Закрыть

Выберите свой город

Закрыть

У хлопчыка з Дзяніскавіч выяўлены менінгіт

Гэтае небяспечнае захворванне ў трохгадовага хлопчыка дыягнаставалі ў мінулы аўторак.  Напярэдадні ён раптоўна захварэў, і ў яго значна падскочыла тэмпература. А ў аўторак раніцай на целе з’явілася высыпка. Па гэтай прычыне маці хлопчыка і звярнулася па медыцынскую дапамогу. Сын да гэтага каля тыдня хварэў — былі праблемы з жыватом, але цяпер узніклі сімптомы іншай хваробы — менінгакокавай інфекцыі.

Дзіця адразу ж шпіталізавалі. Зараз хлопчык знаходзіцца на лячэнні ў Баранавічах, адзначаецца паляпшэнне яго самаадчування. У той жа дзень на месца выехалі супрацоўнікі раённага цэнтра гігіены і эпідэміялогіі сумесна са спецыялістамі райбальніцы. Яны абследавалі дзяцей дашкольнай установы і выхавальнікаў, хаця непасрэднага кантакту з захварэўшым у іх не было з 24 сакавіка, а таксама праверылі медработніка, які і выявіў захворванне. Ніякіх сімптомаў менінгакокавай інфекцыі ў іх не выяўлена, але ўлічваючы небяспечнасць захворвання, дзетак змясцілі ў раённую бальніцу для назірання за імі, каб упэўніцца, што яны здаровыя.

Мы ж звярнуліся да раённага ўрача-педыятра Аляксандра Лагодзіча і папрасілі адказаць на шэраг пытанняў.

Якая верагоднасць заражэння менінгакокавай інфекцыяй?

— Гэтая інфекцыя сустракаецца ўсюды і на працягу ўсяго года, але часцей за ўсё са снежня па май, і паражае ў асноўным дзяцей, хаця магчыма захворванне і ў дарослых. Варта ведаць, што крыніцай інфекцыі з’яўляецца хворы ці бактэрыяносьбіт — чалавек, які сам не хварэе, але можа заразіць іншых. Узбуджальнік інфекцыі — менінгакок, перадаецца паветрана-кропельным шляхам ад хворага ці бактэрыяносьбіта да здаровага чалавека ў час кашлю, чхання, размовы ці пры пацалунку.  І па статыстыцы на аднаго захварэўшага прыпадае ад 1200 да 1800 носьбітаў гэтай інфекцыі. Калі ж улічваць адзінкавыя выпадкі захворвання, а таксама аператыўнасць прымаемых мер па недапушчэнні распаўсюджвання менінгакокавай інфекцыі ад чалавека, які непасрэдна захварэў, то верагоднасць невялікая. Адзначу, што апошні раз менінгакокавая інфекцыя выяўлялася ў 2012 годзе. Тады захварэла трое дзяцей. Увогуле, як правіла, захворваюць дзеці з аслабленым імунітэтам.

—   Важна ведаць сімптомы захворвання, каб своечасова звярнуцца па медыцынскую дапамогу…

—   Безумоўна, гэта так. Менінгакокавая інфекцыя мае інкубацыйны перыяд, ці перыяд з моманту заражэння да развіцця захворвання — ад 1 да 10 дзён, але ў сярэднім гэта 5 — 7 дзён. У залежнасці ад ступені цяжкасці развіцця захворвання раздзяляюць лакалізаваную і генералізаваную клінічныя формы.

Лакалізаваная форма — назафарынгіт — характарызуецца вострым пачаткам захворвання, сухасцю ў роце, узнікаюць пяршэнне і боль пры глытанні, насмарк, кашаль, ацёчнасць задняй сценкі насаглоткі, галаўны боль, субфебрыльная тэмпература — 37-37,9 градусаў. У той жа час пры генералізаванай форме назіраецца рэзкае пагаршэнне самаадчування, моцны галаўны боль, а таксама боль у мышцах і суставах, шматразовая рвота і паяўленне гемарагічнага сыпу ў выглядзе “зорачак” няправільнай формы і рознай велічыні — ад памеру ўколу іголкай да буйных элементаў з некрозам у цэнтры, шчыльных навобмацак. Высыпка з’яўляецца прыкладна праз 5 — 15 гадзін з пачатку захворвання — спачатку не густая, але праз некалькі гадзін могуць утварыцца вялікія барвовыя плямы на нагах, тулаве і ягадзіцах. Пры такой форме захворвання характэрна  і моцная інтаксікацыя — смага, бледнасць і сухасць скуры, адсутнасць апетыту, парушэнне дзейнасці сэрца, зніжэнне артэрыяльнага ціску, у дзяцей магчымы сутаргі, дрыжанне рук і ног.

— Наколькі цяжкія наступствы пры захворванні менінгакокавай інфекцыяй?

— Пры цяжкім цячэнні захворвання паражаецца мозг і яго абалонкі, можа развіцца менінгакокавы сепсіс. Магчымы лятальны зыход. Дзеці ў значна большай ступені, чым дарослыя, схільны да заражэння менінгакокавай інфекцыяй, і залогам спрыяльнага зыходу захворвання з’яўляецца своечасовая шпіталізацыя хворага. Таму ў выпадку ўзнікнення першых сімптомаў, якія характэрны для менінгакокавай інфекцыі, неабходна тэрмінова выклікаць хуткую дапамогу і даставіць хворага ў бальніцу. Нясвоечасовы зварот да ўрача і позна пачатае лячэнне (а размова ідзе не аб днях, а гадзінах з пачатку захворвання) могуць каштаваць жыцця. Чым раней будзе аказана кваліфікаваная медыцынская дапамога, тым больш хуткімі і эфектыўнымі будуць і вынікі выздараўлення.

— Што неабходна рабіць пры першых сімптомах і да прыезду ўрачоў? І ўвогуле, якая прафілактыка гэтага захворвання ?

— Трэба абавязкова ізаляваць хворага, выдзеліць яму індывідуальны посуд і сродкі ўласнай гігіены, а таксама забяспечыць абсалютны спакой і добры догляд. Таксама варта памятаць, што калі ўзнікаюць першыя прыкметы прастудных захворванняў у дарослых, то каб засцерагчы дзяцей, ім неабходна карыстацца марлевымі маскамі.

Хацелася б акцэнтаваць увагу і на тым, што дзецей дашкольнага ўзросту і толькі народжаных рэкамендуецца прагульваць на адкрытым паветры, пазбягаючы паездак у грамадскім транспарце і працяглага знаходжання ў памяшканнях, дзе шмат людзей.

Паколькі ўзбуджальнік менінгакокавай інфекцыі няўстойлівы да знешняга асяроддзя, то актуальнымі мерамі прафілактыкі з’яўляюцца рэжымы праветрывання і вільготнай уборкі жылых памяшканняў. Дарэчы, актуальным будзе і вакцынацыя дзяцей. Яна праводзіцца з 1 да 6 гадоў. І хаця ўстойлівага імунітэту не выпрацоўваецца, але рызыка развіцця захворвання зніжаецца мнагакратна.

І ўсё ж яшчэ раз адзначу, што пры першых сімптомах і падазрэнні на менінгакокавую інфекцыю трэба выклікаць урача. Ні ў якім разе нельга чакаць, што будзе паляпшэнне. Прытрымліванне ўсіх мер прафілактыкі дазволіць захаваць здароўе вам і вашым дзецям.

Павел СВІСТУНОВІЧ.  

У хлопчыка з Дзяніскавіч выяўлены менінгіт

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Спутник планеты Земля?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

Поздравление от руководства района с Днем спасателя

Хотите узнать больше? Поздравление от руководства района с Днем спасателя Уважаемые сотрудники и ветераны районного отдела по чрезвычайным ситуациям! Примите сердечные 16

График проведения единых информационных дней в 2018 г.

Хотите узнать больше? График проведения единых информационных дней в 2018 г. 14

На страже семейного равновесия

Хотите узнать больше?   Фото автора В период развития школы XXI века в центре внимания, как и прежде, стоит ребёнок. Но без совместной Фото автора В период развития 22

Профилизация — общемировая тенденция

Хотите узнать больше? В белорусские школы возвратилось профильное образование. Теперь знания на повышенном уровне по отдельным предметам можно получить не только в 25

Развиваем эмоционально-волевую сферу дошколят

Хотите узнать больше? Будик Алеся Анатольевна, педагог-психолог яслей-сада № 2 г. Ганцевичи, молодой, но достаточно энергичный и творческий сотрудник. Занятия с 15

Ні холадна, ні горача, або Чаму я не хачу быць на выбарах пабочным назіральнікам

Хотите узнать больше? 18 лютага 2018 года ў Беларусі пройдуць выбары ў мясцовыя Саветы дэпутатаў 28-га склікання. Як звычайна, перад важнай палітычнай падзеяй18 лютага 16

СВЕТЛАЙ ПАМЯЦІ ІРЫНЫ РУДКОЎСКАЙ ПРЫСВЯЧАЕЦЦА

Хотите узнать больше? І памяць, і радасць былая, і сённяшні боль 10 студзеня на 71-м годзе жыцця не стала нашай выдатнай зямлячкі Ірыны І памяць, і радасць былая, і 14

Памочнік Прэзідэнта Васіль Герасімаў правёў прыём грамадзян у Ганцавічах

Хотите узнать больше? З пытаннямі да прадстаўніка Кіраўніка дзяржавы звярнуліся 7 чалавек. Падрабязнасці чытайце ў друкаванай версіі «СП» за суботу.З пытаннямі да 16