Закрыть

Выберите свой город

Закрыть

“Наша задача — расшырыць сыравінную базу”

“Наша задача — расшырыць сыравінную базу”

Адно з найбуйнейшых прадпрыемстваў раёнаадкрытае акцыянернае таварыства «Пастаўскі малочны завод» — не мае патрэбы ў прадстаўленні. Дзякуючы сваім смакавым якасцям і натуральнаму складу прадукцыя, якая тут выпускаецца, карыстаецца нязменным попытам у беларускіх і расійскіх пакупнікоў. Трымаць марку на прадпрыемстве маюць намер і далей.

Усіх узнагарод і перамог, прысу­джаных прадукцыі прадпрыемства ў розных конкурсах, не пералічыць. Толькі сёлета завод заваяваў два дыпломы першай ступені ў народным конкурсе-дэгустацыі «Чэмпіён густу» за плаўлены сыр «Тызенгаўз» і сыр «Умамі», узнагароджаны сертыфікатамі ўладальніка Гран-пры за сыр «Каралеўскі», кефір і смятану, узбагачаную лактулозай. У конкурсе «Лепшая прадукцыя года-2013» завод стаў пераможцам у трох намінацыях: «Кефір», «Смятана» і «Сыры» («Галандскі Прэміум»). Сыр «Умамі» прынёс дыплом пераможцы ў конкурсе-дэгустацыі «Густ». Зараз прадукцыя малаказавода ўдзельнічае ў конкурсах «Лепшыя тавары Рэспублікі Беларусь на рынках Ра­сійскай Федэрацыі-2013» і «Лепшыя тавары Рэспублікі Беларусь-2013», у сырнай выставе ў Санкт-Пецярбургу «Пецярфуд».

Асаблівая ўвага надаецца пастаўкам малака. З пачатку года завод закупіў 41921 тону сыравіны, з іх 3772 тоны — у насельніцтва, астатнюю — у сельгаспрадпрыемстваў. Што тычыцца гатунковасці, то 31%  — сортам «экстра», 47% — вышэйшым, 20% — першым і 2% — другім. Паколькі асноўнымі пастаўшчыкамі з’яўляюцца сельгасвытворцы раёна, ім прадпрыемства аказвае пастаянную дапамогу ў выглядзе авансавання. Калі ў сакавіку гэтага года яно складала 35 мільярдаў рублёў, то за дзевяць месяцаў гэта лічба вырасла да 63 мільярдаў рублёў.

— Каб выплаціць аванс сельгас­прадпрыемствам, мы бяром крэдыты ў банку пад немалыя працэнты. Зараз гэта 45% гадавых, — адзначае дырэктар малаказавода Валянцін Францавіч Пылінскі. — Гэта вялікія грошы. Аднак, калі маеш справу з такімі адказнымі кіраўнікамі гаспадарак, як Крыштафовіч Вячаслаў Іосіфавіч, Шымчык Юрый Францішкавіч, Чэпік Сяргей Васільевіч, якія сапраўды клапоцяцца пра вытворчасць і якасць малака, разумееш, што інвестыцыі робіш недарэмна.

У гэтым годзе закупачная цана на малако ўзрасла на 25%, пры гэтым кошт натуральнамалочнай прадукцыі застаўся ранейшым, — працягвае В. Ф. Пылінскі. — Нам гэта нявыгадна, у залежнасці ад віду прадукцыі страты складаюць  5-10%. Каб іх кампенсаваць, у мінулыя гады прадпрыемства пастаўляла на экспарт казеін. Сёлета такія пастаўкі аказаліся нявыгаднымі, і мы былі вымушаны закансерваваць казеінавы цэх. Замест вытворчасці казеіну, на іншых заводах вобласці вырабілі 1854 тоны сухога малака. Яго пастаўляем на экспарт. Гэта дазволіла пакрыць убыткі і атрымаць чысты прыбытак. За межы Беларусі, акрамя сухога малака, пастаўляем сметанковае масла і сыр. За 10 месяцаў бягучага года экспарт склаў 10 мільёнаў 197 тысяч долараў, 130% да ўзроўню мінулага года.

Каб дынамічна развівацца, на прадпрыемстве вялікую ўвагу надаюць тэхнічнаму перааснашчэнню і мадэрнізацыі вытворчасці. У верасні фактычна завяршылася будаўніцтва сырнага цэха, цяпер ён працуе ў тэставым рэжыме. Знайшлі прымяненне і сыроватцы, якая застаецца пасля вытворчасці сыроў. Раней яна ішла на корм жывёле, зараз яе згушчаюць і пастаўляюць на экспарт. У далейшым у сырным цэху плануецца выпускаць 19 найменняў сыру. Калі казаць пра лічбы, то будаўніцтва новага цэха абышлося ў 187 мільярдаў рублёў, з іх 92 мільярды пайшлі на набыццё чэшскага абсталявання фірмы «VPS». Да канца года плануецца асвоіць яшчэ 20 мільярдаў рублёў. Для нармальнай работы новага цэха засталося пабудаваць станцыю абезжалезвання вады. Яе будаўніцтва ўжо пачалося, абсталяванне аплачана. Таксама неўзабаве на заводзе з’явіцца новая каналізацыйна-помпавая станцыя. Яна забяспечыць належную работу сучасных ачышчальных збудаванняў і пазбавіць гараджан ад непрыемнага паху. Абодва аб’екты плануецца ўвесці ў эксплуатацыю да канца года.

Паспяховасць — гэта не толькі высокі ўзровень рэнтабельнасці і запатрабаванасць прадукцыі на рынку. Гэта яшчэ і граматныя, праца­вітыя і адказныя спецыялісты, дзякуючы якім дасягаюцца любыя паказчыкі. Менавіта такі калектыў працуе на малаказаводе. Сярэдняя зарплата за кастрычнік бягучага года на прадпрыемстве склала 6388000 рублёў.

— Мне пашчасціла працаваць у такім выдатным калектыве. Лічу, што кожны работнік заслугоўвае быць адзначаным. Але, каб кагосьці не пакрыўдзіць, назаву толькі тых, хто лепш за іншых працаваў у гэтым годзе і будзе прысутнічаць на раённым свяце. Гэта Куркоўскі А. Б., Радкевіч А. М., Макаранка А. Я., Орда Я. Я., Манкевіч Г. Г., Стабулянец К. Ф., Кішко В. А., Пяткевіч Н. Г., Мончык В. П., Капцюхоў А. М., Бароўка В. Я., Лашчотка А. Ф., Варановіч А. У., Пляшкун А. К., Саўлевіч К. В., Місуна Н. М., Катовіч В. У., Бучаль К. К., — пералічвае спіс перадавікоў дырэктар завода.

Каб цалкам забяспечыць прад­прыемства сыравінай, з улікам увя­дзення ў эксплуатацыю сырнага цэха, неабходна мець не 100, як цяпер, а 250 тон малака. На першым часе дапамагчы вырашыць гэту праблему абяцаў Віцебскі мяса-малочны канцэрн, далей  галоўнай стратэгічнай задачай завода стане самастойная праца над пашырэннем сыравіннай зоны. Для таго, каб выйсці на праектную магутнасць сырнага цэха (а гэта 20 тон сыроў у суткі) плануецца нязначна скараціць вытворчасць натуральнамалочнай прадукцыі, прызначанай для рэалізацыі па мінскім кірунку. Яшчэ адна прыярытэтная задача стаіць непасрэдна перад тэхнолагамі прадпрыемства — атрымаць выдатную якасць сыроў, каб яны былі гэтак жа запатрабаваны, як і натуральнамалочная прадукцыя.

Вераніка ФІЛАНОВІЧ.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Спутник планеты Земля?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

Обезьянка Пастернака, любовь на полвека и козни спецслужб. Уроженец Поставщины Владимир Дубовка без глянца

Хотите узнать больше? Анна Северинец, которая преподает русскую литературу в одной из школ Смолевичей, составила популярную биографию классика белорусской литературы, 15

За 10 месяцев в Поставском районе зарегистрирован 181 брак, а расторгнуты 98. Каковы нюансы бракоразводного процесса?

Хотите узнать больше? Изображение использовано в качестве иллюстрации. Фото с сайта siol.net Статистика свидетельствует, что из года в год количество расторжений браков, 20

Фестиваль "Гучаць старадаўнія арганы Пастаўшчыны" пройдет 10-11 декабря

Хотите узнать больше? Изображение использовано в качестве иллюстрации. Автор фото неизвестен Поставский райисполком при поддержке Белорусского фонда культуры, прихода 23

Поставчане, не пугайтесь – 6 декабря в районе прозвучат сирены

Хотите узнать больше? Изображение использовано в качестве иллюстрации. Фото с сайта bigstockphoto.com 6 декабря на Поставщине МЧС будет проводить годовую проверку системы 28

Край.бай разыграе білет на тэлевізійныя здымкі праекта тэлеканала СТБ «Залатая калекцыя беларускай песні»

Хотите узнать больше? Іна Ананасьева. Фота з сайта govorim.by 6 cнежня ў 19.00 на сцэне канцэртнай залы Палаца культуры горада Маладзечна пройдуць здымкі папулярнага 32

Врач, юрист, психолог и месса в костеле. График мероприятий ко Дню инвалидов в Поставах

Хотите узнать больше? Изображение использовано в качестве иллюстрации. Автор фото неизвестен В Поставах запланирован целый ряд мероприятий, посвященных Дню инвалидов. 2 37

Розыгрыш окончен. Сладкий подарок достался Александре Петровской из Молодечно (фото)

Хотите узнать больше? Сладкий подарок достался Александре Петровской. Фото Катерины Сушко, Край.бай Александра Петровская выполнила все условия конкурса и была пятой по 32

Адкажы на пытанні і атрымай білет на тэлевізійныя здымкі праекта тэлеканала СТБ «Залатая калекцыя беларускай песні»

Хотите узнать больше? Выява выкарыстана ў якасці ілюстрацыі. Фота з сайта lh3.ggpht.com Здымкі папулярнага праекта тэлеканала СТБ «Залатая калекцыя беларускай песні» 29