Закрыть

Выберите свой город

Закрыть

Да сэрцаў гледачоў — праз любоў да сцэны

На Ганцаўшчыне жыве нямала людзей, якія працавалі і працуюць зараз у сферы культуры, дзейнічае шмат цудоўных творчых калектываў, на чале іх здольныя, адказныя, ініцыятыўныя, захопленыя любімай справай спецыялісты, якія напаўняюць наша жыццё святочным настроем і яркімі самабытнымі фарбамі. Сярод іх — дырэктар гарадскога Дома культуры Ірына Гурская і калектыў, які яна ўзначальвае. Колькі цікавых, разнастайных мерапрыемстваў праводзіцца ім і ў ГДК, і ў розных населеных пунктах раёна, нават за яго межамі! Яны для нас, гледачоў, — гэта жаданае свята душы, для іх жа — гэта яшчэ і будні, нястомная праца над тым, каб наша спатканне з прыгожым, узнёслым мастацтвам прынесла асаблівую асалоду. Дык хто ж яны, гэтыя апантаныя людзі, якія гатовы і днём і познім вечарам, у будні і святы, часцей за ўсё на грамадскіх пачатках, па поклічу сэрца і душы думаць, ствараць, выходзіць на сцэну, каб мы змаглі адпачыць душой? Пра іх і прашу расказаць Ірыну ГУРСКУЮ, энергічную, жыццярадасную жанчыну, якая вядзе за сабой калектыў.

Да сэрцаў гледачоў — праз любоў да сцэны

— Я б сказала — гэта ён, наш працаздольны цікавы калектыў, вядзе за сабой іншых. А ў ім — шаснаццаць чалавек. Людзі розных узростаў і творчых задаткаў аб’яднаны ўзвышанай і светлай любоўю да сваёй прафесіі. Яны надзелены музычнымі талентамі, сцэнічнымі здольнасцямі, якія пастаянна развіваюць і з дапамогай якіх нясуць духоўныя здабыткі нашага народа ў масы. І амаль усе яны — кіраўнікі калектываў, якія дзейнічаюць пры ГДК, восем з якіх носяць званне “народны”.

А ўсяго пры нашай установе дзейнічае больш за  трыццаць гурткоў і  клубаў па інтарэсах, адзінаццаць з якіх — для дзяцей і падлеткаў. Усе яны — рознай жанравай накіраванасці: вакальна-харавыя, інструментальныя, тэатральна-драматычныя, харэаграфічныя. І іх кіраўнікі ахвотна перадаюць свае веды, вопыт тым, хто займаецца ў гэтых гуртках і клубах. А як ім гэта ўдаецца, можна меркаваць па рэакцыі гледачоў на розных мерапрыемствах, якія праводзіць калектыў ГДК разам з тымі, хто наведвае калектывы мастацкай самадзейнасці і гурткі. Дарэчы, мерапрыемствы праводзяцца не толькі ў зале ГДК, але і на сцэнах сельскіх устаноў культуры, выязджаем са сваімі праграмамі за межы раёна.

І ўвогуле, мусіць, ніводнае свята, урачыстае мерапрыемства на Ганцаўшчыне не праходзіць без удзелу нашага калектыву і тых людзей, якія ўдзельнічаюць у іх. І ў век навукова-тэхнічнага прагрэсу — я ўпэўнена ў гэтым — нішто не заменіць непасрэдных сустрэч з гледачом у залах, на канцэртных пляцоўках, нішто не мае такой гаючай сілы, як песня ці паэтычнае або жартоўнае слова, заліхвацкі танец менавіта са сцэны, перад людзьмі, якім імкнешся дарыць асалоду спаткання з высокай мастацкай спадчынай, наталяць духоўна. Таму я на поўны голас кажу сёння шчыры дзякуй за самаадданую працу, за разуменне, за цярпенне і верную любоў да выбранай прафесіі ўсяму нашаму калектыву.

Не пакрыўлю душой, калі скажу: выпадковых людзей у нас няма. А гэта так важна! Літаральна ўсе — ад прыбіральшчыц і вартаўнікоў да кіраўнікоў мастацкіх калектываў — працуюць на канчатковы вынік. Кожны з іх — гэта шматгранная і цікавая асоба. Узяць, напрыклад, нашых прыбіральшчыц Ніну Пракапчук і Надзею Літвінчук. Яны не толькі ствараюць утульнасць у ГДК, утрымліваюць у парадку яго залы, тэрыторыю, але і самі па сабе здольныя людзі: дапамагаюць з густам упрыгожыць сцэну, папрасаваць ці перашыць сцэнічны касцюм, а яшчэ актыўна ўдзельнічаюць у мастацкай самадзейнасці, здзіўляюць і заражаюць іншых сваім аптымізмам. Актыўныя ўдзельнікі мастацкай самадзейнасці і нашы вартаўнікі Анатолій Занька і Фёкла Марчанка. А які цудоўны густ у нашага мастака Зінаіды Александровай, былой выхавальніцы дзіцячага садка! Дэкарацыя сцэны, мастацкае афармленне залаў, дзе праходзяць розныя мерапрыемствы і выставы, — гэта работа яе залатых рук і душы.

А кожны кіраўнік мастацкіх калектываў, гурткоў і клубаў па інтарэсах дастойны асобнай газетнай замалёўкі. Мудрая, вопытная Лідзія Карняйчук, таленавіты кіраўнік народнай студыі “Правінцыя” Віктар Багроў, спакойны, цярплівы па характары, творча працуючы з моладдзю і разумеючы яе Сяргей Плотка, ініцыятыўны Анатолій Валошчык, з прыходам якога атрымаў другое дыханне вакальна-інструментальны ансамбль “Палескі мінус”, аматар і цудоўны выканаўца народных песень хормайстар Анастасія Фёдарава… А хто на Ганцаўшчыне не ведае народнае аматарскае аб’яднанне “Талака”, якое ўзначальваюць Ірына і Валерый Марцінкевічы! Няма таго куточка ў нашым раёне, дзе б не пабывалі яны з канцэртамі. Зараз абнавіўся склад і рэпертуар “Талакі”, але яго роля несці гледачу багацце вытокаў народнай творчасці застаецца.Заўсёды знаходзяць час для таго, каб паказаць гледачам сілу ўніверсальнай мовы чалавецтва — музыкі — удзельнікі народнага аркестра народных інструментаў (кіраўнікі Аксана Крысюк і Ала Шэйко).

Асобныя словы ўдзячнасці хочацца выказаць маладым спецыялістам. Гэта неардынарныя, яркія асобы, людзі адкрытыя, камунікабельныя, яны маюць свой пункт погляду і ўжо заслужылі павагу і аўтарытэт сярод старэйшых калег і гледачоў. Гэта мастацкі кіраўнік Станіслаў Локтыш і рэжысёр ГДК Яўгеній Тамашэня, які з’яўляецца і рэжысёрам народнага тэатра “Мы”. Гукавое суправаджэнне ўсіх мерапрыемстваў, якія праводзяцца ў нашым райцэнтры, ажыццяўляе гукааператар народнай эстраднай студыі “Правінцыя” Аляксандр Прыгодзіч. Не застаюцца ўбаку ад агульнай справы калектыву касцюмер Варвара Кісялевіч, касір Ларыса Вайтовіч.

І ўсё ж самыя галоўныя носьбіты культурнай спадчыны нашага народа не мы, а ўдзельнікі мастацкай самадзейнасці, якія наведваюць нашы калектывы. У нас саміх, мабыць, нічога не атрымалася б без іх гарачага і шчырага жадання тварыць і ствараць разам з намі атмасферу свята гледачам, атмасферу згоды, узаемаразумення. Таму мы глыбока ўдзячны ўсім, ад сямігадовых дзетак да пажылых удзельнікаў мастацкай самадзейнасці, кіраўнікам гурткоў, якія ўзначальваюць іх на грамадскіх пачатках, не патрабуючы ні платы, ні нейкіх асаблівых адносін да сябе, за іх захапленне, за любоў да яго і вернасць яму.  Творча, цікава працуюць кіраўнікі клубаў “Раскоша” і “Неспакойныя сэрцы” Юлія Шырчанка і Ірына Говар,  дапамагае ствараць здаровы адпачынак для падлеткаў Аляксандр Дулік, для людзей розных узростаў — Мікалай Агейка, надзейныя дарадчыкі сучасных маладзёжных калектываў Сяргей Багроў і Аляксандр Заяц. А якую цудоўную атмасферу ствараюць на розных мерапрыемствах і сустрэчах Святлана Юркіна, Віктар Супрун! Ну, а каб пералічыць прозвішчы ўсіх нашых удзельнікаў мастацкай самадзейнасці, галасы якіх гучаць са сцэн і пляцовак, не хопіць старонак газеты. Шчыры вам дзякуй і са святам! Гарачых вам апладысментаў гледачоў, іх прызнання і ўдзячнасці!

З Ірынай Гурскай

сустракалася

Марыя ДЗЁМІНА.

Фота Алы ПЯТЛІЦКАЙ.

 

 

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц лета?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

Глабальныя і лакальныя пытанні аднолькава важныя (обновлено)

Хотите узнать больше? Дэпутат беларускага парламента па Баранавіцкай сельскай акрузе № 7, якая ўключае ў сябе і частку Ганцавіцкага раёна, старшыня Пастаяннай 16

Ганцавіцкі камбінат панэльнага домабудавання: ад санацыі — да поспеху

Хотите узнать больше? Ганцавіцкі камбінат панэльнага домабудавання дзесяць гадоў таму практычна рыхтаваўся да банкруцтва. Сёння ён — адзін з самых эфектыўных 14

Отдел архитектуры, строительства и жилищно-коммунального хозяйства райисполкома сообщает, что предлагается для сдачи по договору найма жилое помещение коммерческого использования

Хотите узнать больше? Отдел архитектуры, строительства и жилищно-коммунального хозяйства райисполкома сообщает, что предлагается для сдачи по договору найма жилое 20

Отдел жилищно-коммунального хозяйства райисполкома сообщает, что предлагаются для сдачи по договору найма жилое помещение коммерческого использования государственного жилищного фонда

Хотите узнать больше? Отдел жилищно-коммунального хозяйства райисполкома сообщает, что предлагаются для сдачи по договору найма жилое помещение коммерческого использования 19

«Пра веру і духоўнасць» — новы аўтарскі праект «СП»

Хотите узнать больше? «Пра веру і духоўнасць» — новы аўтарскі праект «СП». Адкрывае яго нарыс пра Благачыннага цэркваў Ганцавіцкай акругі, протаіерэя Пятра Піліпчука.«Пра 17

Падстава для гонару ёсць!

Хотите узнать больше? Перада мною ўнікальнае выданне — “Кніга водгукаў Ганцавіцкага раённага краязнаўчага музея”. Гартаючы яго, здзіўляе колькасць людзей, якія пабывалі ў 23

В воскресной школе прихода храма Святителя Тихона состоялся открытый урок "В Ее сердце никогда не гаснет любовь"

Хотите узнать больше? В воскресной школе прихода храма Святителя Тихона состоялся открытый урок "В Ее сердце никогда не гаснет любовь" В воскресной школе прихода храма 23

“Будаўнік” мацнейшы за “Люсіна”

Хотите узнать больше? 5 кастрычніка стартаваў адкрыты кубак раёна па футболе. У гэты дзень на стадыёне СДЮШАР у адзіным чвэрцьфінальным матчы сустрэліся ганцавіцкі5 24