Закрыть

Выберите свой город

Закрыть

Пятро Ламан: Нацыянальная сапраўднасць

Нацыянальны акадэмічны драматычны тэатр імя Якуба Коласа рыхтуецца да святкавання 65-гадовага юбілею акцёра Пятра Ламана, якое адбудзецца 5 кастрычнiка.

Пятро Ламан: Нацыянальная сапраўднасць

Творчасць Пятра Ламана прыналежыць да цэнтральнага кола беларускага мастацтва. У сваіх тэатральных вобразах ён раскрывае архетыпічную прыроду беларускасці з яе разважлiвасцю, талерантнасцю, сумленнасцю, гарманічным адзінствам са стыхіямі роднай прыроды, укаранёнасцю ў народныя вытокі ўласнай культуры. Улічваючы, што Пятро Ламан з’яўляецца яшчэ паэтам, пiсьменнiкам і перакладчыкам, дадзены інтэгратыўны вобраз беларуса увасоблены ім у поўнай меры. Гэта трапленне ў цэнтр правідчага прамяня беларускай культуры робіць яго творчасць як актуальнай, так і сапраўды высокай i несмяротнай

На юбілейны дзень, у 19 гадзiн, гледачам будзе прадэманстраваны спектакль «Пахавайце мяне за плінтусам» рэжысёра Валерыя Анісенкі паводле аповесці Паўла Санаева. Як вядома, бенефісны спектакль выбірае сам юбіляр. У ім Пятро Ламан не толькі iграе ролю Дзеда, ён яшчэ з’яўляецца і перакладчыкам самой аповесці. Пастаноўка ставіць праблематыку ўнутрысямейных вытокаў чалавечай рэпрэсіўнасці. Маштабна прадэманстравана ўся глыбіня бытавога чалавечага iндульгавання ў патуранні жалю да саміх сябе. І побыт набывае ўсяленскія памеры. Персанажы знаходзяцца ў палоне вечнага няшчасця. Апантанасць эгаізмам прадстаўнікоў старэйшага пакалення і ўсеагульная падазронасць ствараюць атмасферу ўнутранага надрыву і ставяць персанажаў на грань страты псіхічнага здароўя. Гледачам са ўсёй вiдавочнасцю прадстаўлены ўсе сумнеўныя плады постсавецкай бездухоўнасці. Падобнага роду спектаклі з’яўляюцца актуальнымі і папярэджваюць аб прорвах, у якія вядуць ўнутраная несумленнасць, эгаізм, рэпрэсіўнасць ў адносінах да сябе і iншых.

Прадаставiм слова калегам Пятра Ламана і супрацоўнікам Нацыянальнага акадэмічнага драматычнага тэатра імя Якуба Коласа, якія падзяліся з намі думкамі пра яго творчасць, і выказалі акцёру свае пажаданнi:

Юрый Лiзянгевiч, рэжысёр:

«Калi наш тэатр прыехаў у Маскву і мы iгралі «Вішнёвы сад», на спектаклі прысутнічаў Раман Вiкцюк. Я яго запрасіў. Ён сядзеў у зале са сваім сынам, які быў яшчэ тады дзевяцікласнікам, а Фiрса iграў у гэты вечар Пятро Ламан. І Вiкцюк звярнуўся да Ігара: «Вось гэты артыст, напэўна, і ў жыцці гаворыць па-беларуску». А калі скончыўся спектакль, ён зайшоў да артыстаў, захацелася яму сказаць некалькі прыемных слоў, падышоў да Ламана і сказаў: «Вы па-сапраўднаму думаеце па-беларуску». Я думаю, што Пятро Ламан – гэта сапраўды такі вось нацыянальны беларускі артыст. Які «не па службе, а па душы» з’яўляецца артыстам нацыянальнага беларускага тэатра. Тое, што ён цяпер iграе Несцерку – сапраўды ягоная справа ў тэатры, бо гэта народны, спрадвечны персанаж, які кладзецца на індывідуальнасць, на душу гэтага артыста. А жадаю я яму перш за ўсе здароўя, творчых поспехаў і ўдачы».

Святлана Акружная, народная артыстка Беларусi:

«У мяне з Пятром Ламаном былі галоўныя ролі ў «Клеменсе» Казіса Саі і «Не трывожся, мама» Надара Думбадзе. Гэтыя спектаклі карысталіся велізарным сцэнічным поспехам. Ён выдатны сцэнічны партнёр, лёгка схоплівае характар. Вялікі працавік, абаяльны, яго вельмі любіць публіка. Яшчэ Пятро Ламан вельмі добры паэт, піша выдатныя вершы. Прыйшоў ён у тэатр вельмі сціплым хлопчыкам, і стаў паступова раскрывацца. Я жадаю яму самага галоўнага – здароўя, каб ён быў шчаслівы і ўдачлівы. Жыццё працягваецца, і пажадаю яму таксама ў далейшым значных роляў. Ён поўны сіл, і можа яшчэ іграць і іграць».

Нiна Обухава, актрыса:

«Пятро Ламан адзін з самых цікавых акцёраў, ён вельмі своеасаблівы, і ў яго зусiм асаблівая, вельмі магутная энергетыка. Ён вельмі выдатна размаўляе на беларускай мове і ў яго шмат перакладаў. Ён шмат пераклаў для тэатра як прафесійны перакладчык. У яго заўсёды можна i патрэбна вучыцца. Шмат ведае і распавядае велізарную колькасць цікавых гісторый. Быў знаёмы з такімі выбітнымі пісьменнікамі і паэтамі, як Уладзімір Караткевіч і Рыгор Барадулін. Жадаю яму моцнага здароўя, сіл, цярпення, божай дапамогі ва ўсіх справах, і, вядома ж, творчасці, цікавых рэжысёраў, добрай драматургіі. Але ён і сам вельмі запатрабаваны акцёр…»

Лiтаратурны рэдактар коласаўскага тэатра Юрый Іваноўскі

звярнуў увагу на адзін важны аспект неабходнасці прызнання заслуг акцёра, які ці то па неабдуманасці, ці то з прычыны намеру, не вырашаны да гэтага часу:

«Пачну з пажаданняў. Найперш пажадаю Пятру Ламану як мага даўжэй заставацца на сцэне і атрымліваць як мага больш новых цікавых роляў. І, вядома ж, хацеў бы, каб у яго было званне. Ён адносіцца да ліку тых артыстаў, хто ўжо даўно заслугоўвае гэтага звання Заслужанага артыста Беларусі. У яго ёсць такая роля, як Несцерка, і шэраг іншых роляў. У яго велізарны паслужны спіс, і ролі вельмі цікавыя. Ён жа да таго ж не толькі акцёр, але і паэт, пісьменнік. Сябраваў са сваім земляком Янкам Брылем, які як-то спытаў у яго: «А чаму ты не пішаш прозу?» І Пятро Ламан потым распавядаў, што пасля гэтага яму сталі сніцца сны, цэлыя кавалки сноў, так і з’явілася аповесць «Астравы». У свой час ён таксама апублікаваў у «Нашай ніве» вядомы адкрыты ліст аб абароне беларускай мовы на сцэне нацыянальнага тэатра. Многія акцёры, сыходзячы за кулісы, тут жа пачынаюць гаварыць па-руску. А калі акцёр думае па-руску, то, вядома, і на сцэне цяжкавата, таму што трэба, каб слова нарадзілася само па сабе. А калі гэта не адбываецца, гэта відавочна… Нават, калі Пятро Ламан iграе не беларускую п’есу, ўсе роўна ў яго атрымліваюцца нацыянальныя персанажы. Гэтыя нацыянальныя асаблівасці ў яго адчуваюцца ў любым вобразе. Адзначу таксама, што ён яшчэ iграе важную ролю для тэатра, як перакладчык. Многія спектаклі ідуць у яго перакладзе. Пятро Ламан вельмі шмат ведае пра Віцебшчыну: якія тут былі старажытныя месцы, паходжанне храмаў, ён выдатна ведае гісторыю Беларусі наогул. Такі артыст – гэта ўпрыгожванне нацыянальнага тэатра. Я не ведаю ўсіх яго званняў і ўзнагарод, але званне Заслужанага артыста яму даць абавязкова павінны».

Насамрэч, прысваенне выдатнаму акцёру звання Заслужанага, было б сцвярджэннем справядлівасці не толькі да яго асабіста, але і да ўсёй тэматыцы сапраўднай беларускасці ў нашым мастацтве. У выпадку Пятра Ламана гэтая беларускасць з’яўляецца спрадвечнай. Яна ідзе ад глыбокіх каранёў і не стасуецца з псеўданацыянальным афіцыёзам. Але, як бы не здарылася, мы перакананы ў галоўным: творчасць акцёра, паэта, пiсьменнiка, будзе заўсёды глыбока раскрываць тэму нацыянальнай сапраўднасці і годнасці народа.

Трохі пазней на “Народных навінах Віцебска” з’явіцца інтэрв’ю з самім юбілярам.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Спутник планеты Земля?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Витебска

Борьба с коррупцией продолжается: прокуратура возбудила ряд уголовных дел

Хотите узнать больше? Прокуратура возбудила ряд уголовных дел в отношении региональных управленцев и должностных лиц. Об этом сообщает пресс-служба Генеральной прокуратуры 140

Прокуратура и госконтроль Витебской области изучают законность деятельности РУП «Витебскавтодор»

Хотите узнать больше? Гениректору РУП «Витебскавтодор» порекомендовали правильно определять стоимость строительства объектов и не нарушать трудовые права работников. 479

Три килограмма ртути нашли в Лепеле на территории предприятия

Хотите узнать больше? 26 октября в Лепеле при ведении земляных работ на территории частного унитарного предприятия было найдено три килограмма ртути... 1 102

В лесу под Новополоцком обнаружили немецкие мины

Хотите узнать больше? 26 октября в лесу у Новополоцка обнаружили 18 противотанковых мин ТМ-42 (Tellermine 42) времен Второй мировой войны... 991

Витебская афиша с 26.10.2015 по 1.11.2015 года

Хотите узнать больше? Афиша мероприятий в Витебске на неделю с 26 октября по 1 ноября 2015 года: кино, театр, выставки, концерты, развлечения... 914

Международный инновационный форум в Витебске и Орше соберет профессионалов и новичков бизнеса

Хотите узнать больше? Международный инновационный форум в Витебске и Орше объединит профессионалов и новичков бизнеса, сообщили БЕЛТА в Витебском облисполкоме... 748

У Віцебску дадуць канцэрт адразу два гурты: The Unlimited Trio і Vuraj

Хотите узнать больше? 5 лістапада з вялікім восеньскім канцэртам ў Віцебск завітаюць адразу два непаўторныя музычныя гурты! Для нас зайграюць касмічныя The Unlimited Trio 572

В Витебске налоговая с милицией изъяли в магазине «Добрыня» мотоблоки

Хотите узнать больше? 25 октября в Витебске нарядом Первомайского отдела охраны, совместно с сотрудниками ОБЭП и ИМНС в магазине «Добрыня» выявлен факт реализации 1 382