Закрыть

Выберите свой город

Закрыть

Фэст Маці Божай Валадаркі Азёраў у Браславе – фотарэпартаж

Урачыстасці ў дыяцэзіяльным санктуарыі Маці Божай Валадаркі Азёраў адбыліся 17-18 жніўня.

На галоўную Імшу а 11-й гадзіне 18 жніўня сабраліся некалькі тысячаў чалавек. Падчас урачыстасці трое дыяканаў атрымалі святарскія пасвячэнні і адзін семінарыст – дыяканскія.

Недзе а дзясятай гадзіне вакол касцёла пачалі збірацца вернікі – пілігрымы, удзельнікі дыяцэзіяльнай моладзевай сустрэчы, мясцовыя і прыезджыя вернікі.

 

Фэст Маці Божай Валадаркі Азёраў у Браславе – фотарэпартаж



Людзі збіраюцца на Браслаўскі Фэст. Фота Кастуся Шыталя.

 

Традыцыйная перадфэставая мітусня – апошнія моманты падрыхтоўкі да ўрачыстасці. Сястра эўхарыстка ўпрыгожвае лілеямі і белымі ружамі абраз Маці Божай. Клерыкі і міністранты выносяць і развешваюць пад сценамі касцёла літургічнае адзенне – ксяндзоў будзе столькі, што ў закрыстыі не змесцяцца. “Раз-раз-два” - правяраюць мікрафоны на вялізнымі, збудаваным у выглядзе карабля, алтары.

 

Фэст Маці Божай Валадаркі Азёраў у Браславе – фотарэпартаж



Абраз Маці Божай Браслаўскай, Валадаркі Азёраў, упрыгожаны кветкамі. Фота Кастуся Шыталя.

 

Людзей становіцца ўсё болей. Навокал касцёла ды каля намётаў з рэлігійнай атрыбутыкай можна сустрэць багата знаёмых. Легендарны краязнаўца з Мёраў Вітольд Ермалёнак, лідэр мёрскай Хрысціянскай Дэмакратыі Багуслаў Мацук, глыбоцкі журналіст Зміцер Лупач з сынам Валянцінам, лучайскі ксёндз Мікалай Ліпскі, рэдактар “Каталіцкага Весніка” ксёндз Віктар Місевіч – асноўныя ньюсмэйкеры нашага рэгіёна сабраліся на фэсце. Біскуп Уладзіслаў Блін, як заўсёды, у добрым настроі, ходзіць і вітаецца з вернікамі.

 

Фэст Маці Божай Валадаркі Азёраў у Браславе – фотарэпартаж



Вернікі фатаграфуюцца з біскупам Уладзіславам Блінам. Фота Кастуся Шыталя.

 

Да пачатку Імшы вялікая пляцоўка паміж царквой і касцёлам запаўняецца вернікамі. Дзве-тры тысячы чалавек па самых сціплых падліках.

 

Фэст Маці Божай Валадаркі Азёраў у Браславе – фотарэпартаж



На Фэст сабраліся некалькі тысяч вернікаў. Фота Кастуся Шыталя.

 

 

Фэст Маці Божай Валадаркі Азёраў у Браславе – фотарэпартаж

 

 

За касцёлам у два роўныя шэрагі шыхтуюцца ксяндзы – іх тут дзясяткі, а можа і сотня. Пад гукі вайсковага духавога аркестра працэсія павольна рушыць да алтара. У самым канцы ідуць біскупы – Апостальскі нунцый Клаўдыё Гуджэроці, рыжскі Збігнеў Станкевіч, іркуцкі (з глыбоцкім мінулым) Кірыл Клімовіч, віцебскі Уладзіслаў Блін і самы далёкі госць – арцыбіскуп Вашынгтона кардынал Тэадор Макарык.

 

Фэст Маці Божай Валадаркі Азёраў у Браславе – фотарэпартаж



Святары ідуць працэсіяй да алтара. Фота Кастуся Шыталя.

 

Арцыбіскуп Гуджэроці служыць Імшу па-беларуску. Чытае малітвы з Імшала, намагаючыся правільна вымаўляць словы яшчэ не зусім звыклай для Яго Эксцэленцыі мовы. Прапаведуе на роднай італьянскай мове. Ксёндз-перакладчык тлумачыць пропаведзь на беларускую.

 

Фэст Маці Божай Валадаркі Азёраў у Браславе – фотарэпартаж



Арцыбіскуп Клаўдыё Гуджэроці, Апостальскі нунцый у Беларусі. Фота Кастуся Шыталя.

 

“Дарагія кандыдаты! Вы будзеце служыць народу, які мае сваю гісторыю, сваю культуру, сваю мову, свае надзеі” - сваю пропаведзь арцыбіскуп Клаўдыё Гуджэроці скіроўвае да траіх дыяканаў, якія атрымаюць святарскія пасвячэнні і семінарыста, які стане дыяканам.

Скончылася небяспека фізічнага пераследу, кажа арцыбіскуп, але ёсць небяспека дабрабыту. Небяспека спакойна жыць у добрых матэрыяльных умовах сярод людзей, якія будуць вас паважаць. Небяспека ператварыцца ў інструменты культу знішчае Касцёл. З Богам нельга жартаваць, папярэджвае Яго Эксцэленцыя.

 

Фэст Маці Божай Валадаркі Азёраў у Браславе – фотарэпартаж



Арцыбіскуп Гуджэроці прапаведуе на Браслаўскім Фэсце. Фота Кастуся Шыталя.

 

“Дзякуйце Богу, што нарадзіліся ў краіне, дзе маладыя людзі падатлівыя на евангелізацыю. Не чакайце, калі яны прыйдуць да вас. Ідзіце да іх, кажыце, што Бог іх любіць. Бог зробіць цуды, але не без высілку вашых рук”, - кажа арцыбіскуп Гуджэроці будучым святарам.

Святарскія пасвячэнні сталі адметнай падзеяй не толькі для тых, каго пасвячалі, але і для таго, хто пасвячаў. Арцыбіскуп Гуджэроці прызнаўся, што ўдзяляе святарскія пасвячэнні ўпершыню ў жыцці.

 

Фэст Маці Божай Валадаркі Азёраў у Браславе – фотарэпартаж



Будучыя святары. Фота Кастуся Шыталя.

 

 

Фэст Маці Божай Валадаркі Азёраў у Браславе – фотарэпартаж



Пачынаецца абрад пасвячэння ў святары і дыяканы. Фота Кастуся Шыталя.

 

“Бог, Які распачаў у вас добрую справу, няхай Сам яе завершыць”, - паводле абраду пасвячэння кажа арцыбіскуп будучым святарам. Дыяканы Валерый Марціноўскі, Антон Лагунёнак, Вячаслаў Адамовіч і семінарыст Іван Кароткі кладуцца крыжам перад алтаром, а ўсе вернікі моляцца Літаніяй да Усіх Святых.

 

Фэст Маці Божай Валадаркі Азёраў у Браславе – фотарэпартаж



Будучыя святары ляжаць крыжам, пакуль вернікі моляцца да Усіх Святых. Фота Кастуся Шыталя.

 

Нарэшце, новыя святары атрымліваюць стулы і арнаты – прадметы літургічнага адзення, якія сімвалізуюць святарскую ўладу і служэнне. Арцыбіскуп Гуджэроці намазвае іх рукі алеем ды падае літургічныя хлеб і віно. З усмешкай вітае новапрэзбітэраў. Праз хвіліну яны стануць каля алтара, каб служыць першую ў жыцці Імшу.

 

Фэст Маці Божай Валадаркі Азёраў у Браславе – фотарэпартаж



Малітва з ускладаннем рук - частка абраду святарскіх пасвячэнняў. Фота Кастуся Шыталя.

 

 

Фэст Маці Божай Валадаркі Азёраў у Браславе – фотарэпартаж



Арцыбіскуп Гуджэроці дае ў рукі новапрэзбітэру келіх з віном. Фота Кастуся Шыталя.

 

Пасля Імшы біскупы скіроўваюць словы да вернікаў. Кардынал Тэадор Макарык, мітрапаліт Вашынгтона, прамовіў па-англійску і запрасіў арцыбіскупа Гуджэроці… на сваё пахаванне. “Ён сказаў сёння шмат добрага, і думаю, добра будзе запрасіць яго дзеля сведчання”, - сказаў кардынал.

 

Фэст Маці Божай Валадаркі Азёраў у Браславе – фотарэпартаж



Кардынал Тэадор Макарык. Фота Кастуся Шыталя.

 

Збігнеў Станкевіч, рыжскі арцыбіскуп, па-расейску звярнуўся да вернікаў з эканамічнымі парадамі. Распавёў, што многія жыхары Латвіі ўзялі вялікія крэдыты ў банках, а пасля крызісу і змяншэння заробкаў з цяжкасцю разлічваюцца – “хто жыве на гарбаце з сухарамі, хто з’ехаў працаваць за мяжу”. Заклікаў беларусаў не паўтараць такіх памылак, “бо сквапнасць губіць людзей”.

“З мінулых дзесяцігоддзяў у нас ёсць глыбокая рана – неразуменне ўласнай каштоўнасці перад Богам”, - кажа арцыбіскуп Станкевіч.

 

Фэст Маці Божай Валадаркі Азёраў у Браславе – фотарэпартаж



Арцыбіскуп Збігнеў Станкевіч. Фота Кастуся Шыталя.

 

Кірыл Клімовіч, былы глыбоцкі пробашч, а цяпер біскуп самай вялікай у свеце дыяцэзіі ў Іркуцку, прывітаў вернікаў па-беларуску.

Пасля яго да амбоны падыйшоў віцебскі біскуп Уладзіслаў Блін. “Ведаю, што галодныя. Таму коратка”. Запрасіў на заўтрашняе стагоддзе касцёла ў Іказні і дадаў: “Люблю вас усіх. Гатовы аддаць жыццё за тое, каб кожны з вас дайшоў да Неба”. І ўсміхнуўся.

 

Фэст Маці Божай Валадаркі Азёраў у Браславе – фотарэпартаж



Біскуп Уладзіслаў Блін. Фота Кастуся Шыталя.

 

Арцыбіскуп Клаўдыё Гуджэроці напрыканцы Імшы сказаў вернікам: “Мне які, жыў спакойна як хрысіціянін і не ведаў пераследу, Вы – прыклад. Дзякую старэйшаму пакаленню за тое, што ўтрымалі веру”. Удзяліў вернікам дабраславенне і на гэтым фэст скончыўся. На гадзінніку было 14:15 – Імша доўжылася тры гадзіны.

 

Фэст Маці Божай Валадаркі Азёраў у Браславе – фотарэпартаж



Пасля Фэсту. Фота Кастуся Шыталя.

 

Браслаў, 18 жніўня 2012 года.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц лета?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Браслава

Нарисуйте дверь, которая вам нравится, – и мы для Вас ее сделаем. Новый магазин дверей открылся в Молодечно

Хотите узнать больше? «Салон дверей» дверей открылся в Молодечно Новый магазин «Салон дверей» открылся 20 февраля в Молодечно, в 109 павильоне на втором этаже торгового 25

В Минске прошел неожиданно массовый «Марш рассерженных белорусов» (видео)

Хотите узнать больше? Вечером 17 февраля в центре Минска прошел несанкционированный «Марш рассерженных белорусов». В нем приняли участие более 2 тысяч человек. Акция 64

Оптимизация и инициатива на местах. Министр образования рассказал, как зарплаты учителей могут дорасти до 500 долларов

Хотите узнать больше? Изображение использовано в качестве иллюстрации. Фото Катерины Сушко из архива Край.бай Для доведения средней заработной платы в 2017 году до $500 58

Тайник с царскими деньгами и будильник 30-х годов. Раритеты из фондов четырех музеев Витебщины покажут в Глубоком

Хотите узнать больше? Изображение использовано в качестве иллюстрации. Фото с сайта sterhluki.ru 14 февраля в историко-этнографическом музее Глубокого впервые откроется 74

Успейте правильно ответить на вопросы, чтобы попасть на концерт Сергея Славянского

Хотите узнать больше? Сергей Славянский. Фото с сайта www.slavyanskiy.com 21 февраля в 18.00 в Районном центре культуры Молодечно выступит Сергей Славянский с программой 56

Лукашенко о своих резиденциях: «Я не тот человек, чтобы понастроить домов, потом любоваться»

Хотите узнать больше? «Большой разговор с президентом» 3 февраля. Фото с сайта president.gov.by Во время «большого разговора» президент рассказал, как строится гостиничный 68

На спектакль «Отель 18+» идет многодетная мама Ирина Радкевич из Молодечно

Хотите узнать больше? На спектакль «Отель 18+» идет многодетная мама Ирина Радкевич из Молодечно. Фото предоставлено Край.бай Ириной Радкевич Театр эстрады Аркадия 58

Накануне "большого разговора". 12 вопросов президенту, ответы на которые ждут многие белорусы

Хотите узнать больше? Изображение использовано в качестве иллюстрации. Фото Reuters 3 февраля, в пятницу, белорусов ждет «Большой разговор с президентом» – встреча с 90