Закрыть

Выберите свой город

Закрыть

ДУША БІБЛІЯТЭКАРА – У КНІГАХ, ДЗЕЦЯХ, КВЕТКАХ…

У Смілавіцкай гарпасялковай бібліятэцы №2 – дзіцячай – надзвычай утульна. Заходзіш сюды – і адчуваеш, як на душы робіцца добра, спакойна і прыемна. Спрыяюць жа гэтаму шматлікія стэлажы з кнігамі з адпаведным афармленнем, невялікі памер бібліятэчнага пакоя, адмысловыя выставы з вырабаў сваімі рукамі, сярод якіх вылучаецца стылізаваны акварыум… А яшчэ – шматлікія пакаёвыя расліны, асабліва – фіялкі, усе ў квецені. Але самае галоўнае – гэта, вядома ж, воблік гаспадыні кніжнага багацця і кветкавага хараства – надзвычай прывабнай, абаяльнай, добрай, спакойнай, ураўнаважанай, гасціннай Тамары Мікалаеўны Галубіцкай.

ДУША БІБЛІЯТЭКАРА – У КНІГАХ, ДЗЕЦЯХ, КВЕТКАХ…

Яна адразу ж выклікае давер. Відавочна, умее абыходзіцца з дзецьмі, зацікаўлівае іх. Недарэмна ў яе бібліятэцы – 800 чытачоў. Сюды прыходзяць не толькі вучні розных узростаў, але і дашкольнікі – з бацькамі і ў групах дзіцячых садкоў. Самыя актыўныя і адметныя юныя наведвальнікі, якія чымсьці вылучаюцца, сфатаграфаваны, а здымкі змешчаны ў фотаальбом «Нашы чытачы». Па словах бібліятэкаркі, дзеці вельмі любяць яго разглядаць, і асабліва – знаходзіць там сябе. Ну, а мы з Тамарай Мікалаеўнай гутарым найперш пра тое, як знайшла сябе яна – у прафесіі бібліятэкара.

Ураджэнка Хоцімска, Тамара напачатку хацела вывучыцца за медсястру. І нават паступіла ў Магілёўскае медвучылішча – пасля выдатнага заканчэння школы. Але затым па шэрагу абставінаў вырашыла падаць дакументы ў Магілёўскі бібліятэчны тэхнікум, паколькі чытаць любіла з дзяцінства.

Там таксама вучылася добра, на размеркаванні ішла другой. Яны з сяброўкай марылі паехаць на працу ў Маладзечна – маўляў, горад малады і цікавы. Але, як гэта часта бывае, месцаў там не знайшлося. Тады будучы малады спецыяліст пажадала вярнуцца дахаты. Але і ў Хоцімску бібліятэкараў не патрабавалася.

Затое замаўлялі такога спецыяліста ў г.п.Смілавічы. Пра гэты населены пункт Тамара і не чула нават! Паглядзела на карце. А тут і дырэктар тэхнікума пачаў угаворваць – ля трасы Мінск-Магілёў, ездзіць зручна…

І вось з 1981 года Тамара Мікалаеўна жыве і працуе ў Смілавічах. Праўда, першае яе месца працы – не гарпасялковая бібліятэка, а тагачасны зоаветтэхнікум (сучасны аграрны каледж). У ім Тамара Галубіцкая рабіла да 2007 года. А па прыездзе ў Смілавічы і ў Інстытут культуры на наступны год паступіла, і замуж выйшла. Словам, так у Смілавічах і засталася. А калі ў гарпасялковай дзіцячай бібліятэцы вызвалялася месца, перайшла сюды. І з таго часу побач з ёй мяняюцца маладыя спецыялісты (з цяперашняй яе калегай мы не сустрэліся, бо тая прыхварэла), яна ж – застаецца.

– Ведаеце, вельмі задаволена, – прызнаецца шчыра. – Тут атрымліваю ад стасункаў з дзецьмі толькі станоўчыя эмоцыі. Куточак утульны. Што можна, зрабіла. Так і працуем. Вядзём два аб’яднанні па інтарэсах – «Медунічка» і «Цікавічок». Я працую з сябрамі «Медунічкі», вучнямі трэціх-чацвёртых класаў. Гэта – самыя ўдзячныя чытачы. Яны заўсёды тут, у нас. Ну, а старэйшыя прыходзяць па меры неабходнасці. Праводзім мерапрыемствы і для цэлых класаў. Асабліва шмат дзяцей прыводзяць да нас на вакацыях, калі ў мясцовых школах працуюць аздараўленчыя лагеры.

Апрача кніжак, дзецям, відавочна, цікавыя шматлікія вырабы сваімі рукамі, якія запаўняюць некалькі паліц. Гэта, тлумачыць Тамара Мікалаеўна, дарылі дарослыя, якія захапляюцца творчасцю. А стылізаваны акварыум прыдуманы ёю пасля паездак на мора.

І, вядома, усіх наведвальнікаў чаруюць пакаёвыя расліны. Звяртае на сябе ўвагу не толькі іх шматлікасць, але і знешні выгляд – сакавітая зялёная лістота, вялікія яркія кветкі…  Адразу бачна, што вырошчвае іх Тамара Галубіцкая з вялікай любоў і пяшчотай.

– Я вельмі люблю кветкі! – пацвярджае. – У мяне іх шмат дома, асабліва – фіялак.  Увогуле, захапленне кветкамі ў мяне ад мамы. Але яно не адразу праявілася, а з гадамі. У нас з’явілася дача, дзе можна займацца развядзеннем вулічных раслін. Мы жывём у кватэры, але клумбы ля дома саджу таксама я, мне падабаецца. Кветкі даюць мне якісьці супакой…

Ну, а яго, у сваю чаргу, і адчуваюць юныя наведвальнікі бібліятэкі. Чытаюць тут ахвотна, і гэта радуе…

Святлана АДАМОВІЧ

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц весны?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Червеня

Минский областной суд оставил в силе приговор директору Червенского дома-интерната

Хотите узнать больше? 20 ноября Минский областной суд отклонил кассационную жалобу директора Червенского дома-интерната. Владимир Семижон был признан виновным в нарушении 661

1 декабря будет ограничено движение на трассе М-4 Минск — Могилев

Хотите узнать больше?  1 декабря на 46 км автодороги М-4 Минск — Могилев вблизи деревни Карпиловка (Червенский район) будет проводиться следственный эксперимент. Как 350

Среди добрых и заботливых определили лучших

Хотите узнать больше? Прошёл конкурс профессионального мастерства работников ГУ «Червенский территориальный центр социального обслуживания населения».  С 2010   он стал 459

С 13 по 28 ноября в Червенском районе проходит республиканская акция «Не прожигай свою жизнь!»

Хотите узнать больше? Основная задача — привлечь внимание как можно большего числа людей к проблеме возникновения пожаров по причине неосторожности при курении и заставить 374

График приёма граждан и «прямые линии»

Хотите узнать больше? 24 ноября с 10.00 до 12.00 в райисполкоме будет принимать граждан Министр иностранных дел Республики Беларусь В.В.Макей по вопросам, отнесенным к 432

Свята на вясковай вуліцы

Хотите узнать больше? У пахмурны і дажджлівы суботні дзень наваколле Цэнтра культуры і адпачынку ў Чэрвені расквеціў рознакаляровымі фарбамі раённы фестываль-кірмаш 420

15 лістапада — Дзень работнікаў сельскай гаспадаркі і перапрацоўчай прамысловасці АПК

Хотите узнать больше? Уважаемые труженики агропромышленного комплекса Червенского района! Примите искренние, сердечные поздравления в связи с профессиональным праздником — 422

С 13 по 28 ноября в Червенском районе пройдет республиканская акция «Не прожигай свою жизнь!»

Хотите узнать больше? Основная задача — привлечь внимание как можно большего числа людей к проблеме возникновения пожаров по причине неосторожности при курении и заставить 394