Закрыть

Выберите свой город

Закрыть

ПЁТР КІРЫЧЭНКА ПРА БУДУЧЫНЮ ГОРАДА НАД СОЖАМ

ПЁТР КІРЫЧЭНКА ПРА БУДУЧЫНЮ ГОРАДА НАД СОЖАМ
Гомелю ўручаны пераходны вымпел пераможцы Рэспубліканскага агляду ў намінацыі «Лепшы абласны горад па санітарным стане і ўпарадкаванасці» за 2015 год. Горад над Сожам, дзе сёння жыве больш за 530 тысяч чалавек, трэці раз за пяць гадоў удастоены такой высокай ацэнкі. У гэтым заслуга не толькі гарадской улады і адпаведных службаў, але і ўсіх жыхароў абласнога цэнтра, падкрэслівае старшыня Гомельскага гарвыканкама Пётр Кірычэнка.
— Пётр Аляксеевіч, у чым сакрэт стабільных перамог? — Рэцэпт даволі просты — гэта сумесная сістэмная праца як кіраўнікоў на месцах, усіх працоўных калектываў, так і гараджан. Самае галоўнае — імкненне кожнага гамяльчаніна зрабіць свой унёсак у навядзенне парадку. За апошняе дзесяцігоддзе наш абласны цэнтр прыкметна змяніўся. Як пастаяннае месца жыхарства яго абірае ўсё больш моладзі. Таму не дзіўна, што за апошнія гады ў Гомелі з'явілася шмат новых паўнаважных мікрараёнаў. Гэта мікрараёны №№19, 20, 22, 20а. Таксама працягваецца забудова мікрараёнаў №№104, 94, 96, 59, 59а, 18. Засвоены пляцоўкі пад сядзібнае жыллёвае будаўніцтва ў раёне вёскі Раманавічы і пасёлка Чырвоны Маяк, Хутар, Хімы. — Які кірунак горадабудаўнічай палітыкі на бліжэйшую перспектыву? — Сёння распрацаваны дэтальныя горадабудаўнічыя праекты па забудове жылых раёнаў «Плёсы», «Паўднёвы», па вуліцах Палескай і Фядзюнінскага, шматкватэрнай і сядзібнай забудовы ў мікрараёне «Касцюкоўка». Сучаснае, вельмі дынамічнае жыццё патрабуе ад нас таксама замены старога жылля на новае, больш практычнае. Так, спецыяльным планаваннем прадугледжана фарміраванне камфортнага жылога асяроддзя ў цэнтры горада за кошт зносу сядзібнай забудовы ў межах вуліц Інтэрнацыянальнай—Гагарына—Пралетарскай—Маісеенка і таксама на вуліцы Барыкіна. Архітэктурнае аблічча тут будзе фарміравацца за кошт шматпавярховых жылых, грамадскіх будынкаў, зялёнай зоны і пашырэння магістральных вуліц. Ад апошняга, дарэчы, мы нікуды не сыдзем, гэта агульнапрынятая сусветная практыка. З павелічэннем колькасці жыхароў, павялічваецца і колькасць аўтатранспарту. Таму летась мы пашырылі да чатырох палос вуліцу Кірава, адкрылі пад'езд да 18-га мікрараёна, які з'яўляецца часткай праекта «Усходні абход», дзве новыя дарогі падведзены да мікрараёна «Юбілейны». Сёлета пашырылі вуліцу Палескую, якая звязвае раён Сельмаша з цэнтрам горада. Да 73-й гадавіны вызвалення Гомеля ад нямецка-фашысцкіх захопнікаў гамяльчане атрымалі абноўленыя вуліцы: Інтэрнацыянальную, Падгорную і Дакутовіч. — Ці ёсць станоўчыя тэндэнцыі развіцця прамысловага комплексу Гомеля? Наколькі стабільна сябе адчуваюць людзі, якія працуюць на вытворчасці? — За 10 месяцаў прамысловымі прадпрыемствамі выпушчана прадукцыі на суму больш за 3,9 млрд рублёў. Пры гэтым рэшткі гатовай прадукцыі на складах маюць устойлівую дынаміку зніжэння. Удзельная вага запасаў зменшылася і складае ў сярэднямесячным аб'ёме вытворчасці каля 55%. Выручка ад рэалізацыі за студзень—верасень вырасла да аналагічнага перыяду летась амаль на 12%. Рэнтабельнасць продажаў склала 9,3%. Хачу адзначыць, што гэты паказчык — самы высокі сярод абласных гарадоў. Заробак у працаўнікоў сферы прамысловасці ў верасні склаў 737 рублёў, што вышэй сярэдняга па горадзе больш чым на 5%. Зменшылася на 3,5% у параўнанні з леташнімі паказчыкамі колькасць людзей, якія працуюць няпоўны рабочы час у сферы прамысловасці. На многіх прадпрыемствах заахвочваюць работнікаў істотнымі сацыяльнымі выплатамі. — Гомель стабільна ўтрымлівае званне лепшага абласнога цэнтра для вядзення бізнесу. Якія ўмовы створаны для развіцця прадпрымальніцтва? — Так, трэці год запар Гомель — найлепшы і ў гэтай намінацыі. Цяпер у горадзе дзейнічаюць чатыры цэнтры падтрымкі прадпрымальніцтва і два інкубатары малога прадпрымальніцтва. Яны аказваюць спецыялізаваную дапамогу суб'ектам прадпрымальніцкай дзейнасці ў вобласці бухгалтарскага ўліку, кансультуюць па пытаннях камерцыйнай дзейнасці і кіравання, арганізоўваюць курсы і даюць у арэнду памяшканні, спецыяльна абсталяваныя пад офісы і вытворчасць. Патэнцыйных пакупнікоў і арандатараў інфармуюць пра наяўнасць аб'ектаў камунальнай маёмасці, якія не выкарыстоўваюцца, але могуць быць прыстасаваны для гаспадарчай дзейнасці. Таксама для стымулявання людзей, якія хочуць пачаць сваю справу, гарвыканкам прапануе бязвыплатныя субсідыі ў памеры каля дзвюх тысяч рублёў.
Ірына АСТАШКЕВІЧ http://zviazda.by
05-12-2016
Заметили ошибку? Выделите текст, нажмите Ctrl+Enter и оставьте замечание!

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Информация
Чтобы оставить комментарий - авторизуйтесь на сайте или зарегистрируйтесь

Нужно ли городу новое колесо обозрения в парке?

Новости Гомеля

Памятник братьям Лизюковым появится в Гомеле

Хотите узнать больше? Открытый конкурс по предмету "Благоустройство площади Победы в городе Гомеле с установкой памятного знака братьям Лизюковым" объявлен на сайте 233

В деревне Азделино Гомельского района сегодня состоится праздник, посвященный защитникам Отечества

Хотите узнать больше? В гостях у жителей деревни Азделино Гомельского района сегодня побывают  миротворцы областного отделения Белорусского фонда мира вместе с 177

В Гомеле верующие начали окунаться в крещенские купели

Хотите узнать больше? Крещение Господне в храме Архистратига Михаила... 505

90 гадоў таму назад у вёсцы Пакалюбічы Гомельскага раёна нарадзіўся будучы пісьменнік Іван Сяркоў

Хотите узнать больше? Сёння землякі, пісьменнікі рэгіёна спагадна-шчыра згадваюць гэтага чалавека, які сваімі аповесцямі «Мы з Санькам у тыле ворага», «Мы з Санькам 545

Переходящее знамя Гомельского горисполкома вручили «САЛЕО-Гомель»

Хотите узнать больше? Почетный символ предприятию передал глава администрации Железнодорожного района Гомеля Виталий Уткин.  Глава района встретился с трудовым коллективом 558

В библиотеке-филиале №2 открылась выставка акварели

Хотите узнать больше? Выставка акварели Раисы Мас­ленченко и Нины Богуновой «Счастливые мгновения» откры­лась в библиотеке-филиале №2. Обе художницы — участницы клу­ба 629

Руководители предприятий и организаций Советского района скрестили кии

Хотите узнать больше? В Советском районе прошёл очередной этап XXI круглогодичной спартакиады руководя­щих работников. Первые лица предприятий, орга­низаций и учреждений 635