Закрыть

Выберите свой город

Закрыть

Шлюбы без браку

Даўно збіралася паразважаць на тэму адносін паміж людзьмі, якія ўступаюць у шлюб. Падштурхнуў выказаць свае думкі артыкул Уладзіслава Сніткі “Няроўны шлюб — гэта выбар”, змешчаны ў 96 нумары “СП” за 7 снежня.

У даўнія часіны, як бы людзі не пажаніліся — па каханні ці па прымусе, па разліку ці без яго, разводаў амаль не было, бо яны лічыліся вялікім грахом. У свеце нічога не бывае выпадковым, бо ім кіруе Бог, у якога ўсё існуе ў гармоніі. У Бібліі сказана, што шлюбы заключаюцца на нябёсах і “што Бог злучае, тое чалавек ды не разлучыць”.

Чаму ж цяпер столькі няўстойлівых шлюбаў, столькі разводаў? Хаця маладажонам яшчэ да вяселля ствараецца шмат умоў для нармальнага сумеснага жыцця, для моцнай сям’і і нябеднага беспраблемнага існавання. Хіба ж не так? Згадайце сучасныя вяселлі. У якіх шыкоўных уборах выходзяць з дарагіх картэжаў з разнастайнымі вясельнымі атрыбутамі маладыя! Сталы ледзь не ломяцца ад дастатку разнастайных страў. На каравай кладуцца ключы ад машын, ад сучасных кватэр, пуцёўкі на далёкія Канары  і іншыя каштоўныя падарункі. Ці заўсёды ўмацоўваюць яны створаную сям’ю? На жаль, не. Нездарма ж кажуць, што ўсе шлюбы ўдалыя. Цяжкасці ўзнікаюць толькі тады, калі пачынаецца сумеснае жыццё. І багацце, набытае не з уласнай сумеснай працы, а за чужы кошт і якое прыйшло так лёгка, бывае слепіць вочы і часта становіцца яблыкам разладу паміж мужам і жонкай. Досыць прабегчы паміж імі іскрынцы непаразумення, як пачынаюцца папрокі, бяздумнае, безразважнае дзяленне лёгка прыдбанага багацця на “маё” і “тваё”. І ўжо замест кахання — нянавісць, замест узаемаразумення — крыўда і абраза. А дзе ж цярпенне, якое спрадвеку ўмацоўвала нават няроўныя шлюбы?

На маю думку, маладыя павінны злучаць свае сэрцы не багаццем і каштоўнасцямі, а чыстай хрысціянскай любоўю, дзяліць разам і бяду, і радасць, умець дараваць усе крыўды. Каб цёплым быў сямейны ачаг, трэба цярпліва і пастаянна падтрымліваць у ім агонь. Мудры цар Саламон вучыў: “Не вымаўляць гнеўнага слова — ёсць вялікая дасканаласць, запальчывы чалавек узбуджае спрэчку, а цярплівы ўціхамірвае разлад”. Нехта са старажытных мудрацоў сказаў: “Калі ўзнікае спрэчка, трэба цярпліва сцярпець, аднімі кіпячы кацёл ад агню, пакуль астыне”. Ці не вось так, цярпліва і мудра, ладзілі некалі свае шлюбныя адносіны многія людзі? І не ўсе жаніліся ці выходзілі замуж па каханні. Былі і няроўныя шлюбы, але асобныя з іх аказваліся мацнейшымі за цяперашнія шлюбы па каханні.

Згадваю ўспаміны сваіх бацькоў. Яны пажаніліся ў 1918 годзе. На вясельных сталах стаяла сціплая ежа і пітво. На нявесце і жаніху не было каштоўных упрыгожанняў. Везлі маладых гнядыя конікі, упрыгожаныя стужкамі, ды мілагучны званочак нагадваў аб тым, што едзе вяселле.

Мама была родам з Тучы Клецкага раёна. У вазку ўмясціўся ўвесь сціплы, але такі дарагі і патрэбны маладой сям’і пасаг: куфэрак са скруткам палатна, сёе-тое з пажыткаў ды калаўрот — каб не сядзела маладая жонка без работы, каб прала ды сям’ю абшывала. А за пасажным вазком ішла падораная бацькамі кароўка-карміцелька. Тату падарылі  сячкарню і вялікія каменныя жорны — каб было на чым вырашчанае мазольнымі рукамі зерне на муку малоць. Вось з такім пасагам — прыладамі для працы — і станавілася на ногі новая сям’я. Паважалі бацькоў мужа і жонкі. Адразу браліся за работу, не было калі высвятляць, хто і як на каго зірнуў, чые бацькі большы пасаг далі. Не баяліся і не цураліся цяжкасцей, не зайздросцілі іншым, з удзячнасцю спажывалі тое, што Бог пасылаў, і бацькоў паважалі ды любілі не за тое, колькі і чаго яны далі, а за тое, што яны ёсць.

Да шлюбу вядуць людзей розных узростаў розныя сцежкі. І толькі высакародныя, чыстыя помыслы зробяць іх шчаслівымі. Цярпеннем, павагай, выхаванасцю іх можна ўмацаваць.  Астатнія — роўныя яны ці не —  як лёгка сыходзіліся, як бесклапотна пражывалі багаты пасаг, так хутка і разыходзіліся.

Валянціна ШВЕД,

ганцаўчанка. 

Шлюбы без браку

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: 24 часа это - ?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

Які прыбытак ад гарэлкі?

Хотите узнать больше? Фото из сети Урад вывучыць пытанне аб павышэнні ўзросту пакупнікоў алкагольных напояў да 21 года. Размова аб гэтым нядаўна ішла Фото из сети Урад 13

Лекарств стали покупать меньше

Хотите узнать больше? Фото из сети Странная тенденция наметилась на рынке медицинских препаратов. Заметно снизились продажи лекарственных средств. Скажем, фактически на 16

Поздравление от руководства района с Днем спасателя

Хотите узнать больше? Поздравление от руководства района с Днем спасателя Уважаемые сотрудники и ветераны районного отдела по чрезвычайным ситуациям! Примите сердечные 17

График проведения единых информационных дней в 2018 г.

Хотите узнать больше? График проведения единых информационных дней в 2018 г. 15

На страже семейного равновесия

Хотите узнать больше?   Фото автора В период развития школы XXI века в центре внимания, как и прежде, стоит ребёнок. Но без совместной Фото автора В период развития 27

Профилизация — общемировая тенденция

Хотите узнать больше? В белорусские школы возвратилось профильное образование. Теперь знания на повышенном уровне по отдельным предметам можно получить не только в 30

Развиваем эмоционально-волевую сферу дошколят

Хотите узнать больше? Будик Алеся Анатольевна, педагог-психолог яслей-сада № 2 г. Ганцевичи, молодой, но достаточно энергичный и творческий сотрудник. Занятия с 17

Ні холадна, ні горача, або Чаму я не хачу быць на выбарах пабочным назіральнікам

Хотите узнать больше? 18 лютага 2018 года ў Беларусі пройдуць выбары ў мясцовыя Саветы дэпутатаў 28-га склікання. Як звычайна, перад важнай палітычнай падзеяй18 лютага 17