Закрыть

Выберите свой город

Закрыть

Да матулі спяшай прытуліцца…

Мацярынства — адказная і нялёгкая місія, якая ўскладаецца на жанчыну самой прыродай. Ад матулі, любячай і шчодрай, залежыць светлае і радаснае дзяцінства, шчасце ўсёй сям’і.

Сёлета 164 матулі з самых розных рэгіёнаў Беларусі ўзнагароджаны ордэнам Маці за нараджэнне і выхаванне пяці і болей дзяцей. Жыхаркі Ганцаўшчыны Ганна Макарэвіч, Галіна Маляўка, Таццяна Агейка сталі ўладальніцамі пачэснай узнагароды.

Пра адну з іх — у матэрыяле Вікторыі ПРЫКОТЫ.

Віктар і Таццяна Агейкі з Ганцавіч — бацькі пяцярых дзяцей.

Да матулі спяшай прытуліцца…

Да шматдзетнага мацярынства Таццяна Агейка прыйшла свядома. Аб тым, што ў яе будзе вялікая сям’я, жанчына ведала з дзяцінства. Яна сама выхоўвалася разам з братам і сястрой. Але, як успамінае Таццяна Аляксандраўна, у яе родным Люсіне на той час жылі сем’і намнога большыя. І яна марыла менавіта пра такую: каб абавязкова за вялікім сталом кожны дзень збіраліся як мінімум 7-8 чалавек. Мары здзяйсняюцца…

Цяпер яе старэйшая дачка Вікторыя вучыцца на прадаўца ў Лунінцы. Сыны Улад і Арцём — школьнікі, сярэдняя дачка Аліна яшчэ ходзіць у садок, а самай малодшай, Ульяне, хутка споўніцца паўтара гадка. Таццяна Аляксандраўна смяецца: яна, можна сказаць, мама нават дзесяцярых рабят, бо, акрамя ўсяго, пяць разоў станавілася хроснай!

Жанчына зараз знаходзіцца ў дэкрэтным водпуску, а яе муж працуе на пілараме. Усё сваё жыццё, з 17 гадоў, Таццяна Аляксандраўна шчыравала санітаркай у цэнтральнай райбальніцы.

Але і быць шматдзетнай мамай — таксама цяжкая праца і штодзённыя клопаты.

— Прачынаюся я ў 6 гадзін раніцы. Трэба кожнага разбудзіць, сабраць кагосьці ў школу, а кагосьці — у садок, — апісвае свой звычайны дзень мая субяседніца. — Канечне, неабходна для ўсіх прыгатаваць сняданак. А там ужо і Уля прачынаецца — гэта наша малодшанькая. Калі рабяты разыходзяцца, займаюся з ёю. Ну, а потым гатую для дамашніх абед, затым вячэру, займаюся хатнімі справамі. Пасля мяне чакае выкананне разам з маімі школьнікамі ўрокаў.

І гэта толькі невялікая частка тых клопатаў, з якімі штодзень мае справу шматдзетная мама ў дэкрэтным водпуску (канечне, водпускам гэта наўрад ці можна назваць). Але Таццяна Аляксандраўна завярае, што старэйшыя дзеці — ужо зараз яе надзейная апора, без іх яна б не справілася.

— Вось Вікторыя, напрыклад, мая галоўная памочніца. Усё лета, калі з мужам хадзілі ў ягады або займалася хатнімі справамі, яна даглядала малодшых. А цяпер прыязджае на выхадныя і абавязкова дапамагае нам. Ды і астатнія ўжо імкнуцца далучыцца да справы, дзе гэта магчыма.

Дарэчы, у выхадныя Агейкам падабаецца разам гатаваць нешта смачнае і любімае ўсёй сям’ёй. Сталі традыцыйнымі салата “Аліўе” і спечаныя па ўласным рэцепце салодкасці. А Улад нават палюбіў смажыць бліны, цяпер часта радуе гэтай стравай дамашніх.

Дзіўна, але Таццяна Аляксандраўна знаходзіць час і на ўласныя захапленні. Жанчына прызналася, што яе “стыхія” — заняткі рукадзеллем: шыццём, вязаннем, вышыўкай. Такія навыкі яна пераняла ад сваёй матулі. Для мамы вялікага сямейства гэта неацэнныя ўменні, якія, акрамя задавальнення, прыносяць яшчэ і немалую карысць: уласнаручна пашытыя сукенка ці пасцельны камплект лішнімі ніколі не будуць.

Таццяна Аляксандраўна ўздыхае: няўмольны час ляціць вельмі хутка, за штодзённымі клопатамі і не заўважыла, як дзеці выраслі. Сёння кожны — асоба, са сваімі звычкамі і характарам. Віка любіць гатаваць, некалі нават збіралася набываць прафесію кухара, але перадумала. Улад няблага разбіраецца ў камп’ютары і свой вольны час праводзіць менавіта за ім. А вось Арцём, наадварот, шумны, актыўны, ходзіць на заняткі па вольнай барацьбе, катаецца на веласіпедзе. У Аліны ні адзін дзень не абыходзіцца без спеваў і танцаў. А што будзе па душы зусім яшчэ маленькай Ульяне? Пакажа час.

— Я рада, што дзеці падтрымліваюць адзін аднаго, у гэтым, мабыць, і ёсць радасць шматдзетнага мацярынства, гэта варта мноства бяссонных начэй, — з цеплынёй гаворыць Таццяна Аляксандраўна. — Рэўнасці адзін да аднаго ў іх няма, хіба толькі ў самых малодшых часам “праскоквае” нешта падобнае, думаю, па прычыне ўзросту. Але калі рабяты даведваліся, што ў іх павінны нарадзіцца брацік або сястрычка, з нецярпеннем чакалі з’яўлення новага члена сям’і. Напрыклад, імя Ульяне прыдумалі, як толькі стала вядома, што будзе дзяўчынка.

…Жанчына ўпэўнена: каб у доме панавалі мір і спакой, неабходна проста любіць кожнае дзіця. Яны гэта абавязкова адчуюць. І тады ўсё тое добрае, што ты ім аддасі, вернецца да цябе ў дзесяціразовым памеры.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц лета?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

В Ганцевичах состоится матч чемпионата области по футболу (полуфинал)

Хотите узнать больше? 21 октября (воскресенье) ГУ «Ганцевичский районный физкультурно-спортивный клуб «Здоровье-7» приглашает жителей и гостей Ганцевщины на матч 24

В Ганцевичах состоялась презентация выставки «Обитель Света» (фоторепортаж)

Хотите узнать больше? В пятницу 19 октября в Ганцевичском районном краеведческом музее прошла презентация выставки «Обитель Света» репродукций картин выдающегося русского 18

Поддержим ФК «Ганцевичи» вместе!

Хотите узнать больше? Сегодня, 21 октября, ФК «Ганцевичи» проведёт один из самых важных своих матчей не только этого сезона, но и нескольких последних Сегодня, 21 октября, 22

Сегодня завершилась районная спартакиада «Вертикаль» (фоторепортаж)

Хотите узнать больше? В субботу, 20 октября, в Ганцевичах состоялась спартакиада среди работников предприятий, учреждений, организаций района. В программу соревнований 26

Ганцавіцкія майстры на выставе-кірмашы рамёстваў V Форума рэгіёнаў Беларусі і Расіі

Хотите узнать больше? З 10 па 12 кастрычніка ў Магілёве прайшоў V Форум рэгіёнаў Беларусі і Расіі. Адной з падзей Форуму стала ўрачыстаеЗ 10 па 12 кастрычніка ў Магілёве 41

У ганцевичских волейболистов – «серебро»!

Хотите узнать больше? 10 и 11 октября в Кобрине прошла спартакиада ДЮСШ Брестской области по волейболу среди юношей 2004-2005 годов рождения. Приятно отметить,10 и 11 65

В первый день прибывания на Ганцевщине молдавские педагоги посетили…

Хотите узнать больше? Делегация педагогов из Леовского района Республики Молдова прибыла в Ганцевичский район. ФОТО — Влад СулавкоДелегация педагогов из Леовского района 25

В университете гражданской защиты МЧС Беларуси День открытых дверей

Хотите узнать больше? Ганцевичский районный отдел по чрезвычайным ситуациям сообщает, что 28 октября 2018 года с 10 до 14 в университете гражданской защиты МЧС 23