Закрыть

Выберите свой город

Закрыть

У поўнай гатоўнасці, з добрым настроем

У поўнай гатоўнасці, з добрым настроем

У панядзелак у школах Пастаўшчыны празвініць першы званок, які запросіць дзяцей і настаўнікаў у класы. Напярэдадні новага навучальнага года карэспандэнт “ПК” Алена Шапавалава сустрэлася з начальнікам аддзела адукацыі, спорту і турызму райвыканкама А. Я. КАШЫРЫНЫМ, каб задаць яму некалькі пытанняў з нагоды.

— Аляксандр Яўгеньевіч, які настрой у Вас і педагогаў раёна на парозе 1 верасня?

— Нягледзячы ні на што, ба­дзёры, святочны, бо для нас, як, спадзяюся, і для вучняў, іх бацькоў, першы званок і сустрэча са школай — сапраўды свята. Хоць яно крыху азмрочана тым, што, у адпаведнасці з рашэннем райвыканкама, закрыты 3 школы: Казлоўшчынская сярэдняя, Ваўкоўская базавая і Янкішская пачатковая. Дзеці, якія навучаліся ў Казлоўшчыне, прадоўжаць вучобу ў Навадруцкай БШ, з Ваўкоўскай школы — у Дунілавіцкай СШ, а з Янкішскай — у Мулярскай БШ. Сёлета на Пастаўшчыне будуць функцыянаваць 42 установы адукацыі: 11 сярэдніх, 11 базавых і 1 пачатковая школа, 15 дзіцячых садоў, прафесійна-тэхнічны каледж, раённы цэнтр дзяцей і моладзі, цэнтр карэкцыйна-развіваючага навучання і рэабілітацыі і Пастаўскі сацыяльна-педагагічны цэнтр.

— Колькі ўсяго хлопчыкаў і дзяўчынак сядуць за школьныя парты ў раёне?

— Па папярэдніх даных, 3561 чалавек — на 20 менш, чым летась. Гэта самае нізкае за апошні час скарачэнне колькасці вучняў у параўнанні з папярэднім годам. Раней яно складала 60, 80, 150, 200, а ў 2008/2009 навучальным годзе даходзіла амаль да 400 дзяцей. Таму лічба “мінус 20” не можа не радаваць, яна сведчыць аб выраўноўванні дэмаграфічнай сітуацыі на Пастаўшчыне. Першакласнікаў чакаем прыкладна 350 чалавек. Радуе таксама колькасць малышоў, якія пойдуць у дзіцячыя сады. Мяркуецца, што іх будзе 1235 — на 30 больш, чым летась на 1 верасня.

— Ці ўсе навучальныя ўстановы гатовы да прыёму дзяцей?

— Выдача пашпартоў гатоўнасці школам адбывалася ў пачатку жніўня. Была створана камісія, у склад якой уваходзілі работнікі аддзела адукацыі, райвыканкама, галоўны санітарны ўрач раёна. Усе школы прыняты, тыя недахопы, якія былі выяўлены ў іх у працэсе прыёмкі, на сённяшні дзень ухілены. Што датычыць дзіцячых садоў, яны функцыянавалі ў летні перыяд і, калі закрываліся, то ўсяго на 3-4 дні. Капітальных рамонтаў ва ўстановах адукацыі мы не праводзілі, быў у асноўным бягучы рамонт. Многае выканана ўласнымі сіламі з удзелам настаўнікаў, выхавальнікаў, вучняў, таксама аказвалі дапамогу бацькі, базавыя прадпрыемствы. Самым сур’­ёзным з’яўляецца рамонт даху Лынтупскай школы-сада, які завершыцца ў сярэдзіне верасня. На яго ўжо затрачана каля 600 мільёнаў рублёў. Больш за 100 мільёнаў пайшло на рамонт сістэмы ацяплення ў дзіцячым садзе №5 г. Паставы.

— Раскажыце, калі ласка, як будзе ажыццяўляцца падвоз сельскіх дзяцей да месца вучобы і дамоў.

— Для гэтага ва ўстановах адукацыі меліся 5 школьных аўтобусаў. Напярэдадні 1 верасня за кошт сродкаў Банка развіцця Рэспублікі Беларусь праз упраўленне адукацыі Віцебскага аблвыканкама раён атрымаў новы школьны аўтобус «МАЗ» беларускай зборкі, а ў пачатку жніўня за сродкі раённага бюджэту набыты яшчэ адзін для падвозу навучэнцаў Камайскай СШ. Цяпер у названай школе, куды здалёк дабіраецца больш за 70 хлопчыкаў і дзяўчынак, будуць курсіраваць у розных напрамках два аўтобусы і рабіць раніцай па два рэйсы кожны. Акрамя таго, частка вучняў са свіранскага і іёдаўскага напрамкаў будзе падвозіцца транспартам аўтапрадпрыемства. Такім жа чынам арганізуем падвоз дзяцей з закрытых у сувязі з аптымізацыяй школ. Праезд навучэнцаў у школьных і рэйсавых аўтобусах бясплатны. Калі гэта аўтобус аўтапрадпрыемства, ён ажыццяўляецца па праязных білетах, якія набывае аддзел адукацыі за кошт раённага бюджэту. У кожным аўтобусе абавязкова будзе настаўнік, які суправаджае дзяцей.

— У Мінску ўжо не першы год існуе праблема недахопу педагагічных кадраў. Як абстаяць справы на Пастаўшчыне?

— Нашы ўстановы адукацыі забяспечаны імі на сто працэнтаў. На жаль, задаволіць прось­бы некаторых настаўнікаў, якія пераязджаюць да нас з іншай мясцовасці, у прыватнасці з Віцебска, з закрытых школ суседніх Глыбоцкага і Докшыцкага раёнаў, мы не можам, бо маем дастатковую колькасць сваіх педагогаў. Вострай патрэбы ў іх няма, а калі яна ўзнікае, запрашаем на работу настаўнікаў пенсійнага ўзросту, якія выдатна валодаюць матэрыялам. У асноўным гэта настаўнікі замежнай мовы і тыя, што працуюць у аддаленых сельскіх школах, куды дабрацца з Пастаў і вярнуцца назад на працягу рабочага дня практычна немагчыма. Сёлета ў нас будуць працаваць каля 50 педагогаў пенсійнага ўзросту, частка з іх — на няпоўную стаўку.

Таксама штогод у раён прыяз­джаюць па 10-12 выпускнікоў вышэйшых і сярэдніх спецыяльных педагагічных навучальных устаноў. Пераважная большасць пасля неабходнай адпрацоўкі застаецца тут надалей жыць і працаваць. У нас адзін з самых высокіх у вобласці працэнт замацавання маладых педагагічных кадраў — больш за 80. Вось і сёлета на Пастаўшчыну прыбылі 8 маладых спецыялістаў. Усе яны размеркаваны ў дзіцячыя сады і агульнаадукацыйныя школы раёна.

— А які лёс настаўнікаў з закрытых школ?

— Практычна ўсе яны праца­ўладкаваны. Настаўнікі Казлоўшчынскай школы будуць ездзіць на работу ў Навадруцкую БШ. За выключэннем тых, якія пераехалі ў Паставы. Іх мы будзем працаўладкоўваць у горадзе або паблізу яго. Адна з настаўніц, якая трапіла пад скарачэнне ў Янкішскай школе, прыступіла да работы ў Мулярах, другая — у Камаях. Новым месцам работы некаторых педагогаў Ваўкоўскай школы стала Дунілавіцкая СШ. Складаней у гэтых населеных пунктах з працаўладкаваннем тэхперсаналу, бо для іх вакансій вельмі мала.

— Якія змены адбыліся або адбудуцца ў сістэме дашкольнай і агульнай сярэдняй адукацыі ў 2014/2015 навучальным годзе?

— Сур’ёзных змен не чакаецца, будуць удакладняцца некаторыя моманты. У прыватнасці, змяніліся пералік і колькасць экзаменаў за курс базавай і сярэдняй школы. Так, экзамен па гісторыі Беларусі пераходзіць з базавай школы ў сярэднюю. Цяпер выпускнікі 9-ых класаў будуць здаваць беларускую, рускую мовы і матэматыку, а 11-класнікі — беларускую або рускую мову (на выбар), матэматыку, замежную мову і, як ужо гаварыў вышэй, гісторыю Беларусі.

— Шмат размоў вядзецца пра тое, што неабходна аблегчыць партфелі вучняў малодшых класаў. У гэтым плане нешта зроблена?

— Тут ад аддзела адукацыі або ад школ мала што залежыць, больш — ад выдавецтваў, якія друкуюць падручнікі. Апошнія ідуць па шляху аблягчэння школьных ранцаў. Падручнікі сталі крыху танчэйшыя, яны разбіты па паўгоддзях. Ну, а мы ў сваю чаргу прапануем пачаткоўцам пакідаць наглядныя дапаможнікі, кнігі, якія не патрэбны кожны дзень, прылады па працоўным навучанні, спартыўную форму ў класах. Тым самым іх ранцы крыху палягчэюць.

— Аляксандр Яўгеньевіч, і апошняе — Вашы пажаданні дзецям і педагогам напярэдадні 1 верасня.

— Перш за ўсё хачу павіншаваць усіх са святам, якое датычыць практычна кожнай сям’і, — з Днём ведаў. Сёлетні навучальны год супадае з вельмі важнай датай — 70-годдзем Перамогі савецкага народа ў Вялікай Айчыннай вайне. Гэта тэма чырвонай лініяй пройдзе праз увесь вучэбна-выхаваўчы працэс, на працягу года мы будзем рыхтавацца да названай падзеі. Таму жадаю ўсім моцнага здароўя, поспехаў, настаўнікам — плённай працы і таленавітых вучняў, а дзецям — мудрых, добрых, цярплівых педагогаў!

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц весны?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

Фестиваль "Гучаць старадаўнія арганы Пастаўшчыны" пройдет 10-11 декабря

Хотите узнать больше? Изображение использовано в качестве иллюстрации. Автор фото неизвестен Поставский райисполком при поддержке Белорусского фонда культуры, прихода 21

Поставчане, не пугайтесь – 6 декабря в районе прозвучат сирены

Хотите узнать больше? Изображение использовано в качестве иллюстрации. Фото с сайта bigstockphoto.com 6 декабря на Поставщине МЧС будет проводить годовую проверку системы 25

Край.бай разыграе білет на тэлевізійныя здымкі праекта тэлеканала СТБ «Залатая калекцыя беларускай песні»

Хотите узнать больше? Іна Ананасьева. Фота з сайта govorim.by 6 cнежня ў 19.00 на сцэне канцэртнай залы Палаца культуры горада Маладзечна пройдуць здымкі папулярнага 30

Врач, юрист, психолог и месса в костеле. График мероприятий ко Дню инвалидов в Поставах

Хотите узнать больше? Изображение использовано в качестве иллюстрации. Автор фото неизвестен В Поставах запланирован целый ряд мероприятий, посвященных Дню инвалидов. 2 33

Розыгрыш окончен. Сладкий подарок достался Александре Петровской из Молодечно (фото)

Хотите узнать больше? Сладкий подарок достался Александре Петровской. Фото Катерины Сушко, Край.бай Александра Петровская выполнила все условия конкурса и была пятой по 28

Адкажы на пытанні і атрымай білет на тэлевізійныя здымкі праекта тэлеканала СТБ «Залатая калекцыя беларускай песні»

Хотите узнать больше? Выява выкарыстана ў якасці ілюстрацыі. Фота з сайта lh3.ggpht.com Здымкі папулярнага праекта тэлеканала СТБ «Залатая калекцыя беларускай песні» 27

В Поставах восстановят памятник на могиле польских солдат, находящийся во дворе магазина

Хотите узнать больше? Памятник на могиле польских солдат в Поставах. Исторический и современный вид. Фото postawy.by и postavyiokrestnosti.blogspot.com.by. Коллаж – с 39

Автопробег по Поставщине дошел до кладбища І мировой у пограничной полосы, куда не пускают обычных людей (фото)

Хотите узнать больше? Участники автопробега по местам Нарочской операции Первой мировой войны на территории Поставского района 17 ноября в д. Норковичи. Фото Вадима Шишко 42