Закрыть

Выберите свой город

Закрыть

Як зрабіць Браслаў больш прывабным для турыстаў?

Як зрабіць Браслаў больш прывабным для турыстаў?

Браслаўшчына – унікальны край, як і яе жыхары. Толькі тут можна чакаць аўтобус, назіраючы за велічнымі хвалямі Дрывят, жыць у вёсцы Яя і ехаць па вуліцы Рыбгаснай. Прыгажосць нашых ландшафтаў, колькасць і чысціня азёр даўно асацыіруюцца з добрым адпачынкам.

Піша Вячаслаў Каладынскі.

Мы жывём, не пабаюся гэтага слова, у турыстычнай сталіцы краіны. Мяркуйце самі: базы адпачынку і больш за 170 аграэкасядзіб амаль круглы год гатовыя прымаць гасцей. Па некаторых крыніцах, свае канікулы і водпускі на Браслаўшчыне праводзяць каля 30 тысяч чалавек у год, што параўнальна з агульнай колькасцю насельніцтва раёна.

Нас ведаюць далёка за межамі Беларусі. Аднак на такі стан спраў варта паглядзець і з другога боку. Уявіце на хвіліну, што Браслаўскі раён пазбаўлены сваёй галоўнай асаблівасці – азёр. Сказаць,што без іх наш край страціць сваю прывабнасць – значыць, нічога не сказаць.

Вось і атрымліваецца, што імідж зоны адпачынку наш раён атрымаў выключна за кошт эксплуатацыі прыродных бонусаў. А што зрабілі мы, каб прыцягнуць турыста?

Праблема ёсць, і пра яе гавораць даўно і на розных узроўнях. Прычым ідэі наконт стварэння турыстычна-забаўляльнай інфраструктуры досыць трывіяльныя. Так, інвестарам у розныя часы прапанавалася будаваць боулінг-клуб, парк атракцыёнаў, санаторыі і базы адпачынку. Ішлі размовы пра стварэнне музея прыроды і шмат чаго яшчэ.

Хочацца спадзявацца, што ў будучыні ўсё гэта з’явіцца на Браслаўшчыне і значна павысіць яе турыстычны рэйтынг. Аднак скарыстацца паслугамі аналагічных устаноў большасць нашых гасцей могуць і ў сябе дома.

Між тым Браслаў – горад амаль з тысячагадовай гісторыяй, паселішча, якое мае ці па меншай меры мела свае аўтэнтычныя рысы, што выгадна адрознівае яго ад многіх аналагічных райцэнтраў.

У сувязі з гэтым актуальным становіцца пытанне: ці не варта нам падкрэсліць свой заходнебеларускі менталітэт і лад жыцця, які сфарміраваўся пад уздзеяннем многіх культур і мясцовых прыродных умоў; зрабіць Браслаўшчыну сапраўды непаўторнай і цікавай не толькі ў прыродным плане, а каб людзі імкнуліся трапіць да нас і пабачыць нешта ўнікальнае, чаго нідзе больш няма.

Музей прыроды? Добра і цікава, але такія можна стварыць амаль паўсюдна, што мы і назіраем. А чаму б не арганізаваць, скажам, музей рыбалавецкай справы, якая заўсёды была прыярытэтным заняткам мясцовых жыхароў? Тым больш, што многія “экспанаты” з былога рыбнага завода ўсё адно незапатрабаваныя.

Скульптура дзяўчыны ля аўтастанцыі – прыгожа, але не адлюстроўвае сутнасці нашага азёрнага краю. Няхай бы гасцей горада сустракала русалка ці рыбак з вудай, прычым “бронзавы”. Можна не сумнявацца: такі сімвал вельмі хутка заваяваў бы сімпатыі як турыстаў, так і мясцовых жыхароў. Першыя будуць лічыць вандроўку на Браслаўшчыну няпоўнай без фота з ім, а другія хутка натруць яму нос да ззяння ў пагоні за добрай прыкметай.

Многія старыя вуліцы Браслава выбрукаваны сапраўдным каменем. Жыхары Прагі ці Вены ганарыліся б такім пакрыццём, а мы хаваем яго пад самі ведаеце які асфальт. Кавалак такой дарогі застаўся ўздоўж пагоркаў ад аўтадрома ў бок Леснічоўкі, але ён завалены смеццем. Між тым з яго можна зрабіць ціхую і ўтульную пешаходную вуліцу з усімі атрыбутамі накшталт лавачак, ліхтарыкаў, сувенірных крамаў і гэтак далей.

Вядома, гэта запатрабуе пэўных фінансавых укладанняў, але, здаецца, будзе куды танней, чым будаўніцтва, скажам, аквапарка. Ды і інвестараў чакаць не трэба – мэтанакіраваны суботнік для неабыякавых браслаўчан зрушыць справу з месца.

Недарагіх у ажыццяўленні ідэй для аздаблення Браслава на самай справе досыць многа, трэба толькі пашукаць. Незвычайныя малыя архітэктурныя формы (не бетонныя яблыкі і грушы), паўсюднае азеляненне, таблічкі з назвамі вуліц на беларускай мове і ў сярэднявечным стылі, пешаходныя пераходы, стылізаваныя пад клавішы раяля і іншыя прыгожыя дробязі зробяць наш край яшчэ больш прыгожым і сапраўды непаўторным.

Тады і турыст пяройдзе з маршрута “гатэль – пляж – гара Маяк – магазін – гатэль” на прыемныя прагулкі па вячэрнім Браславе, набудзе яшчэ адзін сувенір, яшчэ адно марожанае ці яшчэ што. Адным словам, і сам лепей адпачне, і мясцовым жыхарам прынясе карысць.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц весны?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Браслава

Чешский экспресс. Увидеть предпраздничные Прагу и Дрезден, а к Рождеству вернуться домой

Хотите узнать больше? Изображение использовано в качестве иллюстрации. Фото с сайта travelgrodno.by Автобусный парк №4 г. Молодечно организует 21-25 декабря поездку в 20

У Браславе прайшоў хрысціянскі баль (фота)

Хотите узнать больше? Хрысціянскі баль у Браславе. Фота з сайта catholicnews.by Напярэдадні Адвэнту, у суботу 26 лістапада, у браслаўскай парафіі прайшоў хрысціянскі баль. 35

Умелец из Браслава изготовил из металла зубра

Хотите узнать больше? Браславский умелец сделал из металла зубра. Фото с сайта braslav-star.by На территории УП «Браславгаз» появился изготовленный из металла зубр. В 40

Бесплатную юридическую помощь получат жители всех районов Минской области в профсоюзных приемных 24 ноября

Хотите узнать больше? Изображение использовано в качестве иллюстрации. Фото с сайта abexlege.ru В Минской области 24 ноября будут работать профсоюзные приемные, в которых 40

А где будешь ты в новогоднюю ночь?

Хотите узнать больше? Изображение использовано в качестве иллюстрации. Фото с сайта www.gastronom.ru Новый год – время загадывать желания, подводить итоги и планировать 44

Девушки нашего края продолжают радовать своей красотой – мы получили новые заявки на конкурс «Мисс Край.бай-2016» (фото)

Хотите узнать больше? Изображение использовано в качестве иллюстрации. Фото с сайта mediananny.com Продолжается набор претенденток на звание самой очаровательной 42

Валентина Божелко и Евгений Белоусов получают билеты на спектакли Брестского академического театра драмы

Хотите узнать больше? Изображение использовано в качестве иллюстрации. Фото с сайта cs1.livemaster.ru 24 и 25 ноября в 19.00 на сцене Дворца культуры г. Молодечно 36

Сергей Дудко: «Больно было хоронить свою собаку на скотомогильнике, и я открыл ритуальное агентство для животных» (фото)

Хотите узнать больше? Изображение использовано в качестве иллюстрации. Фото с сайта img0.gtsstatic.com Предприниматель из Минска Сергей Дудко занимается ритуальными 39