Закрыть

Выберите свой город

Закрыть

“Апантанасць — выдатная рыса”

“Апантанасць — выдатная рыса”

Дырэктар Аляксандр Іванавіч Кузняцоў і яго намеснік па асноўнай дзейнасці Алена Пятроўна Русецкая (крайняя справа) з настаўнікамі Галінай Васільеўнай Балмаценка, Інэсай Аркадзьеўнай Шаўловай, Валянцінай Міхайлаўнай Станюш, Раісай Дзмітрыеўнай Сарока, Наталляй Іосіфаўнай Голубевай, Аленай Якаўлеўнай Білюк і загадчыцай гаспадаркі Анжэлай Анатольеўнай Мацюшонак. Фота Пятра КУРЫЛОВІЧА.

Сюжэты пра фінал рэспубліканскага конкурсу “Настаўнік года”, паказаныя на беларускіх тэлеканалах у мінулыя выхадныя, а таксама публікацыі па тэме ў цэнтральных газетах прыемна ўразілі навізной і крэатыўнасцю. Гэта падзея і стала дамінуючай у размове з дырэктарам Юнькаўскай яслі-сад-базавай школы Аляксандрам Іванавічам Кузняцовым.

— Аляксандр Іванавіч, ці хацелі б Вы працаваць побач з такім педагогам, як Віктар Жук з Маладзечна, які перамог у суперфінале конкурсу?

— Працаваць з ім было б цікава, бо людзі з такой харызмай і самі не сядзяць на месцы, і іншых “заводзяць”. Пастаянна хацелася б дасягаць нейкіх вышынь.

— Чытала, як ён расказваў пра нестандартныя падыходы ў арганізацыі вучэбнага працэсу: на ўрок можа прыхапіць якія артэфакты або прыйсці ў даспехах…

— Ён жа гісторык, і я лічу, што робіць правільна. Сам гісторык, таму разумею, што ўсё гэта азначае. У нашай справе галоўнае — захапіць дзяцей так, каб яны палюбілі твой прадмет. Апантанасць — выдатная рыса.

Думаю, гэты малады настаўнік (а яго педагагічны стаж складае ўсяго тры гады) імкнецца не адставаць ад падзей, якія адбываюцца не толькі навокал, але і ў свеце, дзейнічае па прынцыпе: дзяцей захапіць, навучыць іх мысліць і правільна выказваць думкі. Ён іх вучыць і накіроўвае на спасціжэнне нязведанага.

— Ці звязваеце гэта з тым, што ён малады?

— Абавязкова. Так было заўсёды, што моладзь ішла напера­дзе ўсіх падзей. І калі такі настаўнік прыходзіць на ўрок і спрабуе выкарыстоўваць ў навучанні штосьці адрознае ад таго, што было раней, дзеці яго хутка зразумеюць. Успамінаю вучобу ва ўніверсітэце. Адзін выкладчык прыходзіў у аўдыторыю і пачынаў чытаць свой канспект. Мы яго паважалі за ўзрост, але большасць студэнтаў займаліся на яго лекцыях хто чым, не слухалі, хоць інфармацыя даносілася цікавая. Таму заўсёды гавару: прыйшоўшы на ўрок, трэба ўмець прыцягнуць увагу да сябе. Цяпер у інтэрнэце па ўсіх тэмах і на ўсе пытанні можна знайсці адказы. Але такое жаданне часам бывае ў аднаго-двух з дзесяці. Значыць, астатнім трэба так паднесці, каб патрэбны матэрыял яны захацелі ўзяць.

Працэс навучання ўзаемны — у ім удзельнічаюць і настаўнік, і вучань.

— Дык якім павінен быць настаўнік?

— Прафесіяналам у сваёй справе, займацца толькі тым, чаму вучыўся і што ведае дасканала, выкарыстоўваць усе сродкі для таго, каб увага вучняў была сканцэнтравана на ім. Думаю, што ў такога настаўніка абавязкова будуць паслядоўнікі.

— А ў Вас яны ёсць?

— Пасля арміі мяне накіравалі настаўнікам пачатковых класаў у Мулярскую няпоўную сярэднюю школу. Гэта быў мой галоўны “ўніверсітэт”. Там я адчуў дзіцячую зацікаўленасць у тым, што адбываецца на ўроку. І цяпер бачу, як гараць вочкі ў некаторых пяці-шасцікласнікаў. Заўважаю і тое, як потым інтарэс у некаторых знікае. Прычына, магчыма, у тым, што класы малыя па напаўняльнасці, няма спаборніцтва.

Зрэшты, даводзілася працаваць і ў вялікіх класах. І ў іх памятаю такіх вучняў, якім было ўсё роўна: магчыма, яны лічылі, што ў любым выпадку іх навучаць. Але ж заўсёды вылучаюцца і зацікаўленыя — вось дзеля іх і варта старацца, павышаць свой прафесійны ўзровень.

Пастаянна радуе тое, што выкладчыкі тых устаноў, куды прыходзяць нашы выпускнікі, хваляць іх. Не магу не сказаць і пра тое, што ў 2010—2012 гадах мы займалі 2, 3, 4 месцы на раённых алімпіядах па гісторыі сярод базавых школ. Летась не ўдалося. Але будучыя прызёры ўжо ёсць, я іх заўважыў.

— Гісторыя — Ваш любімы прадмет?

— Так, і цікавасць да яе ў мяне з дзяцінства. Падабалася і геаграфія. Атлас свету вывучыў яшчэ малым, ведаў 160 краін і іх сталіцы і з заплюшчанымі вачыма мог паказаць на карце. Але калі пры паступленні прыйшлося выбіраць, перавагу аддаў гісторыі. Напэўна, паўплывала тое, што ў гэты час адкрыў для сябе новы пласт ведаў па гісторыі Беларусі. У кантэксце гісторыі СССР ёй мала надавалася ўвагі. А ў 1994 годзе я выкладаў прадмет “Мая Радзіма — Беларусь”. Прайшоў гэты курс разам з чацвёртакласнікамі і  па-новаму ўбачыў гісторыю Беларусі.

— Ведаю, што гісторыя для Вас і хобі…

— Сапраўды, гісторыя для мяне — і справа, і хобі. Цікавіцца гісторыяй, ведаць свае вытокі абавязаны кожны беларус. Хобі складаецца з многіх захапленняў. Адно з іх — даследаванне воінскіх пахаванняў часоў Вялікай Айчыннай вайны. На тэрыторыі раёна шмат брацкіх магіл. Адна з іх — у Манькавічах. Пра вайну я шмат чытаў і ведаю. Аднойчы на курсах павышэння кваліфікацыі выдатнымі адказамі здзівіў выкладчыка і атрымаў у падарунак яго кнігу з памятным надпісам. Дык вось, калі па электроннай пошце атрымалі заданне ўстанавіць звесткі пра загінулых на вайне (ствараецца рэспубліканская электронная кніга “Памяць”), я ахвотна ўзяўся за гэта. Неабходную інфармацыю знайшоў на расійскіх сайтах. Не спаў тры ночы. Захапіла неверагодна. Пра такія факты даведаўся! Пасля Манькавіч узяўся за Лынтупы і Варапаева. Ужо ёсць даныя на 1600 ураджэнцаў Пастаўскага і Дунілавіцкага раёнаў, якія былі прызваны ў армію з 1941 па 1944 гады і загінулі на франтах. Калі стваралася кніга “Памяць” Пастаўскага раёна, такой інфармацыі не было.

— Аляксандр Іванавіч, хутка прафесійнае свята ў Вас і Вашых калег…

— Восем гадоў я ўзначальваю ўстанову, якая цяпер называецца “Юнькаўская яслі-сад-базавая школа”. У яе, можна сказаць, некалькі структурных падраздзяленняў: яслі-сад, сама школа і філіял пры АДРАЦ “Ветразь” (у філіяле мы адказваем за адукацыйны працэс, там педагогамі кіруе мой намеснік Валянцін Мікалаевіч Курдо). У 2010 годзе ў будынку школы праведзены капітальны рамонт, парадак імкнёмся падтрымліваць пастаянна. У нас створаны належныя ўмовы для арганізацыі вучэбна-выхаваўчага працэсу, не адстаём у плане камп’ютарызацыі. Калектыў (26 педработнікаў) на працягу апошніх гадоў стабільны: хто прыходзіць, той і застаецца працаваць. Настаўнікі і выхавальнікі разумеюць мяне, а я — іх. Цесна супрацоўнічаем з бацькамі вучняў і выхаванцаў ясляў-сада (у нас дзве групы).

Сардэчна віншую ўвесь калектыў з Днём настаўніка, жадаю здароўя, аптымізму, поспехаў. Мае найлепшыя віншаванні і пажаданні і педагогам-ветэранам!

Гутарыла Галіна ПІШЧ.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Спутник планеты Земля?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

Поставчане, не пугайтесь – 6 декабря в районе прозвучат сирены

Хотите узнать больше? Изображение использовано в качестве иллюстрации. Фото с сайта bigstockphoto.com 6 декабря на Поставщине МЧС будет проводить годовую проверку системы 22

Край.бай разыграе білет на тэлевізійныя здымкі праекта тэлеканала СТБ «Залатая калекцыя беларускай песні»

Хотите узнать больше? Іна Ананасьева. Фота з сайта govorim.by 6 cнежня ў 19.00 на сцэне канцэртнай залы Палаца культуры горада Маладзечна пройдуць здымкі папулярнага 26

Врач, юрист, психолог и месса в костеле. График мероприятий ко Дню инвалидов в Поставах

Хотите узнать больше? Изображение использовано в качестве иллюстрации. Автор фото неизвестен В Поставах запланирован целый ряд мероприятий, посвященных Дню инвалидов. 2 30

Розыгрыш окончен. Сладкий подарок достался Александре Петровской из Молодечно (фото)

Хотите узнать больше? Сладкий подарок достался Александре Петровской. Фото Катерины Сушко, Край.бай Александра Петровская выполнила все условия конкурса и была пятой по 27

Адкажы на пытанні і атрымай білет на тэлевізійныя здымкі праекта тэлеканала СТБ «Залатая калекцыя беларускай песні»

Хотите узнать больше? Выява выкарыстана ў якасці ілюстрацыі. Фота з сайта lh3.ggpht.com Здымкі папулярнага праекта тэлеканала СТБ «Залатая калекцыя беларускай песні» 25

В Поставах восстановят памятник на могиле польских солдат, находящийся во дворе магазина

Хотите узнать больше? Памятник на могиле польских солдат в Поставах. Исторический и современный вид. Фото postawy.by и postavyiokrestnosti.blogspot.com.by. Коллаж – с 38

Автопробег по Поставщине дошел до кладбища І мировой у пограничной полосы, куда не пускают обычных людей (фото)

Хотите узнать больше? Участники автопробега по местам Нарочской операции Первой мировой войны на территории Поставского района 17 ноября в д. Норковичи. Фото Вадима Шишко 36

Сустрэча ўсяго каталіцкага духавенства Віцебскай дыяцэзіі адбылася 17 лістапада ў Паставах (фота)

Хотите узнать больше? Сустрэча каталіцкага духавенства Віцебскай дыяцэзіі ў Паставах 17 лістапада. Фота з сайта catholic.by 17 лістапада ў касцёле Беззаганнага Зачацця 32