Закрыть

Выберите свой город

Закрыть

Сямейная палітыка

На мінулым тыдні члены інфармацыйна-прапагандысцкай групы Ганцавіцкага райвыканкама сустрэліся з жыхарамі вёскі Кукава. Большасць з прысутных — жанчыны. І гэта не выпадкова, бо тэма сустрэчы — “Вопыт і шляхі рэалізацыі дзяржаўнай сямейнай палітыкі ў Брэсцкай вобласці” — датычылася іх непасрэдна і ў большай ступені.

Начальнік аддзела ідэалагічнай работы, культуры і па справах моладзі райвыканкама Ала Занька пазнаёміла з галоўнымі палажэннямі дзяржаўнай сямейнай палітыкі Яна таксама расказала жыхарам вёскі, як рэалізоўваецца сямейная палітыка ў нашым раёне.  Вынікам комплекснага падыходу да вырашэння пытанняў аховы мацярынства і дзяцінства стала тэндэнцыя павелічэння нараджальнасці. Так, за 9 месяцаў 2014 года ў раёне нарадзіліся 256 дзяцей, што на 12 дзяцей больш, чым за аналагічны перыяд мінулага года.

У 2013 годзе праведзены рамонт радзільнага аддзялення раённай бальніцы, створаны палаты для кругласутачнага сумеснага знаходжання маці з дзіцем, на гэта затрачана 354 мільёны рублёў. З 1 ліпеня 2014 года пасля рэканструкцыі адчыніла свае дзверы дзіцячае аддзяленне, у якім цяпер створаны ўсе ўмовы для хутчэйшага выздараўлення дзетак.  Сума затрат склала 2,5 мільярда рублёў. “У Беларусі, у нашым раёне, робіцца ўсё дзеля таго, каб жанчыны змаглі выканаць сваё сапраўднае прызначэнне — выгадаваць і выхаваць здаровых і шчаслівых дзяцей!”, — дадала Ала Занька.

У выступленні было закранута пытанне шматдзетных сем’яў, якіх у раёне налічваецца 360. Пацвярджэннем прэстыжу шматдзетнасці штогод становіцца ўручэнне жанчынам дзяржаўнай узнагароды Рэспублікі Беларусь — ордэна Маці. У нашым раёне 55 матуль удастоены гэтай узнагароды.

Шмат цікавых звестак, якія датычацца ільгот, падтрымкі і правоў шматдзетных сем’яў і сем’яў, якія выхоўваюць дзяцей-інвалідаў агучыла Ала Занька. Так, напрыклад, прысутныя даведаліся, хто мае права на атрыманне бясплатных паслуг нянькі для дзяцей, што такое сацыяльная перадышка ў сем’ях з інвалідам, як у нашым раёне падтрымліваюць малазабяспечаныя  сем’і, у якіх выхоўваюцца непаўналетнія дзеці.

У якасці прыкладу была прыведзена статыстыка: за 9 месяцаў бягучага года штомесячную адрасную сацыяльную дапамогу атрымалі 57 сем’яў (у іх 213 дзяцей) на суму 149 мільёнаў рублёў, а таксама былі забяспечаны бясплатнымі прадуктамі харчавання для першых двух гадоў жыцця 107 дзяцей на агульную суму 256 мільёнаў. Сістэмай дзяржаўнай дзіцячай дапамогі ў раёне ахоплена 900 дзяцей, на выплату матэрыяльных дапамог накіравана 15,6 мільярда рублёў.

Да новага навучальнага года 320 дзяцей з 94 шматдзетных сем’яў атрымалі матэрыяльную дапамогу ў агульным памеры 128 мільёнаў рублёў. Дзецям з малазабяспечаных і шматдзетных сем’яў прадпрыемствамі і арганізацыямі пры падрыхтоўцы да новага навучальнага года была аказана дапамога ў памеры 140 мільёнаў рублёў.

Закранула Ала Васільеўна і тэму сацыяльнай абароны дзяцей-сірат і дзяцей, якія засталіся без апекі бацькоў, іх выхавання ў сем’ях на прафесійнай аснове — у прыёмнай сям’і, дзіцячым доме сямейнага тыпу, які ў Ганцавіцкім раёне толькі адзін. Затое павялічылася колькасць апякунскіх і прыёмных сем’яў: іх 25 і 5 адпаведна.

Не засталася без увагі і інфармацыя аб спосабах узмацнення інстытута сям’і і павышэння значнасці сямейных каштоўнасцей. Так, з гэтай мэтай Ганцавіцкі тэрытарыяльны цэнтр сацыяльнага абслугоўвання насельніцтва праводзіць раённыя конкурсы, сустрэчы, акцыі, гутаркі, лекцыі, “круглыя сталы”.

Начальнік райаддзела ўнутраных спраў Аляксей Яроменка ў сваім выступленні закрануў іншы бок  сямейнага жыцця: скандалы ў быце на глебе п’янства. Больш 600 разоў на працягу 2014 года ў аператыўны аддзел Ганцавіцкага РАУС паступалі паведамленні аб сямейных драмах. Але не заўсёды заканадаўства дазваляе прыняць аператыўныя меры ў адносінах да скандалістаў: прыцягненне іх да адміністрацыйнай адказнасці можа адбыцца толькі пасля напісання заявы пацярпеўшым бокам.

Паведамленне датычылася і новаўвядзенняў: частка 2 артыкула 9.1 прадугледжвае магчымасць прыцягнення да адказнасці на самай нязначнай падставе сямейна-бытавых сварак, фізічнага або псіхічнага насілля. Як адзначыў Аляксей Генадзьевіч, часта сямейныя праблемы паміж бацькамі прыводзяць да ўзнікнення праблем у дзяцей, якія не могуць нармальна вучыцца, дрэнна спяць. А потым, як правіла, узнікаюць і праблемы з паводзінамі. Павелічэнне гэтых праблем можа нават прывесці да пазбаўлення бацькоўскіх правоў, але гэта ўжо крайняя мера.

Таксама Аляксей Яроменка акцэнтаваў увагу прысутных на такім паняцці як “прэвентыўныя меры ў адносінах да крыўдзіцеля” — гэта абароннае прадпісанне  да асобы, якая назаляе сям’і або другой асобе (гэта можа быць як член сям’і, так і пабочны чалавек). У такім выпадку супрацоўнікі РАУС сумесна з пракуратурай і райвыканкамам могуць прыняць рашэнне аб высяленні крыўдзіцеля на 1 месяц з дому ці накладанні забароны на любыя зносіны з членамі сям’і заяўніка.

Працягнуў тэму “недабрабыту” старшыня суда Ганцавіцкага раёна Іван Мяшкевіч. Ён адзначыў, што званок у міліцыю, канечне, пазбавіць ад п’янага хатняга скандаліста, але і злоўжываць гэтым не трэба. Так, нядаўна быў выпадак, калі нецвярозы мужчына прыйшоў дамоў і наткнуўся на замок. Ніякія просьбы да жонкі не дапамаглі трапіць у хату, тады мужчына пачаў біць у дзверы нагамі і рукамі. Жанчына выклікала на буяна супрацоўнікаў РАУС.

Іван Мяшкевіч на гэтым прыкладзе растлумачыў, што вінаватасць — паняцце неадназначнае. У дадзеным сямейным скандале больш вінавата жонка, якая сама справакавала мужа на сварку. “Не злоўжывайце веданнем законаў. Часта яны могуць абярнуцца супраць вас”, — зрабіў выснову старшыня суда.

За апошнія 9 месяцаў, па словах Івана Мяшкевіча, было ўзбуджана 70 крымінальных спраў. Адна з іх — самая абуральная і гучная. Гэта справа аб прымусе непаўналетняга да сэксуальнага кантакту ў сукупнасці з грабяжом. Асуджанаму далі 7 гадоў калоніі. Усяго ж за аналагічны перыяд было разгледжана 350 грамадзянскіх спраў, 124 — аб скасаванні шлюбу (галоўная прычына — п’янства мужа ці жонкі), 537 адміністрацыйных спраў, з якіх 97 — аб дробным хуліганстве.

Тэмы, якія былі закрануты на пасяджэнні, — надзвычай актуальныя і цікавыя. Цішыня і ўважлівыя позіркі прысутных — таму сведчанне. Пасля завяршэння выступленняў на гасцей пасыпаўся шквал пытанняў, як калектыўных, так і асабістых. Члены інфармацыйна-прапагандысцкай групы з задавальненнем адказалі на іх, далі добрыя парады і кансультацыі.

Ксенія ЛУЦКО.

Сямейная палітыка

Заметили ошибку? Выделите текст, нажмите Ctrl+Enter и оставьте замечание!

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Информация
Посетители, находящиеся в группе Гости, не могут оставлять комментарии к данной публикации.

Хотите сэкономить 30% на изготовлении кухни или шкафа-купе?

Новости Ганцевичей

Объявлен конкурс на включение в резерв руководящих кадров

Хотите узнать больше? Объявлен конкурс на включение в резерв руководящих кадров и перспективный кадровый резерв Ганцевичского райисполкома на 2019 год. Требования, которые 52

Тюбинг: зима прекрасна, когда безопасна!

Хотите узнать больше? Катание с горок – любимое зимнее развлечение как для детей, так и для взрослых. Тем не менее, надо помнить, чтоКатание с горок – любимое зимнее 21

Поздравление от руководства района с 30-летием вывода советских войск из Афганистана

Хотите узнать больше? Поздравление от руководства района с 30-летием вывода советских войск из Афганистана Уважаемые воины-интернационалисты, члены семей погибших! 24

Опыт — для всех, награда — лучшим

Хотите узнать больше? Важнейшим средством повышения педагогического мастерства учителей является хорошо организованная методическая работа. Главной структурой, 32

1 января 2019 года вступил в силу технический регламент ЕАЭС «О безопасности упакованной питьевой воды, включая природную минеральную воду»

Хотите узнать больше? 1 января 2019 года вступил в силу технический регламент ЕАЭС «О безопасности упакованной питьевой воды, включая природную минеральную воду» Документ 35

В субботу состоится турнир по многоповторному жиму штанги лежа, посвященный 30-летию вывода советских войск из Афганистана

Хотите узнать больше? Открытый турнир по многоповторному жиму штанги лежа, посвященный 30-летию вывода советских войск из Афганистана и Дню памяти 30

Конкурс «Селфи с мамой» продолжается

Хотите узнать больше? Напоминаем, что районная газета запустила конкурс «Селфи с мамой». Суть участия в нём проста – необходимо сделать фотографию с самымНапоминаем, что 36

Сотрудники РОЧС проверили состояние пожарной безопасности в «Березовце»

Хотите узнать больше? Инспекцией надзора и профилактики Ганцевичского РОЧС в январе 2019 года проведена выборочная проверка состояния пожарной безопасности ОАО «Березовец» 20