Закрыть

Выберите свой город

Закрыть

Цудоўныя педагогі, клапатлівыя дочкі, мілыя матулі і любыя жонкі

Калі гавораць, што вёска прыгожая, то я адразу ўяўляю, што там жывуць прыгожыя людзі — прыгожыя душой, сэрцам і добрымі справамі. Пра такіх людзей я і хачу распавесці на старонках раённай газеты.

Раваніцкая сярэдняя школа. Кабінет намеснікаў дырэктара па вучэбнай і выхаваўчай рабоце. Тут шчыруюць дзве Наталлі — Аляксандраўна і Васільеўна. Стройныя, абаяльныя, таленавітыя, ініцыятыўныя, з моднымі стрыжкамі, па-сучаснаму апранутыя. Дзверы іх кабінета амаль не закрываюцца, тут заўсёды людна. Завучы атуляюць увагай і цеплынёй кожнага, хто пераступае парог іх кабінета.

Актыўная жыццёвая пазіцыя дапамагае ім у справах  — натхніць калег на мерапрыемствы, вырашыць праблемныя пытанні, штосьці арганізаваць. Іх дні праходзяць у клопатах аб школе, яны радуюцца дасягненням вучняў, поспехам настаўнікаў. І ў той жа час іх сэрцы сціскае боль за лёсы дзяцей ў  нерадзівых сем’ях.

Наталля Васільеўна і Наталля Аляксандраўна не толькі цудоўныя педагогі, яны яшчэ і клапатлівыя дочкі, і мілыя матулі, і любыя жонкі.

Наталля Васільеўна ЛАГОЦІНА — намеснік дырэктара па выхаваўчай рабоце. Добразычлівая, душэўная, яна надзелена ўнікальным дарам прыцягваць да сябе людзей, ад яе вее спакоем. Яна якраз з тых жанчын, што выпраменьваюць не толькі цяпло, але і святло.

Наталля Васільеўна — мая былая вучаніца. Чым толькі не займалася яна ў школьныя гады: і малявала цудоўна (гэта, мабыць перадалося ад бацькі, Васіля Антонавіча), і спявала ( а гэта ўжо ад маці, Надзеі Пятроўны), і ўдзельнічала ў драмгуртку (і цяпер памятаю, як цудоўна яна выканала ролю Паўлінкі), і старанна вучылася. Марыла стаць настаўніцай. Закончыла Мінскі педінстытут і вярнулася працаваць у родную школу. Усё ладзілася ў маладой настаўніцы. І калі прыйшоў час майму малодшаму сыну ісці ў школу, я з вялікай радасцю прывяла яго да Наталлі Васільеўны.

Як завуч, я часта наведвала ўрокі гэтай настаўніцы, бо гэта былі ўрокі чалавечнасці і дабрыні.

У 2002 годзе Наталля Васільеўна стала пераможцай раённага конкурсу “Настаўнік года”. Яе праца неаднаразова адзначалася Ганаровымі граматамі. Яна ўдзельнічае ў раённых і абласных конкурсах па краязнаўству, цікавіцца метадычнымі навінкамі. Зараз выкладае беларускую мову і літаратуру.

Менавіта тут, у роднай вёсцы, яна сустрэла сваё сапраўднае каханне, і зараз у сям’і Наталлі Васільеўны і Дзмітрыя Уладзіміравіча растуць добрыя дзеці — Даша і Мікіта. Даша — старанная студэнтка другога курса Мінскага педінстытута, займаецца на аддзяленні лагапедыі. Яна такая ж таленавітая, як і яе мама. Даша наведвае курсы сурдаперакладчыкаў, займаецца ў танцавальным гуртку. Але галоўнае яе захапленне — гэта вышыванне крыжыкам. Яна стварае цудоўныя карціны ніткамі. Выстава яе работ ладзілася ў канцы мінулага года ў Раваніцкім СДК пад назвай “Дзівосы мясцовых майстроў”, яе карціны ўпрыгожваюць і пакоі ў доме.

Сын Мікіта яшчэ вучыцца ў сёмым класе.

У Вольны час Наталля Васільеўна займаецца развядзеннем кветак. А якая яна цудоўная кулінарка! Яе жэле, тарты — сапраўдныя шэдэўры (ведаю, бо спрабавала на смак)! Вось праўду кажуць, што калі чалавек таленавіты, дык таленавіты ва ўсім.

Неяк я спытала ў Наталлі Васільеўны: “У чым Ваша шчасце?” У адказ пачула: “Маё шчасце — у цяперашнім”. І сапраўды,  прытрымліваючыся свайго жыццёвага прынцыпу, яна даражыць тым, што мае сёння (сям’я, бацькі, любімая работа, стасункі з калегамі і вучнямі) і знаходзіць радасць у кожным новым дні.

Наталля Аляксандраўна ФАШЧЭНКА — намеснік дырэктара па вучэбнай рабоце. Праца сур’ёзная, крапатлівая, але ў Наталлі Аляксандраўны ўсё так ладна і добра атрымліваецца, што не верыцца ў магчымасць якіх-небудзь памылак. Яе акуратнасці ў рабоце з дакументамі можа пазайздросціць кожны.

У нашай школе яна працуе з 2000 года настаўніцай біялогіі. Наталля Аляксандраўна адразу праявіла сябе адказным, дысцыплінаваным настаўнікам. Тактычная, патрабавальная, улюбёная ў сваю прафесію, яна мае свой  асаблівы тонкі далікатны падыход да кожнага настаўніка. Наталля Аляксандраўна ніколі не адмаўляецца ад магчымасці наведаць любыя курсы, бо разумее, што яны даюць настаўніку развіццё. Яе праца адзначана Ганаровымі граматамі.

З Наталляй Аляксандраўнай заўсёды ёсць аб чым пагутарыць, падзяліцца набалелым і адчуць пры гэтым шчырую, непадробную цікавасць да твайго жыцця.

У яе шмат сяброў і знаёмых, радні, і ўсіх яна паспявае атуліць сваёй цеплынёй і ўвагай. Як   радушная гаспадыня, яна любіць прымаць гасцей, частаваць хатнімі нарыхтоўкамі. А ў вольны час займаецца кветкамі Увесь двор патанае ў звычайных і незвычайных кветках — гэта проста квітнеючы луг!

У сям’і Наталлі Аляксандраўны і мужа Вячаслава  Уладзіміравіча  растуць дзве цудоўныя дачушкі: Яна і Ксенія. Яна вучыцца на трэцім курсе Мінскага педінстытута, аддзяленне лагапедыі. І, канешне ж, бацькі жывуць клопатамі, вучобай сваёй дачушкі-студэнткі. Ксенія, малодшая дачка, — вучаніца сёмага класа, гонар школы, пастаянная вядучая школьных мерапрыемстваў. І ніводнае свята не абыходзіцца без яе песень. Неаднаразова абараняла гонар школы на  раённых конкурсах-аглядах мастацкай самадзейнасці  сярод салістаў (дарэчы, сёлета заняла першае месца), удзельнічала і ў абласным конкурсе.  Яшчэ адно вялікае захапленне Ксеніі — гэта бісерапляценне. Яе работы былі прадстаўлены ў горадзе Чэрвені на раённым конкурсе дзіцячай творчасці, а таксама праходзіла летась выстава яе работ “Дзівосы мясцовых майстроў” у Раваніцкім сельскім Доме культуры.

Паняцце шчасця для Наталлі Аляксандраўны — гэта калі здаровыя ўсе ў сям’і. А яшчэ — ўзаемаразуменне з аднадумцамі.: “Мне пашанцавала, кажа Наталля Аляксандраўна, — бо акружаюць ў рабоце выдатныя калегі. Мы захоплены любімай работай, творчымі ідэямі”.

Вось такія яны, нашы завучы, простыя і велічныя, як само жыццё.

Менавіта на гэткіх талковых людзях,  цудоўных захавальніцах сямейнага ачага і трымаецца наша зямля.

Паважаныя Наталля Васільеўна і Наталля Аляксандраўна! Віншую вас са святам 8 Сакавіка. Жадаю творчай плённай працы, шмат зямных радасцей і даброт. Няхай вакол вас заўсёды гучыць толькі светлая музыка жыцця.

Тамара Ігнатовіч, былая настаўніца

беларускай мовы і літаратуры

Раваніцкай сярэдняй школы

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: 24 часа это - ?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Червеня

Минский областной суд оставил в силе приговор директору Червенского дома-интерната

Хотите узнать больше? 20 ноября Минский областной суд отклонил кассационную жалобу директора Червенского дома-интерната. Владимир Семижон был признан виновным в нарушении 659

1 декабря будет ограничено движение на трассе М-4 Минск — Могилев

Хотите узнать больше?  1 декабря на 46 км автодороги М-4 Минск — Могилев вблизи деревни Карпиловка (Червенский район) будет проводиться следственный эксперимент. Как 350

Среди добрых и заботливых определили лучших

Хотите узнать больше? Прошёл конкурс профессионального мастерства работников ГУ «Червенский территориальный центр социального обслуживания населения».  С 2010   он стал 459

С 13 по 28 ноября в Червенском районе проходит республиканская акция «Не прожигай свою жизнь!»

Хотите узнать больше? Основная задача — привлечь внимание как можно большего числа людей к проблеме возникновения пожаров по причине неосторожности при курении и заставить 374

График приёма граждан и «прямые линии»

Хотите узнать больше? 24 ноября с 10.00 до 12.00 в райисполкоме будет принимать граждан Министр иностранных дел Республики Беларусь В.В.Макей по вопросам, отнесенным к 431

Свята на вясковай вуліцы

Хотите узнать больше? У пахмурны і дажджлівы суботні дзень наваколле Цэнтра культуры і адпачынку ў Чэрвені расквеціў рознакаляровымі фарбамі раённы фестываль-кірмаш 420

15 лістапада — Дзень работнікаў сельскай гаспадаркі і перапрацоўчай прамысловасці АПК

Хотите узнать больше? Уважаемые труженики агропромышленного комплекса Червенского района! Примите искренние, сердечные поздравления в связи с профессиональным праздником — 422

С 13 по 28 ноября в Червенском районе пройдет республиканская акция «Не прожигай свою жизнь!»

Хотите узнать больше? Основная задача — привлечь внимание как можно большего числа людей к проблеме возникновения пожаров по причине неосторожности при курении и заставить 394