Закрыть

Выберите свой город

Закрыть

Ганцавіцкі камбінат панэльнага домабудавання: ад санацыі — да поспеху

Ганцавіцкі камбінат панэльнага домабудавання дзесяць гадоў таму практычна рыхтаваўся да банкруцтва. Сёння ён — адзін з самых эфектыўных прадпрыемстваў у вытворчасці дамоў Брэстчыны. Што здарылася за такі параўнальна невялікі для эканомікі час? Наш карэспандэнт пабываў на заводзе. І вось што высветлілася.

Ганцавіцкі камбінат панэльнага домабудавання: ад санацыі — да поспеху

Было вырашана замест працэдуры банкруцтва правесці санацыю, — тлумачыць дырэктар Мікалай Паўловіч. — Яна цалкам апраўдала сябе. Вядома ж, зрабіць гэта без дзяржаўнай падтрымкі не ўдалося б. І мы яе атрымалі спаўна. Але я ўзначаліў калектыў завода толькі два гады таму і не сведка тых падзей. А вось галоўны інжынер Андрэй Матанскі — не проста сведка, а непасрэдны ўдзельнік.

Андрэй Матанскі прыйшоў на завод, калі працэдура санацыі ўжо ішла, і ведае ўсе яе дэталі.

Не дапусціць ліквідацыі завода вырашыў Брэсцкі аблвыканкам разам з Ганцавіцкім райвыканкамам, — успамінае Андрэй Алегавіч. — Яны выдатна разумелі, што значыць для Ганцавіч, ды і для вобласці ў цэлым, такое прадпрыемства. Гэта ж не толькі будаўнічая прадукцыя, неабходная для ўзвядзення шматкватэрных жылых дамоў, а ў першую чаргу — больш за паўтары сотні працоўных месцаў, якія знайсці ў такім маленькім райцэнтры і сёння немагчыма.

А чаму тагачаснае кіраўніцтва завода не магло вырашыць праблему самастойна?

Думаю, у першую чаргу з-за той эканамічнай сітуацыі, якая тады склалася ў краіне, складана было шукаць новыя метады і шляхі эфектыўнага развіцця, — лічыць Андрэй Матанскі. — Ды і патрабавалася карэнная мадэрнізацыя завода, на якую проста не было грошай. А адкуль іх узяць, калі фінансавы партфель прадпрыемства быў пусты, заказы адсутнічалі і нават тая прадукцыя, што тут выпускалася, была незапатрабавана. Ды што тады выпускалася! Буйнапанэльныя дамы 210-й серыі. Паглядзіце ў акно: адсюль бачна некалькі з іх. Дамы, якія ўжо не адпавядалі сучасным патрабаванням. На дварэ ж дваццаць першае стагоддзе, людзі жадалі жыць па-новаму, у прыгожых камфортных дамах, а не ў старых.

Магчыма, тагачаснае кіраўніцтва і разумела гэта, але ж проста разумець мала, трэба ведаць, што і як рабіць, куды рухацца. А прадпрыемства ўжо рухалася ў адным напрамку — у бездань. Вось тады аблвыканкам сумесна з райвыканкамам і распачаў працэдуру санацыі. На Ганцавіцкі завод буйнапанэльнага домабудавання быў прызначаны антыкрызісны ўпраўляючы — вопытны, энергічны, прадпрымальны Мікалай Клімчук. Ён непасрэдна і распрацоўваў праграму вываду прадпрыемства з крызісу. Адным з найважнейшых пытанняў было: што выпускаць замест састарэлых дамоў 210-й серыі, каб зноў не прагарэць? Пасля гарачых спрэчак і роздумаў вырашылі пераходзіць на вытворчасць буйнапанэльных дамоў так званага “шырокага кроку”. У чым іх перавагі? Па-першае, яны хутка ўзводзяцца, што немалаважна пры сучасным будаўніцтве. Па-другое, адносна танныя. І, па-трэцяе, пры ўсім гэтым яны цёплыя. Адным словам, тры выгоды ў адным флаконе.

Праграму зацвердзілі, яна была разлічана на пяць гадоў. Перад калектывам ставілася задача — за гэты перыяд карэнным чынам мадэрнізавацца, разлічыцца з даўгамі і ні на дзень не спыняць вытворчасць. Без дысцыпліны, самаадданасці, згуртаванасці калектыву такую задачу не выканаеш.

У 2015-м дырэктарам завода стаў Мікалай Паўловіч. Гэта ўжо менавіта пры ім прадпрыемства працавала эфектыўна і напружана і працягвае гэта рабіць сёння.

Вытворчы, тэхналагічны падмурак ужо быў закладзены. Асабліва важна, на мой погляд, тое, што завод стаў філіялам эфектыўна працуючага будаўнічага трэста “Брэстжылбуд”, — тлумачыць Мікалай Мікалаевіч. — Пасля такой рэструктурызацыі стала значна прасцей рэгуляваць пераразмеркаванне фінансавых, матэрыяльных, людскіх рэсурсаў па аб’ектах. Ды і са збытам прадукцыі праблемы зняліся. Толькі адзін прыклад. Па нейкіх прычынах на месяц-другі знікае неабходнасць трымаць непасрэдна на заводзе некалькі рабочых. Што б зрабілі раней? Ды перавялі б на няпоўны працоўны тыдзень — і вырашалі б яны самі свае фінансавыя праблемы. Цяпер жа мы іх перанакіроўваем на будаўнічыя аб’екты “Брэстжылбуду”. Вядома, гэта звязана з камандзіроўкамі, нават замежнымі. Што тут дрэннага, запытаеце вы? Канечне, нічога. Магчыма, камусьці нязручна — усё ж такі камандзіроўка, адрыў ад сям’і. Затое не трэба думаць аб далейшым працаўладкаванні і з’яўляецца магчымасць нядрэнна зарабіць. Давайце падлічым. За вахту (а гэта дваццаць дзён) можна зарабіць больш чым 500 еўра плюс 12 даляраў у суткі камандзіровачных. Тут, праўда, адна праблема ёсць. За мяжой, дзе мы працуем, у той жа Латвіі, вельмі жорсткае працоўнае заканадаўства. Калі ты, скажам, зрабіў прагул, накладваецца штраф у памеры 50 еўра, а калі выпіў на працоўным месцы — штраф узрастае шматразова, да 1500 еўра. Вось чаму недысцыплінаваныя работнікі не надта жадаюць ездзіць у такія камандзіроўкі — баяцца, што не стрымаюцца і застануцца не толькі без зарплаты, але яшчэ і ў даўгах. Акрамя таго, кладзецца пляма на ўвесь калектыў: замежныя заказчыкі адмаўляюцца потым супрацоўнічаць з арганізацыямі, члены якіх парушаюць дысцыпліну на іх аб’ектах. Таму пазіцыя кіраўніцтва трэста “Брэстжылбуд” такая: тых людзей, якія адмаўляюцца выконваць патрабаванні і ехаць у замежную камандзіроўку, звальняць.

Не ўсім на прадпрыемстве падабаецца такі падыход. Адзін рабочы нядаўна адмовіўся выехаць у замежную камандзіроўку. Ну, што ж, па заканчэнні кантракта давядзецца з ім развітацца. Нічога, як кажуць, асабістага — служба такая. Зразумела, што такія людзі ходзяць скардзіцца па інстанцыях. Ну, што ж, іх права… Мы ж не бюджэтная арганізацыя, а павінны самі зарабляць грошы і на зарплату, і на развіццё прадпрыемства, і на іншыя вытворчыя выдаткі.

Але такія выпадкі адзінкавыя. Сёння за працу на заводзе трымаюцца — у чарзе на ўладкаванне сюды столькі кандыдатаў, што яшчэ адзін такі калектыў стварыць можна.

Завод сёння забяспечаны і неабходнымі рэсурсамі, і заказамі, — працягвае размову дырэктар. — Наша новая прадукцыя ПДП і ПАГі нарасхват, літаральна з канвеера адгружаецца заказчыкам. Шмат ідзе на экспарт, асабліва ў Расію і Латвію. Якасцю нашага жалезабетону там вельмі задаволены. Ёсць пэўныя дамоўленасці з Літвой. Мы маглі б поўнасцю перайсці на экспартныя пастаўкі прадукцыі. Але ж нельга крыўдзіць і айчынных будаўнікоў. Узводзіцца жыллё і ў нас. Вось і зараз нашымі вырабамі забяспечваюцца шэсць жылых дамоў у Баранавічах, Пінску, Іванаве, Ганцавічах, Лунінцы. Ёсць дамоўленасць яшчэ па трох аб’ектах — у Ляхавічах, Мікашэвічах і Лунінцы.

Неяк у вас усё беспраблемна, — выказваю свае ці то сумненні, ці захапленне.

Чаму ж, ёсць і праблемы, — цяжка ўздыхае Мікалай Паўловіч. — Калі да 2016 года мы пастаўлялі свае вырабы стапрацэнтна па дзяржзаказах, дык у апошні час адрасы збыту даводзіцца шукаць самім. Што мы і робім. Удзельнічаем у тэндарах, займаемся менеджментам, асвойваем выпуск новай прадукцыі, у прыватнасці, пачалі выпуск ужо ўзгаданых дарожных і аэрадромных пліт. Але асноўная праблема — спагнанне дэбіторскай запазычанасці, якая на сённяшні дзень складае 3 мільёны 295 тысяч рублёў. Уявіце, што яны для нас значаць. Калі б гэтыя грошы ўдалося вярнуць, завод мог бы цэлы год не працаваць. Толькі адзін галоўны наш даўжнік — баранавіцкі будаўнічы трэст № 25 вінен 1,2 мільёна рублёў. Прымаем усе меры, каб запазычанасць вярнуць: угаворваем, пішам пісьмы, скардзімся ў інстанцыі, звяртаемся ў суды… Не заўсёды ўдаецца дабіцца належнага выніку. Вырашылі пайсці іншым шляхам, так бы мовіць, апярэдзіць падзеі. Заключаем так званыя “трайныя пакты” — дагаворы паміж раённымі ўпраўленнямі капітальнага будаўніцтва, заводам і будаўнічымі арганізацыямі, якім мы пастаўляем сваю прадукцыю. Сэнс у тым, што ўпраўленні капітальнага будаўніцтва пералічваюць цяпер грошы непасрэдна нам, а не генпадрадчыкам, як было раней. І справа, нарэшце, зрушылася! Па цяперашніх пастаўках — ніякай дэбіторскай запазычанасці.

Зараз кіраўніцтва прадпрыемства ставіць перад сабой новую задачу — давесці ўзровень сярэднямесячнай зарплаты да тысячы рублёў, як гэтага патрабуе Прэзідэнт краіны. Можна не сумнявацца, і гэтая задача будзе паспяхова выканана пры ўмове, што людзі самі пажадаюць яе зарабіць, а не атрымаць. Такая магчымасць у іх ёсць — аб’ёмамі завод забяспечаны.

Вячаслаў БУРДЫКА.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Сколько лет в веке? (ответ числом)

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

Команда Ганцевичского района стала победителем в областном этапе соревнований «Снежный снайпер»!

Хотите узнать больше? В Барановичском районе c 17 по 18 января проходили областные соревнования среди детей и подростков по биатлону «Снежный снайпер-2019» наВ 83

В Бресте прошло торжественное мероприятие в честь 100-летия БССР

Хотите узнать больше? Мероприятие состоялось в Брестском академическом театре драмы. В торжестве приняла участие и делегация Ганцевичского района.Мероприятие состоялось в 21

Торжественное мероприятие, посвященное 100-летию создания БССР и Коммунистической партии Беларуси

Хотите узнать больше? Торжественное мероприятие, посвященное 100-летию создания БССР и Коммунистической партии Беларуси 17 января в городском Доме культуры прошло 11

Лыжный марафон — 2019: лучшие результаты на 17 января

Хотите узнать больше? Время активного отдыха в урочище «Горки» продолжается! 14 января мы опубликовали имена самых быстрых лыжников района, решивших принять участие вВремя 65

В Ганцевичах отметили 100-летие образования БССР

Хотите узнать больше? 17 января в городском Доме культуры состоялось торжественное мероприятие в честь 100-летия со дня образования БССР.17 января в городском Доме 28

Какой была криминогенная обстановка на Ганцевщине в 2018-м

Хотите узнать больше? Общее количество зарегистрированных преступлений по всем линиям служб увеличилось на 18 преступлений (с 200 до 218; +9,0%). Из них 52Общее количество 82

Информация об итогах работы областной комиссии по противодействию обороту опасной и несоответствующей требованиям законодательства продукции за 2018 год

Хотите узнать больше? Информация об итогах работы областной комиссии по противодействию обороту опасной и несоответствующей требованиям законодательства продукции за 2018 36

17 января – Единый день профилактики гриппа и ОРИ

Хотите узнать больше? 17 января – Единый день профилактики гриппа и ОРИ 27