Закрыть

Выберите свой город

Закрыть

Хай свяціцца імя тваё, мама…

Дзень маці… Маладое, але ўжо такое любімае, узнёслае свята для кожнага з нас. Светлы дзень, у які можна, не саромеючыся ўласных пачуццяў, прызнацца свайму дарагому чалавеку ў шчырай, бязмежнай любові, сказаць самыя лепшыя, найпрыгажэйшыя словы ўдзячнасці за падоранае жыццё, за бяссонныя ночы, за руплівыя рукі, за чулае сэрца, за мудрае цярпенне, за мацярынскае  ўменне дараваць крыўды і памылкі. І падабраць для матулечкі  найпатрэбнейшыя залацінкі-пажаданні ды прасіць-маліць у заступніцы Прасвятой  Багародзіцы іх ажыццяўлення. І яны, прыгожыя, пранікнёныя словы-прызнанні, словы-пажаданні, на поўны голас гучалі заўчора са сцэны гарадскога Дома культуры ў час урачыстага мерапрыемства, прысвечанага Дню маці. Яны цёпла ліліся ў перапоўненую залу меладычнымі музычнымі  гукамі п’есы Д. Смольскага “Працяжная”, узнёсла-паэтычнымі радкамі вядучых і выступаючых, радасна віхурылі ў непасрэдных дзіцячых танцах, узнімаліся да нябёсаў на крылах задушэўных, шчымлівых песень… А ў зале сядзелі яны, нашы мілыя, прыгожыя жанчыны, матулі, працаўніцы, дарадцы, заступніцы і ахоўніцы. Розныя па ўросце, па прафесіях, розныя знешне, з рознымі жыццёвымі лёсамі. Але як аднолькава, па-мацярынску чуйна, трапятліва, лавілі яны кожнае кранальнае слова, што ішло са сцэны! Вочы жанчын іскрыліся замілаваннем, калі іх віншавалі са святам дзеткі,  удзячнасцю, калі ім дарылі цёплыя словы пажаданняў прадстаўнікі органаў улады, і вільгатнелі ад шчымлівых песень пра верную мацярынскую любоў… Спрацаваныя далоні жаночых рук не шкадавалі апладысментаў усім выступаючым, а таксама матулям, якіх раз-пораз запрашалі на сцэну вядучыя мерапрыемства.

На сцэну адна за другой падымаюцца нашы прыгожыя, сціплыя зямлячкі, узнагароджаныя ордэнам Маці. Сёлета такой высокай узнагароды ўдастоены дзевяць жанчын нашага раёна: Ірына Піліпчук, Ніна Цялушка, Наталля Волчэк, Кацярына Занька, Ніна Занька, Святлана Захарчэня, Святлана Савеня, Алена Цалагуз, Людміла Чурак. Нялёгкая ў іх ноша — нарадзіць, выгадаваць, навучыць розуму па пяць — дзевяць дзяцей. Колькі іх, сыночкаў і дачушак, столькі ж страхаў за іх здароўе, столькі ж трывог за іх будучае. Але  і столькі ж усмешак, пяшчотных слоў, якімі адорваюць матуль іх дзеткі! Уручаючы жанчынам ордэны Маці, а таксама кветкі і падарункі, намеснік старшыні райвыканкама Сяргей Сарокаў прыкмеціў тое цяпло, што выпраменьвала зала, калі гучалі прозвішчы гэтых высакародных матуль, і шчыра пажадаў, каб яны яшчэ доўга купаліся ў гэтым лагодным цяпле. Віншуючы са святам усіх матуль, Сяргей Вітальевіч выказаў ім словы прызнання, адзначыў, што ў нашай краіне клопат аб жанчыне-маці, аб сям’і — адзін з важнейшых напрамкаў дзяржаўнай палітыкі, і пацвердзіў гэта канкрэтнымі лічбамі. У прыватнасці, адзначыў, што ў нашым раёне налічваецца 369 шматдзетных сем’яў, 55 жанчын узнагароджаны ордэнам Маці, 117 сем’яў ужо сёлета палепшылі свае жыллёвыя ўмовы, сотні атрымліваюць адрасную дапамогу. Галоўнае — гэта сям’я, самае дарагое — гэта дзеці. І так важна, каб у сем’ях панавалі згода і ўтульнасць, каб не было ў грамадстве ні пакінутых дзяцей, ні забытых матуль, ні неспрыяльных сем’яў — гэтыя словы намесніка старшыні райвыканкама  прагучалі як наказ, як пажаданне. Ад імя матуль, атрымаўшых высокую ўзнагароду, словы ўдзячнасці за клопат з боку дзяржавы выказала Ірына Піліпчук, маці дзевяці дзяцей, і паднесла Сяргею Вітальевічу ў дар ікону Божай Маці. Удзельнікі мерапрыемства, стоячы, гарачымі апладысментамі пацвердзілі сваё прызнанне шматдзетным матулям.

Затым на сцэну падняліся матулі, у якіх у розныя гады нарадзіліся двайняткі. Кранальны малюнак выклікаў хвалю бурных апладысментаў. Жанчын цёпла павіншавала са святам і ўручыла кветкі і падарункі старшыня раённай арганізацыі грамадскага аб’яднання “Беларускі саюз жанчын” Наталля Сідарэнка.

Бескарыслівая мацярынская любоў, бясконцае і невычэрпнае яе чаканне, вера ў цуд. Шмат гадоў прайшло з той пары, калі нашы войскі пакінулі Афганістан. А жыхарка Агарэвіч Алена Крысюк дагэтуль не верыць у смерць свайго сыночка. Як не сагрэць цярплівае, збалелае ў чаканні  жаночае сэрца? Цёплымі словамі і ўдзячнасцю за сына вітаў Алену Альбертаўну Сяргей Сарокаў.  Жанчыны ў зале не хавалі сваіх слёз, калі са сцэны гучала кранальная песня пра самаахвярную мацярынскую любоў…

На Ганцаўшчыне ёсць свае сямейныя дынастыі. Адна з іх працуе ў СВК “Дубнякі”. Матуля, Яніна Шаматульская, аператар машыннага даення, яе дачка і нявестка таксама шчыруюць у роднай гаспадарцы. Слаўных працаўніц шчыра, цёпла павіншаваў са святам старшыня раённага Савета дэпутатаў Віктар Дрозд, уручыў ім падарункі і слушна заўважыў, што колькі б цёплых, ласкавых слоў мы не гаварылі сваім дарагім матулям, іх было б мала, бо матуліна любоў — бязмежная, і ніводзін дом без яе не будзе ўтульным і гасцінным. Ці не таму так запалі ў сэрцах многіх словы з песні, якую выконвалі ўдзельнікі  царкоўнага хору:

Если мать ещё живая,

Счастлив ты,

что на земле,

Есть кому, переживая,

Помолиться о тебе.

Дзень маці… Давайце ж прызнавацца самаму дарагому чалавеку ў любові не толькі ў гэтае прыгожае кастрычніцкае свята, а кожны дзень, жадаць ёй нават на адлегласці, сэрцам, думкамі, спакойных сноў, бадзёрых ранкаў, ясных дзянькоў, моцнага здароўя. Не шкадаваць для яе свайго часу, сваіх цёплых слоў, як не шкадуе яна для нас сваёй дабрыні і ласкі. Давайце цаніць, шанаваць яе зараз, штохвілінна, пакуль маці жывая… І няхай свяціцца імя тваё, мама…

Марыя ДЗЁМІНА.

Хай свяціцца імя тваё, мама…

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц лета?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

Республиканская пожарно-профилактическая акция Министерства по чрезвычайным ситуациям «За безопасность вместе»

Хотите узнать больше? Республиканская пожарно-профилактическая акция Министерства по чрезвычайным ситуациям «За безопасность вместе» Республиканская 22

Лепшыя юныя шашысты

Хотите узнать больше? У мінулую суботу прайшло першынство ДУА “Ганцавіцкі РЦДЮТ” па рускіх шашках сярод навучэнцаў 2003-2004 гадоў нараджэння і маладзей. Спаборніцтва, уУ 16

Дазволена паляванне на зайца

Хотите узнать больше? У адпаведнасці з Правіламі вядзення паляўнічай гаспадаркі і палявання ў арандаваных паляўнічых угоддзях установы “Ганцавіцкая раённая арганізацыйная 15

Внимание: «прямая телефонная линия»!

Хотите узнать больше? Внимание: «прямая телефонная линия»! 21 октября 2017 года с 9.00 до 12.00 часов заместитель председателя Ганцевичского райисполкома Григорян 16

Глабальныя і лакальныя пытанні аднолькава важныя

Хотите узнать больше? Дэпутат беларускага парламента па Баранавіцкай сельскай акрузе №7, якая ўключае ў сябе і частку Ганцавіцкага раёна, старшыня Пастаяннай камісіі 17

Цены на закупки РайПО

Хотите узнать больше? Ганцевичское райпо закупает у населения: — клюкву (по цене 2,5 рубля за килограмм); — картофель (17 копеек за килограмм); —Ганцевичское райпо 15

С 18 по 19 октября в Ганцевичах будут проходить командно-штабные учения

Хотите узнать больше? С 18 по 19 октября 2017 года на территории Республики Беларусь будет проводиться командно-штабное учение с органами управления и силамиС 18 по 19 24

“Лепшы знаўца Ганцавіцкага краязнаўчага музея”

Хотите узнать больше? Адказы прымаюцца да 18 кастрычніка 2017 года па адрасе: г. Ганцавічы, вуліца Заслонава, 1; або на электронны адрас: gants-museum@tut.by. 24