Закрыть

Выберите свой город

Закрыть

Ні хвіліны спакою

Ні хвіліны спакою

Выехаць з дома а палове сёмай, “наматаць” па раёне кіламетраў трыста, заглянуць у дзясяткі хат і вярнуцца з працы зацемна — такі расклад дня для страхавога агента Алега Дашкевіча даўно стаў прывычным. Дзякуючы працавітасці, мэтанакіраванасці, адданасці сваёй справе ён каторы год уваходзіць у лік лепшых работнікаў Белдзяржстраху не толькі раёна, але  і вобласці.

Цёмная зімовая раніца.  Працоўны дзень большасці пастаўчан яшчэ не пачаўся, а Алег Дашкевіч ужо ў дарозе. Фронт яго работы велі­зарны — 90 населеных пунктаў у Камайскім і Лынтупскім сельсаветах.

—         Планаў на сёння шмат, — бадзёрым голасам расказвае Алег. — Зрэшты, іх мала ніколі і не бывае. Абслугоўваю некалькі тысяч чалавек, і да кожнага трэба даехаць мінімум два разы на год. Ёсць тыя, хто пражывае ў аддаленых малалюдных вёсках, да якіх грамадскім транспартам і не дабярэшся. Тут і на ўласнай машыне не ўсюды паспееш — столькі працы.

Размову перарывае мабільны тэлефон, які, як высветлілася пазней, у стане спакою знаходзіцца рэдка — трэба і пра прыезд папярэдзіць, і пра месца сустрэчы дамовіцца.

Распытваю страхавога агента пра яго шлях у прафесію. Ён аказаўся пакручастым. Па спецыяльнасці Алег фельчар-лабарант — скончыў Полацкае медвучылішча, праходзіў практыку ў пастаўскім шпіталі і меў перспектыву працаўладкавання. Але аддаў перавагу… рынку і прадпрымальніцтву.

А сем гадоў назад уладкаваўся ў Белдзяржстрах. Гэта ў многім змяніла жыццё. Дабавілася шмат новых абавязкаў і клопатаў, але ўсе яны аказаліся мужчыну пад сілу.

Яшчэ не развіднела, а мы  ўжо прыбылі ў першы пункт назначэння — вёску Сакуны ў Камайскім сельсавеце. Тут агенту трэба забегчы ў некалькі хат — выпісаць новыя страхоўкі, забраць плату за ранейшыя. Праз паўгадзіны мой суразмоўца зноў за рулём.

Фары асвечваюць, мякка кажучы, неідэальныя прасёлкавыя дарогі. “Зараз яшчэ казачныя ўмовы для язды, — смяецца Алег. — Бывае і такое, што з месца скрануцца не магу — і гразка, і слізка”.

Хуценька перамяшчаемся ў Рагонішкі — вёску на дзве хаты ў Лынтупскім сельсавеце, кіламетраў за 45 ад папярэдняга прыпынку. Прыезд “страхаўшчыка” (менавіта так яго называюць на ўчастку) аказаўся сюрпрызам — мабільная сувязь тут жадае лепшага.

Далейшы маршрут — у Лынтупы. Усюды Алега сустракаюць, як добрага сябра, — з усмешкамі і жартамі. Ён адчувае сябе разняволена: людзі знаёмыя, праца добравядомая.

— Асноўная частка працы — абавязковае страхаванне дамоў, маёмасці і аўтамабіляў, — “прасвячае” мяне Алег. — Усё большай папулярнасцю карыстаецца добраахвотнае страхаванне жыцця ад няшчасных выпадкаў, будынкаў, людзей, жывёл. Жыхары бачаць, што гэта для іх жа карысці і заключаюць дагаворы.

Праўда, сустракаюцца і такія, з кім і за абавязковую страхоўку трэба “паваяваць”. Спачатку злуюцца з-за маёй настойлівасці, а пасля дзякуюць. Нядаўна быў выпадак: і тыдня пасля заключэння дагавора не прайшло, як на хату звалілася дрэва. Некалькі мільёнаў, атрыманыя па страхоўцы, былі вельмі дарэчы.

Мой субяседнік лічыць,  што для паспяховай працы трэба быць у першую чаргу добрым псіхолагам, да кожнага ўмець знаходзіць падыход.

—         Калі на працы ўсё атрымліваецца, як на крылах лятаю, — усміхаецца ён. — Любы, нават самы маленькі поспех, натхняе і дадае сіл. А яны так патрэбны. Гэта сёння я працую па спрошчанай праграме: шмат чаго ўдалося зрабіць напярэдадні. Летам жа магу з’явіцца дома і ў палове адзінаццатай вечара.

А там клопатаў не менш. У Манькавічах у Дашкевічаў унушальная гаспадарка: сотні курэй, гусей, цасарак, фазанаў і іншых экзатычных відаў птушак. Хочацца максімум часу правесці з сям’ёй: жонкай Аленай і чатырма дочкамі, малодшай з якіх дзевяць месяцаў.

—         Я ніколі не сяджу без справы, — расказваў. — Не адпачываю нават на выхадных: днём шмат працы па гаспадарцы, таксама дапамагаю брату на рынку. Справаздачы часта пішу ўначы. Прывык, што паспаць удаецца 3-4 гадзіны. Але, як кажуць, хочаш жыць — умей круціцца.

Наша паездка заканчваецца ў Навасёлках, што на Лынтупшчыне. Пасля сустрэчы з парай-тройкай вяскоўцаў у другой палове дня вяртаемся ў Паставы. Па дарозе Алег многа расказвае пра нюансы сваёй работы, сямейны адпачынак за мяжой, аграэкатурызм, які яго так вабіць… Робіць гэта захоплена, эмацыянальна. Па-іншаму не ўмее.

Іна СНЯЖКОВА. Фота аўтара.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Спутник планеты Земля?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

Начать свое дело. 182 тысячи евро выделят предпринимателям 4 районов нашего региона

Хотите узнать больше? Изображение использовано в качестве иллюстрации. Фото с сайта pixabay.com Начинающие предприниматели нашего региона могут претендовать на начальный 0

Два дня протестов в Беларуси

Хотите узнать больше? День Воли в Минске. Фото с сайта tut.by 25 марта в Минске запрещенная властями акция, в которой приняли участие несколько тысяч человек, прошла без 24

В Беларуси подорожают некоторые почтовые услуги

Хотите узнать больше? Изображение использовано в качестве иллюстрации. Фото с сайта finance.tut.by В Беларуси изменяются тарифы на некоторые услуги почтовой связи. Об 54

Лукашенко запретил увольнять работников без согласования с местными органами власти

Хотите узнать больше? Александр Лукашенко. Фото с сайта www.belta.by Александр Лукашенко запретил проводить сокращения на предприятиях и в организациях и увольнять 36

Минтруда Беларуси предлагает увеличить пособие по безработице до 60% от зарплаты

Хотите узнать больше? Изображение использовано в качестве иллюстрации. Фото с сайта www.sb.by Минтруда и соцзащиты готово улучшить положение безработных с помощью 42

Минздрав о смерти женщины в Тюрлях от анафилактического шока: Препарат был качественный

Хотите узнать больше? Изображение использовано в качестве иллюстрации. Фото с сайта pixabay.com В Беларуси возобновили использование серий антибиотика, при введении 64

Древний праздник в честь медведя. Комоедицу отметили в Поставском районе (фото, видео)

Хотите узнать больше? Древний праздник в честь медведя – Комоедицу – отметили в Поставском районе 19 февраля. Фото Леонида Юрика В местечке Лынтупы, что на самой литовской 87

Новые тарифы «Белтелекома»: с марта дорожают byfly и ZALA

Хотите узнать больше? Изображение использовано в качестве иллюстрации. Фото с сайта 42.tut.by Национальный оператор связи «Белтелеком» объявил о внесении изменений в 72