Закрыть

Выберите свой город

Закрыть

І «Пастаўскі край» «засвяціўся»

І «Пастаўскі край» «засвяціўся»

Сярод мерапрыемстваў абласнога фестывалю-кірмашу «Дажынкі-2014» быў медыяфорум «Рэпартаж са жніўнага поля», удзел у якім прынялі раённыя газеты і тэлебачанне Віцебскай вобласці. Прэзентацыя сродкаў масавай інфармацыі праходзіла літаральна за некалькі крокаў ад галоўнай сцэны, на якой адбывалася ўзнагароджванне пераможцаў жніва. 

Амаль кожная рэдакцыя  прывезла з сабой яркія, маляўнічыя банеры і фатаграфіі, на якіх былі адлюстраваны розныя моманты ўборачнай кампаніі, газеты, рэкламную прадукцыю, праектары і нават пачастункі. Разам з тым кожны творчы калектыў «Рэпартаж са жніўнага поля» ўбачыў па-свойму. Напрыклад, калегі з Лепеля прэзентавалі сваю газету ў нацыянальных касцюмах пад задорныя гукі народных інструментаў і спевы, з Ушач — прапаноў­валі паўдзельнічаць у віктарыне і адгадаць па зерні ў шклянках від сельскагаспадарчай культуры, полацкія журналісты вярсталі і друкавалі на прынтары невялікія выпускі газеты аб ходзе свята. Адным словам, у кожнага было сваё «залатое зерне».

Пляцоўку «Пастаўскага краю» ўпрыгожваў вялікі банер, на якім размяшчаліся фатаграфіі хлебаробаў, зробленыя падчас сёлетняга жніва, а таксама інфармацыя пра той уклад, які яны ўнеслі ў агульны каравай. На спецыяльным стэндзе былі выстаўлены нумары газеты з публікацыямі пра ход уборачнай кампаніі і святочныя нумары розных гадоў. Сярод рэкламнай прадукцыі — каляндарыкі з краявідамі горада і флажкі з лагатыпам раёнкі. Сапраўдным упрыгажэннем нашай прэзентацыі стаў каравай, на якім вялікімі літарамі было напісана: «Пастаўскаму краю — 75», выпечаны на хлебазаводзе райспажыўтаварыства. Многія  пыталіся, хто аўтар гэтага шэдэўра. Каравай заслужыў пахвалу і прафесійнага кандытара, а фатаграфавалі яго бясконца, нават прадстаўнікі Татарстана.

Экспазіцыйную пляцоўку з «Пастаўскім краем» раздзяляла мясцовае тэлебачанне «Паставы-ТБ». Яго работнікі ўстанавілі тэлевізар, на экране якога ўвесь час трансліраваліся сюжэты на сельскагаспадарчую тэматыку і невялікі відэафільм пра раён.

Інфармацыйную пляцоўку нашага раёна наведалі старшыня райвыканкама В. С. Гутараў і старшыня раённага Савета дэпутатаў В. П. Арэхаў, а таксама не адзін дзясятак зацікаўленых гледачоў, сярод якіх былі і нашы землякі. Многія з ноткамі настальгіі расказалі пра тое, што Пастаўшчына — іх малая радзіма. Адна з іх — Глафіра Канстанцінаўна Кашперава, якая нарадзілася ў вёсцы Казлоўшчына. Працяглы час жыла ў Варапаеве, працавала спачатку на заводзе ЖБВ, затым — у дыстанцыі пуці. Варапаева — радзіма яе траіх дзяцей. Нягледзячы на тое, што ў Гарадку жанчына жыве ўжо 28 гадоў, кожны раз, калі на абласным свяце бачыла пастаўскія палаткі, — ёкала сэрца. У Гарадку жыве і працуе галоўным санітарным урачом раёна ўраджэнец Пастаў Раман Анатольевіч Бабрычэнка. У нашым райцэнтры прайшлі яго дзіцячыя і юнацкія гады, таму кожны раз, калі мужчына па інтэрнэце глядзіць выпускі навін «Паставы-ТБ» — а робіць ён гэта рэгулярна, — адчуванне такое, што пабываў дома. Яшчэ адзін наш зямляк Уладзімір Ільіч Кузняцоў цяпер на пенсіі. Ён жыве ў Дубровенскім раёне, а на свята прыязджаў падтрымаць пляменніка-перадавіка, які сёлета на камбайне «Палессе» намалаціў больш за дзве тысячы тон збожжа. Не прамінуў нашу палатку і майстар участка Гарадоцкага ЖЭУ Аляксандр Селязнёў. Вельмі хваліў работнікаў Пастаўскага ДРБУ, якія дапамагалі падрыхтаваць сталіцу абласных «Дажынак» да святкавання.

Свята закончылася. Яго ўдзельнікі і госці раз’ехаліся па дамах. А нас, журналістаў, сагравае думка, што многія з іх з ­удзячнасцю ўспомняць і «Пастаўскі край».

Вераніка ФІЛАНОВІЧ.

Фота Пятра КУРЫЛОВІЧА.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: 24 часа это - ?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

Поставчане, не пугайтесь – 6 декабря в районе прозвучат сирены

Хотите узнать больше? Изображение использовано в качестве иллюстрации. Фото с сайта bigstockphoto.com 6 декабря на Поставщине МЧС будет проводить годовую проверку системы 22

Край.бай разыграе білет на тэлевізійныя здымкі праекта тэлеканала СТБ «Залатая калекцыя беларускай песні»

Хотите узнать больше? Іна Ананасьева. Фота з сайта govorim.by 6 cнежня ў 19.00 на сцэне канцэртнай залы Палаца культуры горада Маладзечна пройдуць здымкі папулярнага 26

Врач, юрист, психолог и месса в костеле. График мероприятий ко Дню инвалидов в Поставах

Хотите узнать больше? Изображение использовано в качестве иллюстрации. Автор фото неизвестен В Поставах запланирован целый ряд мероприятий, посвященных Дню инвалидов. 2 28

Розыгрыш окончен. Сладкий подарок достался Александре Петровской из Молодечно (фото)

Хотите узнать больше? Сладкий подарок достался Александре Петровской. Фото Катерины Сушко, Край.бай Александра Петровская выполнила все условия конкурса и была пятой по 25

Адкажы на пытанні і атрымай білет на тэлевізійныя здымкі праекта тэлеканала СТБ «Залатая калекцыя беларускай песні»

Хотите узнать больше? Выява выкарыстана ў якасці ілюстрацыі. Фота з сайта lh3.ggpht.com Здымкі папулярнага праекта тэлеканала СТБ «Залатая калекцыя беларускай песні» 25

В Поставах восстановят памятник на могиле польских солдат, находящийся во дворе магазина

Хотите узнать больше? Памятник на могиле польских солдат в Поставах. Исторический и современный вид. Фото postawy.by и postavyiokrestnosti.blogspot.com.by. Коллаж – с 38

Автопробег по Поставщине дошел до кладбища І мировой у пограничной полосы, куда не пускают обычных людей (фото)

Хотите узнать больше? Участники автопробега по местам Нарочской операции Первой мировой войны на территории Поставского района 17 ноября в д. Норковичи. Фото Вадима Шишко 35

Сустрэча ўсяго каталіцкага духавенства Віцебскай дыяцэзіі адбылася 17 лістапада ў Паставах (фота)

Хотите узнать больше? Сустрэча каталіцкага духавенства Віцебскай дыяцэзіі ў Паставах 17 лістапада. Фота з сайта catholic.by 17 лістапада ў касцёле Беззаганнага Зачацця 32