Закрыть

Выберите свой город

Закрыть

Беларускамоўны супрацоўнік McDonald’s: Людзі дзякуюць за мову

Беларускамоўны супрацоўнік McDonald’s: Людзі дзякуюць за мову
Ігар – цінэйджэр з БДЭУ, мінулай восенню ён уладкаваўся на працу ў МакДональдс.

Гэта тыповая студэнцкая гісторыя пошуку падзаробкаў аднак мае пікантнасць – Ігар ужо працяглы час паўсюль размаўляе па-беларуску. Хлопец не адмовіўся ад свайго прынцыпу і на працы, дзе камунікуе з тысячамі людзей, якія праходзяць праз вядомы Макдак на Кастрычніцкай.

Generation.by наведаў студэнта на яго працоўным месцы.

Беларускамоўны супрацоўнік McDonald’s: Людзі дзякуюць за мову

Летнім ранкам а 7-й праспект Незалежнасці яшчэ зусім пусты. Горад снедае і рыхтуецца да новага дня. Некалькі постацей ужо чакаюць свой чызбургер на вядомым скрыжаванні, што непадалёк ад станцыі метро Кастрычніцкая. Дарэчы, з ранку тут даволі міла і чэргі не выклікаюць жадання збегчы. Да таго ж з-за касы часам можна пачуць гучнае і прыгожае: «Добры дзень! Чаго жадаеце? Вашая рэшта. Заходзьце яшчэ!»

Ігар распавядае, што ўсе яго калегі ў рэстарацыі добразычліва ставяцца да беларускамоўнасці, хаця і не ўсе яе добра разумеюць. Напрыклад, наша спроба зрабіць замову натыкаецца на вінаватае: «Ой, што-што, марозіва? Я просто русский…»

«Той хлопец і праўда не разумее беларускую і я з ім па-руску размаўляю, ён узбек увогуле», — тлумачыць Ігар.

«Дзякуй»

«У цэнтры ўладкавання ніякіх дадатковых пытанняў мая беларускамоўнасць не выклікала, асноўная рэакцыя была «ОК, ОК, будзем працаваць». Ужо непасрэдна на сумоўі толькі перапыталі, як я рэагую на тое, што ўсе вакол па-руску, і ці можа быў ціск на мяне з-за мовы які-небудзь».

У калектыве ж цалкам пазітыўна ставяцца да выбару Ігара, усім падабаецца.

«Бэйдж хіба давялося друкаваць уласнаручна, бо менеджар не ведала, як беларускую раскладку клавіятуры паставіць», — з усмешкай прыгадвае хлопец.

Беларускамоўны супрацоўнік McDonald’s: Людзі дзякуюць за мову

Ігар выдзяляе сярод спажыўцоў фастфуду некалькі катэгорый паводле іх стаўлення да беларускай мовы.

«Па-першае, тыя, каму абыякава. Па-беларуску? Добра, пайду паем».

Далей, ёсць людзі, якія станоўча ставяцца. Некаторыя спачатку па-руску замаўляюць, а калі чуюць беларускую мову, трошку сумняюцца, але пераконваюцца, што гэта сапраўды так і тады ў канцы гавораць сціплае «дзякуй»!

Ёсць людзі, якія адмыслова дзякуюць за мову. Літаральна вось учора адзін хлопец сказаў Ігару: «Дзякуй за мову, пацан!»

«І ёсць такая зусім маленечкая катэгорыя, літаральна некалькі разоў сустракаліся, што проста ў штыкі ўспрымаюць: «Со мной по-о-ру-у-сски». Я кажу: «ОК», але калі працягваюцца наезды, то прынцыпова размаўляю па-беларуску».

«Была таксама цікавая гісторыя пад час ЧСХ. Я адзін з нямногіх, хто мог абслугоўваць па-ангельску. Прымаў замову замежніка, а ён, відаць, перад гэтым чуў, што я па-беларуску размаўляю, і напрыканцы сказаў мне беларускае «Дзякуй!» Ад сваіх не заўжды пачуеш, а тут замежнік!»

Беларускамоўны супрацоўнік McDonald’s: Людзі дзякуюць за мову

Google Translate і Рок-Маладзечна

Васямнадцацігадовы Ігар Ліштван жыве ў Маладзечна, таму праводзіць штодня каля чатырох гадзінаў у цягніку па дарозе да працы. Будучы адмысловец па менеджменце і кіраванні на прамысловасці добра памятае дзень, калі вырашыў паўсюль размаўляць па-беларуску.

«Усё пачалося даўно-даўно. У 8-й класе ў мяне змянілася настаўніца па беларускай мове. Да яе нельга было прыйсці непадрыхтаваным. Тым болей, калі ты яшчэ такі зацюканы школьнік і асцерагаешся настаўнікаў. Хоць дагэтуль я абыякава ставіўся да мовы – што ёсць, што няма – мне не было розніцы. А тут, хочаш – не хочаш, пачаў яе вучыць. Паралельна ішла гісторыя. Быў сябар, які таксама пачаў вучыць мову. З цягам часу нас гэта захапіла.

Знайшоў такі сродак, як вывучыць асноўны мінімум беларускі: заходзіў у «Кантакт», адкрываеш дыялог, другая ўкладка Google Translate, і панеслася.

Пазней мы неяк дамовіліся, каб па-беларуску размаўляць паўсюль. Але праз нейкі час зламаўся мой сябар, а недзе праз месяц і я. Асноўны фактар, чаму зламаўся – гэта таму, што вакол адна руская мова. Ну і спачатку самому цяжка было размаўляць».

Наступнай прыступкай да беларускай мовы стаў фестываль беларускай песні і паэзіі «Маладзечна. Рок», на які Ігар патрапіў выпадкова. Пасля канцэрту, дзе гучалі «Drum Ecstasy», «ZM-99», «J:Морс», «Стары Ольса» і «У нескладовае», — Ігар уразіўся беларускай музыкай.

«На другі дзень пасля канцэрту паехалі ў вёску. Трэба было касіць. Я на адным канцы поля, брат на другім, у абодвух навушнікі на вушах ды слухаем беларускую музыку адную і тую ж. Атмасферненька так было».

Беларускамоўны супрацоўнік McDonald’s: Людзі дзякуюць за мову

«Далей я пазнаёміўся з дзяўчынай з іншага гораду, і з ёй мы толькі па-беларуску размаўлялі. І такі настрой уздымаўся добры, пасля размоваў на беларускай мове. Што пасля, калі прыходзіў, да прыкладу, у краму, і мусіў сказаць: — «А дайте пожалуйста это и это», – неяк брыдка рабілася.

Ну і вось, у канцы чэрвеня 2012 году, сядзеў сабе, настрой сумны і падумаў: — «Усё, заўтра пачынаю!» І вось як пачаў, так і дагэтуль размаўляю».

Ва ўніверсітэце ўсе іспыты, кантрольныя і залікі Ігар здае па-беларуску. Некаторым выкладчыкам гэта даспадобы – можна нават лішні бал атрымаць, але ёсць і тыя, што чапляюцца, дакалупваюцца больш з-за мовы. Аднагрупнікі ставяцца пазітыўна альбо нейтральна.

«Бацькі спачатку сказалі: «Размаўляй з намі па-руску», ОК, я размаўляў. Але неяк яны пачулі, што я гаварыў з сваім дэканам па-беларуску: «Ого! А што ты ўвогуле з усімі па-беларуску размаўляеш?». Кажу: «Мам, я ўжо год размаўляю з усімі-усімі па-беларуску, акрамя вас». Матуля здзівілася вельмі і сказала з усмешкай: «Ладна, можаш і з намі таксама». Цяпер бацькі вельмі цёпла ставіцца да маёй беларускамоўнасці і любяць пытаць некаторыя словы, асабліва цешацца ад слова «лецішча»».

По материалам generation.by
Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: 24 часа это - ?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Молодечно

В Молодечно будут зазывать весну, покажут премьеры спектакля и кинофильмов. Куда сходить на выходных?

Хотите узнать больше? Изображение использовано в качестве иллюстрации. Фото из архива Край.бай В традиционной афише Край.бай рассказывает, где и как весело провести 34

Посол Литвы вручил благодарность директору молодечненского музыкального колледжа Григорию Сороко (фото)

Хотите узнать больше? Председатель правления благотворительного фонда «Наследие Михала Клеофаса Огинского» Григорий Сороко. Фото с сайта mvradio.by Григорий Сороко получил 35

Эксперимент. Пограничный и таможенный контроль пассажиры поездов Минск-Вильнюс-Минск 12 апреля пройдут в Минске

Хотите узнать больше? Изображение использовано в качестве иллюстрации. Фото из архива Край.бай Поезда №805 Минск-Вильнюс и №806 Вильнюс-Минск 12 апреля не будут 32

Крупные региональные ярмарки пройдут в апреле в Молодечно и Вилейке

Хотите узнать больше? Изображение использовано в качестве иллюстрации. Фото из архива Край.бай Определены сроки и места проведения семи крупных весенних региональных 70

Директору молодечненского музыкального колледжа Григорию Сороко вручил благодарность посол Литвы (фото)

Хотите узнать больше? Председатель правления благотворительного фонда «Наследие Михала Клеофаса Огинского» Григорий Сороко. Фото с сайта mvradio.by Григорий Сороко получил 38

Афиша кинотеатра «Родина» в Молодечно на 21-26 марта (трейлер)

Хотите узнать больше? Изображение использовано в качестве иллюстрации. Фото из архива Край.бай Три премьеры в один день. На этой неделе в Молодечно впервые покажут 29

В Молодечненском райисполкоме работает комиссия по трудоустройству

Хотите узнать больше? Изображение использовано в качестве иллюстрации. Фото из архива Край.бай Комиссию создали 20 марта по распоряжению председателя Молодечненского 44

Стали известны даты проведения фестиваля «Маладзечна-2017»

Хотите узнать больше? Изображение использовано в качестве иллюстрации. Фото из архива Край.бай В этом году фестиваль белорусской песни и поэзии «Маладзечна-2017» будет 56