Закрыть

Выберите свой город

Закрыть

“Шчасце — у дробязях”

“Шчасце — у дробязях”

Вераніка Харужая

“Найлепш пра мяне і мае захапленні раскажуць фатаграфіі”, — запэўніла мяне падчас сустрэчы маладая выкладчыца прафтэхкаледжа Вераніка Харужая і пачала паказваць на планшэце сваю багатую калекцыю здымкаў. Вось яна са сваімі навучэнцамі, далей — сярод удзельнікаў конкурсу прафесійнага майстэрства “Шлях да поспеху” і тэатралізаваных дзей падчас Міжнароднага фестывалю “Звіняць цымбалы і гармонік”, а яшчэ — ля славутых мясцін Санкт-Пецярбурга, на рыбалцы і ў грыбах… А колькі на здымках кветак, уласных вышывак, пейзажаў роднай Пастаўшчыны! 

Адразу стала зразумелым — размова кароткай не атрымаецца.

Вераніка, раскажы пра свой шлях у прафесію.

— Я нарадзілася і вырасла ў Паставах. Вучылася ў СШ № 3, паралельна скончыла мастацкую школу, якая падарыла шмат магчымасцей для самаразвіцця. Прадметы даваліся лёгка, у старэйшых класах думала паступаць у вышэйшую навучальную ўстанову. Але ў планы «ўмяшаліся» абставіны. Тата трапіў у рэанімацыю, дома былі патрэбны мая падтрымка і дапамога. Паступіла ў Пастаўскі прафесійна-тэхнічны каледж на спецыяльнасць “Рахункавод”, затым атрымала  яшчэ адну — “Бухгалтарскі ўлік, аналіз і аўдыт” і дыплом з адзнакай. Пасля размеркавання засталася ў гэтай установе працаваць майстрам вытворчага навучання.

Вучыцца падабалася?

— Вельмі. Заўсёды актыўна ўдзельнічала ў грамадскім жыцці каледжа, шмат сіл аддавала вучобе. Старанні былі заўважаны — атрымлівала рэспубліканскую стыпендыю імя Францыска Скарыны. Уладкаваўшыся на работу, паступіла на завочнае аддзяленне ў Полацкі дзяржаўны ўніверсітэт, дзе атрымала дыплом эканаміста. Прызнаюся: сумую па лекцыях і студэнцкім жыцці. З радасцю працягвала б вучобу — мне надзвычай падабаецца пазнаваць невядомае.

Ці прыносіць задавальненне работа?

— А як жа! Хоць яна няпростая і мае свае нюансы. Найцяжэй было пачынаць. Навучэнцы не намнога маладзейшыя за мяне, і трэба ўмець сябе паставіць так, каб яны слухаліся, паважалі, не парушалі дысцыпліну на занятках. З іншага боку, мой узрост дапамагае наладжваць сяброўскія, даверлівыя адносіны. Што тут утойваць: частка дзяцей — з няпоўных, нядобранадзейных сем’яў, ёсць сіроты. Увага, нераўнадушныя адносіны ім патрэбны як нікому іншаму. Бывае, што, акрамя выкладчыка, ім няма больш да каго звярнуцца. Несумненна, перажываеш за кожнага, дапамагаеш.

За лёсам выпускнікоў сочыш?

— Так, часцей за ўсё — у інтэрнэце. Бывае, што дасягненні былых вучняў трапляюць на старонкі раённай газеты, і я ім радуюся, як сваім. Нярэдка сустракаю выпускнікоў у гора­дзе, і тады не магу не спытаць у іх пра справы дома і на рабоце. Заўважаю, што, падрастаючы, яны пачынаюць па-іншаму глядзець на многія рэчы. Часта дзякуюць за настойлівыя парады працягваць вучобу, атрымліваць дадатковыя спецыяльнасці. Для мяне як для выкладчыка гэта найлепшая адзнака за работу.

Добры настаўнік у жыцці значыць многае. У цябе іх было шмат?

— Мне пашчасціла: у прафесійным плане было і ёсць з каго браць прыклад. Часта ўспамінаю ўрокі грамадазнаўства былога дырэктара СШ №3 Юрыя Мікалаевіча Кісялёва. Як цікава, даступна ён умеў падаць свой прадмет, колькі прыводзіў жыццёвых прыкладаў! У каледжы такім узорам для мяне з’яўляюцца дырэктар установы Мікалай Мікалаевіч Лысёнак, яго намеснік па выхаваўчай рабоце Алена Канстанцінаўна Дубовік. Яны, як і іншыя калегі, заўсёды падтрымліваюць мае ідэі, ініцыятывы, дадаюць упэўненасці ў сілах. Толькі і чую ад іх: “дзейні­чай!”, “спрабуй!”, “ты гэта зможаш!”. І, аказваецца, магу.

Ты з’яўляешся сакратаром пярвічнай арганізацыі Беларускага рэспубліканскага саюза моладзі ў прафтэхкаледжы…

Гэтыя абавязкі мне па душы. Супрацоўніцтва з райкамам БРСМ прыносіць шмат знаёмстваў, адкрыццяў, новых уражанняў. Ужо зараз з нецярпеннем чакаю новага навучальнага года, які, як заўсёды, распачнецца з арганізацыі студатрадаў, работы ў гаспадарках раёна. Клопатаў хопіць, але без іх восені не ўяўляю.

На наступным тыдні бу­дзе праведзены другі этап конкурсу прафесійнага майстэрства “Шлях да поспеху”, у якім ты ўдзельнічаеш. Якія ўражанні ад першага?

— Вельмі прыемныя. Наогул, ніколі не адмаўляюся ад удзелу ў любых праектах і мерапрыемствах. Яны даюць магчымасць знайсці сяброў, адкрыць у сабе новыя здольнасці. На конкурс пайшла і з мэтай данесці да старшыні райвыканкама свае думкі па развіцці каледжа, абнаўленні яго матэрыяльна-тэхнічнай базы. За сем гадоў гэта навучальная ўстанова стала для мяне другім домам, і мне вельмі хочацца, каб яна развівалася і харашэла.

На сцэне ты не навічок…

— Сапраўды, я нярэдка выступаю на самых розных мерапрыемствах — як у каледжы, так і на гарадскіх пляцоўках. Яшчэ калі вучылася на бухгалтара, з задавальненнем наведвала тэатральны гурток. Сцэнічная творчасць захапіла і адпускаць не збіраецца. У каледжы дапамагаю калегам у напісанні сцэнарыяў, з задавальненнем удзельнічаю ў пастаноўках. Сцэна — гэта маё. Люблю яе найперш за… страх, які пераадольваю кожны раз, выходзячы да гледача. Гэта такі кайф — перамагчы сябе, свае неспакойныя думкі і хваляванні! Кожны поспех натхняе і дадае ўпэўненасці.

У цябе шмат здымкаў ­краявідаў Пастаўшчыны.

— Прырода — найлепшае натхненне, найлепшы душэўны лекар і наймагутнейшая крыніца энергіі. Таму вольны час заўсёды стараюся правесці за межамі горада. На прагулкі часцей за ўсё адпраўляюся пешшу. Усё, што можна абысці, абыду. Заўсёды бяру з сабой вернага сябра — аўчарку Барона. І фота­апарат — гэта яшчэ адно маё вялікае захапленне. У любую пару года вакол столькі цікавага, прыгожага! Усё хочацца захаваць на фотаздымках.

Напэўна, ты і рыбак заядлы?

— Яшчэ які! Тут мне пашчасціла. У нас вялікі дом, на ўчастку ёсць свая сажалка. Не так даўно запусцілі туды карпаў, таму на рыбалку і ехаць нікуды не трэба. За гэта я асабліва люблю Паставы. З аднаго боку, ты жывеш на ўлонні прыроды, дыхаеш свежым паветрам і атрымліваеш асалоду ад навакольнай цішыні. З іншага, дзесяць хвілін на машыне — і ты ўжо ў цэнтры сучаснага еўрапейскага гарадка.

Чым яшчэ захапляешся?

— Доўга пералічваць! Вельмі люблю чытаць, асабліва рускую класічную літаратуру і Ясеніна ў прыватнасці. Цікаўлюся сусветнымі навінамі — за імі сачу па тэлебачанні і ў інтэрнэце. Нядаўна захапілася ёгай. Як аказалася, гэта выдатны сродак для аднаўлення духоўнай энергіі і фізічных сіл. Ляжыць душа да вышыўкі — па выхадных часта саджуся за гэты занятак. Шмат задавальнення прыносіць догляд кветак. Яшчэ адна мая “стыхія” — вандроўкі. Хацелася б з часам пабываць у Еўропе, але найперш трэба спазнаць Беларусь і яе шматлі­кія славутасці.

Кожнае захапленне па-свойму супакойвае, натхняе на работу, дорыць адчуванне гармоніі і душэўнай раўнавагі.

Што для цябе шчасце?

— Гэта найперш здаровыя бацькі, якія цябе любяць і падтрымліваюць, утульны дом, куды штодня хочацца вяртацца. Наогул, па жыцці я ўмею шчыра радавацца непрыкметным на першы погляд рэчам і з’явам — усходу сонца, прагулцы на прыродзе, сустрэчы з  сябрамі… Нават такія дробязі дораць мне адчуванне вялікага шчасця.

Іна СНЯЖКОВА. 

Фота аўтара.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Спутник планеты Земля?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

Лукашенко о декрете №3: "Если вы предложите альтернативу – я отступлю"

Хотите узнать больше? Изображение использовано в качестве иллюстрации. Фото из архива Край.бай Сегодня, 21 апреля, Александр Лукашенко выступает во время совместного 26

Депутаты Беларуси предлагают включить в страховой стаж декретный отпуск, службу в армии и учебу в вузе

Хотите узнать больше? Изображение использовано в качестве иллюстрации. Фото из архива Край.бай По мнению депутатов Палаты представителей, декретный отпуск, службу в армии 32

На канцэрт “Масты сяброўства – Беларусь-Расія” пойдзе студэнтка Алена Храмец

Хотите узнать больше? Алена Храмец з Маладзечна. Фота прадастаўлена Край.бай Аленай Храмец Квіткі на канцэрт, які адбудзецца 18 красавіка ў 19.00 на сцэне Палаца культуры 30

Фотофакт: Снег выпал на Мядельщине 15 апреля

Хотите узнать больше? На Мядельщине 15 апреля выпал снег. Фото Олеси Костюковой (Клишевич) с портала tut.by Прогнозы синоптиков оправдались. Атмосферные фронты принесли в 54

Анестезиолог-реаниматолог из Постав Николай Васюкович получил почетную грамоту Министерства здравоохранения

Хотите узнать больше? Изображение использовано в качестве иллюстрации. Фото с сайта pixabay.com Почетными грамотами врач отмечен за многолетний плодотворный труд, высокий 26

Начать свое дело. 182 тысячи евро выделят предпринимателям 4 районов нашего региона

Хотите узнать больше? Изображение использовано в качестве иллюстрации. Фото с сайта pixabay.com Начинающие предприниматели нашего региона могут претендовать на начальный 52

Два дня протестов в Беларуси

Хотите узнать больше? День Воли в Минске. Фото с сайта tut.by 25 марта в Минске запрещенная властями акция, в которой приняли участие несколько тысяч человек, прошла без 78

В Беларуси подорожают некоторые почтовые услуги

Хотите узнать больше? Изображение использовано в качестве иллюстрации. Фото с сайта finance.tut.by В Беларуси изменяются тарифы на некоторые услуги почтовой связи. Об 92