Закрыть

Выберите свой город

Закрыть

У пошуках электрычнасці

У пошуках электрычнасці

Гісторыі пра знікненне святла ў хаце альбо кватэры і доўгія пошукі адпаведнага спецыяліста даводзіцца выслухоўваць даволі часта. Мабыць, у пераважнай колькасці жыхароў Чэрвеньшчыны хаця б раз у жыцці ўзнікала такая сітуацыя. Асабіста мяне звычайна выратоўваюць (па-іншаму гэта і не назавеш) нумары тэлефонаў знаёмых электрыкаў, запісаныя ў памяці мабільнага. Некалькі разоў аднаўляў святло адпаведны спецыяліст з Чэрвеньскага камунгаса. А што рабіць вяскоўцам, калі раптам электрычнасць згасла і прычына знаходзіцца ўнутры памяшкання? Вось тут і пачынаюцца «хаджэнні па пакутах». Пра свае распавяла ў лісце наша чытачка з в.Стары Пруд Алена Васільеўна Лойка:tc «Гісторыі пра знікненне святла ў хаце альбо кватэры і доўгія пошукі адпаведнага спецыяліста даводзіцца выслухоўваць даволі часта. Мабыць, у пераважнай колькасці жыхароў Чэрвеньшчыны хаця б раз у жыцці ўзнікала такая сітуацыя. Асабіста мяне звычайна выратоўваюць (па-іншаму гэта і не назавеш) нумары тэлефонаў знаёмых электрыкаў, запісаныя ў памяці мабільнага. Некалькі разоў аднаўляў святло адпаведны спецыяліст з Чэрвеньскага камунгаса. А што рабіць вяскоўцам, калі раптам электрычнасць згасла і прычына знаходзіцца ўнутры памяшкання? Вось тут і пачынаюцца »хаджэнні па пакутах». Пра свае распавяла ў лісце наша чытачка з в.Стары Пруд Алена Васільеўна Лойка:»

«29 чэрвеня ў маім доме знікла святло. Я пачала шукаць дапамогі. Патэлефанавала начальніку Чэрвеньскага РЭС, але яго на месцы не застала. Праўда, назаўтра прыехалі адтуль два чалавекі. У дом не заходзілі. Паглядзелі на правады, якія ўваходзяць у адну трубу пад дахам, і сабраліся ад’язджаць. Я іх прашу: знайдзіце прычыну, чаму няма святла. Яны адказалі, што сваю працу зрабілі, а ўнутры будынка, маўляў, рамонтам не займаюцца. Тады я папрасіла ў іх нумар тэлефона таго, да каго можна звярнуцца. Патэлефанавала ў «Электрык-сервіс», аддзел збыту Чэрвеньскага РЭС, Энерганагляд, Чэрвеньскую ЖКГ… Гэта заняло паўдня. І ў райвыканкам звярталася. Але так нічога і не дабілася…

Тады вырашыла патэлефанаваць у Калодзежскі сельвыканкам. Выслухала мяне сакратар, узяла нумар тэлефона і сказала: «Вам пазвоняць». І праўда, патэлефанавала старшыня сельвыканкама Людміла Пасудзеўская. Яна сказала, што дамовілася з начальнікам Іванаўскага лесапункта Мікалаем Галалобам, каб ён накіраваў у вёску электрыка. Першага ліпеня пасля працы да мяне завітаў Андрэй і адрамантаваў святло. Сардэчна дзякую яму, Людміле Пасудзеўскай, Мікалаю Галалобу за клопат і дапамогу!

А яшчэ, карыстаючыся выпадкам, хачу падзякаваць Наташы (прозвішча, на жаль, не ведаю) з в.Красны Дар за яе чулае сэрца. Аднойчы я набірала ваду са студні. Яна ўбачыла, што мне, 77-гадовай, цяжка выцягваць вядро. Падскочыла, выцягнула і прынесла ваду ў дом. Было гэта а дзявятай гадзіне вечара. Я спыталася, адкуль яна і як завуць, прапанавала пераначаваць у мяне. Але Наташа адмовілася, сказала, што яе чакаюць дома, і пайшла…

Дык вось пабольш бы было такіх неабыякавых, як Наташа, Людміла, Мікалай, Андрэй! Людзі, дарыце адно аднаму пабольш дабрыні і цеплыні, бо жыццё чалавечае такое кароткае…»

А сапраўды, куды звяртацца жыхарам Чэрвеньшчыны, калі згасла святло? Як атрымалася высветліць, такога віду рамонтныя работы выконваюць прыватнае будаўнічае ўнітарнае прадпрыемства «Электрык-сервіс» (тэл. 55-6-55, 55-3-28), а таксама (пры спрыяльным збегу абставінаў) ІП Лысы (Аляксандр Васільевіч Лысы, тэл. (8-029) 640-96-84 (Вэлком), (8-033) 334-07-49 (МТС). Паслугі, зразумела, платныя. Да таго ж, трэба ўлічыць немалыя выдаткі на бензін электрыка, які выязджае да заказчыка… Магчыма, камусьці такая паслуга падасца дарагой… Дарэчы, у такой сітуацыі апынулася і аўтарка гэтага ліста.  Мо, ёсць і іншыя спецыялісты. Будзем удзячны, калі адгукняцеся, паведаміце свае каардынаты. Не ў якасці рэкламы, а ў дапамогу. Бо такія паслугі насамрэч запатрабаваныя… Асабліва, калі праблемы ўзнікаюць увечары альбо ў выхадныя… І калі без «лямпачкі Ільіча», камп’ютара, электрачайніка, электраводанагравальніка і г.д. можна сяк-так пратрымацца, дык халадзільнік доўга цярпець у чаканні жаданай электрычнасці не зможа… А паколькі ў ім марозяцца ўжо ягады ды іншыя нарыхтоўкі на зіму, доўгая адсутнасць святла прынясе шмат стратаў…

Пацікавіліся мы і паслугамі электрыка Чэрвеньскай ЖКГ. Вось што распавёў галоўны інжынер Віктар Гурыновіч:

– Усе электратэхнічныя работы да шчытка ў дамах, якія знаходзяцца на абслугоўванні ў камунгасе, выконваюцца бясплатна.  Платныя паслугі пачынаюцца з рамонту ўводных аўтаматаў ці іх замены (альбо пакетнікаў – там, дзе пробкі яшчэ не заменены на аўтаматы). Усе паслугі па рамонту электрычнасці ўнутры дома альбо кватэры (незалежна ад таго, прыватызаваныя яны ці не) таксама платныя. У дамах, якія не знаходзяцца на нашым абслугоўванні, усе электратэхнічныя работы платныя – і да шчытка, і пасля. Заяўкі прымаюцца кругласутачна па тэлефоне дыспетчарскай 5-55-88. Час працы электрыка – з 8 да 17 гадзін.

Святлана АДАМОВІЧ

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц лета?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Червеня

Минский областной суд оставил в силе приговор директору Червенского дома-интерната

Хотите узнать больше? 20 ноября Минский областной суд отклонил кассационную жалобу директора Червенского дома-интерната. Владимир Семижон был признан виновным в нарушении 666

1 декабря будет ограничено движение на трассе М-4 Минск — Могилев

Хотите узнать больше?  1 декабря на 46 км автодороги М-4 Минск — Могилев вблизи деревни Карпиловка (Червенский район) будет проводиться следственный эксперимент. Как 354

Среди добрых и заботливых определили лучших

Хотите узнать больше? Прошёл конкурс профессионального мастерства работников ГУ «Червенский территориальный центр социального обслуживания населения».  С 2010   он стал 461

С 13 по 28 ноября в Червенском районе проходит республиканская акция «Не прожигай свою жизнь!»

Хотите узнать больше? Основная задача — привлечь внимание как можно большего числа людей к проблеме возникновения пожаров по причине неосторожности при курении и заставить 376

График приёма граждан и «прямые линии»

Хотите узнать больше? 24 ноября с 10.00 до 12.00 в райисполкоме будет принимать граждан Министр иностранных дел Республики Беларусь В.В.Макей по вопросам, отнесенным к 434

Свята на вясковай вуліцы

Хотите узнать больше? У пахмурны і дажджлівы суботні дзень наваколле Цэнтра культуры і адпачынку ў Чэрвені расквеціў рознакаляровымі фарбамі раённы фестываль-кірмаш 421

15 лістапада — Дзень работнікаў сельскай гаспадаркі і перапрацоўчай прамысловасці АПК

Хотите узнать больше? Уважаемые труженики агропромышленного комплекса Червенского района! Примите искренние, сердечные поздравления в связи с профессиональным праздником — 424

С 13 по 28 ноября в Червенском районе пройдет республиканская акция «Не прожигай свою жизнь!»

Хотите узнать больше? Основная задача — привлечь внимание как можно большего числа людей к проблеме возникновения пожаров по причине неосторожности при курении и заставить 396