Закрыть

Выберите свой город

Закрыть

Пазнаёмся з сотняй птушак! Школа бёрдвочараў праводзіць набор у Брэсце

Брэсцкае абласное аддзяленне грамадскай арганізацыі «Ахова птушак Бацькаўшчыны» разам з Установай культуры «Брэсцкі абласны краязнаўчы музей» праводзіць у Брэсце Школу бёрдвочара – бясплатныя курсы, на якіх навучаць вызначаць больш за 100 відаў мясцовых птушак. Запісацца могуць усе зацікаўленыя з 18 гадоў.Дзікая прырода побач з намі нават у гарадах. Мноства разнастайных птушак жыве ў парках, ля дамоў, на пустках, вадаёмах і ў хмызняках. Толькі ў Брэсце зарэгістравана каля 180 відаў птушак.

Ці вядома табе, што ў горадзе жывуць два віды вераб’ёў? Ці можаш адрозніць крумкача ад грака? Ці ведаеш, якія рэдкія віды птушак з Чырвонай кнігі можна сустрэць у Брэсце?

Бёрдвочынг – назіранне за птушкамі, цікавы і папулярны ў многіх краінах занятак. Гэтае хобі дорыць чалавеку радасць і задавальненне, а таксама дае магчымасць больш рухацца і разнастаіць сваё жыццё. 

Ужо ў другі раз «Ахова птушак Бацькаўшчыны» праводзіць набор у Школу бёрдвочара. Першы выпуск школы самастойна вядзе назіранні, адзначае рэдкія для Беларусі віды птушак у Брэсце і вобласці, прымае актыўны ўдзел у розных мерапрыемствах і акцыях, арганізаваных АПБ.

Неабавязкова ехаць у экзатычныя краіны, каб пабачыць новыя для сябе віды птушак. Палічы, колькі з 334 відаў беларускіх птушак ты ведаеш. Хочаш пазнаёміцца з іншымі?


Што цябе чакае ў Школе?

У Школе бёрдвочара ты вывучыш больш за 100 відаў птушак і пачнеш заўважаць іх у прыродзе. Усяго будзе восем тэарэтычных заняткаў і дзве палявыя экскурсіі.

У Школе раскажуць не толькі як адрозніваць птушак, але і дадуць шмат іншай карыснай інфармацыі: як апранацца для бёрдвочынгу, як скласці маршрут, як апісваць птушку, як правільна пазначаць яе месцазнаходжанне.

Кожны вучань атрымае шпаргалку са спісам усіх птушак Беларусі і асноўнай інфармацыяй пра кожны від, а выдатнікі школы – вызначальнік.

Што ты даведаешся пра птушак?

  • як адрозніць самцоў ад самак, як выглядаюць маладыя птушкі, 

а як дарослыя падчас гнездавання і ў іншы час;

  • як адрозніць птушак па галасах;
  • дзе i якіх птушак можна сустрэць;
  • чым харчуюцца птушкі;
  • якія паводзіны і іншыя асаблівасці яны маюць.


Заняткі будуць праходзіць на базе Брэсцкага абласнога краязнаўчага музея па адрасе: Брэст, вул. Карла Маркса, 60. Першы занятак адбудзецца 4 лютага ў 18.00. Наступныя заняткі будуць праходзіць кожны аўторак.

 

Выкладчык: старшыня Брэсцкага абласнога аддзялення АПБ, бёрдвочар, Юрый Янкевiч.

 

Запісацца ў Школу бёрдвочара можна да 2 лютага 2020 года.


Спяшайся, колькасць месцаў абмежаваная!

 

Кантактная асоба: Юрый Янкевiч 

тэл. 8-033-658-68-17

e-mail: yankevich.apb93@gmail.com

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация
Чтобы написать комментарий вам нужно авторизоваться или зарегистрироваться

Выборы в Беларуси 2020г. За кого вы проголосуете?

Новости Бреста

"Нет — заводу!" Брестчане снова протестуют несмотря на коронавирус

Хотите узнать больше? Брестский протест год назад / b-g.by 12 апреля сотни жителей Бреста вышли в центр города, чтобы протестовать против строительства аккумуляторного 1 163

В Бресте столкнулись Ford и VW: пострадали три человека, в том числе двое детей

Хотите узнать больше? Известно, что все пассажиры были пристегнуты ремнями безопасности, а дети перевозились в автокреслах, поэтому тяжелых травм никто не получил. 1 127

Интересные объекты на Брестском аукционе недвижимости. Что предлагают и за сколько?

Хотите узнать больше? На аукционах, проводимых государственным предприятием КУП «Брестский городской центр по управлению недвижимостью», в 2020 году можно будет приобрести 3 004

А так хотелось красиво пожить: сельскую учительницу "кинули" с биткоинами

Хотите узнать больше? Фото: pixabay Учительница одной из сельских школ в Брестской области решила улучшить своё финансовое положение, вложившись в криптовалюту, однако в 1 212

"Чупакабра" держит в страхе деревню под Брестом

Хотите узнать больше? В санитарной службе считают, что виноват некрупный лесной хищник, но местные жители считают, что всему виной чупакабра. Неизвестный зверь уничтожил... 1 520