Закрыть

Выберите свой город

Закрыть

«Витанню» — 30 гадоў

«Витанню» — 30 гадоў

Народны ансамбль народнай музыкі і песні “Вітанне” ведаюць не толькі ў нашым горадзе, але і далёка за межамі раёна, вобласці, рэспублікі і нават за мяжой. А пачынаўся яго творчы шлях з раённага аддзела ўнутраных спраў.

Трыццаць гадоў таму супрацоўнікаў райаддзела міліцыі абавязалі прыняць удзел у занальным аглядзе мастацкай самадзейнасці. Начальнік РАУС В. І. Шушкевіч звярнуўся па дапамогу да выкладчыцы музычнай школы Ірыны Генадзьеўны Макоўскай. Яна на той час мела вопыт кіраўніцтва тысячным хорам, які арганізоўвалі з работнікаў арганізацый, прадпрыемстваў, калгасаў. Разам з акампаніятарам Анатолем Собалем ездзілі па раёне, на месцах праводзілі рэпетыцыі. Потым збіралі ўсіх разам у Паставах, выступалі на маштабных раённых святах. Працавалі і з самадзейнымі калектывамі райбыткамбіната, райсельгасхіміі. Не адмовіла І. Г. Макоўская і кіраўніцтву РАУС, з запалам узялася за справу.

«Витанню» — 30 гадоў

— На той час вельмі моднымі былі розныя вакальна-інструментальныя ансамблі, — успамінала Ірына Генадзьеўна, — а я прапанавала стварыць народны калектыў з адпаведным рэпертуарам і народнай манерай выканання. Праслухвала кожнага, хто прыходзіў, рэпеціравала асобна з жанчынамі і мужчынамі. Потым сабрала разам. Мала хто верыў, што ў нас штосьці атрымаецца.

Атрымалася! На конкурсе занялі першае месца. Члены журы не верылі, што спяваюць не настаўнікі музычнай школы. Прыйшлося паказваць пасведчанні. Першы поспех акрыліў. Удзельнікі ансамбля палюбілі народную песню. Яны сталі выступаць на розных мерапрыемствах не толькі раённага маштабу, але і ў вобласці, рэспубліцы. “Вітанне” запрашалі нават у Літву, Польшчу. Выступалі ў чарнобыльскай зоне.

Ансамбль трымаўся на энтузіязме (ніхто не плаціў ніякіх грошай), таму некаторыя ў ім не затрымліваліся, хтосьці ішоў на павышэнне па службе. На замену прыходзілі новыя людзі, і з імі І. Г. Макоўская пачынала з нуля развучваць харавую азбуку. Але было галоўнае — жаданне, і работнікі міліцыі пасля дзяжурстваў спяшаліся на рэпетыцыі. Касцяк складалі Казімір і Павел Кішко, браты Вячаслаў і Ігар Трафімавы, якія прыязджалі ажно з Варапаева, Анатоль Козел, Алег Парневіч, Таццяна Казакевіч, Ніна Петухова, Марыя Дыса, Марыя Чырванец, Вера Казаровец, Наталля Бароўка.

Праз пяць гадоў ансамблю прысвоілі званне “народны”. На той час гэта быў пік славы. Але ў аддзеле ўнутраных спраў змяніўся начальнік, і ансамбль стаў не патрэбен. Яго пад сваю апеку узяў раённы Дом культуры. Каб не страціць калектыў, Ірына Генадзьеўна займалася падборам іншага складу, запрашала работнікаў культуры, настаўнікаў школ горада, работнікаў іншых прадпрыемстваў і арганізацый, якія хоць крыху мелі слых і голас. Потым сама кіраўнік перайшла ў толькі што створанае “Паазер’е”. У канцы 90-ых “Вітанне” рашылі сфарміраваць з ліку настаўнікаў музычнай школы. Паступова ў яго ўліліся людзі іншых прафесій, якія і па сённяшні дзень не расстаюцца з калектывам. Яны таленавітыя і ўлюбёныя ў народную песню.

Больш за 10 гадоў у “Вітанні” пастаянны склад. Гэта былыя выпускнікі музычнай школы і іх настаўнікі. А аб’ядноўвае лепшых па выканальніцкім майстэрстве людзей Ірына Генадзьеўна Макоўская.

— З Ірынай Генадзьеўнай разам працуем больш за 40 гадоў, — гаварыў дырэктар Пастаўскай школы мастацтваў А. А. Собаль. — Надзвычай таленавіты, творчы чалавек, цудоўны хормайстар і пастаноўшчык, прафесіянал у сваёй справе. Дзякуючы менавіта ёй “Вітанне” стала такім вядомым.

— Сённяшні ансамбль — каманда аднадумцаў, — дзялілася І. Г. Макоўская. — Мы размаўляем на адной мове. Разумеем, што павінны не проста спяваць, а спяваць граматна. Я раблю апрацоўкі песень, раскладваю на галасы. Калі ідзеш ад слова, думаеш пра што спяваеш, тады з песні атрымліваецца спектакль. Вакалісты і музыканты — адно цэлае. Пры аранжыроўцы стараюся, каб добра вядомая ўсім песня прагучала па-новаму, імкнуся дабавіць “изюминку”.

Удалы тандэм у І. Г. Макоўскай склаўся з Ірынай Эдмундаўнай Рагіня. Яна не толькі прыгожа спявае, але і піша музычныя партытуры, а таксама вершы. “Вітанне” выконвае многія яе песні. Надзвычай адказная Святлана Аляксандраўна Пусько, якая акампаніруе на баяне і складае праграму выступлення. На другім баяне іграе Андрэй Валянцінавіч Гутар, на бас-гітары — Часлаў Мечыслававіч Сівіцкі, на дудцы — Наталля Сямёнаўна Белікава. А як гучыць скрыпка ў руках Ірыны Афанасьеўны Клімюк! Цудоўныя галасы ў вакалістак Наталлі Францаўны Крупадзёравай, Ірыны Віктараўны Рагіня, Іны Міхайлаўны Гарачкінай, Ксеніі Вячаславаўны Грэська. А яшчэ Наталля хораша чытае вершы, Ксенія можа зрабіць падтанцоўку.

— Нашы таленты і здольнасці ў руках мудрага кіраўніка, — гаварылі ўдзельнікі ансамбля. — Ірына Генадзьеўна ўмее іх раскрыць, падкарэкціраваць, накіраваць. З радасцю прымае любую ідэю. А яшчэ ёй лёгка адкрыцца, расказаць пра самае патаемнае. Яна для нас — сябар, выхавальнік, псіхолаг.

— Любоў да песні мне перадалася ад мамы, — расказвала І. Г. Макоўская. — Яна мела цудоўны голас сапрана, яе запрашалі на вучобу ў Варшаўскую кансерваторыю. Але ў сям’і было недастаткова сродкаў. У “Беларускай капэле”, якая ўваходзіць у склад Нацыянальнага акадэмічнага Вялікага тэатра оперы і балета Рэспублікі Беларусь, спяваў брат. На жаль, яго жыццё раптоўна абарвалася ў 55 гадоў. Добрыя галасы маюць мае дачка і сын. Таму песня — паўнапраўны член нашай сям’і. А “Вітанне” — сэнс майго жыцця. Рознае здаралася. Часам, як кажуць, “кошки на душе скребутся”, а выходзіш на сцэну, “уключаеш” усмешку, заводзіш песню — і спакайнее сэрца, адступаюць непрыемнасці. Урэшце дадому вяртаешся з добрым настроем.

Сёння “Вітанне” мае шмат паклоннікаў, яго вітаюць слухачы розных гарадоў Беларусі і замежжа. З многіх фестываляў ансамбль вяртаецца з высокімі ўзнагародамі. Пастаянна абнаўляецца рэпертуар. Часам хтосьці кажа, што народная песня — гэта ўчарашні дзень. Няпраўда! Калі яна выканана на прафесіянальнай аснове, з любоўю, то гэта сапраўднае мастацтва. А калі песня бярэ гледача за сэрца, значыць артысты ўклалі ў яе сваю душу.

Анна АНІШКЕВІЧ. Фота Пятра КУРЫЛОВІЧА і з архіва 
І. Г. Макоўскай.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: 24 часа это - ?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

Поставчане, не пугайтесь – 6 декабря в районе прозвучат сирены

Хотите узнать больше? Изображение использовано в качестве иллюстрации. Фото с сайта bigstockphoto.com 6 декабря на Поставщине МЧС будет проводить годовую проверку системы 22

Край.бай разыграе білет на тэлевізійныя здымкі праекта тэлеканала СТБ «Залатая калекцыя беларускай песні»

Хотите узнать больше? Іна Ананасьева. Фота з сайта govorim.by 6 cнежня ў 19.00 на сцэне канцэртнай залы Палаца культуры горада Маладзечна пройдуць здымкі папулярнага 26

Врач, юрист, психолог и месса в костеле. График мероприятий ко Дню инвалидов в Поставах

Хотите узнать больше? Изображение использовано в качестве иллюстрации. Автор фото неизвестен В Поставах запланирован целый ряд мероприятий, посвященных Дню инвалидов. 2 30

Розыгрыш окончен. Сладкий подарок достался Александре Петровской из Молодечно (фото)

Хотите узнать больше? Сладкий подарок достался Александре Петровской. Фото Катерины Сушко, Край.бай Александра Петровская выполнила все условия конкурса и была пятой по 27

Адкажы на пытанні і атрымай білет на тэлевізійныя здымкі праекта тэлеканала СТБ «Залатая калекцыя беларускай песні»

Хотите узнать больше? Выява выкарыстана ў якасці ілюстрацыі. Фота з сайта lh3.ggpht.com Здымкі папулярнага праекта тэлеканала СТБ «Залатая калекцыя беларускай песні» 25

В Поставах восстановят памятник на могиле польских солдат, находящийся во дворе магазина

Хотите узнать больше? Памятник на могиле польских солдат в Поставах. Исторический и современный вид. Фото postawy.by и postavyiokrestnosti.blogspot.com.by. Коллаж – с 38

Автопробег по Поставщине дошел до кладбища І мировой у пограничной полосы, куда не пускают обычных людей (фото)

Хотите узнать больше? Участники автопробега по местам Нарочской операции Первой мировой войны на территории Поставского района 17 ноября в д. Норковичи. Фото Вадима Шишко 36

Сустрэча ўсяго каталіцкага духавенства Віцебскай дыяцэзіі адбылася 17 лістапада ў Паставах (фота)

Хотите узнать больше? Сустрэча каталіцкага духавенства Віцебскай дыяцэзіі ў Паставах 17 лістапада. Фота з сайта catholic.by 17 лістапада ў касцёле Беззаганнага Зачацця 32