Закрыть

Выберите свой город

Закрыть

Галоўнае багацце — людзі. У Паставах адбылося свята вуліцы Ленінскай (+фота)

Галоўнае багацце — людзі. У Паставах адбылося свята вуліцы Ленінскай (+фота)

Іван Уладзіміравіч і Уладзіслава Флар’янаўна Анкіпы з дзецьмі і ўнукамі. Фота Пятра КУРЫЛОВІЧА

21 верасня ў Паставах адбылося свята вуліцы Ленінскай. Такой масавасці і актыўнасці, якую праявілі жыхары гэтай, а таксама прылеглых вуліц і завулкаў, не чакалі нават арганізатары. А справа ў тым, што ў старой частцы Ленінскай (ад плошчы да мікрараёна будаўнікоў) такіх мерапрыемстваў раней не праводзілася. Між іншым гэты куток райцэнтра мае багатую гісторыю, прыгожыя мясціны. Тут знаходзіцца шэраг жыццёва важных арганізацый і ўстаноў сацыяльнага кірунку, гаспадараць шчырыя, гасцінныя і працавітыя людзі. Пра іх і прагучаў цікавы аповед. 

А пачала яго вядучая свята Іна Гарачкіна з напамінку пра трагічныя падзеі, што адбыліся ў гэтай мясцовасці. У лютым 1942 года па вуліцы Браслаўскай (ранейшая назва Ленінскай) фашысцкія акупанты стварылі яўрэйскае гета, сагнаўшы сюды каля чатырох тысяч чалавек. У лістападзе іх расстралялі. Выратавацца ўдалося толькі аднаму — Шнэеру Гендэлю, які доўгі час жыў па вуліцы Пралетарскай і якога вельмі добра ведалі многія пастаўчане.

Сярод жыхароў мікрараёна ёсць нямала людзей, якія памятаюць падзеі Вялікай Айчыннай вайны, актыўна працавалі па аднаўленні разбуранай гаспадаркі, наладж­валі новае жыццё. А вось з ліку былых франтавікоў і партызан, на вялікі жаль, застаўся толькі Яўгеній Вікенцьевіч Мацкевіч. Ветэрана шчыра віталі ўдзельнікі свята, а той пажадаў усім мірнага неба.

21 верасня 96-ты год нараджэння сустрэла жыхарка вуліцы Пралетарскай Наталля Андрэеўна Дзеравянка. Яна не абдзелена ўвагай дзяцей і ўнукаў, але, бадай, упершыню прымала віншаванні і падарунак у такой урачыстай абстаноўцы, у прысутнасці дзясяткаў людзей і засталася вельмі ўдзячнай.

У цёплай, сардэчнай абстаноўцы атрымала найлепшыя пажаданні з 75-гадовым юбілеем ветэран педагагічнай працы, старажыл вуліцы Ларыса Іосіфаўна Кішко. Да глыбіні душы кранулі прысутных яе ўспаміны пра розныя падзеі, пажаданні ўсім быць міласэрнымі, спагаднымі, любіць жыццё і людзей.

Праз дзесяцігоддзі пранеслі вернасць і каханне, адданасць справе, выхавалі дастойных дзяцей Валянціна Міхайлаўна і Іван Барысавіч Шарабайкі, Уладзіслава Флар’янаўна і Іван Уладзіміравіч Анкіпы. Гэтыя сем’і карыстаюцца павагай і аўтарытэтам у суседзяў і ў калектывах, дзе працавалі. На свята яны прыйшлі разам з дзецьмі і ўнукамі, падзяліліся сакрэтамі выхавання, сямейных узаемаадносін і заслужылі шчырыя апладысменты прысутных.

У іх асобе ўдзельнікі свята віталі многія іншыя сем’і (іх прозвішчы таксама былі названы), якія дзесяцігоддзямі дружна  жывуць на Ленінскай і прылеглых вуліцах у прыгожых дамах, на добра­ўпарад­кава­ных сядзібах, служаць ва ўсім прыкладам.

Адметна і тое, што побач са старажыламі тут знайшлі прапіску мнагадзетныя і маладыя сем’і. У іх ліку сям’я Пятровічаў: Наталля, Аляксандр і іх дзеці Арцём, Дзяніс і меншая Валерыя. Хлопчыкі ва ўсім дапамагаюць бацькам, вучацца ў мастацкай школе, актыўныя ўдзельнікі розных мерапрыемстваў.

Шмат клопатаў у Таццяны і Аляксандра Марозавых. На свяце яны прадстаўлялі мнагадзетную сям’ю, у якой самы юны жыхар вуліцы — Дзяніска.

А вось сямейны стаж у Марыны і Віталія Каралёў — усяго некалькі месяцаў. У іх усё яшчэ наперадзе. Маладым пажадалі вернасці і кахання, радасці і шчасця ў дзецях.

У гэтыя вераснёўскія дні споўнілася 75 гадоў з  дня ўз’яднання Заходняй і Усходняй Беларусі. 1939-ты і наступныя гады сталі часам стварэння калектываў, якія дзейнічаюць і па сённяшні дзень. У іх ліку раённыя вузлы паштовай і электрычнай сувязі, рэдакцыя раённай газеты, друкарня, раённае спажывецкае таварыства, жыллёва-эксплуатацыйная служба УП ЖКГ, аддзяленні Дзяржаўтаінспекцыі, па грама­дзянстве і міграцыі РАУС, шэраг магазінаў розных форм уласнасці. У свой час на Ленінскай размяшчаліся СШ №2, Дом піянераў і школьнікаў, дзіцячая музычная школа, будаўнічы ўчастак, мытня, гасцініца, інтэрнат кале­джа, шэраг іншых устаноў.

Ветэранам працы і цяперашнім работнікам, іншым героям свята былі ўручаны каштоўныя падарункі, Ганаровыя граматы, салодкія прызы. Назваць усіх адзначаных проста немагчыма: гэта дзясяткі чалавек. А вось расказы пра ўстановы і арганізацыі, якія дзейнічаюць у мікрараёне, дапамаглі прысутным даведацца шмат цікавага, адкрыць для сябе штосьці новае, узбагаціцца інфармацыяй.

У гэтыя дні, напрыклад, спаўняецца 75 гадоў, як выйшаў з друку першы нумар раённай газеты. Цяпер у яе каля 8000 падпісчыкаў, а чытачоў яшчэ больш. На Ленінскай і Пралетарскай жывуць ветэраны, якія па некалькі гадоў адпрацавалі ў друкарні. Цяпер тут абноўлены калектыў, сучаснае паліграфічнае абсталяванне, новыя тэхналогіі. Амаль тысяча чалавек працуе ў раённым спажывецкім таварыстве, якое па многіх пазіцыях займае лідзіруючыя пазіцыі ў вобласці і рэспубліцы, задавальняе патрэбы пастаўчан у розных відах тавараў. А непасрэдна многія жыхары мікрараёна карыстаюцца паслугамі магазіна “Дзявятачка”. Быт і настрой людзей, цяпло ў кватэрах і ўстановах, чысціня і парадак у горадзе — галоўны клопат УП ЖКГ і яго структурнага падраздялення — жыллёва-эксплуатацыйнай службы. Пастаўленыя задачы калектыў выконвае.

Больш за 70 відаў паслуг, уключаючы мясцовую, міжгароднюю і міжнародную тэлефонную сувязь, доступ у інтэрнэт і многае іншае, аказвае раённы вузел электрычнай сувязі. Гараджане актыўна карыстаюцца паслугамі паштавікоў. Непасрэдна на месцах іх абслугоўваюць 8 паштальёнаў. Вялікую работу па стварэнні бяспечных умоў дарожнага руху пешаходаў і транспарту праводзяць супрацоўнікі аддзялення Дзяржаўтаінспекцыі. У сучасных умовах усё большае значэнне набывае дзейнасць ад­дзялення па грамадзянстве і міграцыі раённага аддзела ўнутраных спраў. Яго работнікі маюць высокую кваліфікакцыю, добра спраўляюцца са сваімі абавязкамі.

Дзякуючы вялікай падрыхтоўчай рабоце святочная праграма атрымалася насычанай і разнастайнай. Працавалі гандлёвыя кропкі, дзіцячая гульнёвая пляцоўка. Многія прысутныя затрымліваліся ля выставы дароў восені, на якой свае экспанаты прадставілі вучні СШ №5. Шмат творчасці і фантазіі праявілі Лізавета Кардзіёнак, Аляксандра Іванькова, Анастасія Літвінка і іншыя.

Спартыўная праграма, у якой удзельнічалі каманды аддзялення Дзяржаўтаінспекцыі і УП ЖКГ, уключала спаборніцтвы па падніманні гіры, дартсе і перацягванні каната. Пераможцы атрымалі прызы дзяржаўнага аб’яднання “Фізічная культура, спорт і турызм Пастаўскага раёна”.

Вуліца Ленінская — адна з галоўных вуліц райцэнтра. Тут пастаянна падтрымліваюцца парадак і чысціня, у тым ліку гаспадарамі прыватных дамоў і сядзіб. Самымі ўтульнымі і добраўпарадкаванымі прызнаны сядзібы Жанны Галавіной, Марыі Міхайлавай і Віктара Ташчанкі.

Героі святочнай сустрэчы, а таксама ўсе прысутныя атрымалі музычныя падарункі ад удзельнікаў мастацкай самадзейнасці РДК, гімназіі, іншых выканаўцаў.

Арганізатарам свята ад імя жыхароў шчыра падзякавала Тамара Дзеўгуць і прапанавала часцей наведвацца на Ленінскую, радаваць людзей.

[Галерея не найдена]

 Тэкст і фота Пятра КУРЫЛОВІЧА.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц весны?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

Поставчане, не пугайтесь – 6 декабря в районе прозвучат сирены

Хотите узнать больше? Изображение использовано в качестве иллюстрации. Фото с сайта bigstockphoto.com 6 декабря на Поставщине МЧС будет проводить годовую проверку системы 21

Край.бай разыграе білет на тэлевізійныя здымкі праекта тэлеканала СТБ «Залатая калекцыя беларускай песні»

Хотите узнать больше? Іна Ананасьева. Фота з сайта govorim.by 6 cнежня ў 19.00 на сцэне канцэртнай залы Палаца культуры горада Маладзечна пройдуць здымкі папулярнага 25

Врач, юрист, психолог и месса в костеле. График мероприятий ко Дню инвалидов в Поставах

Хотите узнать больше? Изображение использовано в качестве иллюстрации. Автор фото неизвестен В Поставах запланирован целый ряд мероприятий, посвященных Дню инвалидов. 2 28

Розыгрыш окончен. Сладкий подарок достался Александре Петровской из Молодечно (фото)

Хотите узнать больше? Сладкий подарок достался Александре Петровской. Фото Катерины Сушко, Край.бай Александра Петровская выполнила все условия конкурса и была пятой по 24

Адкажы на пытанні і атрымай білет на тэлевізійныя здымкі праекта тэлеканала СТБ «Залатая калекцыя беларускай песні»

Хотите узнать больше? Выява выкарыстана ў якасці ілюстрацыі. Фота з сайта lh3.ggpht.com Здымкі папулярнага праекта тэлеканала СТБ «Залатая калекцыя беларускай песні» 25

В Поставах восстановят памятник на могиле польских солдат, находящийся во дворе магазина

Хотите узнать больше? Памятник на могиле польских солдат в Поставах. Исторический и современный вид. Фото postawy.by и postavyiokrestnosti.blogspot.com.by. Коллаж – с 37

Автопробег по Поставщине дошел до кладбища І мировой у пограничной полосы, куда не пускают обычных людей (фото)

Хотите узнать больше? Участники автопробега по местам Нарочской операции Первой мировой войны на территории Поставского района 17 ноября в д. Норковичи. Фото Вадима Шишко 34

Сустрэча ўсяго каталіцкага духавенства Віцебскай дыяцэзіі адбылася 17 лістапада ў Паставах (фота)

Хотите узнать больше? Сустрэча каталіцкага духавенства Віцебскай дыяцэзіі ў Паставах 17 лістапада. Фота з сайта catholic.by 17 лістапада ў касцёле Беззаганнага Зачацця 30