Закрыть

Выберите свой город

Закрыть

Построить гараж пружанцы могут только на улице Костякова

Адыходзячая зіма прымусіла задумацца над сваімі пралікамі не толькі камунальныя службы. Моцныя маразы, як паказала змяншэнне патоку машын на дарогах, стварылі праблемы і для аўтааматараў. І не толькі з-за таго, што некаторым не хапіла саляркі маркі «арктыка». Шэраг «жалезных коней» з бензінавым рухавіком таксама не заводзілася, бо начавалі ў двары дамоў. З-за чаго некаторыя ўладальнікі не змаглі нават адчыніць дзверкі, не гаворачы пра запуск старцера. У выйгрышы былі тыя, хто мае свой гараж, няхай і без ацяплення, які ўсё-такі перашкаджае ападкам і трымае пастаянную тэмпературу ў памяшканні.

Построить гараж пружанцы могут только на улице Костякова

 

 

Да думкі займець свой гараж падводзіць і крымінальная статыстыка. У раёне летась зарэгістравана павелічэнне колькасці крадзяжоў з аўтамабіляў і ўгонаў машын у чатыры разы! Практычна кожнае абрабаванае аўто начавала ў двары дома. Ці не таму назіраецца рост попыту на паслугі па добраахвотным страхаванні аўтамабіляў?

На жаль, сёння не так лёгка рэалізаваць жаданне мець свой гараж. Калі новы мікрараён прадугледжвае наяўнасць неабходнай колькасці стаяначных месц у дварах дамоў, дык не разлічаны на стварэнне там гаражнага кааператыву. Як гаворыць начальнік аддзела архітэктуры і будаўніцтва райвыканкама А.В.Бушук, сёння пабудаваць гараж можна толькі па вуліцы Касцякова.

Пры гэтым Аляксандр Вячаслававіч зазначае, што сённяшнія праблемы з недахопам месца для будаўніцтва гаражоў часткова штучныя.

— Гаражная забудова па вуліцы Макаранкі, згодна з патрабаваннямі дзеючага заканадаўства, павінна быць аформлена правільна. У тым ліку і з аплатай патрэбных падаткаў. Пакуль уладальнікі «байкатуюць» нашы патрабаванні, але сёлета мяркуем давесці справу да лагічнага фіналу. Ужо сёння можа з упэўненасцю сказаць, што шэраг уладальнікаў выкарыстоўвае свае гаражы, як хлявы, хаця яны могуць быць запатрабаваны тымі, хто вымушаны пакідаць машыны ў дварах дамоў.

Дык як жа сёння займець гараж, каб і ўзімку мець магчымасць дабірацца да работы з камфортам і пазбавіцца неўрозаў ад пастаяннага нагляду за машынай у двары?

У якасці варыянту можна паспрабаваць «прайсціся» па старонцы аб’яў «Раённых будняў» і паглядзець, дзе і якія гаражы прадаюцца. Але прапаноў не вельмі многа. Можа, канешне, пашанцуе, і вы набудзеце неабходнае памяшканне або месца на Заводскай ці Кастрычніцкай, аднак гэта, хутчэй, адзінкавыя выпадкі. Як варыянт, Аляксандр Вячаслававіч прапануе пагаварыць са старшынямі вышэйназваных гаражных кааператываў, якія вам параяць, з кім заводзіць такія размовы.

І ўсё ж, самы стабільны  адзіны варыянт — вуліца Касцякова.

— Сёння там можна лёгка атрымаць участак пад будаўніцтва,— гаворыць начальнік аддзела.— Чаргі, можна сказаць, няма. Дастаткова звярнуцца ў наш аддзел і атрымаць неабходны дазвол. Тут жа можна даведацца і пра патрэбныя для гэтага дакументы.

Алег Сідарэнка.

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация
Чтобы написать комментарий вам нужно авторизоваться или зарегистрироваться

Обращались ли вы за помощью в милицию?

Новости Пружан

Пасля 20 гадоў працы сыходзіць дырэктар «Пружанскага палацыка»

Хотите узнать больше? "Я планаваў яшчэ папрацаваць. Тым больш і рамонт ідзе зараз, кідаць усё не хацелася".

В Брестской области за сутки в ДТП погибли два пешехода

Хотите узнать больше? Аварии со смертельным исходом произошли 21 ноября в Ляховичском и Пружанском районах.

В Пружанском районе с неба упала редкая птица

Хотите узнать больше? Вероятнее всего, птица в тумане перепутала улицу с водной поверхностью.

Новости Беларуси