Закрыть

Выберите свой город

Закрыть

“У кожнай цяжкасці бачу магчымасць”

“У кожнай цяжкасці бачу магчымасць”

Вольга Шырокая

Пастаўчанка Вольга Шырокая — студэнтка 3-га курса Беларускага нацыянальнага тэхнічнага ўніверсітэта. Хоць і вучыцца на малапапулярным сярод дзяўчат прыбора-будаўнічым факультэце, у яе залікоўцы толькі выдатныя адзнакі. “Напэўна, акрамя кніг, нічога ў жыцці не бачыць”, — падумаеце вы. Бачыць. Вольга актыўна займаецца водным турызмам, шмат танцуе, знаходзіць час і на стварэнне арыгінальных вырабаў з бісеру і іншых матэрыялаў. “Можна паспець усё, трэба толькі захацець”, — пераканана мая суразмоўца.

У Паставах яна бывае нячаста — прыблізна раз у месяц.

—         Часцей ніяк не атрымліваецца, хаця вельмі гэтага хацелася б, — прызнаецца Вольга. — У Мінску, здаецца, і не сумуеш — няма калі. А як прыедзеш дадому, вяртацца зусім  не хочацца: усё такое роднае, дарагое сэрцу. Ніхто, у адрозненне ад  жыхароў ста­лі­цы, нікуды не спяшаецца. Тут лаўлю сябе на думцы, што вялікі горад не для мяне. Так, ёсць шмат магчымасцей для вучобы, але пастаянная мі­тусня стамляе. Пасля заканчэння ўніверсі­тэта з задавальненнем працавала б у невя­лі­кім гарадку.

А пакуль Вольга акунулася ў бурлівае, багатае на падзеі і ўражанні сталічнае жыццё.

На першым месцы ў дзяўчыны, несумненна, вучоба. Праграма ва ўніверсітэце няпростая, таму часу ёй трэба прысвяціць нямала. Пра прагулы рэч не ідзе: па-першае, Вольга прывыкла да любой справы ставіцца сумленна і адказна, па-другое, яна з першага курса з’яўляецца ў групе старастам. У “падначаленні” пастаўчанкі — 17 бравых юнакоў і толькі некалькі дзяўчат. На пытанне, як жа ўдаецца камандаваць такой “ротай”, адказвае:

—         Нічога складанага. Тут дарослыя, самастойныя, адказныя за свае ўчынкі маладыя людзі. І я для іх не маці, якая кантралюе кожны крок, а найперш сябра, задача якога падказаць і дапамагчы. Наогул, у нас надзвычай дружная група. Мы сапраўдная студэнцкая сям’я. І я радуюся, што з’яўляюся яе часцінкай.

Са сваімі ўніверсітэцкімі сябрамі Вольга не толькі разам вучыцца, але і адпачывае. Адно з захапленняў — водны турызм. З пешаходным дзяўчына пасябравала яшчэ падчас вучобы ў пастаўскай СШ № 3, а вось у  БНТУ “захварэла” водным.

—         У секцыю трапіла выпадкова: студэнты старэйшых курсаў збіралі каманду за факультэт, — расказвае Вольга. — Вырашыла паспрабаваць свае сілы і я, і ні разу не пашкадавала пра гэта. Дзякуючы захапленню я кожны год знаходжу новых сяброў, зараджаюся станоўчымі эмоцыямі, пазнаю родную Беларусь. На байдарках і катамаранах сплаўляліся нават ва Украіну.

Звычайна паход займае 7-10 дзён. Увесь дзень мы плывём, спыняемся толькі на перапынак на абед. Па вечарах — кастры, песні пад гітару. Няпраўда, што сёння моладзь жыве ў інтэрнэце і нічога, акрамя камп’ютараў і планшэтаў, у жыцці не бачыць. Сярод маіх сяброў шмат аматараў актыўнага адпачынку, і такія “абвінавачванні” беспадстаўныя.

З не меншым захапленнем дзяўчына расказвае пра яшчэ адно сваё хобі — танцы. Як і турызмам, імі пачала займацца яшчэ ў Паставах. З удзячнасцю  ўспамінае кіраўніка “Непаседаў” Валянціну Савельеўну Бахановіч, якая была для яе і іншых дзетак настаў­ніцай не толькі ў танцах, але і ў жыцці.

Сёння Вольга наведвае гурток у інтэрнаце. Па-ранейшаму шмат тан­цуе, выступае на ўніверсітэцкіх мерапрыемствах. Прызнаецца, што марыць трапіць на баль праваслаўнай моладзі — на рэпетыцыі ходзіць даўно, але прыняць удзел ва ўрачыстасці двойчы перашка­джалі абставіны.

Якія яшчэ ў дзяўчыны мары?

—         Я вельмі люблю вучыцца, таму хацела б пасля заканчэння ўні­версітэта паступіць у магістратуру, а пасля і ў аспірантуру, — адказала яна. — У бліжэйшых планах падрыхтоўка да рэспубліканскай канферэнцыі, у якой буду прымаць удзел вясной.

Як усё паспяваю? Ёсць такі выраз: песіміст бачыць цяжкасці ў кожнай магчымасці, аптыміст знаходзіць у кожнай цяжкасці магчымасці. Я — аптыміст. У мяне няма жадання сядзець на месцы, заўсёды хочацца рухацца наперад. Так, і вучоба, і кожнае з маіх захапленняў патрабуе шмат часу і сіл, але я разумею, што без іх  ніколі не змагла б адчуваць сябе па-сапраўднаму шчаслівай.

Іна СНЯЖКОВА. Фота з архіва Вольгі ШЫРОКАЙ.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц весны?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

Лукашенко о декрете №3: "Если вы предложите альтернативу – я отступлю"

Хотите узнать больше? Изображение использовано в качестве иллюстрации. Фото из архива Край.бай Сегодня, 21 апреля, Александр Лукашенко выступает во время совместного 23

Депутаты Беларуси предлагают включить в страховой стаж декретный отпуск, службу в армии и учебу в вузе

Хотите узнать больше? Изображение использовано в качестве иллюстрации. Фото из архива Край.бай По мнению депутатов Палаты представителей, декретный отпуск, службу в армии 32

На канцэрт “Масты сяброўства – Беларусь-Расія” пойдзе студэнтка Алена Храмец

Хотите узнать больше? Алена Храмец з Маладзечна. Фота прадастаўлена Край.бай Аленай Храмец Квіткі на канцэрт, які адбудзецца 18 красавіка ў 19.00 на сцэне Палаца культуры 30

Фотофакт: Снег выпал на Мядельщине 15 апреля

Хотите узнать больше? На Мядельщине 15 апреля выпал снег. Фото Олеси Костюковой (Клишевич) с портала tut.by Прогнозы синоптиков оправдались. Атмосферные фронты принесли в 53

Анестезиолог-реаниматолог из Постав Николай Васюкович получил почетную грамоту Министерства здравоохранения

Хотите узнать больше? Изображение использовано в качестве иллюстрации. Фото с сайта pixabay.com Почетными грамотами врач отмечен за многолетний плодотворный труд, высокий 26

Начать свое дело. 182 тысячи евро выделят предпринимателям 4 районов нашего региона

Хотите узнать больше? Изображение использовано в качестве иллюстрации. Фото с сайта pixabay.com Начинающие предприниматели нашего региона могут претендовать на начальный 52

Два дня протестов в Беларуси

Хотите узнать больше? День Воли в Минске. Фото с сайта tut.by 25 марта в Минске запрещенная властями акция, в которой приняли участие несколько тысяч человек, прошла без 77

В Беларуси подорожают некоторые почтовые услуги

Хотите узнать больше? Изображение использовано в качестве иллюстрации. Фото с сайта finance.tut.by В Беларуси изменяются тарифы на некоторые услуги почтовой связи. Об 92