Закрыть

Выберите свой город

Закрыть

ГЭТА ТОЛЬКІ ЧУТКІ

Ганцаўчанка А. І. Малышка напісала ў райвыканкам пісьмо наступнага зместу: “Звяртаюся ў райвыканкам, таму што думаю, што ў бальніцы мне ўсё роўна не адкажуць.

Учора гуляла з унукам у пясочніцы ў парку і чула, як адна маладая мама гаварыла свайму дзіцяці: “Не бяры чужое вядзерца, не лезь на горку, адразу ж аддай хлопчыку лапатку — у горадзе ўспышка каросты!”.

Я памятаю, калі вучыліся мае дзеці ў школе, то педыкулёз, кароста, вятранка пастаянна ўзнікалі то ў адным класе, то ў другім. Прачытала ў інтэрнэце, што цяпер пры дапамозе сучасных медыкаментаў вылечыць каросту ці вятранку можна за адзін дзень, страшнага тут нічога няма. Але ўсё ж неяк не па сабе: унук пастаянна бярэ чужыя цацкі, цягне ўсё ў роцік. А сын за дзень разоў сто вітаецца за руку з кім папала. Кароста ж узнікае на руках і потым імі і разносіцца па ўсім целе.

Каб своечасова прыняць меры перасцярогі, хачу ведаць, ці сапраўды ў нас у горадзе назіраецца рост захворвання на каросту або гэта проста чарговыя чуткі на фоне розных паведамленняў аб захворваннях?  Адкажыце, калі ласка, праз “Савецкае Палессе”.

Паважаная А. І. Малышка! Каб даць адказ на хвалюючае вас пытанне, рэдакцыя райгазеты “Савецкае Палессе” звязалася з кіраўнікамі УАЗ “Ганцавіцкая ЦРБ” і ДУ “Ганцавіцкі райЦГіЭ”. І В. У. Сашко, і А. Д. Салянік ахвотна адклікнуліся на просьбу і неадкладна даручылі адпаведным спецыялістам даць адказ. Раённы ўрач-педыятр Ларыса Капусціна і памочнік урача-паразітолага Лідзія Коўш заспакоілі, што ў раёне няма  росту захворвання на каросту, наадварот, назіраецца зніжэнне. Так, з пачатку гэтага года на Ганцаўшчыне зарэгістравана толькі шэсць выпадкаў захворвання на каросту, з якіх чатыры — у дзяцей. А за аналагічны перыяд мінулага года —  адзінаццаць выпадкаў, з іх сем — у дзяцей.

Як бачыце, лічбы сведчаць аб тым, што падстаў для хвалявання і панікі няма. Аднак гэта не значыць, што можна грэбаваць мерамі перасцярогі. Каб  мы самі і нашы дзеткі не захварэлі на каросту, трэба ведаць, што гэта за хвароба, як яна перадаецца, а таксама як папярэдзіць яе. І Ларыса Капусціна, і Лідзія Коўш далі падрабязныя парады на гэты конт. У прыватнасці, адзначылі, што кароста — гэта паразітарнае скурнае захворванне. І хаця яно звычайна асацыіруецца з неахайнасцю, неўладкаваным бытам, на самай справе можа  ўзнікнуць і ў людзей, якія жывуць у спрыяльных бытавых умовах.

Як адбываецца заражэнне?

ГЭТА ТОЛЬКІ ЧУТКІ

Каросту выклікаюць самкі карослівага кляшча. Яны дасягаюць у даўжыню 0,3 — 0,4 мм і жывуць каля 1 месяца. Трапляючы на скуру чалавека, яны робяць хады пад рагавым слоем эпідэрмісу, адкладваючы штодзённа па 2 — 3 яйцы, з якіх вылупліваюцца лічынкі. Праз 2 — 3 тыдні яны ператвараюцца ў палаваспелых асобін.

 Крыніцай заражэння з’яўляецца хворы чалавек. Часцей за ўсё заражэнне адбываецца пры цесным кантакце  з ім. Для таго, каб клешч “перайшоў” да здаровага чалавека і ўзнікла хвароба, дастатковы кантакт “скура да скуры”. Таму галоўныя ачагі распаўсюджвання каросты фарміруюцца ва ўмовах цеснага сямейнага кола, а таксама паміж палавымі партнёрамі. Можна яшчэ заразіцца праз пасцельную бялізну, адзенне, ручнікі, мачалкі, ручкі дзвярэй. Сярод дзяцей інфекцыя можа перадавацца праз цацкі, пісьмовыя прыналежнасці, якімі папярэдне карыстаўся хворы.

Сімптомы хваробы

Першыя прыкметы каросты — сверб, які найбольш адчуваюць хворыя вечарам або ноччу, і спецыфічнае высыпанне ў выглядзе размешчаных парна дробных вузельчыкаў на характэрных для гэтай хваробы месцах: у міжпальцавых складках кісцей, на згінальнай паверхні прамянёвазапясцевых суставаў, на пярэднебакавой паверхні жывата па ходу пояса, на ягадзіцах. У маленькіх дзетак адзначаюць крышку іншую лакалізацыю каросты: яна паражае ўнутраны край ступняў, падэшваў, далоней, а таксама ягадзіцы, твар і скуру галавы.

Важна ведаць

Лячэнне ўсіх хворых у адным ачагу, а таксама кантактных асоб павінна праводзіцца адначасова, каб пазбегнуць паўторнага заражэння, і тым прэпаратам, які назначыў урач, прычым — строга па інструкцыі.

Як папярэдзіць заражэнне?

Не карыстайцеся чужым адзеннем, рукавіцамі, абуткам, бялізнай, ручніком і інш. Не ўступайце ў выпадковыя палавыя сувязі. Пасля наведвання грамадскіх месцаў, паездак у транспарце і г. д. абавязкова вымыйце рукі з мылам. Не хадзіце ў гасцініцах, душавых пакоях і ў іншых месцах без абутку.

Прафілактычныя мерапрыемствы

ў ачагу каросты

Хворага трэба ізаляваць. У яго павінны быць асобны ложак, пасцельная бялізна і прадметы асабістай гігіены. Трэба абеззаражваць ручнікі, бялізну. Вопратку неабходна прагладжваць з абодвух бакоў гарачым прасам, звяртаючы ўвагу на швы і кішэні, альбо праветрываць на адкрытым паветры на працягу 7 дзён.  У пакоі хворага трэба штодзённа праводзіць вільготную ўборку1 — 2-працэнтным мыльна-содавым растворам, уключаючы мыццё падлогі, праціранне прадметаў, з якімі пастаянна кантактуе хворы. Уборачны інвентар пасля карыстання  апускаюць у мыльна-содавы раствор, рукі старанна мыюць.

Выконвайце парады спецыялістаў і будзьце здаровымі.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц лета?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

Поздравление от руководства района с Днем спасателя

Хотите узнать больше? Поздравление от руководства района с Днем спасателя Уважаемые сотрудники и ветераны районного отдела по чрезвычайным ситуациям! Примите сердечные 17

График проведения единых информационных дней в 2018 г.

Хотите узнать больше? График проведения единых информационных дней в 2018 г. 15

На страже семейного равновесия

Хотите узнать больше?   Фото автора В период развития школы XXI века в центре внимания, как и прежде, стоит ребёнок. Но без совместной Фото автора В период развития 27

Профилизация — общемировая тенденция

Хотите узнать больше? В белорусские школы возвратилось профильное образование. Теперь знания на повышенном уровне по отдельным предметам можно получить не только в 29

Развиваем эмоционально-волевую сферу дошколят

Хотите узнать больше? Будик Алеся Анатольевна, педагог-психолог яслей-сада № 2 г. Ганцевичи, молодой, но достаточно энергичный и творческий сотрудник. Занятия с 17

Ні холадна, ні горача, або Чаму я не хачу быць на выбарах пабочным назіральнікам

Хотите узнать больше? 18 лютага 2018 года ў Беларусі пройдуць выбары ў мясцовыя Саветы дэпутатаў 28-га склікання. Як звычайна, перад важнай палітычнай падзеяй18 лютага 17

СВЕТЛАЙ ПАМЯЦІ ІРЫНЫ РУДКОЎСКАЙ ПРЫСВЯЧАЕЦЦА

Хотите узнать больше? І памяць, і радасць былая, і сённяшні боль 10 студзеня на 71-м годзе жыцця не стала нашай выдатнай зямлячкі Ірыны І памяць, і радасць былая, і 15

Памочнік Прэзідэнта Васіль Герасімаў правёў прыём грамадзян у Ганцавічах

Хотите узнать больше? З пытаннямі да прадстаўніка Кіраўніка дзяржавы звярнуліся 7 чалавек. Падрабязнасці чытайце ў друкаванай версіі «СП» за суботу.З пытаннямі да 16