Закрыть

Выберите свой город

Закрыть

“Мы адчыняем дзверы ў свет”. У Паставах распачала дзейнасць новая турыстычная кампанія

“Мы адчыняем дзверы ў свет”. У Паставах распачала дзейнасць новая турыстычная кампанія

Наталля Гушча і Віталій Улыбін

“Толькі пра дзве рэчы мы будзем шкадаваць напрыканцы жыцця — што мала кахалі і мала падарожнічалі”. Гэты выраз Марка Твена пастаўскі прадпрымальнік Віталій Улыбін любіць асабліва. Пры кожнай магчымасці ён адпраўляецца за мяжу, каб спазнаць новыя краіны і культуры. Цяпер па пуцёўку бізнесмену ехаць нікуды не трэба — днямі ён адкрыў уласную турыстычную кампанію “Джуманджы”. А зрабіў гэта для таго, каб як мага больш жыхароў Пастаўшчыны атрымалі ні з чым не параўнальныя эмоцыі ад захапляльных падарожжаў.

Офіс “Джуманджы”  пакуль размяшчаецца на Камсамольскай плошчы, насупраць магазіна “Купалінка”. Але хутка ён “пераедзе” ў асобны будынак па вуліцы Савецкай.

— Першыя адпраўленыя намі турысты якраз сёння (4 верасня — аўт. ) прызямліліся ў Турцыі, — з такой навіны пачала размову дырэктар туркампаніі Наталля Гушча. — Шчыра прызнацца, вельмі хвалюемся, каб усё прайшло без замінак і ніякая незалежная ад нас дробязь не перашкодзіла адпачынку. З іншага боку, сэрцы перапаўняе радасць, што наша з Віталіем агульная мара здзейснілася і мы нарэшце займаемся гэтай цікавай, хоць і няпростай справай.

Наталля Гушча мае дзве вышэйшыя адукацыі: у Віцебскім дзяржаўным тэхналагічным універсітэце  атрымала дыплом маркетолага, пазней у Віцебскім дзяржаўным універсітэце імя П. М. Машэрава — менеджара па турызме. Да нядаўняга часу працавала на Пастаўскім малочным заводзе. Работа, як прызнаецца, падабалася, але з цягам часу ўсё часцей задумвалася пра сваю справу. Разумела: адной адкрыць яе не пад сілу. І тут дзяўчына пазнаёмілася з аднадумцам…

У Віталія Улыбіна ідэя пра ўласную кампанію “выспявала” ўжо шмат гадоў.

— Як і ўсе людзі, я люблю адпачываць, — гаварыў Віталій. — Але на месцы ніколі не сяджу, аддаю перавагу актыўным вандроўкам. Мне пашчасціла пабываць у многіх краінах — Італіі, Аўстрыі, Чэхіі, Славакіі, Індыі, Аб’яднаных Арабскіх Эміратах… Але пакуль яшчэ не здзейсніў галоўнай мары — узабрацца на Кіліманджару, самую высокую кропку Афрыкі. Цяжка апісаць словамі, колькі драйва, адрэналіну адчуваю ад кожнай паездкі. На жаль, у грамадстве існуе стэрэатып, што адпачынак за мяжой даступны толькі багатым лю­дзям. Сваёй новай справай хачу яго развеяць. На ўласных прыкладах ведаю: атрымаць незабыўныя на ўсё жыццё эмоцыі можна і за невялікія сродкі. Большасць еўрапейцаў наогул жыве па прынцыпе: трэба траціць грошы не на дарагія рэчы, а на падарожжы. Якая розніца, колькі каштуюць вашы кеды, калі вы гуляеце ў іх па Парыжы? Тут я з імі салідарны — эмоцыі даражэй за матэрыяльныя каштоўнасці.

Пакуль асноўным кірункам работы кампаніі з’яўляецца выязны турызм: пляжны адпачынак і экскурсійныя туры. У якую краіну? У любую! Што немалаважна, у “Джуман­джы” аказваюць візавую падтрымку. У большасці выпадкаў кліентам не трэба ехаць дзеля афармлення дакументаў у тое ці іншае Пасольства — усё зробіць прадстаўнік кампаніі. Дарэчы, ёсць магчымасць адправіцца ў паездку ў крэдыт. Наладжаны і продаж сертыфікатаў, якія напрыклад, можна падарыць маладажонам. А яны ўжо самі выберуць, куды ім ехаць і калі.

У кампаніі шмат задум і па развіцці ўнутранага турызму. Наталля Гушча падчас размовы неаднойчы паўтарала, што наша краіна мае шэраг унікальных славутасцей, знаёмства з якімі выклікае шмат здзіўлення і захаплення. Нямала іх на Пастаўшчыне, а таксама ў суседніх рэгіёнах. Прычым пра многія не ведаюць ні дзеці, ні дарослыя. Далёка не ўсе былі, скажам, на маляўнічай гары Маяк, што на Браслаўшчыне, у экалагічным заказніку “Бла­кітныя азёры”, які ўваходзіць у нацыянальны парк “Нарачанскі”, найпрыгажэйшым касцёле ў Гярвятах — ён знаходзіцца ўсяго за 80 кіламетраў ад Пастаў…

Арганізацыя тураў  па Беларусі, у тым ліку і выхаднога дня, будзе наладжана ў бліжэйшы час. І гэта не ­адзіны план Наталлі і Віталія. Яны таксама ставяць перад сабой задачу прай­сці сертыфікацыю і атрымаць ліцэнзію ў Нацыянальным агенцтве па турызме. Праўда, сёння заканадаўства дазваляе працаваць і без яе, але для маладых прадпрымальнікаў гэта пытанне прынцыповае — кліенты павінны быць упэўнены ў якасці прадастаўляемых паслуг.

Расслабляцца работнікі кампаніі не маюць права. Ужо шмат гадоў у горадзе працуе найвопытнейшая каманда “Цэнтра турысцкіх паслуг”, які неаднойчы станавіўся пераможцам і прызёрам абласных і рэспубліканскіх конкурсаў. Ці не палохае навічкоў такая сур’ёзная канкурэнцыя?

— Калі б баяліся, то не адкрывалі б офіс, — усміхаўся Віталій Улыбін. —Наадварот, тым цікавей працаваць! Значыць, нам кожны дзень трэба прыдумваць штосьці новае, прывабліваць увагу цікавымі прапановамі, максімальна зніжаць цэны. З’явіцца трэцяя турфірма ў Паставах — стымул для самаўдасканалення будзе яшчэ большым. А хто ад канкурэнцыі выйграе? Толькі аматары падарожжаў. Спадзяюся, іх колькасць у нашым рэгіёне бу­дзе павялічвацца.

Іна СНЯЖКОВА. Фота аўтара.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Сколько лет в веке? (ответ числом)

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

В Беларуси подорожают некоторые почтовые услуги

Хотите узнать больше? Изображение использовано в качестве иллюстрации. Фото с сайта finance.tut.by В Беларуси изменяются тарифы на некоторые услуги почтовой связи. Об 29

Лукашенко запретил увольнять работников без согласования с местными органами власти

Хотите узнать больше? Александр Лукашенко. Фото с сайта www.belta.by Александр Лукашенко запретил проводить сокращения на предприятиях и в организациях и увольнять 25

Минтруда Беларуси предлагает увеличить пособие по безработице до 60% от зарплаты

Хотите узнать больше? Изображение использовано в качестве иллюстрации. Фото с сайта www.sb.by Минтруда и соцзащиты готово улучшить положение безработных с помощью 35

Минздрав о смерти женщины в Тюрлях от анафилактического шока: Препарат был качественный

Хотите узнать больше? Изображение использовано в качестве иллюстрации. Фото с сайта pixabay.com В Беларуси возобновили использование серий антибиотика, при введении 53

Древний праздник в честь медведя. Комоедицу отметили в Поставском районе (фото, видео)

Хотите узнать больше? Древний праздник в честь медведя – Комоедицу – отметили в Поставском районе 19 февраля. Фото Леонида Юрика В местечке Лынтупы, что на самой литовской 80

Новые тарифы «Белтелекома»: с марта дорожают byfly и ZALA

Хотите узнать больше? Изображение использовано в качестве иллюстрации. Фото с сайта 42.tut.by Национальный оператор связи «Белтелеком» объявил о внесении изменений в 61

Билеты на концерт Сергея Славянского в Молодечно получают две учительницы из Вилейки

Хотите узнать больше? Сергей Славянский. Фото с сайта www.slavyanskiy.com Сергей Славянский выступит 21 февраля в 18.00 в Районном центре культуры Молодечно. Край.бай 54

Выбери достойного! На Край.бай началось голосование за «Мистера Интернет-симпатию» конкурса мужской красоты в Молодечно

Хотите узнать больше? Изображение использовано в качестве иллюстрации. Фото с сайта investigator.org.ua Сегодня, 15 февраля, на нашем портале стартует голосование в 69