотите узнать больше? Свыше 160 экспонентов, в том числе из Азербайджана, Италии, Китая, Латвии и Польши демонстрируют свою продукцию  на ХIХ выставке-ярмарке «Еврорегион 77

"Отработали с высоким качеством" - Александр Лукашенко оценил итоги учения "Запад-2017"

Хотите узнать больше? Учебные вопросы совместного стратегического белорусско-российского учения "Запад-2017" отработаны с высоким качеством. Об этом Президент Беларуси 51

Александр Лукашенко наблюдает за ходом учения "Запад-2017" на полигоне Борисовский

Хотите узнать больше? Президент Беларуси, Главнокомандующий Вооруженными Силами Александр Лукашенко наблюдает со смотровой площадки за ходом совместного стратегического 50

АЭС будет вырабатывать около 25% необходимой Беларуси электроэнергии

Хотите узнать больше? Атомная электростанция в Островце после запуска будет вырабатывать около 25% необходимой Беларуси электроэнергии, сообщил заместитель министра 54