Закрыть

Выберите свой город

Закрыть

Запоўніць свет усімі фарбамі

Запоўніць свет усімі фарбамі

В. М. Танана за сваім любімым заняткам.

Першае, што ўразіла, калі пераступіла парог дома пастаўчанкі Валянціны Макееўны Танана, — гэта абсалютныя чысціня і парадак усюды. Уразіла, таму што ведала: гаспадыня з’яўляецца інвалідам першай групы па зроку і амаль нічога не бачыць. Пазней, размаўляючы з жанчынай, яшчэ не раз здзіўлялася — яе жыццёваму аптымізму, які дапамагае пераадольваць цяжкія хваробы, залатым рукам і моцнаму характару.

Праблемы са зрокам у Валянціны Макееўны пачаліся 20 гадоў назад без бачнай на тое прычыны. Да гэтага яна паспяхова закончыла школу і Бабруйскі аўтатранспартны тэхнікум па спецыяльнасці “Эксплуатацыя аўтамабільнага транспарту”. Па размеркаванні трапіла на работу ў Гомель, дзе пазнаёмілася з Фёдарам Вікенцьевічам Тананой, які зараз працуе намеснікам дырэктара УП ЖКГ па цеплаэнергетыцы. У хуткім часе выйшла за яго замуж, у 1986 годзе нарадзіла сына. Праз два гады зноў зацяжарыла, але дзіця з’явілася на свет мёртвым, саму ж маму давялося ратаваць урачам.

У 1990 годзе маладая сям’я пераехала на радзіму мужа, у Паставы. Валянціна Макееўна ўладкавалася на работу ў раённы вузел сувязі. Пакрыху пачало наладжвацца жыццё на новым месцы. Але неўзабаве ў дзверы дома зноў пастукала бяда — у 28-гадовай жанчыны стаў хутка падаць зрок. Праз год ёй далі трэцюю групу інваліднасці, яшчэ праз два — другую, затым першую.

Куды толькі ні звярталася яна з мужам! Лячылася і праходзіла абследаванне ў Полацку, Віцебску, Мінску. У 1995 годзе В. М. Танана зрабілі аперацыю на правым воку, якое бачыла горш, каб зусім не аслепла на яго. Аперыравалі ў санкт-пецярбургскай клініцы па метадзе вядомага афтальмолага Мулдашава (замянілі звужаныя да мінімуму сасуды і падрэзалі мышцу). Надзеі на тое, што пацыентка будзе бачыць, ніхто не даваў, але працэс падзення зроку ўдалося прыпыніць. Да гэтага яна двойчы ляжала ў Інстытуце экспертызы ў Мінску, куды прыязджалі спецыялісты з маскоўскага інстытута Святаслава Фёдарава. Абследаваўшы Валянціну Макееўну, яны вынеслі вердыкт: рабіць аперацыю нельга, бо вельмі складаны дыягназ — дыстрафія сятчаткі абодвух вачэй. Пазней да гэтага дабавіліся глаўкома і катаракта, а таксама іншыя балячкі — цукровы дыябет, павелічэнне шчытападобнай залозы.

Тым не менш надзеі на сучасныя медыцынскія тэхналогіі, якія могуць дапамагчы, Валянціна Макееўна і яе блізкія не згубілі. Звярнуліся ў цэнтры лазернай карэкцыі зроку “Новы погляд” і “Новы зрок” у Мінску. Але і там толькі развялі рукамі: аперацыя проціпаказана, падабраць акуляры ці кантактныя лінзы немагчыма. Прычыну, па якой жанчына амаль цалкам аслепла, таксама не змог назваць ні адзін спецыяліст. Магчыма, гэта наступствы другіх, няўдалых, родаў, а магчыма, аварыі на Чарнобыльскай АЭС.

Цяпер двойчы ў год В. М. Танана праходзіць курс лячэння ў цэнтральнай раённай бальніцы. Поле зроку ў яе вельмі звужана: бачыць, нібы праз трубачку, і зусім дрэнна — на адлегласці паўметра можа разабраць толькі абрысы чалавека. Пры гэтым сама робіць усю хатнюю работу: гатуе, мые посуд, прыбірае ў кватэры, ставіць нарыхтоўкі на зіму і нават вяжа пруткамі. Ды яшчэ як! Бачылі б вы яе акуратныя, вочка ў вочка, джэмперы, камізэлькі, панчохі і пінеткі для дзяцей і ўнукаў! Для іх жа, а таксама іншых родных, якія любяць бываць у гэтым гасцінным доме, выпякае розныя прысмакі: тарты, пячэнне, пірожныя.

— Дома мне ўсё знаёмае, і я лёгка арыентуюся ў пакоях і двары, — расказвала Валянціна Макееўна. — Калі нешта раблю, галоўнае, каб ніхто не перашкаджаў. Напрыклад, гатую абед, пакладу той жа нож ці дошчачку на пэўнае месца — і ведаю, што яны там ляжаць. Пры неабходнасці сама магу схадзіць у магазін, аптэку. Але часцей гэта робіць муж або прашу суседзяў. Яны ж часам адвозяць мяне ў паліклініку, за што вельмі ўдзячна. Вялікі дзякуй хочацца сказаць таксама блізкім — найперш мужу, які ва ўсім дапамагае, сыну з нявесткай (яны жывуць у Санкт-Пецярбургу), сястры, пляменніцы.

Больш за 5 гадоў Валянціна Макееўна Танана ўзначальвала раённую арганізацыю Беларускага таварыства інвалідаў па зроку. Калі ж амаль зусім перастала бачыць і не змагла працаваць з дакументацыяй, давялося пакінуць гэту пасаду. Але сувязь з членамі арганізацыі не парывае да гэтага часу. Інваліды часта тэлефануюць ёй дамоў, каб проста пагаварыць, падзяліцца сваімі радасцямі і бедамі. Падтрымлівае зносіны таксама са шматлікімі сябрамі з Гомеля, іншых гарадоў.

Не па чутках знаёмая з праблемамі людзей з абмежаванымі фізічнымі магчымасцямі, мая новая знаёмая кажа, што такім людзям патрэбны не шкадаванне і спачуванне тых, хто іх акружае, а разуменне і падтрымка. Праўда, ёсць розныя катэгорыі інвалідаў. Адным колькі ні дай і што ні зрабі — усё роўна будзе мала і дрэнна, а іншыя наадварот, атрымліваючы невялікую пенсію, ніколі не скажуць, што ім чагосьці не хапае.

— Усё залежыць ад чалавека, — зазначыла жанчына. — Ён не павінен сябе шкадаваць, калі здарылася такая бяда, бо са шкадаваннем часта з’яўляецца азлобленасць на ўвесь свет. Таксама не трэба панікаваць і кідацца ў крайнасці, а змірыцца са сваім цяперашнім становішчам і жыць далей. Нават застаўшыся без рук ці ног, усяму можна навучыцца. Трэба проста ўзяць сябе ў рукі і знайсці нейкую цікавую справу.

У Валянціны Макееўны яна ёсць, і не адна. Ёсць цудоўныя людзі, якія яе акружаюць. Бо тыя дабро і цяпло, якія ты выпраменьваеш у свет, абавязкова да цябе вяртаюцца. Гэта даказана.

Алена ШАПАВАЛАВА.

Фота аўтара.

 

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Сколько лет в веке? (ответ числом)

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

Новые тарифы «Белтелекома»: с марта дорожают byfly и ZALA

Хотите узнать больше? Изображение использовано в качестве иллюстрации. Фото с сайта 42.tut.by Национальный оператор связи «Белтелеком» объявил о внесении изменений в 31

Билеты на концерт Сергея Славянского в Молодечно получают две учительницы из Вилейки

Хотите узнать больше? Сергей Славянский. Фото с сайта www.slavyanskiy.com Сергей Славянский выступит 21 февраля в 18.00 в Районном центре культуры Молодечно. Край.бай 37

Выбери достойного! На Край.бай началось голосование за «Мистера Интернет-симпатию» конкурса мужской красоты в Молодечно

Хотите узнать больше? Изображение использовано в качестве иллюстрации. Фото с сайта investigator.org.ua Сегодня, 15 февраля, на нашем портале стартует голосование в 42

Стоимость питания в детсадах и школах Беларуси повысили на 5%

Хотите узнать больше? Изображение использовано в качестве иллюстрации. Фото с сайта www.lenobl.ru Стоимость питания в детских садах составит в среднем от 41,14 до 77,44 53

10 и 40 лет спустя. Вечера встречи выпускников нашего края в Facebook (фото)

Хотите узнать больше? Вечер встречи выпускников в Вилейке. Фото со страницы Ирины Никонович в Фейсбуке Портал Край.бай публикует фотографии с вечеров встречи выпускников, 45

Ответь на вопросы и получи билет на спектакль «Отель 18+»

Хотите узнать больше? Артисты комедии «Отель 18+». Фото с сайта hotel18plus.com Театр эстрады Аркадия Райкина выступит 11 февраля в 19.00 на сцене Дворца культуры 55

«Бегущий по лезвию»: продолжение знаменитой кинокартины

Хотите узнать больше? Кадр из фильма «Бегущий по лезвию» Одно из самых ожидаемых продолжений картины, снятой в 1982 году, выйдет в октябре этого года. Фанаты фильма уже 43

В минской школе директор не выпустила второклассника в туалет – тот описался. Директор: «Никаких проблем у нас нет»

Хотите узнать больше? Изображение использовано в качестве иллюстрации. Фото с сайта www.stroyka74.ru Последний понедельник января в минской школе №29 ознаменовался 72