Закрыть

Выберите свой город

Закрыть

Ему покорилось небо

Ему покорилось небо

Дзень ваенна-паветраных сіл святкуюць не толькі тыя, хто зараз служыць у войску, але і ветэраны авіяцыі, якія, як вядома, заўсёды ў страі. Сярод іх і герой нашага артыкула – жыхар райцэнтра Пётр Аляксеевіч Мартысюк.

Нарадзіўся і вырас ён у  Тэльмах. Гэтая невя­лічкая вёсачка ў 45 двароў размешчана на ажыўленым участку трасы Брэст—Масква за 14 кіламетраў ад Брэсцкай крэпасці. Такое суседства ў гады Вялікай Айчыннай вайны было небяспечным. Ужо 22 чэрвеня ў 14 гадзін вяскоўцы назіралі, як акупанты, вясёлыя і сама­ўпэўненыя, уваходзяць у населены пункт. Адыходзілі ў 44-ым нямецкія салдаты з дыяметральна процілеглым настроем. Але перш, чым наступіў гэты момант, прайшлі тры доўгія гады вайны. За гэты час было перажыта многае: і бясконцы страх, і бамбёжкі, і голад. Вельмі балюча перажыў смерць братоў: адзін загінуў на фронце, другі падарваўся на пешаходнай міне.

Пасля заканчэння вайны Пётр працягнуў навучанне ў школе. Запаветны атэстат аб сярэдняй адукацыі атрымаў у 20 гадоў. На сямейным савеце вырашылі: быць яму вайскоўцам. Паступіў у Чкалаўскае ваенна-авіяцыйнае вучылішча штурманаў у Арэнбургу. І панеслася курсанцкае жыццё! Больш чым на два гады асноўнай сферай інтарэсаў сталі самалётава­джэнне, бамбакіданне і радыёсувязь, заняткі на трэнажорах і палёты на вучэбных самалётах. Памятае Пётр Аляксеевіч і як першы раз жалезныя крылы самалёта ўзнялі яго ў неба — не было ніякага страху, толькі вясёлы, узняты настрой. Адзінае, што выклікала дыскамфорт, — укалыхванне. Але на гэта ніхто не звяртаў увагі.

Першым месцам службы  маладога штурмана стаў райцэнтр Жалудок Гродзенскай вобласці. Тут стаяў полк авіяцыйнай дывізіі. Два іншыя размяшчаліся ў Паставах. У абавязкі маладога ваеннага ўваходзіла адвядзенне самалёта да цэлі, яе пошук, бамбакіданне і вяртанне самалёта на аэрадром. У асноўным ляталі на вучэбныя палігоны ў Пружаны, Рэчыцу, Полацк. Пасля года службы ў Жалудку П. А. Мартысюка перавялі ў Бярозу, затым — у Калінкавічы, а ў 1959 годзе — у Паставы.

— Калі прыбыў на службу ў Паставы, — распавядае Пётр Аляксеевіч, — трэба было здаваць залік па раёне палётаў. Уменне арыентавацца на нямой карце правяраў штурман эскадрыллі. Ён быў здзіўлены, што я ніводнага разу не памыліўся, і адзінаму паставіў пяцёрку. У Паставах штурманам адслужыў 2 гады: у 1961-ым Узброеныя Сілы значна скарацілі, трапіў пад скарачэнне і я. Але ў арміі застаўся. Пасля двухмесячных курсаў у Лідзе перайшоў на службу ў ракетныя войскі старшым тэхнікам. Неўзабаве стаў памочнікам начальніка разліку, а затым — начальнікам.

Ему покорилось небо

На пенсію П. А. Мартысюк выйшаў у 1979 годзе ў званні маёра. Актыўнаму чалавеку дома не сядзелася, таму ўладкаваўся агентам у Белдзяржстрах. Праца спадабалася адразу — ён умеў знайсці падыход да кожнага чалавека, таму з выкананнем плана ніколі праблем не было. Яго старанне ацанілі і неўзабаве прапанавалі заняць пасаду намесніка начальніка інспекцыі Дзяржстраху. Усяго ў гэтай установе адпрацаваў пятнаццаць з паловай гадоў.

Зараз Пётр Аляксеевіч  увесь вольны час праводзіць з жонкай Верай Георгіеўнай. Разам працуюць на агародзе, ходзяць у шпіталь, наведваюць культурна-масавыя мерапрыемствы. У шлюбе яны пражылі 55 гадоў і не ўяўляюць жыцця адно без аднаго. А знайшоў сваё сямейнае шчасце былы штурман у роднай вёсцы. З будучай жонкай хадзіў у адну школу, але толькі ў выпускным класе звярнуў увагу на самастойную, разважлівую і працавітую дзяўчыну. Як паказаў час, з выбарам не памыліўся. Выгадавалі дачку Галіну (яна працуе фельчарам у Санкт-Пецярбургу) і сына Васіля (ён — урач-іголкатэрапеўт  нарачанскага санаторыя «Прыазёрны»). Маюць трох унукаў і ўнучку, праўнука і праўнучку.

Пра кожнае месца сваёй працы П. А. Мартысюк распавядае з усмешкай, затое яго жонка Вера гады службы мужа ў авіяцыі ўспамінае з дрыжаннем у голасе. Кажа, што авіяцыя — гэта слёзы.

— Нармальнае жыццё пачалося толькі тады, калі Пётр Аляксеевіч перайшоў служыць у ракетныя войскі. Да гэтага за кожным палётам сачыла ад пачатку да самага канца. Калі па нейкай прычыне не чула ў небе гуку матора, а па часе палёты яшчэ павінны працягвацца, не ведала, куды дзявацца ад страху, — успамінае Вера Георгіеўна. — Калі я была цяжарная дачкой, саслужыўцы мужа разбіліся на самалёце. Я так плакала, што суседзі думалі, што загінуў мой Пеця.

Сёлета ўвосень Пятру Аляксеевічу споўніцца 80 гадоў, але мужчына па-ранейшаму ў страі. І хоць у лес па грыбы і на рыбалку ён ужо  не ходзіць, затое з задавальненнем вырошчвае разам з жонкай на пяці сотках агародніну і кветкі, ва ўсіх справах займае актыўную жыццёвую пазіцыю. Верыцца, што такім бадзёрым ён бу­дзе заставацца яшчэ шмат гадоў.

Вераніка ФІЛАНОВІЧ.

Фота аўтара і з сямейнага архіва Мартысюкоў.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц весны?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Постав

Два дня протестов в Беларуси

Хотите узнать больше? День Воли в Минске. Фото с сайта tut.by 25 марта в Минске запрещенная властями акция, в которой приняли участие несколько тысяч человек, прошла без 22

В Беларуси подорожают некоторые почтовые услуги

Хотите узнать больше? Изображение использовано в качестве иллюстрации. Фото с сайта finance.tut.by В Беларуси изменяются тарифы на некоторые услуги почтовой связи. Об 53

Лукашенко запретил увольнять работников без согласования с местными органами власти

Хотите узнать больше? Александр Лукашенко. Фото с сайта www.belta.by Александр Лукашенко запретил проводить сокращения на предприятиях и в организациях и увольнять 35

Минтруда Беларуси предлагает увеличить пособие по безработице до 60% от зарплаты

Хотите узнать больше? Изображение использовано в качестве иллюстрации. Фото с сайта www.sb.by Минтруда и соцзащиты готово улучшить положение безработных с помощью 40

Минздрав о смерти женщины в Тюрлях от анафилактического шока: Препарат был качественный

Хотите узнать больше? Изображение использовано в качестве иллюстрации. Фото с сайта pixabay.com В Беларуси возобновили использование серий антибиотика, при введении 64

Древний праздник в честь медведя. Комоедицу отметили в Поставском районе (фото, видео)

Хотите узнать больше? Древний праздник в честь медведя – Комоедицу – отметили в Поставском районе 19 февраля. Фото Леонида Юрика В местечке Лынтупы, что на самой литовской 87

Новые тарифы «Белтелекома»: с марта дорожают byfly и ZALA

Хотите узнать больше? Изображение использовано в качестве иллюстрации. Фото с сайта 42.tut.by Национальный оператор связи «Белтелеком» объявил о внесении изменений в 72

Билеты на концерт Сергея Славянского в Молодечно получают две учительницы из Вилейки

Хотите узнать больше? Сергей Славянский. Фото с сайта www.slavyanskiy.com Сергей Славянский выступит 21 февраля в 18.00 в Районном центре культуры Молодечно. Край.бай 59