Закрыть

Выберите свой город

Закрыть

Глабальныя і лакальныя пытанні аднолькава важныя (обновлено)

Дэпутат беларускага парламента па Баранавіцкай сельскай акрузе № 7, якая ўключае ў сябе і частку Ганцавіцкага раёна, старшыня Пастаяннай камісіі Палаты прадстаўнікоў Нацыянальнага сходу па дзяржаўным будаўніцтве, мясцовым самакіраванні і рэгламенце Леанід Цупрык у панядзелак, 16 кастрычніка, правёў “прамую тэлефонную лінію” і прыём грамадзян па асабістых пытаннях у Любашаўскім сельсавеце, не адмаўляючыся вырашаць пытанні і тых, хто тэрытарыяльна не ўваходзіць у яго выбарчую акругу, але звярнуўся са сваімі праблемамі менавіта да яго.

Глабальныя і лакальныя пытанні аднолькава важныя (обновлено)

Першай звярнулася да народнага абранніка жыхарка Любашава Марыя Ігнатаўна Кандратовіч. Яе хваляваў лёс мясцовых могілак. Старыя дрэвы на іх могуць вось-вось упасці ды патрушчыць помнікі і крыжы, чаго ніяк нельга дапусціць, бо гэта кашчунства ў адносінах да тых, хто ўжо не можа за сябе пастаяць, у адносінах да памяці пра адышоўшых у іншасвет. А ў Марыі Ігнатаўны тут пакоіцца сын, які загінуў на Байкануры. Іншага выйсця няма, як толькі тэрмінова зрэзваць аварыйныя дрэвы. Хто гэтым зоймецца? Адказ адназначны: той, на чыім балансе знаходзяцца могілкі. А яны — на балансе раённай жыллёва-камунальнай гаспадаркі. Непакоіла яе і тое, што ўжо месяц на яе вуліцы не паяўлялася аўталаўка райпо, хаця ў вёсцы — ажно дзве крамы райспажыўтаварыства — прадуктовая “Любава” і “Паўсядзённага попыту”.

У сваю чаргу ўраджэнка Любашава Вольга Васільеўна Буслейка, якая ўжо досыць доўгі час пражывае ў Ганцавічах, папрасіла па тэлефоне, каб адпаведныя службы хоць бы маленькія дрэўцы ды кусты з могілак прыбралі, бо “як зірнеш з акна цягніка, дык аж страшна робіцца, а ў мяне ж там і родныя, і блізкія — сэрца шчыміць”. Канечне ж, гэтая праблема будзе вырашана. Але гэта павінна быць клопатам не толькі камунальнай службы, але і саміх людзей, сельскага Савета дэпутатаў.

Ніна Іосіфаўна Шушко, таксама мясцовая жыхарка, якая пражывае па вуліцы Зарэчнай, паскардзілася на стан сваёй вуліцы і папрасіла, каб дэпутат паспрыяў у справе добраўпарадкавання гэтай часткі прыгараднага населенага пункта.

Стараста вёскі Боркі (Любашаўскі сельсавет) Васіль Мікалаевіч Занько, якога старшыня раённага Савета дэпутатаў Віктар Якаўлевіч Дрозд (таксама прымаў удзел у размове дэпутата з жыхарамі раёна і вырашэнні праблемных пытанняў, прычым, без прамаруджвання, а некаторых увогуле ў лічаныя хвіліны) назваў “сапраўдным гаспадаром вёскі”, рупіўся пра тое, каб пракласці асфальт ад Борак да дарогі на Хатынічы. Працягласць нібыта і невялікая — тры кіламетры. Ды і даўно абяцаны ён. Але сродкаў гэтая справа патрабуе вялікіх. Пытанне, адным словам, няпростае. Аднак Леанід Аляксандравіч паабяцаў пасадзейнічаць.

Наконт дарогі, што па вуліцы Гастэлы ў Ганцавічах, тэлефанаваў таксама гараджанін, які пражывае ў доме 31 па гэтай жа вуліцы, Анатоль Іванавіч Мелехавец.

У лічаныя гадзіны вырашылася пытанне, з якім звярнулася да дэпутата Ірына Іосіфаўна Гуліцкая, якая пражывае па адрасе: г. Ганцавічы, вул. Кастрычніцкая, д. 5. Цягам двух тыдняў у яе кватэры № 7 заставаліся “неразваздушанымі” батарэі. Адразу ж пасля званка прыехалі прадстаўнікі РЖКГ, і цяпло як бач з’явілася.

Прамая тэлефонная лінія” бесперапынна працавала з 11.00 да 12.00. Адметна, што званкі спыніліся роўна ў азначаны час. Затое за дзвярыма ўжо чакалі людзі, якія прыйшлі на прыём.

Першы наведвальнік Сямён Андрэевіч Купрыянік з Ганцавіч папрасіў аказаць дапамогу ў рэгістрацыі міні-трактара (мяркуючы па здымку, які прад’явіў мужчына, гэта не проста міні, а міні-міні трактарок). Купляючы яго, не аформіў своечасова здзелку, а зараз былога гаспадара “жалезнага коніка” ўжо няма ў жывых, і цяперашні гаспадар ніяк не можа яго зарэгістраваць. Канечне ж, з ходу гэтае замыкнутае кола паспрабуй разамкнуць, таму Леанід Цупрык паабяцаў у кароткі тэрмін знайсці адпаведны варыянт вырашэння невырашальнай, здавалася б, праблемы.

У мясцовай жыхаркі Вольгі Іосіфаўны Занько — бяда адначасова і свая, і грамадская. Яна папрасіла паспрыяць у выдзяленні месца для дзіцячай гульнявой пляцоўкі ў цэнтры Любашава і ў абуладкаванні гэтай пляцоўкі, бо дзецям сапраўды няма дзе гуляць у вольны час. Што ж, просьба вельмі пахвальная і цалкам вырашальная. Толькі падключыцца да яе вырашэння павінны і сельвыканкам, і бацькі, і мясцовы прадпрымальнік (імя было агучана), якому мяркуецца прапанаваць выдзеліць пад пляцоўку частку сваёй зямлі.

Аляксандр Аляксандравіч Халецкі прыехаў грамадскім транспартам ажно з вёскі Востраў, якую прадстаўляе ў парламенце Леанід Аляксандравіч. Але дэпутат уважліва выслухаў чалавека, які абураўся вось з якой нагоды: чаму ў яго вёсцы ўручаюць падарункі гэтак званым ветэранам вайны, якія ў 1941 — 1945 гадах “пад стол пяшком хадзілі”? Маўляў, якія ж гэта ветэраны!? Віктар Якаўлевіч Дрозд тут жа патэлефанаваў у Нацкі сельвыканкам і высветліў, што ў вёсцы застаўся адзін-адзіны член сям’і загінуўшых у Вялікую Айчынную вайну Іван Васільевіч Цімашкевіч, і падарункі да адмысловых святаў ён атрымлівае на цалкам законных падставах. Заадно Аляксандр Аляксандравіч агучыў некаторыя іншыя праблемы, але яны заснаваны на чутках і ўражаннях, таму не для газетнай старонкі.

Пасля прыёму грамадзян Леанід Аляксандравіч разам з памочнікам Віктарам Міхайлавічам Супруном і старшынёй райсавета Віктарам Якаўлевічам Драздом наведаў мясцовую яслі-сад — пачатковую школу, пагутарыў з дырэктарам установы Святланай Іванаўнай Рылка, супрацоўніцамі, а таксама з дзеткамі. Адзін з вучняў 2-га класа нават прадыктаваў госцю задачку.

Установа гэтая досыць утульная і прасторная. Вось толькі дзетак у ёй зараз толькі 33. Але і ім патрэбны і сучасныя цацкі, якіх катастрафічна не хапае, і новая мэбля, і многае іншае. Вось Святлана Іванаўна і звярнулася да дэпутата па магчымасці дапамагчы (“хаця б лялькамі, машынкамі, партамі…”).

Наведаўшы затым краму “Любава”, што насупраць ясляў- сада—школы, пагутарыўшы з загадчыцай гандлёвай кропкі Вольгай Анатольеўнай Чыкіда і запісаўшы яе просьбу, а таксама даўшы райспажыўтаварыству невялічкую выручку, Леанід Аляксандравіч накіраваўся да інвалідаў-калясачнікаў Міхаіла Андрэевіча, Ніны Уладзіміраўны Кандратовічаў ды іх сына Анатоля. З-за хваробы гаспадар страціў дзве нагі, гаспадыня — адну, а сын — інвалід з дзяцінства. Іх просьба — пасадзейнічаць у падвядзенні ў хату вады. Выканаць яе вельмі і вельмі няпроста. Дэпутат паабяцаў разгледзець усе магчымыя варыянты, і калі знойдзецца найбольш прымальны, возьмецца дапамагаць. Але да справы павінны падключыцца і самыя блізкія людзі, тым больш, што ў суседнім доме пражывае дарослы сын, які, дзякуй яму, чым можа, дапамагае. І суседзі вельмі добрыя, таксама аказваюць пасільную дапамогу. Так што агульнымі намаганнямі справіцца з праблемай (ды ці толькі гэтай!), будзем спадзявацца, неяк удасца. Ва ўсялякім разе, Леанід Цупрык паабяцаў прыкласці ўсе намаганні.

Усяго па тэлефоне і падчас прыёму, а таксама пры наведванні дэпутатам сваіх выбаршчыкаў на працы і на даму да Леаніда Аляксандравіча звярнуліся 15 чалавек. Пытанні былі самыя розныя — асабістага і грамадскага характару. Усе яны хоць, так бы мовіць, і лакальныя, але не меней важныя, чым глабальныя.

Тэкст і фота Анатоля КРЭЙДЗІЧА.

СП” нагадвае:

Межы Баранавіцкай сельскай акругі № 7: Баранавіцкі, Ляхавіцкі раёны; частка Ганцавіцкага раёна ў межах: г. Ганцавічы, Дзяніскавіцкі, Любашаўскі, Нацкі, Агарэвіцкі, Чудзінскі сельсаветы.

Колькасць выбаршчыкаў: 62645.

Месца знаходжання акруговай выбарчай камісіі: г. Баранавічы, вул. Савецкая, 79.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Спутник планеты Земля?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

В Избийском Бору прошла Божественная литургия в честь явления лика Божьей Матери

Хотите узнать больше? 15 ноября в часовне Успения Пресвятой Богородицы совершалась Божественная литургия в честь явления лика Божьей Матери на спиле старой, отжившей15 38

23 ноября заместитель министра по чрезвычайным ситуациям Республики Беларусь Болотов Игорь Владимирович проведет прием граждан и представителей юридических лиц

Хотите узнать больше? 23 ноября заместитель министра по чрезвычайным ситуациям Республики Беларусь Болотов Игорь Владимирович проведет прием граждан и представителей 24

Поздравление от руководства района с Днем работников сельского хозяйства и перерабатывающей промышленности

Хотите узнать больше? Поздравление от руководства района с Днем работников сельского хозяйства и перерабатывающей промышленности Уважаемые труженики села, работники 44

График проведения мероприятий, посвящённых Дню работников сельского хозяйства и перерабатывающей промышленности АПК

Хотите узнать больше? В учреждениях культуры района пройдут мероприятия, посвященные Дню работников сельского хозяйства и перерабатывающей промышленности АПК. Праздничное 60

В Ганцевичах состоится открытый чемпионат района по волейболу

Хотите узнать больше? В открытом чемпионате района по волейболу, который состоится 24-25 ноября (начало игр в 10.00), примут участие команды организаций, предприятий, 23

Брестской областной инспекцией Госстандарта выявлена опасная электротехническая продукция

Хотите узнать больше? Брестской областной инспекцией Госстандарта выявлена опасная электротехническая продукция В октябре 2018 Брестской областной инспекцией Госстандарта 32

Акция МЧС «Не прожигай свою жизнь!» стартовала 12 ноября

Хотите узнать больше? Акция МЧС «Не прожигай свою жизнь!» стартовала 12 ноября Ежегодно в Беларуси почти тысяча пожаров происходит из-за неосторожного обращения с огнём 24