Закрыть

Выберите свой город

Закрыть

Звінелі дружна косы. У Пастаўскім раёне у трэці раз прайшоў чэмпіянат па касьбе

Звінелі дружна косы. У Пастаўскім раёне у трэці раз прайшоў чэмпіянат па касьбе

Удзельнікі чэмпіянату разам з яго арганізатарам П. П. Каралём і старшынёй Навасёлкаўскага сельскага Савета Э. К. Мядзведзевым (у цэнтры).

14 чэрвеня, у першы фестывальны дзень, на Пастаўшчыне звінелі не толькі цымбалы, але і косы. У вёсцы Жылінскія, што ў Навасёлкаўскім сельсавеце, праводзіўся ўжо трэці па ліку чэмпіянат па касьбе. Сёлета ў ім удзельнічалі 17 прафесіяналаў і аматараў з Пастаў і Пастаўскага раёна, а таксама з Полацка, Глыбокага, Шаркаўшчыны і Докшыц.

Арганізатарам гэтага каларытнага мерапрыемства па-ранейшаму выступіў ураджэнец Жылінскіх, прадпрымальнік з Полацка Пётр Паўлавіч Кароль. Ён вялікі прыхільнік актыўнага адпачынку — займаўся каратэ, ёгай, іншымі відамі спорту. Але перакананы, што самы эфектыўны інструмент для ўмацавання і падтрымкі здароўя — гэта… звычайная вясковая каса. Таму пасля ўсіх арганізатарскіх клопатаў бярэ яе ў рукі і ў ліку іншых ­удзельнікаў накіроўваецца на сенажаць. Там мы з бізнесменам і сустрэліся.

Звінелі дружна косы. У Пастаўскім раёне у трэці раз прайшоў чэмпіянат па касьбе

Пётр Паўлавіч Кароль

—   Нагрузка на арганізм вельмі істотная, — казаў Пётр Паўлавіч, выціраючы пот з ілба. — І гэта мне прыносіць неймавернае задавальненне. Вельмі рады, што знайшліся аднадумцы, якія таксама любяць вёску, родную зямлю і атрымліваюць асалоду ад працы на ёй. Згадзіцеся, добраўпарадкаваць тэрыторыю лягчэй газонакасілкай, а нарыхтаваць сена прасцей з дапамогай тэхнікі. Але душа просіць іншага  — звону касы, захаплення ранішнім наваколлем, прыемнай стомленасці ў целе. На жаль, усё большая колькасць людзей карыстаецца дабротамі цывілізацыі, і ўсё далей у нябыт адыходзяць традыцыі касьбы. З мэтай іх захавання я і праводжу гэты чэмпіянат.

Але адзін у полі не воін. Кожны год Пётр Кароль адчувае падтрымку  раённай улады, а таксама кіраўніцтва сельскага Савета. Яго старшыня Эдуард Канстанцінавіч Мядзведзеў таксама прысутнічаў на свяце касьбы і не скупіўся на цёплыя словы ў адрас арганізатараў і ўдзельнікаў мерапрыемства. Ён адзначыў, што ўзровень іх падрыхтоўкі з кожным годам расце. Многія прывезлі ў Жылінскія па дзве, а то і па тры выключна наведзеныя касы — а гэта ўжо паказчык сур’ёзнага падыходу да справы. Зрэшты, а чаму б і не пашчыраваць, калі галоўны прыз складае тры мільёны рублёў?

Палачанка Наталля Сабчук прыехала на Пастаўшчыну зусім не па перамогу, а проста адпачыць ад гарадской будзённасці.

Звінелі дружна косы. У Пастаўскім раёне у трэці раз прайшоў чэмпіянат па касьбе

Наталля Сабчук

—   Убачыла па мясцовым тэлебачанні бягучы радок з інфармацыяй пра чэмпіянат і вырашыла ехаць, — не перастаючы касіць, расказвала энергічная жанчына. — Мой “стаж” у гэтым відзе спорту налічвае некалькі дзесяцігоддзяў: няпростае вясковае жыццё прымусіла ўзяць у рукі касу яшчэ ў старшых класах. Цяпер па магчымасці вяртаюся да гэтага занятку — і дзеля здароўя, і дзеля добраўпарадкавання. Несумненна, для мужчын я тут не сапернік. Але няхай бачаць: мы, жанчыны, на многае здольныя (смяецца — аўт).

Калі ўчасткі былі няпростымі, часта з крапівой і высокім бур’яном, то надвор’е цалкам спрыяла касцам: не было ні спякоты, ні дажджу, ні надакучлівых насякомых. Яно паўплывала і  на вынікі, якія аказаліся на здзіў­ленне высокімі. За пяць гадзін (а чэмпіянат доўжыўся з шасці да адзінаццаці раніцы) было скошана крыху больш за тры гектары. Гэта ў 2 разы болей, чым падчас спаборніцтваў у 2012-ым.

Самымі моцнымі і вынослівымі аказаліся Сцяпан Гігола з Шаркаўшчынскага раёна, які “склаў” 23,8 соткі і заняў трэцяе месца, на другім — Валерый Каліцкі з Пастаў (23,3 соткі). Бясспрэчным лідарам з вынікам 28,5 соткі стаў ваенны пенсіянер, падпалкоўнік Мікалай Мікалаевіч Яльчык. І гэта яго другая перамога запар!

— Яшчэ ў пятым класе касіць навучыў бацька, — дзяліўся сакрэтам поспеху Мікалай Мікалаевіч. — Сям’я трымала вялікую гаспадарку, і ўсё лета мне з братамі даводзілася праводзіць на сенакосе. Калі пайшоў у армію, а пасля вучыцца і працаваць, касу браў у рукі ўсё радзей. Затое якое гэта было для мяне свята! Вяртаюся да любімай справы і цяпер —  на дачы, дзе праводжу ўсё лета. З задавальненнем ­удзельнічаю ў спаборніцтвах касцоў. Не дзеля грошай, а дзеля ідэі. Абавязкова прыеду і ў наступным годзе. Трэба ж тытул адстойваць!

Урачыстае ўзнагароджванне пераможцы сёлета ўпершыню адбылося не ў Жылінскіх, а на цэнтральнай гарадской плошчы падчас падвядзення вынікаў агляду-конкурсу сельскіх панадворкаў “Пастаўшчына гасцінная”. Заахвочаны і астатнія ўдзельнікі. Сувенірамі — майкамі і кепкамі — забяспечыў спонсар чэмпіянату — “Прыорбанк”. Уручыла прэзенты ўпраўляючая цэнтра банкаўскіх паслуг № 202 г. Полацка Ніна Мікалаеўна Драздова. Прысутнічалі на  чэмпіянаце і прадстаўнікі пастаўскага аддзялення.

Звінелі дружна косы. У Пастаўскім раёне у трэці раз прайшоў чэмпіянат па касьбе

Пераможца конкурсу Мікалай Яльчык (справа) з П. П. Каралём, К. Э. Мядзведзевым і Н. М. Драздовай.

Пётр Паўлавіч Кароль плануе правядзенне свята касьбы і ў наступным годзе. Мяркуецца, што яно зноў пройдзе ў адзін з фестывальных дзён. Падчас ушаноўвання пераможцаў прагучала ідэя запрасіць да ўдзелу і замежных гасцей. Чаму б дэлегацыям, якія будуць удзельнічаць у “Цымбалах” у наступным годзе, не ўзяць з сабой хаця б па адным касцы? Чэмпіянат выйшаў бы зусім на іншы ўзровень, а фестываль  узбагаціўся б новым цікавым мерапрыемствам. Раённая ўлада такую ініцыятыву падтрымала.

У любым выпадку наступны чэмпіянат будзе не менш цікавым за сёлетні. Вастрыце косы!

Іна СНЯЖКОВА.

Фота аўтара  і Пятра КУРЫЛОВІЧА.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Сколько лет в веке? (ответ числом)

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

Обезьянка Пастернака, любовь на полвека и козни спецслужб. Уроженец Поставщины Владимир Дубовка без глянца

Хотите узнать больше? Анна Северинец, которая преподает русскую литературу в одной из школ Смолевичей, составила популярную биографию классика белорусской литературы, 11

За 10 месяцев в Поставском районе зарегистрирован 181 брак, а расторгнуты 98. Каковы нюансы бракоразводного процесса?

Хотите узнать больше? Изображение использовано в качестве иллюстрации. Фото с сайта siol.net Статистика свидетельствует, что из года в год количество расторжений браков, 17

Фестиваль "Гучаць старадаўнія арганы Пастаўшчыны" пройдет 10-11 декабря

Хотите узнать больше? Изображение использовано в качестве иллюстрации. Автор фото неизвестен Поставский райисполком при поддержке Белорусского фонда культуры, прихода 23

Поставчане, не пугайтесь – 6 декабря в районе прозвучат сирены

Хотите узнать больше? Изображение использовано в качестве иллюстрации. Фото с сайта bigstockphoto.com 6 декабря на Поставщине МЧС будет проводить годовую проверку системы 26

Край.бай разыграе білет на тэлевізійныя здымкі праекта тэлеканала СТБ «Залатая калекцыя беларускай песні»

Хотите узнать больше? Іна Ананасьева. Фота з сайта govorim.by 6 cнежня ў 19.00 на сцэне канцэртнай залы Палаца культуры горада Маладзечна пройдуць здымкі папулярнага 30

Врач, юрист, психолог и месса в костеле. График мероприятий ко Дню инвалидов в Поставах

Хотите узнать больше? Изображение использовано в качестве иллюстрации. Автор фото неизвестен В Поставах запланирован целый ряд мероприятий, посвященных Дню инвалидов. 2 33

Розыгрыш окончен. Сладкий подарок достался Александре Петровской из Молодечно (фото)

Хотите узнать больше? Сладкий подарок достался Александре Петровской. Фото Катерины Сушко, Край.бай Александра Петровская выполнила все условия конкурса и была пятой по 30

Адкажы на пытанні і атрымай білет на тэлевізійныя здымкі праекта тэлеканала СТБ «Залатая калекцыя беларускай песні»

Хотите узнать больше? Выява выкарыстана ў якасці ілюстрацыі. Фота з сайта lh3.ggpht.com Здымкі папулярнага праекта тэлеканала СТБ «Залатая калекцыя беларускай песні» 27