Закрыть

Выберите город

Закрыть

Хакейны швэдар Лукашэнкі патрабуюць выкінуць з музэю

Група грамадзкіх дзеячаў зь ліку прадстаўнікоў культуры і спорту, праваабарончых рухаў зьвярнулася ў Міжнародную фэдэрацыю хакею са штаб-кватэрай у Цюрыху і ў Залю хакейнай славы ў Таронта з заклікам «пазбавіцца ад Лукашэнкі».

Падпісанты, у ліку якіх колішні прэзыдэнт Чэхіі Вацлаў Гавэл, драматург Том Стопард, славуты літоўскі баскетбаліст Шарунас Марчулёніс, актывісты беларускіх грамадзянскіх кампаній, патрабуюць перанесьці хакейны чэмпіянат сьвету 2014 году зь Беларусі ў іншую краіну і прыбраць з музэю швэдар з прозьвішчам Лукашэнкі. Копіі ліста адасланыя ўва ўсе вядучыя СМІ сьвету.

У сваім звароце артысты, спартоўцы, грамадзкія дзеячы, чыя прафэсійная сфэра дзейнасьці наўпрост ня тычыцца палітыкі, тлумачаць, што маюць намер выкарыстаць любую магчымасьць, каб спыніць сувязь з апошняй дыктатурай Эўропы. «Мы заклікаем усіх людзей добрай волі далучыцца да нашай ініцыятывы і спыніць палітычныя маніпуляцыі спортам, у прыватнасьці, хакеем, на тэме якога спэкулюе Лукашэнка — чалавек, які ўзурпаваў уладу, фальсыфікуючы вынікі выбараў, і гвалтам зьнішчыў сваіх палітычных праціўнікаў».

Падпісанты просяць перанесьці Кубак сьвету па хакеі, які плянуецца правесьці ў Беларусі ў 2014 годзе, у іншую эўрапейскую краіну, дзе шануюцца правы чалавека і дэмакратычныя каштоўнасьці. Апроч таго, аўтары звароту згадваюць, што ў Залі хакейнай славы ў Таронта захоўваецца майка пад № 1 з прозьвішчам Лукашэнкі. На іх думку, гэта выглядае абсалютнай анамаліяй, усё роўна як раптам нехта вырашыў бы выставіць у музэі ахвяраў Галакосту малюнак Адольфа Гітлера: «Мы просім выдаліць з музэю майку чалавека, які не падтрымлівае, а дыскрэдытуе вялікі спорт».

Хакейны аглядальнік спартовай газэты «Прессбол» Вячаслаў Федарэнкаў кажа, што хакейны швэдар Лукашэнкі сапраўды ўжо гадоў дзесяць вісіць у Залі хакейнай славы. Прычым у немалой ступені гэтаму паспрыяла якраз прапаганда хакею ў Беларусі «хакеістам № 1»:

«Так, гаворка пра самую славутую Залю хакейнай славы ў Таронта. Бо Эўрапейская заля толькі ствараецца, але яе гісторыя амаль нішто ў параўнаньні з таронтаўскай, якая налічвае ўжо больш за паўстагодзьдзя. Дык вось, лукашэнкаўскі швэдар якраз у Канадзе. Гэта здарылася недзе напрыканцы 1990-х гадоў. Якраз тады, калі ў Беларусі разгарнулася першая хваля ўзьвядзеньня вось гэтых лядовых палацаў. Дакладна абгрунтаваньня ня ведаю, але, мабыць, трапіў ён туды менавіта за ўклад у разьвіцьцё хакею. І, калі не памыляюся, ён там вісіць ужо ня меней за 10 гадоў, а не цяпер трапіў, як шмат хто мяркуе, калі вялася барацьба за права прыняць чэмпіянат сьвету. Нават калі не пры канцы 1990-х, то на самым пачатку 2000-х — пэўна».

Міжнароднай грамадзкасьці падпісанты ліста даводзяць: беларускі дыктатар апантаны хакеем. Прычым ня столькі самой гульнёй, колькі спэкуляцыямі на хакейнай тэме. Лядовыя палацы будуюцца па ўсёй краіне — пры тым, што займацца там большасьць дзяцей ня можа з прычыны мізэрных заробкаў бацькоў.

Да чэмпіянату сьвету-2014 па ўсёй краіне заплянавана здаць больш за паўсотні лядовых палацаў, каля трох дзясяткаў ужо пабудавана. Нягледзячы на крызіс, аўральнымі тэмпамі ўзводзіцца другая па зьмяшчальнасьці пасьля «Менск-Арэны» крытая пляцоўка ў мікрараёне Чыжоўка. Гэтаксама вялізныя бюджэтныя сродкі закладзеныя ў стварэньне інфраструктуры, каб прымаць замежных хакеістаў і заўзятараў — у будоўлю і рэканструкцыю гатэляў, у пункты харчаваньня, на пракладку дарог і г.д.

Спартовы аналітык Уладзімер Даўжэнка перакананы, што выдаткі на падрыхтоўку да хакейнага першынства ня будуць кампэнсаваныя спадзяваным прыбыткам. На яго думку, каб не амбіцыі галоўнага беларускага хакеіста, чэмпіянат варта было б падзяліць зь іншымі суседзямі Беларусі:

«Яшчэ раней нехта з чыноўнікаў падлічыў, што 11,4 мільёна даляраў трэба ўкласьці ў арганізацыю чэмпіянату, хоць я перакананы, што насамрэч лічба нашмат большая. Але адразу ж улады адказалі, што так, укласьці сёе-тое трэба, але чакаецца прыбытак у 40 мільёнаў даляраў — пэўна, за кошт турыстаў, паказу тэлевізійных трансьляцыяў і г.д. Слаба верыцца. Пры такім эканамічным стане ня трэба цягнуць коўдру на сябе, лепш бы ўвайшлі з кім-небудзь у долю ці ўпершыню на тры краіны раскінулі б. З задавальненьнем тая ж Латвія б пагадзілася, Украіна, якая разам зь Беларусьсю таксама прэтэндавала на чэмпіянат сьвету. Разумееце, усё можна было зрабіць — па-славянску ці па сяброўску, як заўгодна. І таньней было б, і цікавей. Таму я зь вялікім пэсымізмам гляджу на ўсю гэтую падрыхтоўку».

Гэта ня першая спроба пакінуць Беларусь без хакейнага чэмпіянату сьвету. Неўзабаве пасьля мінулагодніх прэзыдэнцкіх выбараў, якія прадэманстравалі ўвесь размах дзяржаўнай рэпрэсіўнай машыны, дэпутаты Эўрапарлямэнту ініцыявалі перанос Кубку сьвету па хакеі 2014 году ў іншае месца. Плёну тыя высілкі ня мелі. Пазьней да тэмы хакею і Беларусі зьвяртаўся цэлы шэраг замежных палітыкаў, але сыстэмна гэтае пытаньне не абмяркоўваецца. Усё абмяжоўваецца заявамі, на якія Міжнародная фэдэрацыя хакею не рэагуе.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Спутник планеты Земля?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Беларуси

Суд вынес приговор организаторам финансовой пирамиды "Спектр-Капитал"

Хотите узнать больше? Суд Центрального района Минска приговорил бывших сотрудников потребительского кооператива «Спектр-Капитал», который предлагал займы под 70%, но не 187

Рыженков назвал главную идею декрета о тунеядцах

Хотите узнать больше? Главная идея декрета №3 «О предупреждении социального иждивенчества» - стимулировать людей уплачивать налоги. фото: belta.by Об этом сегодня заявил 226

«Тест на гражданственность»: 99% белорусов думают, что они не могут повлиять на политику государства

Хотите узнать больше? Белорусы имеют высокий уровень базовых гражданских знаний, но при этом 99% из них считают, что никак не могут влиять на политику государства. фото 167

Reuters: Минск начал замещать российскую нефть поставками из Ирана

Хотите узнать больше? Как сообщает агентство, госкомпания «Белоруснефть» приобрела 80 тыс. тонн (порядка 600 тыс. барр.) нефти из Ирана (продавцом выступила Национальная 179

Таможня России будет контролировать белорусскую границу с помощью «мобильных групп»

Хотите узнать больше? В условиях введения пограничной зоны с Беларусью Федеральная таможенная служба России продолжит работу в режиме мобильных групп, которые будут 178

Литовский министр заявил, что Еврокомиссия потребует стресс-тесты со строящейся БелАЭС

Хотите узнать больше? Еврокомиссия (ЕК) потребует проведения стресс-тестов на строящейся в белорусском Островце Белорусской АЭС (БелАЭС) и намерена не делать никаких 253

Кобяков: Никакого печатания эмиссионных денег ни в коем случае быть не должно, это прошедший этап

Хотите узнать больше? Эмиссионное печатание денег — не более чем прошедший этап в истории экономического развития в Беларуси. Об этом по итогам совещания у главы 228

Российский рубль рванул вслед за нефтью

Хотите узнать больше? Курсы доллара и евро на Московской бирже обновили минимальные значения с лета 2015 года. Американская валюта по отношению к рублю упала на 40 копеек, 269