Закрыть

Выберите свой город

Закрыть

У пастаўскіх касцоў — «серабро» нацыянальнага чэмпіянату

У пастаўскіх касцоў — «серабро» нацыянальнага чэмпіянату

Валырый Каліцкі, Мікалай Яльчык і Пётр Кароль (у цэнтры)

23 жніўня ў Бярозаўскім раёне Брэсцкай вобласці адбыўся экалагічны фестываль“Спораўскія сенакосы-2014”. У яго рамках быў праведзены чарговы Нацыянальны чэмпіянат па ручной касьбе. Сёлета ў ім упершыню ўдзельнічалі пастаўчане. Дэбют аказаўся феерычным. Наша каманда ў складзе Мікалая Яльчыка і Валерыя Каліцкага заняла другое месца сярод моцных дуэтаў касцоў з Расіі, Польшчы, Беларусі.

Самі ад сябе такога не  чакалі, — шчасліва ўсміхаўся арганізатар паездкі Пётр Кароль, з якім сустрэлася пасля яго вяртання з Брэстчыны. Пастаянным чытачам райгазеты гэтага полацкага прадпрымальніка прадстаўляць не трэба. На яе старонках неаднойчы друкаваліся матэрыялы пра чэмпіянат Віцебскай вобласці па касьбе, які Пётр Паўлавіч штогод праводзіць у роднай вёсцы Жылінскія.

Аматар касы і вясковых традыцый даўно сачыў за міжнароднымі спаборніцтвамі, але каманду не выстаўляў. Прычына гэтаму простая: не было ўпэўненасці ў сваіх сілах. Пётр Кароль перакананы, што на мерапрыемства такога ўзроўню трэба ехаць для таго, каб паказваць вынік. Сёлетні ж мясцовы чэмпіянат у Жылінскіх паказаў, што ўзровень падрыхтоўкі нашых касцоў істотна ўзрос. Таму і адважыліся на паездку. Яна адбылася ў многім дзякуючы спонсарскай падтрымцы “Приорбанк” ААТ.

Узровень арганізацыі “Спораўскіх сенакосаў-2014” прыемна здзівіў. Яго высокі статус пацвердзілі шматлікія ганаровыя госці, сярод якіх быў і міністр прыродных рэсурсаў і аховы навакольнага асяроддзя Рэспублікі Беларусь Уладзімір Цалко. У сваіх інтэрв’ю шматлікім журналістам ён падкрэсліваў, што чэмпіянат мае вялікую экалагічную карысць: дапамагае справіцца з няўмольным зарастаннем балот, якое ў апошні час характэрна для запаведніка “Спораўскі”.

Гасцей экалагічнага фестывалю чакала насычаная забаўляльная праграма: ладзілася выстава-продаж сувеніраў, працавалі выязны гандаль і дзіцячыя атракцыёны, нават прайшоў турнір па футболе на балоце. Але ўсё ж галоўнымі героямі мерапрыемства сталі касцы.

Паўдзельнічаць у нацыянальным чэмпіянаце прыехалі тры дзясяткі каманд. Склад удзельнікаў і па ўзросце, і па прафесіі быў самым разнастайным. Але ўсіх аб’ядноўвала адно — празмерная любоў да касьбы і… жаданне стаць першым.

Каб высветліць, хто ж найлепш валодае вясковым інструментам, кожнаму дуэту патрэбна было хутка і якасна скасіць паласу шырынёй 3 метры і даўжынёй 100 метраў.

У пастаўскіх касцоў — «серабро» нацыянальнага чэмпіянату

Каманда пастаўчан

—            Умовы значна адрозніваліся ад тых, якія былі ў Жылінскіх, — дзяліўся ўражаннямі Пётр Кароль. — Па сутнасці, касілася лягчэй — трава нізкая, негустая. Але на балотах вельмі своеасаблівы рэльеф зямлі — многа купін. Нашай камандзе хутка ўдалося прыстасавацца і паказаць вынік, на які яна здольная. Шчыра прызнаюся: калі пастаўчане вый­шлі на паласу і з першых дзясяткаў метраў задалі хуткі тэмп, прадэманстраваўшы свой у добрым сэнсе слова агрэсіўны настрой, то нават фаварыты пераглядваліся ў непаразуменні. Што за каманда? Дзе такія Жылінскія? Мяне ж перапаўняў гонар за нашых мужчын. Яны прадэманстравалі добрую фізічную падрыхтоўку, вынослівасць, уменне зладжана працаваць у каман­дзе. Таму іх другое месца — заслужаны і справядлівы вынік.

Першае месца занялі таксама беларусы — прадстаўнікі Бярозаўскага раёна. Каманда-пераможца мае вялікі вопыт удзелу ў спаборніцтвах самага высокага ўзроўню, добра ведае ўсе нюансы праходжання дыстанцыі, мае цэлую каманду памочнікаў-прафесіяналаў. Тым больш ганарова пастаўчанам было аказацца на п’едэстале гонару. За “серабро” ім уручылі дыпломы і каштоўныя падарункі. Прычым уручаны яны былі не толькі за поспех у камандным заліку…

Па выніках каманднага  першынства 10 найлепшых касцоў паспаборні­чалі ў асабістым заліку. Сярод іх былі Мікалай Яльчык і Валерый Каліцкі. Ім давялося яшчэ раз скасіць стометровую паласу шырынёй паўтара метра. Выдатны вынік паказаў Мікалай Мікалаевіч — ваенны пенсіянер заняў трэцяе месца. У чым сакрэт такога ўдалага выступлення, улічваючы, што большасць сапернікаў былі значна маладзейшага ўзросту?

—            У доўгіх напружаных трэні­роўках, — адказаў Мікалай Мікалаевіч. — Пра тое, што паедзем на чэмпіянат, даведаўся яшчэ ў чэрвені. І адразу пачаў рыхтавацца да спаборніцтваў. Ведаў час мінулагодніх прызёраў і раўняўся на яго. Спачатку вынікі былі мізэрнымі. Многа аналізаваў, што раблю не так, спрабаваў розныя варыянты праходжання дыстанцыі. На ўласным вопыце пераканаўся: каб дабіцца “хуткіх” мінут, трэба ўлічваць мноства дробязей. Нават пот з ілба не маю права сціраць — гэта секунда можа стаць вырашальнай. Нельга спыняцца і для таго, каб патачыць касу, таму інструмент павінен быць у выключнай гатоўнасці. Безумоўна, вельмі важна фізічная форма. Загартоўваць яе для мяне за шчасце. Ды і зда­роўю гэта толькі на карысць.

Узяўся за касу і Пётр Паўлавіч Кароль — ён  удзельнічаў у спаборніцтвах, якія праводзіліся сярод кіраўнікоў каманд, арганізатараў свята і журналістаў. У роўнай напружанай барацьбе ён стаў трэцім.

П. Кароль прызнаўся, што пачэрпнуў нямала ідэй для мясцовага чэмпіянату, які ў наступным годзе абавязкова будзе праводзіцца ў Жылінскіх. Арганізатар спадзяецца, што да яго далучацца і новыя ўдзельнікі.

—            Колькі маладых і такіх таленавітых касцоў мы бачылі на чэмпіянаце! — эмацыянальна гаварыў Пётр Паўлавіч. — Хіба іх няма на Пастаўшчыне? Упэўнены, што ёсць. Таму ўжо сёння звяртаюся: калі ласка, не заставайцеся ўбаку, далучайцеся да цікавай і карыснай для здароўя справы. У нас створаны ўсе ўмовы: ёсць пляцоўка для спаборніцтваў,  вопытныя настаўнікі, спонсары. Справа — за вашым жаданнем крочыць да новых вяршынь.

Іна СНЯЖКОВА. Фота аўтара і з сайта brestcity.com

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Спутник планеты Земля?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

Древний праздник в честь медведя. Комоедицу отметили в Поставском районе (фото, видео)

Хотите узнать больше? Древний праздник в честь медведя – Комоедицу – отметили в Поставском районе 19 февраля. Фото Леонида Юрика В местечке Лынтупы, что на самой литовской 37

Новые тарифы «Белтелекома»: с марта дорожают byfly и ZALA

Хотите узнать больше? Изображение использовано в качестве иллюстрации. Фото с сайта 42.tut.by Национальный оператор связи «Белтелеком» объявил о внесении изменений в 33

Билеты на концерт Сергея Славянского в Молодечно получают две учительницы из Вилейки

Хотите узнать больше? Сергей Славянский. Фото с сайта www.slavyanskiy.com Сергей Славянский выступит 21 февраля в 18.00 в Районном центре культуры Молодечно. Край.бай 38

Выбери достойного! На Край.бай началось голосование за «Мистера Интернет-симпатию» конкурса мужской красоты в Молодечно

Хотите узнать больше? Изображение использовано в качестве иллюстрации. Фото с сайта investigator.org.ua Сегодня, 15 февраля, на нашем портале стартует голосование в 44

Стоимость питания в детсадах и школах Беларуси повысили на 5%

Хотите узнать больше? Изображение использовано в качестве иллюстрации. Фото с сайта www.lenobl.ru Стоимость питания в детских садах составит в среднем от 41,14 до 77,44 55

10 и 40 лет спустя. Вечера встречи выпускников нашего края в Facebook (фото)

Хотите узнать больше? Вечер встречи выпускников в Вилейке. Фото со страницы Ирины Никонович в Фейсбуке Портал Край.бай публикует фотографии с вечеров встречи выпускников, 46

Ответь на вопросы и получи билет на спектакль «Отель 18+»

Хотите узнать больше? Артисты комедии «Отель 18+». Фото с сайта hotel18plus.com Театр эстрады Аркадия Райкина выступит 11 февраля в 19.00 на сцене Дворца культуры 59

«Бегущий по лезвию»: продолжение знаменитой кинокартины

Хотите узнать больше? Кадр из фильма «Бегущий по лезвию» Одно из самых ожидаемых продолжений картины, снятой в 1982 году, выйдет в октябре этого года. Фанаты фильма уже 45