Закрыть

Выберите свой город

Закрыть

Подаём руку на дружбу

Подаём руку на дружбу

7 чэрвеня ў 20-ты раз, а ў статусе міжнароднага — у 16-ты, на Пастаўшчыне пачнецца фестываль “Звіняць цымбалы і гармонік”. Напярэдадні вялікай культурнай падзеі карэспандэнт “Пастаўскага краю” гутарыць са старшынёй раённага выканаўчага камітэта В. С. ГУТАРАВЫМ.

— Віктар Сяргеевіч, што для Пастаўшчыны фестываль?

— Гэта візітная картка раёна. Без перабольшвання скажу, што дзякуючы фестывалю Паставы набылі статус музычнай сталіцы Паазер’я. Штогод да нас прыязджаюць сотні выканаўцаў з усёй Беларусі і многіх замежных краін. Мы прымалі гасцей з Расіі, Украіны, Польшчы, Літвы, Латвіі, Эстоніі, Малдовы, Венгрыі, Славакіі, Італіі, Ізраіля, Венесуэлы, Казахстана, Кітая. І кожная дэлегацыя прыўносіць элементы народнай культуры сваёй краіны, адбываецца вялікі творчы абмен. Прычым дух фестывалю ахоплівае не толькі выканаўцаў, але і гледачоў. У нас вельмі зацікаўленая і ўдзячная публіка. Не толькі ў дні фестывалю, а падчас кожнага культурнага мерапрыемства гледачы запаўняюць залы Дамоў культуры і клубаў, тысячы іх збіраюцца ў гарадскім парку.

Прыём гасцей — гэта не толькі радасць сустрэч, але і вялікія клопаты. Таму ўжо тады, калі яшчэ гучаць апошнія акорды фестывалю, мы ўжо гаворым пра тое, як будзем рыхтавацца да наступнага. І перад кожным праводзім вялікую работу, горад добраўпарадкоўваецца, прыгажэе, радуе як гаспадароў, так і гасцей. Пра гэта мы чуем шмат водгукаў.

— Гасцям (а многія з іх прыедуць да нас упершыню) цікава будзе не толькі пабачыць горад, але і даведацца, што ўяўляе сабой раён.

— Найперш скажу пра тое, што Пастаўшчына вельмі багатая прыродай. Агульная плошча раёна — 2,1 тысячы квадратных кіламетраў, 43,3 працэнта тэрыторыі займаюць лясы. У нас 120 азёр і 86 рэк, 25 асабліва ахоўваемых прыродных тэрыторый рэспубліканскага і мясцовага значэння. Раён прыцягальны для адпачынку і турызму (абуладкавана 17 аграэкасядзіб, праходзяць турыстычныя маршруты). На Пастаўшчыне 19 помнікаў архітэктуры, у тым ліку 5  палацава-паркавых ансамбляў. Сумесна з партнёрамі з горада Рокішкіс Літоўскай Рэспублікі за кошт сродкаў Еўрапейскага Саюза гэтым летам будзе завершана грандыёзная рэстаўрацыя палаца Тызенгаўзаў у Паставах. Ра­сійскія інвестары ўдыхаюць другое жыццё ў палацава-паркавы ансамбль Бішэўскага ў гарадскім пасёлку Лынтупы. Увогуле, мы вельмі беражліва і з вя­лікай павагай ставімся да ўсёй гістарычнай спадчыны.

У раёне пражывае больш за 38 тысяч чалавек, з іх каля 20 — у Паставах. Сельскагаспадарчай вытворчасцю займаюцца 15 сельгаспрадпрыемстваў і 14 фермерскіх гаспадарак, прамысловай — 9 прадпрыемстваў. Асабліва магутная ў нас дрэваапрацоўка. Найбольшага росту вытворчасці дасягнулі ПУП “Пастаўскі мэблевы цэнтр”, ААТ “Паставымэбля”, ТАА “Вытворча-мэблевы цэнтр”. Прадукцыя ПМЦ рэалізуецца ў Літву, Расію, Украіну, Казахстан, Італію, Лівію, Дагестан, Азербайджан. Экспарт на прадпрыемстве складае 80% ад агульнай вытворчасці. На Пастаўскім льнозаво­дзе ажыццяўляецца інвестыцыйны праект рэканструкцыі з устаноўкай высокапрадукцыйнай лініі выпрацоўкі льновалакна. Інвестыцыі ў гэты праект складуць сёлета каля 100 мільярдаў рублёў. Ажыццяўляецца мадэрнізацыя на малочным заводзе. Сёлета будзе здадзены ў эксплуатацыю цэх па вытворчасці цвёрдых сыроў магутнасцю 20 тон у суткі (агульны аб’ём інвестыцый склаў больш за 250 мільярдаў рублёў).

Вядзецца мадэрнізацыя і ў сельскай гаспадарцы. У ААТ “Хацілы-агра” эксплуатуецца робатызаваная ферма. Такая ж ферма ўзводзіцца і ў ААТ “Навасёлкі-Лучай”. У бліжэйшыя гады робаты прыйдуць яшчэ ў некалькі гаспадарак. Мадэрнізацыя і інтэнсіфікацыя вытворчасці дазволяць дабівацца зусім іншых паказчыкаў. Трэба адзначыць, што паспяхова развіваецца не толькі дзяржаўны, але і прыватны сектар. У раёне працуюць 195 прадпрыемстваў недзяржаўнай формы ўласнасці, у тым ліку 8 — з замежнымі інвестыцыямі, 870 індывідуальных прадпрымальнікаў. Шмат будуецца жылля — да 15 тысяч квадратных метраў штогод. Вялікая ўвага надаецца сацыяльнай сферы.

— Аднак вернемся да культуры. Напэўна ж, Паставы невыпадкова абраны “цымбальнай” сталіцай?

— Безумоўна, невыпадкова. Яшчэ ў 1939 годзе ў раёне быў створаны Груздаўскі цымбальны аркестр, які прасла­віўся далёка за межамі Беларусі, выступаў нават на крамлёўскай сцэне. Традыцыі “груздаўскіх дзядоў” жывуць і развіваюцца дзякуючы выкладчыкам Пастаўскай школы мастацтваў і многім іншым творчым калектывам. Радуе, што існуе пераемнасць пакаленняў, што да народнага мастацтва актыўна далучаюцца зусім юныя яго прыхільнікі.

У раёне, асабліва ў горадзе, створана добрая матэрыяльна-тэхнічная база ўстаноў культуры. У свой час на вышэйшым узроўні адрамантавалі раённы Дом культуры на 500 месцаў, і ў параўнанні з іншымі сельскімі раёнамі ён з’яўляецца ўнікальным у Беларусі. Дзейнічае 10 Дамоў культуры і столькі ж сельскіх клубаў, 5 клубаў-бібліятэк, 26 бібліятэк. Пры стварэнні аграгарадкоў мы змаглі якасна адрамантаваць установы культуры, закупіць абсталяванне і музычныя інструменты. Гэта гаворыць пра тое, што культурнае жыццё функцыянуе на Пастаўшчыне паўнацэнна.

Але галоўнае — гэта, безумоўна, людзі. Нашы культработнікі і ўсе творчыя людзі актыўныя, ініцыятыўныя, таленавітыя. А колькі самаадданых прыхільнікаў мастацтва! Гэта пацвярджае ўжо адзін той факт, што 17 самадзейных калектываў носяць званне “народны”.

Сёння, карыстаючыся магчымасцю, хачу шчыра падзякаваць нашаму земляку Тадэвушу Іванавічу Стружэцкаму, які да нядаўняга часу працаваў намеснікам міністра культуры і ўнёс неацэнны  ўклад у станаўленне і развіццё пастаўскага фестывалю. Працягвае шчыра апекавацца над ім і зараз. Вялікі дзякуй і дзясяткам іншых не проста прыхільнікаў, а рупліўцаў фестывалю — пачынаючы ад мясцовых кадраў і заканчваючы сталічнымі карыфеямі мастацтва.

— Віктар Сяргеевіч, што пажадаеце ўдзельнікам і гасцям фестывалю?  

— Няхай выступленні прынясуць ­удзельнікам XVI Міжнароднага фестывалю народнай музыкі “Звіняць цымбалы і гармонік” заслужаныя перамогі, а ў сэрцах удзячных гледачоў пакінуць частку цяпла, святла і радасці. Ад шчырага сэрца жадаю натхнення і творчых адкрыццяў, радасных сустрэч, шчасця і дабрабыту. Мы заўсёды рады гасцям і з задавальненнем падаём руку на дружбу.

Гутарыла Фаіна КАСАТКІНА.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц весны?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

За 10 месяцев в Поставском районе зарегистрирован 181 брак, а расторгнуты 98. Каковы нюансы бракоразводного процесса?

Хотите узнать больше? Изображение использовано в качестве иллюстрации. Фото с сайта siol.net Статистика свидетельствует, что из года в год количество расторжений браков, 14

Фестиваль "Гучаць старадаўнія арганы Пастаўшчыны" пройдет 10-11 декабря

Хотите узнать больше? Изображение использовано в качестве иллюстрации. Автор фото неизвестен Поставский райисполком при поддержке Белорусского фонда культуры, прихода 21

Поставчане, не пугайтесь – 6 декабря в районе прозвучат сирены

Хотите узнать больше? Изображение использовано в качестве иллюстрации. Фото с сайта bigstockphoto.com 6 декабря на Поставщине МЧС будет проводить годовую проверку системы 25

Край.бай разыграе білет на тэлевізійныя здымкі праекта тэлеканала СТБ «Залатая калекцыя беларускай песні»

Хотите узнать больше? Іна Ананасьева. Фота з сайта govorim.by 6 cнежня ў 19.00 на сцэне канцэртнай залы Палаца культуры горада Маладзечна пройдуць здымкі папулярнага 30

Врач, юрист, психолог и месса в костеле. График мероприятий ко Дню инвалидов в Поставах

Хотите узнать больше? Изображение использовано в качестве иллюстрации. Автор фото неизвестен В Поставах запланирован целый ряд мероприятий, посвященных Дню инвалидов. 2 33

Розыгрыш окончен. Сладкий подарок достался Александре Петровской из Молодечно (фото)

Хотите узнать больше? Сладкий подарок достался Александре Петровской. Фото Катерины Сушко, Край.бай Александра Петровская выполнила все условия конкурса и была пятой по 29

Адкажы на пытанні і атрымай білет на тэлевізійныя здымкі праекта тэлеканала СТБ «Залатая калекцыя беларускай песні»

Хотите узнать больше? Выява выкарыстана ў якасці ілюстрацыі. Фота з сайта lh3.ggpht.com Здымкі папулярнага праекта тэлеканала СТБ «Залатая калекцыя беларускай песні» 27

В Поставах восстановят памятник на могиле польских солдат, находящийся во дворе магазина

Хотите узнать больше? Памятник на могиле польских солдат в Поставах. Исторический и современный вид. Фото postawy.by и postavyiokrestnosti.blogspot.com.by. Коллаж – с 39