Закрыть

Выберите свой город

Закрыть

Мікрараён Барыкіна: учора, сёння, заўтра

Сёлета ва УП «Чэрвеньская ЖКГ» – вялікія планы па навядзенню парадку ў горадзе. У тым ліку – і ў мікрараёне Барыкіна. У прыватнасці – на тэрыторыі паміж дамамі №№ 99, 101, 103, 97. Выгляд гэтага ўмоўнага двара плануецца змяніць, і даволі істотна. А першыя крокі работнікі камунгаса зрабілі ўжо ў красавіку, у тым ліку – і падчас рэспубліканскага суботніка.

 

Мікрараён Барыкіна: учора, сёння, заўтра

 

 

У адзін з дзён тут паспілоўвалі большасць кустоў і нізкарослых дрэў. Ахвярамі бензапілы сталі і расліны, пасаджаныя самімі  жыхарамі. «Мо, дзесьці і перагнулі палку», — давялося затым пачуць ад дырэктара УП «Чэрвеньская ЖКГ» Ігара Навіцкага. Аднак дарагія сэрцу і прыемныя зроку расліны назад ужо не вернеш… Пасля іх засталіся высакаватыя і даволі вострыя пянькі. Што, канешне ж, стварае небяспеку. Асабліва для гарэзлівых дзяцей, якія падчас гульні любяць падаць… І з гэтым Ігар Эдуардавіч пагадзіўся – трэба выкарчоўваць…

Падчас рэспубліканскага суботніка шмат работнікаў камунгаса ўзяліся за ачыстку тэрыторыі вакол трансфарматарнай

Мікрараён Барыкіна: учора, сёння, заўтра


падстанцыі (выбачэнне энергетыкам, калі назвала недакладна). Чаго там толькі ні было! Скарыстоўваючы зараснікі, некаторыя нядобрасумленныя жыхары навакольных дамоў шпурлялі туды бытавое смецце ў разарваных пакетах. Яго яшчэ больш разрывалі-раскідалі бадзяжныя каты і сабакі. Дадайце да гэтага пабітае шкло і разнастайнае жалеззе – і атрымаецца поўная карціна тамтэйшай занядбанасці.

 

Шчыравалі там работнікі камунгаса ці не больш за паўдня. Таксама зразалі дрэвы і кустоўе, зносілі галіны, зграбалі смецце, падмяталі… У рэшце рэшт, той прагалак цяпер чысты і светлы. «Ці надоўга?» – турбуюцца ўладальнікі гаспадарчых пабудоў, што знаходзяцца побач…

 

Мікрараён Барыкіна: учора, сёння, заўтра


Адначасова ля згаданых шматпавярховак замест старых, часам і добра разваленых лавак устанаўлівалі файныя новыя – на металічнай аснове. І хаця хтосьці з жыхароў пасля незадаволена вурчаў, — маўляў, нізкія, — але і выгляд іх, і зручнасць ацанілі многія. Гэтыя лаўкі сталіся яркімі кропкамі ў пуставатым пакуль без зеляніны наваколлі…

 

Вядома, ніхто не супраць такіх станоўчых перамен. Наадварот! Але вось наступныя задумкі Чэрвеньскай ЖКГ закранулі многіх і многіх жыхароў шматпавярховак. Градкі… Здаецца, гэтым сказана ўсё. Няхай сабе і невялікія лапікі зямлі, але з іх сапраўды кормяцца цэлыя сем’і. Прынамсі, тых агуркоў, што раслі на дзвюх нашых невялікіх градках, хапала і на штодзённыя свежыя салаты, і на нарыхтоўкі на зіму, і на пачастунак тым, у каго яны не параслі… Не кажучы ўжо пра тую ж зялёную цыбулю, кілаграм якой у краме зараз каштуе… 30 тысяч рублёў.

… Хаця я ў час засялення і была малая, але цудоўна памятаю, як выглядала тады тэрыторыя вакол нашага дома № 97. Горы

Мікрараён Барыкіна: учора, сёння, заўтра


будаўнічага друзу – рэшткі цэглы, цэменту, шкла і г.д. Плюс быльнік. Ды і зямля, што датуль пуставала, зусім неўрадлівая была. Людзі ўсё прыбралі. Распрацавалі, ўгнаілі, засеялі. І, можа, не адразу, але зямля сапраўды пачала аддзячваць за клопат. На штогадовыя суботнікі ўвесну тады выходзілі ўсе – ад малых да старых. Дружна грэблі, падмяталі, наводзілі чысціню вакол шматпавярхоўкі…

 

Добра памятаю градкі воддаль дома, якія хтосьці вымераў і пазначыў калкамі. Аднолькавыя акуратныя надзелы. Іх выдзелілі жыхарам дома № 97. Вось толькі цяпер не скажу, хто. Але размечаны яны былі ў адпаведнасці з нумарамі кватэр. Гэтак жа, як і падвальныя памяшканні.

Праіснавалі градкі некалькі гадоў. Затым на месцы некаторых паўстаў… калі правільна запомніла, пажарны рэзервуар. Карацей, вялікі насып, які хутка зарос травой, а затым і дрэўцамі. Іх спілавалі сёлета ў красавіку. А некалькі гадоў таму зааралі і засеялі травою астатнія градкі. Мяркуемы газон зарастаў хутка. Касілі яго рэдка. А зараз праз яго пралягае сцежка і цэлая стыхійная дарога для машын. Абсталяванай аўтастаянкі там няма таксама.

 

Мікрараён Барыкіна: учора, сёння, заўтра


Для жыхароў дома № 97 «святлом у акне» засталіся градкі з боку шматпавярхоўкі і за ёй. Таму калі сёлета ўвесну ля пад’ездаў з’явіліся аб’явы камунгаса – пад пагрозай штрафу іх не засяваць, — народ узварухнуўся. Гэтак жа, як і жыхары дамоў №№ 99 і 101. А што датычыцца № 103, то градкі за ім зааралі і засеялі травой яшчэ раней.

 

Сваім пунктам гледжання па добраўпарадкаванню тэрыторыі і планамі падзяліўся падчас рэспубліканскага суботніка дырэктар УП «Чэрвеньская ЖКГ» Ігар Навіцкі:

– Наша абласное ўпраўленне патрабуе навядзення парадку і на дваровых тэрыторыях. Таму мы вырашылі пачаць найперш з Барыкіна – з тэрыторыі паміж дамамі №№ 99, 101, 103, 97. Запрашаем з абласнога ўпраўлення дызайнераў, каб яны дапамаглі ўсё спланаваць. Канешне, не штосьці там звышнатуральнае… З выкарыстаннем тых асаблівасцяў, якія ўжо ёсць. Каб было прыгожа і добра, так, як належыць. Машыны на зялёнай зоне стаяць не павінны. Таму, зразумела, дзесьці тут трэба абсталёўваць аўтастаянку. Над гэтым таксама трэба думаць. Тэрыторыя вакол дамоў належыць ЖКГ. І нягледзячы на наяўнасць градак, мы будзем настойваць на вызваленні ад іх як мінімум 5-метровай зоны – для праезду ў выпадку неабходнасці спецтэхнікі…

Зрэшты, удакладненне пра 5-метровую зону было зроблена крыху пазней – падчас агульнага сходу жыхароў згаданых дамоў.

Мікрараён Барыкіна: учора, сёння, заўтра


На ім прысутнічаў не толькі дырэктар камунгаса Ігар Навіцкі, але і іншыя адказныя асобы – старшыня раённага Савета дэпутатаў Валянціна Тарасік, галоўны санітарны ўрач раёна Мікалай Лойка, начальнік аддзела ЖКГ райвыканкама Алена Новікава, начальнік аддзела будаўніцтва і архітэктуры Уладзімір Ніціеўскі…

 

Размова атрымалася эмацыянальнай. Асобных адказных асобаў запрашалі агледзець тэрыторыю, каб вырашыць на месцы, ці ёсць магчымасць пакінуць людзям градкі хаця б часткова…

Тлумачыць старшыня раённага Савета дэпутатаў Валянціна Тарасік:

 

Мікрараён Барыкіна: учора, сёння, заўтра


– Увогуле, градак у горадзе быць не павінна. Але ўсё ж мы ідзём людзям насустрач. Бо шмат у каго насамрэч няма больш нідзе зямлі, а зеляніну мець хочацца. Напачатку камунгас настойваў на поўным заворванні градак. Але мы прыслухоўваемся і да просьбаў людзей. Цяпер размова ідзе пра вольную пяціметровую зону вакол шматпавярховак – для праезду ў выпадку неабходнасці спецтэхнікі. Там  не павінна быць ніякіх цяпліц, кустоў, дрэў… І калі яна будзе засеяна, а машынам спатрэбіцца праехаць… Давядзецца ехаць па пасадках. Што датычыцца астатніх градак, то дамова такая: поўны парадак на працягу ўсяго сезону. Своечасовыя засяванне, уборка, праполка…  Калі за гэты час выявіцца хаця б адна незасеяная градка альбо зараснікі, смецце, то ўся тэрыторыя, на якой знаходзяцца грады, будзе заарана… Пакуль вырашаем вось так… А далей – згодна праекта УП «Чэрвеньская ЖКГ»…

 

Відавочна, што жыхарам шматпавярховак цяпер трэба больш старанна і адказна ставіцца да захавання парадку на прылеглай тэрыторыі. І зноўку ўспомніць, што такое суботнікі, на якія выходзяць усе – ад малых да старых. Ну, і яшчэ прыгадаць элементарнае: чыста не там, дзе прыбіраюць, а там, дзе не смецяць…

Святлана АДАМОВІЧ.  Фота аўтара

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Сколько лет в веке? (ответ числом)

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Червеня

Минский областной суд оставил в силе приговор директору Червенского дома-интерната

Хотите узнать больше? 20 ноября Минский областной суд отклонил кассационную жалобу директора Червенского дома-интерната. Владимир Семижон был признан виновным в нарушении 673

1 декабря будет ограничено движение на трассе М-4 Минск — Могилев

Хотите узнать больше?  1 декабря на 46 км автодороги М-4 Минск — Могилев вблизи деревни Карпиловка (Червенский район) будет проводиться следственный эксперимент. Как 357

Среди добрых и заботливых определили лучших

Хотите узнать больше? Прошёл конкурс профессионального мастерства работников ГУ «Червенский территориальный центр социального обслуживания населения».  С 2010   он стал 464

С 13 по 28 ноября в Червенском районе проходит республиканская акция «Не прожигай свою жизнь!»

Хотите узнать больше? Основная задача — привлечь внимание как можно большего числа людей к проблеме возникновения пожаров по причине неосторожности при курении и заставить 379

График приёма граждан и «прямые линии»

Хотите узнать больше? 24 ноября с 10.00 до 12.00 в райисполкоме будет принимать граждан Министр иностранных дел Республики Беларусь В.В.Макей по вопросам, отнесенным к 436

Свята на вясковай вуліцы

Хотите узнать больше? У пахмурны і дажджлівы суботні дзень наваколле Цэнтра культуры і адпачынку ў Чэрвені расквеціў рознакаляровымі фарбамі раённы фестываль-кірмаш 423

15 лістапада — Дзень работнікаў сельскай гаспадаркі і перапрацоўчай прамысловасці АПК

Хотите узнать больше? Уважаемые труженики агропромышленного комплекса Червенского района! Примите искренние, сердечные поздравления в связи с профессиональным праздником — 425

С 13 по 28 ноября в Червенском районе пройдет республиканская акция «Не прожигай свою жизнь!»

Хотите узнать больше? Основная задача — привлечь внимание как можно большего числа людей к проблеме возникновения пожаров по причине неосторожности при курении и заставить 396