Закрыть

Выберите свой город

Закрыть

Дзіця-дзіцятка даражэнькае…


Дзіця-дзіцятка даражэнькае…

Мы настолькі прывыклі да многіх сацыяльных даброт, якія атрымліваем змалку, што нават не заўважаем іх і не заўсёды задумваемся над тым, колькі яны каштуюць дзяржаве.

Нядаўна ў цягніку сустрэў знаёмую жанчыну. Родам яна з Ганцавіч, тут доўгі час працавала на адным з прамысловых прадпрыемстваў інжынерам-тэхнолагам, зараз ужо на пенсіі. Цікаўлюся: як справы, чаму дома не сядзіцца? Можа, думаю, вырашыла па свеце павандраваць, пабачыць, як у заходніх краінах людзі жывуць. Быццам у ваду глядзеў: сапраўды, аказваецца, за мяжу сабралася, ды не абы-куды — аж у Лондан. Праўда, не з турысцкімі мэтамі.

З далейшай няспешнай размовы высветлілася, што Людміла, дачка Наталлі Аляксееўны, выйшла замуж за араба, які жыве ў англійскай сталіцы. У зяця Алі — свой бізнес, ён мае некалькі ўласных магазінаў. Па-добраму зайздрошчу субяседніцы:

— Пашанцавала Вашай дачцэ, — кажу, — напэўна, жыве ў шыкоўным катэджы і жыццю радуецца.

— Не, — круціць галавой Наталля Аляксееўна, — кватэру здымаюць, а пра сваё жыллё нават і не мараць, хоць Алі і называе сябе бізнесменам.

— Ну, — супакойваю жанчыну, — у нас таксама не кожны свой дом мае.

— Э, даражэнькі! — усміхаецца яна. — І я раней думала, што ў нашай Беларусі кепска жыць. Як і многія іншыя нашы суайчыннікі, скардзілася на невысокія заробкі, чэргі ў паліклініках, высокія тарыфы на камунальныя паслугі, пакуль сама не пабывала ў хвалёным капіталістычным раі. Вы думаеце, чаго я ў той Лондан еду? На іх архітэктурныя помнікі любавацца? Ды каб мае вочы ніколі іх не бачылі! Унучку еду няньчыць, бо даглядаць яе няма каму. У зяця работа ад цямна да цямна, у дачкі — таксама работа, наймаць каго — вялікія грошы трэба плаціць. Вось і папрасілі мяне, пенсіянерку, каб прыехала на дапамогу.

— Дык зяць жа бізнесмен, свае магазіны мае, — дзіўлюся. — Няўжо ён не ў стане няньку наняць? І дачка Ваша хіба не ў дэкрэтным водпуску?

— Які ён бізнесмен?! Якую няньку?! — замахала рукамі Наталля Аляксееўна. — Яго магазіны — адна назва, так, нейкія дробныя лаўкі для таннага тавару, даходу амаль ніякага. А тут яшчэ за роды давялося заплаціць. А гэта ў Англіі вельмі дарагое задавальненне: нават пры ўмове нармальнага цячэння, без ускладненняў, яны каштуюць ад пяці да васьмі тысяч фунтаў сцерлінгаў. Ды і такога дэкрэтнага водпуску, як у нас, у гэтай краіне не даецца жанчыне. Пачынаецца ён толькі пасля родаў, мінімальны працяг, па законе, два тыдні, максімальны — да года, аднак пры гэтым  матэрыяльную дапамогу выплачваюць толькі на працягу 39 тыдняў. А потым куды дзіця дзяваць? Сацыяльных дзіцячых садкоў няма, прыватныя — вельмі дарагія. Людміліны суседзі, калі даведаліся, што еду да дачкі за няньку, просяць, каб я згадзілася і іх дзетак даглядаць, добрыя грошы абяцаюць заплаціць, білеты на дарогу туды і назад акупяцца. І ім выгадна — абыдзецца значна танней, чым у прыватным дзіцячым садку.

Гэтая дарожная сустрэча прымусіла мяне задумацца. Сапраўды, чаму адна з самых багатых краін свету пакідае маладыя сем’і амаль сам-насам з праблемамі, звязанымі з нараджэннем і гадаваннем дзяцей? Цікава, а як у іншых “аазісах дэмакратыі”?

Аказваецца, толькі ў Беларусі роды прымаюцца бясплатна. У Германіі, напрыклад, роды без ускладненняў у звычайнай дзяржаўнай клініцы каштуюць ад 2,5 тысячы еўра, у прыватнай — у 2 — 2,5 раза даражэй. У Швейцарыі такая медыцынская паслуга абыдзецца маладой сям’і мінімум у 10 тысяч еўра. У ЗША за роды, якія працякаюць нармальна, давядзецца заплаціць ад 5000 да 8000 долараў, а з кесаравым сячэннем — ад 12000 да 30000 долараў.

Дарэчы, і такі працяглы аплачваемы дэкрэтны водпуск па доглядзе дзіцяці ў тры гады ўстаноўлены толькі ў нашай краіне. У Расіі і Казахстане ён таксама можа дасягаць трох гадоў, аднак дапамога ў РФ назначаецца толькі да спаўнення дзіцяці 1,5 года, а ў Казахстане — да 1 года. У большасці ж краін так званага далёкага замежжа водпуск па доглядзе дзіцяці значна меншы: у ЗША, Ізраілі — 12 тыдняў, у Даніі — 32 тыдні, у Германіі — 22 месяцы…

А яшчэ ж варта ўлічыць і іншыя сацыяльныя выплаты сем’ям, якія маюць дзяцей. Дык і ў гэтым плане Беларусь — у ліку сусветных лідараў. Аднаразовая дапамога ў сувязі з нараджэннем першага дзіцяці ў нас выплачваецца ў памеры 10 бюджэтаў пражытачнага мінімуму (сёння яна складае  1978,1  беларускага рубля),  другога і наступных — 14 БПМ (2769,34  беларускага рубля). Ні ў адной еўрапейскай краіне, акрамя Беларусі і Расіі, няма такога паняцця, як мацярынскі капітал. Аднак у Беларусі ён прызначаецца пры нараджэнні трэцяга дзіцяці ў памеры 10 тысяч долараў, а ў Расіі — амаль на 30 працэнтаў менш.

Вядома, гэта гіганцкія расходы ў бюджэце дзяржавы. Тым не менш кіраўніцтва Беларусі ідзе на іх, разумеючы, што дзеці — наша галоўнае багацце, наша будучыня. І асабіста мне даспадобы такая сацыяльна арыентаваная палітыка. Тым больш, што дзве мае дачкі зараз знаходзяцца ў дэкрэтным водпуску і самі спакойна гадуюць маіх унукаў — дзесяцімесячнага Аляксандра і двухгадовую Марыяну, таму мы не па чутках, а на ўласнай сям’і адчуваем гэтую сацыяльна арыентаваную палітыку.

Вячаслаў БУРДЫКА.

 

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация
Чтобы написать комментарий вам нужно авторизоваться или зарегистрироваться

Обращались ли вы за помощью в милицию?

Новости Ганцевичей

Вниманию получателей пенсий (пособий): РУП "Белпочта" организует выплаты почтальоном на дому

Хотите узнать больше? Вниманию получателей пенсий (пособий): РУП "Белпочта" организует выплаты почтальоном на дому Уважаемые получатели пенсий (пособий)! С целью создания

Социальная служба готова оказать помощь одиноким пожилым гражданам и инвалидам по доставке продуктов питания и лекарств на дом

Хотите узнать больше? Социальная служба готова оказать помощь одиноким пожилым гражданам и инвалидам по доставке продуктов питания и лекарств на дом Социальная служба

В Ганцевичском РОВД наградили лучших сотрудников (фото)

Хотите узнать больше? Сегодня, 27 марта, в Ганцевичском РОВД в рамках празднования 80-летия со дня образования отдела внутренних дел Ганцевичского райисполкома прошло

В урочище Горки появится «спортивная» аллея

Хотите узнать больше? В рамках акции «Неделя леса-2020» спортивная общественность Ганцевщины в урочище Горки высадила около 1000 саженцев сосны.Подробности — в ближайшем

Полный вперед! В ОАО «Возрождение» сеют овес и однолетние культуры

Хотите узнать больше? На Ганцевщине активно набирает обороты посевная кампания-2020. Несмотря на то, что минувшие выходные выдались довольно прохладными и работы на полях

Жилой дом горел ночью в Чудине

Хотите узнать больше? Сегодня ночью, 4 января, в 01-09 в центр оперативного управления Ганцевичского РОЧС поступило сообщение о пожаре жилого дома по адресу:

Что необходимо для эффективной борьбы с пьянством и его пагубными последствиями?

Хотите узнать больше? Что необходимо для эффективной борьбы с пьянством и его пагубными последствиями? К сожалению, сегодня пьяный образ жизни крепко укоренился в сознании

Каким образом оформить выезд за границу на постоянное проживание?

Хотите узнать больше? Каким образом оформить выезд за границу на постоянное проживание? Выезд граждан Республики Беларусь за границу, (в том числе и на постоянное