Закрыть

Выберите свой город

Закрыть

НА ВАРЦЕ САМАГА КАШТОЎНАГА

Каля 700 чалавек працуе ў сістэме аховы здароўя Ганцаўшчыны. Урачы і медыцынскія сёстры, фельчары і санітарачкі, работнікі абслугоўваючай сферы гэтай службы — усе яны стаяць на варце самага каштоўнага багацця чалавека — здароўя. У мінулую нядзелю яны, як і ўсе медыцынскія работнікі краіны, адзначылі сваё прафесійнае свята. З гэтай нагоды напярэдадні, 14 чэрвеня, у актавай зале УАЗ “Ганцавіцкая ЦРБ” прайшло ўрачыстае мерапрыемства, якое сапраўды стала святочным, светлым, прыгожым, як і той лагодны, сонечны чэрвеньскі  дзень, у які яно праводзілася.

У перапоўненай зале сабраліся прадстаўнікі розных аддзяленняў райбальніцы, калектываў сельскіх участковых бальніц, фельчарска-акушэрскіх пунктаў. Асаблівую ўзнёсласць і цеплыню агульнай урачыстай атмасферы надало прывітальна-віншавальнае выступленне галоўнага ўрача УАЗ “Ганцавіцкая ЦРБ” В. У. Сашко. Не было ў ім пафасна-справаздачных лічбаў, затое прагучала самае дарагое для кожнага, хто звязаў свой лёс з медыцынай, — па-мужчынску стрыманыя, але шчырыя, цёплыя словы аб ролі людзей адной з высакароднейшых прафесій на зямлі ў жыцці кожнага з нас, аб тым, што яны стараюцца рабіць усё, што ў іх сілах, каб дапамагчы чалавеку адолець няпрошаную хваробу. А што гэта так, сведчыць і рэдакцыйная пошта “Савецкага Палесся”. Бадай, найбольшую колькасць падзяк дасылаюць нашы чытачы медыцынскім работнікам. Вось і напярэдадні іх прафесійнага свята прыйшло пісьмо з Дзяніскавіч, у якім вяскоўцы выказваюць шчырую ўдзячнасць калектыву бальніцы сястрынскага догляду на чале з А. М. Шайтар за прафесіяналізм, чулыя адносіны да людзей і віншуюць іх са святам.

І колькі б гадоў не працавалі ўрач ці медсястра ў гэтай службе, ніколі не ачарсцвеюць іх сэрцы да чужога болю. За іх знешнім спакоем, так ім неабходным у асобныя хвіліны дзеля спакою саміх жа хворых ці іх родных і які некаторыя памылкова атаясамляюць з раўнадушшам, хаваецца глыбокая ўнутраная трывога за жыццё чалавека, які трапіў у бяду. А хіба меншы стрэс атрымліваюць медыкі, якім даводзіцца ў экстранных сітуацыях літаральна за  секунды прымаць рашэнне і не памыліцца, бо на кон бывае пастаўлена людское  жыццё. І толькі ім самім вядома, чаго каштуе кожны такі стрэс. Яны пра гэта пацыентам не гавораць…

Вось чаму галоўны ўрач В. У. Сашко, сам вопытны спецыяліст, які шмат гадоў працуе ў рэанімацыйнай службе медыцыны, адной з надзвычай стрэсавых, ад шчырага сэрца параіў калегам навучыцца берагчы  саміх сябе, пажадаў, каб у іх сем’ях заўсёды было цёпла і ўтульна, каб мары, якія не паспелі рэалізаваць яны самі, абавязкова ажыццявілі іх дзеці.

Аб тым, што ў сістэме аховы здароўя Ганцаўшчыны працуюць граматныя спецыялісты, сведчыла ўручэнне кіраўніком установы вялікай колькасці грамат, у тым ліку і ўпраўлення аховы здароўя аблвыканкама. Да іх лепшыя медработнікі атрымалі матэрыяльнае заахвочванне і, вядома ж, найярчэйшы атрыбут свята — кветкі. Спіс узнагароджаных быў папоўнены: выконваючы абавязкі старшыні райвыканкама  У. К. Давыдчык, старшыня раённага Савета дэпутатаў В. Я. Дрозд, намеснік старшыні райвыканкама С. В. Сарокаў, якія прысутнічалі ў той дзень на гэтым святочным мерапрыемстве,  таксама ўручылі групе медыцынскіх работнікаў раёна граматы  і падзячныя пісьмы райвыканкама і райсавета. Віншуючы ўсіх медыкаў са святам, Уладзімір Канстанцінавіч падкрэсліў, што быць урачом — нялёгкая місія. Іменна да людзей у белых халатах мы звяртаемся ў цяжкія хвіліны свайго жыцця з трапяткой надзеяй на дапамогу. І іменна яны вяртаюць нам самае галоўнае, што ёсць у жыцці, — здароўе, за што ім бязмежная ўдзячнасць.

Прафесію лекара назваў старшыня раённага Савета дэпутатаў В. Я. Дрозд адной з самых першых на зямлі. І па сённяшні дзень мы давяраем медыцынскім работнікам самае каштоўнае сваё багацце — здароўе. Віктар Якаўлевіч выказаў ім глыбокае прызнанне і шчыра пажадаў таго, што яны самі даюць людзям, — цудоўнага здароўя.

На працягу таго часу, пакуль ішло ўрачыстае мерапрыемства, з вуснаў яго вядучых, дарэчы, медыкаў, прагучала столькі ўзнёслых, прыгожых слоў пра адну з гуманнейшых прафесій на зямлі, было выканана столькі цудоўных канцэртных нумароў работнікамі ўстановы аховы здароўя і членамі іх сем’яў! Як віншаванне, як падарунак усім, з кім побач працуюць, а таксама тым, хто нават у час святочнага мерапрыемства стаіць на пасту ў кожным аддзяленні райбальніцы і ў сельскіх установах аховы здароўя. Ім на змену прыйдуць тыя, хто часова пабываў у ролі артыстаў і гледачоў. І лісткі календара прадоўжаць адлік наступным святам і будням. Хай жа сярод іх найбольш будзе спакойных, радасных, шчаслівых. І для вас, людзі ў белых халатах, і для тых, на варце чыйго здароўя вы закліканы быць.

Марыя ШЧАЎКУН.

На ЗДЫМКУ: Грамату райвыканкама ўрачу лабараторнай дыягностыкі Т. М. Калесніковіч уручае выконваючы абавязкі старшыні райвыканкама У. К. Давыдчык.

Фота аўтара.

 

НА ВАРЦЕ САМАГА КАШТОЎНАГА

Заметили ошибку? Выделите текст, нажмите Ctrl+Enter и оставьте замечание!

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Информация
Чтобы оставить комментарий - авторизуйтесь на сайте или зарегистрируйтесь

Хотите сэкономить 30% на изготовлении кухни или шкафа-купе?

Новости Ганцевичей

Ганцевичская пионерия: еще дружнее!

Хотите узнать больше? 20 мая в ГУО «Ганцевичский РЦДЮТ» прошла районная торжественная линейка, посвященная Дню пионерской дружбы. Радость праздничного события с нами 42

«Савецкае Палессе» — в числе победителей областного соревнования!

Хотите узнать больше? Диплом победителя областного соревнования среди редакций областных, объединенных, районных и городских газет, телевидения и радио, журналистов 25

Электробезопасность в период летних каникул

Хотите узнать больше? Электробезопасность в период летних каникул Летняя пора – одна из самых долгожданных, и связана она, прежде всего, с отдыхом, каникулами, отпуском, 24

О результатах надзорных мероприятий в торговых объектах, реализующих детскую обувь

Хотите узнать больше? О результатах надзорных мероприятий в торговых объектах, реализующих детскую обувь Актуальным является надзор за рынком обращения обуви импортного 21

На II Европейские игры – без визы!

Хотите узнать больше? Более четырех тысяч спортсменов, тренеров и персонала, около 30 тысяч иностранных болельщиков – такой наплыв гостей ожидает Минск накануне иБолее 40

Принимаются заявки на конкурс «Предприниматель года»!

Хотите узнать больше? Министерством экономики Республики Беларусь в соответствии с постановлением Совета Министров Республики Беларусь от 17.03.2016 № 207 проводится 61

БРСМ и Минобразования планируют выпустить печатную летопись студотрядовского движения

Хотите узнать больше? Студенческие отряды – были для многих поколений студенчества настоящей школой мужества и гражданской зрелости, нравственной закалки и морального 25

Отчетный концерт хореографического отделения Ганцевичской ДШИ (фото)

Хотите узнать больше? 18 мая мая в городском Доме культуры прошел отчетный концерт хореографического отделения Ганцевичской детской школы искусств. А вот и фотографии!18 38